چون وارد اولدی عترت طاها مدینیه #ورود_مدینه 🥀🥀🏴🌿🥀🥀🏴🌿 ورود اهلبیت علیهم السلام به مدینه #مرحوم مضطر قفقازی . چون وارد اولدی عترت طاها مدینیه دوشدی صدای ناله و غوغا مدینیه . اهل مدینه قاطبتاً ایتدی پیشواز دولدی نوای شوریله چون صفحۀ حجاز . کرببلایه عزم ایدن عزّتلی کاروان ایلوب مراجعه نجه افسرده باغریقان . یوز قویدی اهلبیت پیمبر مزارینه جان تک او روضه نی هامی چکدی کنارینه . زینب فغانیله او زماندا گلوب دیله بیربیر جفای قوم عدودن ایدوب گله . عرض ایتدی جدّینه بابا ای جدّ تاجدار ایلوب بو امّتون بیزی بو نوعی خوار و زار . شام اهلی ایلدی بیزه چوخ ظلم بی حساب هر یرده شمر ایتدی بیزی خارجی خطاب . ظلم یزیدیدن ایدرم حشره تک فغان ووردی حسین لبلرینه چوب خیزران . جانیم گلوبدی تنگه جفای زمانه دن گور بیر نه نوعی صدمه یتوب تازیانه دن . قلبیم منیم جفائیله هر یرده داغلانوب زینب قولی طنابیله چوللرده باغلانوب . امّت ایچنده عترتون بابا جان اولمیوب عزیز بیر شامی شامیده قیزیوی ایستدی کنیز . ئولدی حسین داغیلدی اساس گیتدی سلسله سجاد اوغلون اولدی گرفتار سلسله . . . #ورود_مدینه #مضطر_قفقازی #چون_وارد_اولدی_عترت_طاها_مدینیه #ترکی

زمانه ایچره اولور دل شکسته ، زار ، غریب #رضویه 🌾🌾✨▪️🌾✨▪️ #خطاب به غربت سه امام بزرگوار #مرحوم مضطر قفقازی . زمانه ایچره اولور دل شکسته ، زار ، غریب همیشه غربت آرا خلق ایچنده خوار ، غریب . تفحص ایلین اولماز غریبون احوالین بلا و محنته دور مبتلا دچار ، غریب . دولاندیرار گوزینی جان ویرنده هر طرفه که تا تاپا اوزینه بلکه بیرجه یار غریب . اولاندا شام ، غریبون ملالی چوخ آرتار خزان عیش اگر مین اولا بهار غریب . غریبه فرشدی تپراق خشت بالینی غذاسی غصه دوا درد بیشمار غریب . دیار طوسه گذر ایله سن نظاره ایله نجد امام رضا جان ایدوب نثار غریب . ایدوبدی زهر جفا پاره پاره دور جگری قوری یر اوسته دوشوب یوخدی غمگسار ، غریب . نه اوغلی وار ، نه باجیسی نه محرم رازی وطندن آیری ایلیندن دوشوب کنار ، غریب . گوزین تیکوب قاپویه اوغلونون یولون گوزلر اوغول اوغول چاقیروب دائم انتظار ، غریب . اگر گذار دوشه سمت شهر بغداده سراغ دوتگله وار اوردا بیر مزار غریب . دیولّه آدینا موسی بن جعفر مظلوم قالوبدی گوشه زنداندا ، آہ و زار غریب . او محبس ایچره چکوب درد و غصه اون بیر ایل شهید زهر جفا اولدی دلفگار غریب . حسین فاطمه تک اولمیوب غریب هیچکس که اوچ گون اوچ گیجه دوشموشدی زخمدار غریب . کسو بدی باشینی لب تشنه شمر بداختر ووروبدی نوک جدایه اونابکار غریب . باخاردی حسرتیله اکبرین جنازه سینه علی اصغر و اول طفل شیرخوار ، غریب . نظر سالاردی علمدارینه گوروب قولسوز مثال سرو دوشوبدور او گلعذار غریب . گوروب خیام امامتده اهلبیت آغلار ووروبلار او دیانوری خیمه ، آشکار، غریب . بو اوچ غریبه عزا ساخلا (مضطرا) دائم که جان ویروبله قوری یرده اشکبار ، غریب . . . #رضویه #مضطر_قفقازی #رضویه_شهادت #کاظمیه_شهادت #حسینیه_شهادت #زمانه_ایچره_اولور_دل_شکسته_زار_غریب #ترکی