سید پیغمبری ماخلقین برتری #عسکریه
🍂🥀🍃🍂🥀🍃🍂🥀🍃
#یاحسن العسکری
#واصف مرندی
.
سید پیغمبری ماخلقین برتری
شیعه لرین رهبری یاحسن العسکری
.
.
اون بیریمینجی امام رهبر والا مقام
خیر عمل و نیک نام ناطق زیبا کلام
عرض ائدیریق السّلام سن آقاسان بیز غلام
اهل غمین یاوری یا حسن العسکری
.
.
سن شه فرخنده سن حقّه نماینده سن
باذل و بخشنده سن صالح عمل بنده سن
دائم پاینده سن ئولمه میسن زنده سن
ای دیلیمین ازبری یاحسن العسکری
.
.
آند اولا حق آدینه خانه ی آبادینه
مرد اودور فخر ائده جدّه و اجداینه
فخر ائله مهدی بالان مصطفوی آدینه
فاطمی و حیدری یاحسن العسکری
.
.
آل نبی نوریدی آدلاری مشهوریدی
مرد و سلحشوریدی خلقته منظوریدی
بیر یره جمع اولسالار نورعلی النّوریدی
آل علی زیوری یاحسن العسکری
.
.
سنده صفا گورموشم نور خدا گورموشم
لطف و عطا گورموشم جود و سخا گورموشم
یعنی ازلدن سیزی کامل آقا گورموشم
بیز قاپیوین نوکری یاحسن العسکری
.
.
ای خلف پنج تن واعظ شیرین سخن
سرسخن انجمن ممتحن بت شکن
حضرت مولای من فخر حسین و حسن
فاطمی حیدری یاحسن العسکری
.
.
دوشدی یولون غربته یاندی اورک حسرته
غصّه اولوب عترته ناله دوشوب خلقته
سس یتیشیب جنّته یاندیلا اول حضرته
اولدولا غم مضطری یا حسن العسکری
.
.
زهر اوجادیب دادیوی ناله و فریادیوی
دوغرادی اکبادیوی سسلدین اجدادیوی
قاره علم اوستونه یازدیلا تا آدیوی
غم بورؤدی گویلری یاحسن العسکری
.
.
زهر وئرنده عدو یاندی جگر تا گلو
ایستدین آهیله سو عالمی یاندیردی بو
مهدی فطرت نکو سو گتوروب بیر سبو
آخدی سرشک و تری یاحسن العسکری
.
.
.
#عسکریه #واصف_مرندی
#عسکریه_مدح #عسکریه_شهادت
#سید_پیغمبری_ما_خلقین_برتری
#ترکی
#والاترین مقامیوه قربان اولوم حسین
#قربان_اولوم_حسین
#واصف مرندی
🌿▪️🍃🌿▪️🍃🌿▪️🍃🌿
والاترین مقامیوه قربان اولوم حسین
شایسته احترامیوه قربان اولوم حسین
.
آلله یانیندا منزلت جاودانیوه
گوهر فشان کلامیوه قربان اولوم حسین
.
میدان کارزاریده شصت و شجاعتین
دشمن شکن حسامیوه قربان اولوم حسین
.
هیهات منّا ذلّه دیین قانلی لبلره
پندیه و پیامیوه قربان اولوم حسین
.
شهر عملده کوچه به کوچه قاپی قاپی
احسانیوه طعامیوه قربان اولوم حسین
.
قاره علملره قره کوینک گیینلره
بو دولت و نظامیوه قربان اولوم حسین
.
شهزاده قاسمه علی اکبر جوانیوه
سقای تشنه کامیوه قربان اولوم حسین
.
ششماهه شیر خواریه شش کوشه قبریده
بو عزّت مدامیوه قربان اولوم حسین
.
آخر وداعیده اورگی داغلی زینبه
اول غصّه لی سلامیوه قربان اولوم حسین
.
تلّه کیمین دالینجا قاچان نازدانیوه
اطفال بی دوامیوه قربان اولوم حسین
.
گودال قتلگاهیده باشسیز جنازه وه
غارت اولان خیامیوه قربان اولوم حسین
.
باشین جدایه چیخدی ولی ظلمه اگمدین
بو غیرت و مرامیوه قربان اولوم حسین
.
کربُ بلا و کوفه و شام و خرابه ده
زینب ادن قیامیوه قربان اولوم حسین
.
«واصف» بوشعر یازماقی «انوردن» اورگشیب
یاران عالی نامیوه قربان اولوم حسین
.
.
#حسینیه #واصف_مرندی #حسینیه_مدح #ترکی
@nohevarozechahardahmasomsoghandi