#شعر ترکی #شهادت حضرت زهرا سلام الله علیها
#ماتم سرا ائدوب ائوی هجرانون آی ننه
🍁▪️▪️✨🍁▪️▪️✨
ماتم سرا ائدوب ائوی هجرانون آی ننه
داغلور ئورکلری غم سوزانون آی ننه
یوخدور آچوب یانان قاپووی یاسووه گلن
یاس ساخلیوب سنه بو یتیمانون آی ننه
اولسون قسم حسینووه ئولّم دوزنمرم
بی رونق اولسا شام غریبانون آی ننه
تزتز حسن باخور قاپیا قلبیم اودلانور
شاید دئیور گله بیزه مهمانون آی ننه
هئچ گلمسون مدینه لیلر، ئولمیوب قیزون
اولّم ئوزوم عزالی نواخوانون آی ننه
قارداشلاریملا ،باش باشا وئرم من آغلارام
تا گرم اولا بو بزم پریشانون آی ننه
یوخسان بورا گلوب گوره سن نیلیور قیزون
اوتلور جهانی زینب نالانون آی ننه
یانسون ئورکلری قاپووی یاندیرانلارون
قالمش هله یانان قاپیدا قانون آی ننه
چوخ محنتون حسینووه خاطر دیینمورم
واردور وگرنه درد فراوانون آی ننه
دائم گجه زمانی گلردی حزین سسون
اوتلاردی عالمی غم پنهانون آی ننه
دینجلدی قونشولار هاموسی راحت اولدیلار
اینجیتمز هئچ بیرین داخی افغانون آی ننه
#نوشته شده توسط#ابوالفضل عابدی پور
#شاعر:#فرهنگ خدایی
@rozeh_daftari1
4.6هزار دنبال‌کننده
3.4هزار عکس
2.5هزار ویدیو
329 فایل
بروزترین
کانال روضه دفتری👇 ایتا وتلگرام
••✾•🌿🌺🌿•✾••
@rozeh_daftari1
ارتباط با مدیران کانال👈
@msoghandi
@y_a_m_h 👈
مشاهده در ایتا