قرا گیوبدی فاطمه بو گون آتا عزاسینه #حسنیه #پیامبراسلام 🏴🌿▪️🏴🌿▪️🏴🌿▪️ #مصیبت حضرت زهرا سلام الله علیها در روز عزای حضرت خاتم الانبیاصل الله علیه وآله وسلم و امام حسن علیه السلام . #سبک ها 1- #سبک_الهی_دفن_ایدیم_نجه (با واگیر ) 2- #سبک_دل_شب_ایلیوب_سفر (4 سبک سینه و زنجیر – بدون واگیر) . حاج فرهاد فکری اردبیلی . قرا گیوبدی فاطمه بو گون آتا عزاسینه توکور سرشک چشمینی خانم حسن بالاسینه . واگیر: دیور اؤرکدن گهی آتام وای سولان دوداقی حسن بالام وای . . . ویروبدی قلبینه یارا پیمبرون بو محنتی نقدر اذیّت ایلیوب او باغریقانه امّتی سالوب توان و تابیدن اونی آتا مصیبتی یانور غریب آتاسینون بلا و مبتلاسینه . . . اسیر عشق یار اولان یقین بلانی آختارار همیشه محنت وبلا غم آشنانی آختارار یامان گونونده قزلارون گوزی آتانی آختارار همیشه سس وئرر آتا بالاسینون صداسینه . . . دیور غمونده آی بابا یانوب جهانی داغلارام منیم که یوخدی بیر کسیم عذاره اشکی باغلارام نه وار آتام نه قارداشیم ئوزوم سنه تک آغلارام گرکدی صبر ائده بلی مشیّت اقتضاسینه . . . سنون غمونده آی بابا اشدّ اولوب حسن غمی بُؤلوبدی اوچ پر اوخ کیمین بو شرحه شرحه سینه می خیانت ایلیوب اونا ائوینده یار و محرمی گرک یته او بی وفا جهاندا ئوز جزاسینه . . . توکوبدی زهری کوزیه او بدمرام و کینه جو اویاندی نصف شب حسن ایچوب بدون گفتگو جگرلرینی دوغرادی اود اولدی عاقبت بو سو جهانی آغلادار بالام بو غملی ماجراسینه . . . کیمون سولوب حسن کیمی جهاندا باغ و گلشنی او باوفانون هر زمان بو دردی آغلادار منی عیال بی مروّتی ائوینده اولدی دشمنی غریبدور بالام گرک گئدم همیشه یاسینه . . . دیم ائوینده دائماً غم و بلا چکن اوغول اؤرک سوزینی همسره آچوب دینمین اوغول مزاره قلبی غصّه لی جهانیدن گئدن اوغول قبول ائدن مصائبی همیشه حق رضاسینه . . . نقدری بو جهانیدن چاتوبدی ابتلا سنه قونوبدی زاغیلن زغن جفائیلن بو گلشنه سنون بو محنتون اوغول چوخ ایلیوب اثر منه گوروم که جُعده توش اولا جهاندا ئوز بلاسینه . . . نقدری پستیمیش اوغول او بی حیای فتنه گر محالیدور گوله یوزی اولار همیشه دربدر بو ظلم و بو جنایتین جزاسین عاقبت چکر قالوبدی مات و دیده تر هامی اونون جفاسینه . . . #پیامبراسلام_شهادت #حسنیه_شهادت #قرا_گیوبدی_فاطمه_بو_گون_آتا_عزاسینه #حسنیه #پیامبراسلام #فکری_اردبیلی #ترکی @nohevarozechahardahmasomsoghandi

گل باشیمون اوسته دم هجراندی عم اوغلی #پیامبراسلام 🏴🏴🏴🍁🏴🏴🏴 🏴🍁🏴#شهادت حضرت پیغمبرصل الله علیه وآله وسلم #مرحوم واقف سرابی . گل باشیمون اوسته دم هجراندی عم اوغلی پیغمبر رحمت سنه مهماندی عم اوغلی . . سندن صورا اجماع ایده جاق اهل سقیفه توهین ایده جاق اهل جفا دین حنیفه ناحق یره ایللَّه ابوبکری خلیفه صبر ایله بو قومین ایشی طغیاندی عم اوغلی . . حقّون ایلیوب غصب اوزیوه دورسالا صبر ایت جبریل دوران درگھی یاندیرسالا صبر ایت قمچیله قیزیم فاطمه نی وورسالا صبر ایت بو غائله بیر سرّدی پنهاندی عم اوغلی . . میراثیمه وارثدی منیم فاطمه مطلق غصب ایلیه جکلر بو قیزین حقّینی ناحق اعضاسی گوگرمیش اولاجاقدور منه ملحق مندن صورا احوالی پریشاندی عم اوغلی . . تبلیغ رسالتده نه چوخ چکدوم اذیت خالق منه تعیین ایلیوب اجر رسالت منده ایلدیم امّته بو نوع وصیت محشرده اونون شاهدی قرآندی عم اوغلی . . گلسون باشیم أوسته باشون آچسون حسنینم گورسونله دویونجا او ایکی قرة العینیم زهریله حسن جانویری تیغیله حسینیم باشسیز بدنی زینت میداندی عم اوغلی . . حفظ ایله حسینی اولونوب ثبت قضاده سو استه سوسوز دوغرویالار کرب و بلاده اوددان قوتاران امّتیمی روز جزاده لب تشنه بوغازیندان آخان قاندی عم اوغلی . . #پیامبراسلام #واقف_سرابی #پیامبراسلام_شهادت #گل_باشیمون_اوسته_دم_هجراندی_عم_اوغلی #ترکی

ز بس امت جفاسندن یتوبدور جانه پیغمبر #پیامبراسلام 🏴🍁✨🏴🍁✨🏴🍁✨ #شهادت حضرت رسول اکرم صل الله علیه واله وسلم #مرحوم وافی تبریزی . ز بس امت جفاسندن یتوبدور جانه پیغمبر ویروب جان اوز رضاسیله بوگون جانانه پیغمبر . . وجودی علت غائی اولان افلاکه خلقتده قویان اوز حسن خلقوندان های امکانی حیرتده ایله بدخلق لیق گوردی وفاسیز بیر جماعتده گوتوردی ال حیاتیندن دوزوب هجرانه پیغمبر . . سکوت محضیدی امر قضایه حضرت یاسین اوخوردی باشی اوستونده و صی سی سورۀ یاسین باخوب هر یانه دورینده گورردی یار و ارخاسین گینه حسرتله ایلردی نظر هر یانه پیغمبر . . او ساعت محضر حقدن یتشدی پیک رحمانی یتوردی قابض الأرواح ادبله امر سبحانی دیدی مشتاق وصلوندور حواریین رضوانی تیکوبلر گوز قدم رنجه قیلا ، رضوانه پیغمبر . . مطیع امریوم هر نه بویورسان ایلیوم طاعت دیسن آل روحیمی، آلّام بویورسان گیت به جان منّت بیوردی دویموشام جانه رضایم تیز اولام راحت ولی مشتاق مهلتدور بو نچه آنه پیغمبر . . امین روح أولا نازل گورم بو حال رحلتده ویره بیر مژده امّتدن منه بو نچّه ساعتده ویرم جان امّت عاصی غمینده استراحتده بولورسن امّتین دردین آلوب بو جانه پیغمبر . . گوروب بو عالمی زهرا گوتوردی اوزلقندان ال آچوب باشین یولوب زلفین لباسین چاک ایدوب اوّل او ساعت گوزلرین آچدی بویوردی احمد مرسل قیزیم صبر ایت رضا اولما دوتوب اود ، یانه ، پیغمبر . . بو ساعت جان ویرور جدّون یانندا قوم و قارداشی آچوب باش باشی اوستونده تمام اوز یار و یولداشی حسین تک نیزه باشیندا اوجالموب گون کیمی باشی کول اوسته میهمان اولموب قیزیم عدوانه پیغمبر . . حسینی نیله سن گورسن قالوب صد پاره اعضاسی قوم أوسته گون قباقینده کفنسیز جسم رعناسی قلجدور نیزه دور اوخدور سراپا قدّ زیباسی یارالی پیکری اوسته گلوب افغانه پیغمبر . . حسینون شعلۀ آهی یاخار اودلار ، نُه طاقی یارالی اوچ گیجه اوچ گون قوری یرلرده قالماقی نه ال نه باش نه پیراهن نه الده خوردا بارماقی روادور اود دوتا دلدن بو حاله یانه پیغمبر . . گرکدور قتلگاه ایچره دوتام شام غریبانین یاخام من خطّیمه سنده پریشان زلفوه قانین گلنده ساربان اولماز کسه بیر کیمسنه یانین او ظالم ایلین ظلمه گرک اودلانه پیغمبر . . بو قدری ایلمه «وافی» سوال حشردن وحشت یتر فریادوه روز جزا پیغمبر رحمت او قدری سعی ایله یازسون که کُتّاب حق أمّت یقین اؤز امّتین قویماز یانا نیرانه پیغمبر . . #پیامبراسلام #وافی_تبریزی #پیامبراسلام_شهادت #ز_بس_امت_جفاسندن_یتوبدور_جانه_پیغمبر #ترکی

ایدوبدی رحلت رسول اکرم گلوب فغانه ملکلر آغلار #پیامبراسلام 🍁🍁🏴🍃🍁🍁🏴🍃 🏴#شهادت رسول اکرم صل الله علیه وآله وسلم 🔰#سبک_آچیلدی_پرچم … 10 سبک #مرحوم شهاب تبریزی . . ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعۀ روز محشر آغلار باتوب عزایه ملک لر آغلار . . باتوبدی یاسه تمام عالم توکر عذاره سرشکین آدم قوروب ملایک بساط ماتم گوی اهلی بو غمده یکسر آغلار . . سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار . . نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار . . حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار . . حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار . . مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار . . گینه بو گوگلوم باتوب ملاله بیر اوزگه محنت دوشوب خیاله گلون ائداخ بیز حسینه ناله اونون غمینده پیمبر آغلار . . حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار . . گوز آچدی گوردی او شاه محشر اویاندا قاتل الینده خنجر بویاندا زینب ملول و مضطر توکر سرشکین او مضطر آغلار . . بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایمدی حرملر آغلار . . شهابون عمری تمامه یتدی حسینیلردن ال اوزدی گیتدی حسینه بسکه توسّل ایتدی شهابین اشکین گورنلر آغلار . . باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار . . شهاب یتمز بوغم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار . . . #پیامبراسلام #شهاب_تبریزی #پیامبراسلام_شهادت #ایدوبدی_رحلت_رسول_اکرم_گلوب_فغانه_ملکلر_آغلار #ترکی

ایلیین وقته وصیّت حضرت خیرالورا #پیامبراسلام 🌿🌿🏴🌿🌿🏴🌿🌿 #زبانحال حضرت زهرا سلام الله علیها در رحلت حضرت رسول اکرم صل الله علیه وآله وسلم #مرحوم هادی تبریزی ایلیین وقته وصیّت حضرت خیرالورا وار یری عرض ایلییدی شهریار کربلا . ای بابا، بو امّت اجرای وصیّت ایلمز اهلبیت و دین و قرآنه حمایت ایلمز . . مجلس شورا قورار اوّل بو قوم کین مآب ایلییر اجرای دستورات حقدن اجتناب مسند حقّه اولار ناحقّ بوبکر انتصاب کیم مسلمان اولسا بو امره شراکت ایلمز . . شهریار حقّ اولار دست ستمله گوشه گیر دست حقّ و بینوالردن جهاندا دستگیر بوینونا سالسا طناب کین اگر قوم شریر قوّۀ مُجرّیۀ بوبکره طاعت ایلمز . . گه آنام حقّین بو قوم کین و کین گستر دانار ظلمیله درگاه پاک شیر داور اودلانار خیمه گاهیمده منیم بو آتش ظلمه یانار ویرماقا اود کوفیان یوخسا جسارت ایلمز . . بحر بدعتده اولاندا کشتی حق سرنگون گیمه سه زهرا آنام گر پرنیان سرخگون اگنینیه گیمز باجیم زینب پرند نیلگون تازیانه جسمینه هر دم اصابت ایلمز . . ایتمسه رسوا ابوبکرین رژیم قدرتین ایتمسه دینیله اعلان اوز وقار و عزّتین کوفه ده حفظ ایلینمز زینب اوز شخصیّتین آندیرا بولمز بیزه باطل حکومت ایلمز . . ایتمسه مسجد ده گر زهرا رشیدانه قیام ایتمسه بر پا او یرده انقلاب و ازدهام ایلینمز زینب کبراده فتح شهر شام خردا بیر قیز ملک شاماته ریاست ایلمز . . ایتمسه بر پا نمازین آخرین دورانیده پر شکسته پیشگاه حضرت یزدانیده ایلمز برپا نماز شب باجیم زندانیده بزم می ده حفظ قرآن و شریعت ایلمز . . ایتمسه زهرا آنام گریان رفیق و دشمنی چکمسه آغوشینه گر بیز ایکی دلخسته نی قتلگهده چکمز آغوشه باجیم زینب منی بستر خونینیده مندن عیادت ایلمز . . اولماسا بندِ رسن شیر خدانون گردنی دانماسا امّت جلال شیر حیّ ذوالمنی ساجد دلخسته گزمز کوفه ده هر برزنی اؤد سپولمز باشینه بیر کس شماتت ایلمز . . سینوز اوسته من اودور قویدوم ید فعّالیمی گوزدن آچدیم عارضه سیل سرشک آلیمی شمردون تا سینمه چیخسا بولون احوالیمی دست حق گرچه بیزه بولمم اذیّت ایلمز . . ایمدی بو حالی گورنمور شهریار هل اتی گورسه گودال بلاده سینه ده سانسیز یارا چکمه لی عزم ایلیوب چخماقه شمر بی حیا وار یقینیم بیر دقیقه تاب و طاقت ایلمز . . گورسه بو حالی باجیم زینب ایدر دلدن فغان قتلگاهه یوز قویار غیظیله چون شیر ژیان سسلنَر ای بی حیا و شوم کین گستر، دایان فاطمه اوغلی یزید دونه بیعت ایلمز . . ساربانه ال ویرر ویرمز یزیده بیعته باش ویرر باش اگمیوب اگمز او بی حیثیّته لکّه ویرماز دامن پر نور اسلامیّته شاه حقّه فرقۀ باطل خلافت ایلمز . . بو حسیندور شاهباز پاک افلاک وفا بو حسیندور شهریار بی مثال قُل کَفی بو حسیندور مظهر ذات جمال کبریا شاه اسلامه مسلمانلار خیانت ایلمز . . ختم قیل «هادی» داخی یازما جلال زینبی بو قلم عاجزدی وصف ایتسون کمال زینبی آند ویر جانانه جود بی زوال زینبی حاشه لله که او بیر حاجت اجابت ایلمز . . . #پیامبراسلام #هادی_تبریزی #پیامبراسلام_شهادت #ایلیین_وقته_وصیت_حضرت_خیرالورا #ای_بابا_بو_امت_اجرای_وصیت_ایلمز #ترکی

آغلار غمینده عالم یا خاتم النّبیّین #پیامبراسلام 🥀🥀▪️🥀🥀▪️🥀🥀 #مرحوم محزون ارومیه . آغلار غمینده عالم یا خاتم النّبیّین داد ایلرعرش اعظم یا خاتم النّبیّین . بزم مصیبت ایلوب عرشین خدای داور مشغول اولوب عزایه سکان عرش اکبر فریاد وای آتام وای دوتموش جهانی یکسر آفاقی دولدوروب غم یا خاتم النّبیّین . . اولموش جهان سراسر ماتمسرا غمینده ماتم نشین اولوبدور شیر خدا غمینده معناده ناله ایلر ارض و سما غمینده باتموش عزایه آدم یاخاتم النّبیّین . . اولمازدی اولماسیدون آثار دین مبرم خلقین ضلالتینده اولموشدی دهر برهم نورجمالیویله اولدی منورعالم ای شمس شرع اکرم یا خاتم النّبیّین . . عالمده سن عیاندور چکدون نقدری زحمت آخرده خلقی ایتدون دین حقه دلالت قران و اهلبیتین بو امته وصیت ایتدون اوزون دمادم یا خاتم النّبیّین . . اجرین مقابلینده مولا وفاسیز امت= اولادیوه همیشه ایلوبله هتک حرمت ازل ووروبدولاراوداودلاندی باب رحمت ایلوبله دهری مظلم یا خاتم النّبیّین . . من کنت لفظین آخرداندی ستمله اعدا حق امام حقی غصب ایتدیله هویدا خانه نشین آخرظلمیله اولدی شاها غم چکماقا مصمم یا خاتم النّبیّین . . بیحد ظلم ایدوبلر دنیاده قوم جانی گاهی ایدوبله مسموم ظلمیله مجتبانی گاه الدوروبله عطشان سلطان کربلانی دینی ایدوبله برهم یا خاتم النّبیّین . . اشرار کوفه و شام بیرغم جهانه سالدی فریاد واحسینا عرش حقه اوجالدی بیربیریتیم اشاقلارویرانه لرده قالدی نالان و دیده پرنم یا خاتم النّبیّین . . «محزون» غموزده شاها شام و سحر سیزیلدار هردم مصیبتوزده نوحه ایدر سیزیلدار معناده محنتوزده کوه و حجر سیزیلدار آغلار ملائک هردم یا خاتم النّبیّین . #پیامبراسلام #محزون_ارومیه #پیامبراسلام_شهادت #آغلار_غمینده_عالم_یا_خاتم_النبیین #ترکی

در آن روزیکه عالم تیره میشد #پیامبراسلام 🏴🏴✨🍃🏴🏴✨🍃 #شهادت پیامبر اسلام #حاج محمود ژولیده . در آن روزیکه عالم تیره میشد غمِ عالم به زهرا چیره میشد . پیمبر روحِ خود تسلیم میکرد به جانان جانِ خود تقدیم میکرد . شیاطین زمزمه آغاز کردند ستم بر فاطمه آغاز کردند . همانکه نقشه ی قتل نبی داشت به فکرش فتنه ی حذف علی داشت . سقیفه ابتدای ماجرا نیست! سخن از فتنه ی زنها چرا نیست؟ . یقیناً چند خانه آنطرف تر زنانی از زنانِ فتنه پرور . پدرها را چنان تسخیر کردند که بغض و کینه را تکثیر کردند . هر از گاهی پدرها را چو شیطان نهیبی میزدند آن کینه ورزان . که از قدرت هر آنچه هست دارید! چرا پس دست روی دست دارید؟ . نبی را ابتدا بُهتان بگوئید ز هذیان گوئی اَش چندان بگوئید . نبوت را ز ریشه سست باید خلافت خوبخود در دست آید سران را از قبائل جمع سازید به اصلِ وحی بی وقفه بتازید . کنید ایجاد، شورایی شبانه به چنگ آرید رایی مخفیانه . پیمبر رفت ! حیران از چه هستید به حذفِ دین، پریشان از چه هستید . علی مشغول کارِ غسل و کفن است یقیناً تا سحر مشغول دفن است . خلافت را محک آرید تا صبح بهانه از فدک آرید تا صبح . علی مامور بر صبر و سکوت است از او باشید خاطر جمع ، دربست . اگر دیدید زهرا سر صدا کرد پس او را از علی باید جدا کرد . اگر دیدید حالش روبراه است هراسی نیست ، زهرا پا به ماه است . اگر هم کرد قدری بی قراری به سیلی بشکنید آن پایداری . به بیت وحیِ او هیزم بیارید به همره، جمعی از مردم بیارید . بنای شعله بر بیتش گذارید تنِ او را به ضربِ در سپارید . نترسید اصلاً از سقط جنینی نلرزید از پیِ فضه خذینی . در این فرصت به قصدِ حذف حیدر بگیرید انتقام بدر و خیبر ببندید از گلویش ریسمان را نپندارید عذابِ آسمان را . بَرید او را به مسجد با اهانت بگیرید از علی چندین ضمانت . جوابِ شیونِ زهرا و غیره غلافِ قنفذ و تیغِ مغیره . پس از آن با خیال راحت از او علی میماند و یک بیعت از او . سیادت مال گردد همیشه خلافت از شما گردد همیشه . #پیامبراسلام #محمود_ژولیده #پیامبراسلام_شهادت #در_آن_روزیکه_عالم_تیره_میشد #فارسی

رحلت ایتدی قلب عالم قرب رب العالمینه #پیامبراسلام #شهادت حضرت رسول اکرم 💫💫🏴💫💫🏴💫💫 #مرحوم میرزا جواد واقف سرابی . . رحلت ایتدی قلب عالم قرب رب العالمینه قلب عالم دوتدی ماتم خواجه روح الامینه . . خواجۀ عالم گیدنده تاپشوروبدور بو ترابه ای عم اوغلی آز قالوبدور حقّوی دانسون صحابه آز قالوبدور قولّارون ظلمیله باغلانسون طنابه حقّوی ناحق یره ویسرسوفله بوبکر لعینه . . اوج ایدر مندن صورا عرشه حسین آه و فغانی یاندورولّار ظلم الیله درگه خیر النّسانی بیعت بو بکره ، امر ایلر سنی ، فرعون ثانی تا طناب ظلم باغلار گردن حبل المتینه . . ختم پیغمبر گلنده هوشه ایلردی اشاره یا علی گل باشیم اوسته باشیمى آل بیر کناره سن منه آغلا دویونجا من سنه ایلوم نظاره مصطفانی ایستیوبلر محضر جان آفرینه . . ای عم اوغلی قویما گلسون ناله و فریاده زهرا تیز گلور مندن صورا قالماز داخی دنیاده زهرا ایلسون کتفین لگد کوب ایتمگه آماده زهرا صبر قیلسون یتمیش اوچ گون جور و ظلم اهل کینه . . بیعته اعدا قولون باغلو چکر هر سو شکسته رونق اولماز دینه زهرا اولماسا پهلو شکسته آخر ایللر باشون تیغیله تا ابرو شکسته گلمه غیظه ذوالفقاری چکمه قتل مشرکینه . . بو حسینیله حسن آرام جانیمدور عم اوغلی میوۀ قلبیمدی ، نخل بوستانیمدور عم اوغلی عرصۀ محشرده الده ارمغانیمدور عم اوغلی حلمی ویردیم مجتبایه صبریمی ویردیم حسینه . . یا رسول الله بو امت ترک ایدوب شرم و حیانی سالدیلار اوّل جفا زهریله دلدن مجتبانی سو کنارینده یخوبدور تشنه شاہ کربلانی اوچ گیجه اوچ گون سالوبلار پیکرین روی زمینه . . #پیامبراسلام #واقف_سرابی #پیامبراسلام_شهادت #رحلت_ایتدی_قلب_عالم_قرب_رب_العالمینه #ترکی

هذا عَزاکَ یا رسول الله #پیامبراسلام #حسنیه #رضویه 🏴🏴🍀🏴🍀🍀🏴 #سه ماتم جانگداز #منتظری شریف آباد . هذا عَزاکَ یا رسول الله نفسی فداکَ یا رسول الله . . دولموش فضا شیون صداسیندن محزون اورک غم ماجراسیندن جنّ و ملک زهرای مظلومه هُم فی بُکاکَ یارسول الله . . آلِ عبانون قلبی داغلاندی فیض نزول وَحی باغلاندی ثانی وروب اود باب جبریله فی ماجراکَ یارسول الله . . بومحنته ارض و سما آغلار ماتم دوتوب غار حرا آغلار کعبه کئمی یاسه باتوب کلِّ اُمُّ القُراکَ یا رسول الله . . عرض ایلیوم هانسی قضایادن زهرا و یا اولاد زهرادن زهر جفائیله یانان قلبی مِن مُجتباکَ یارسول الله . . ایلور نوا ایرانیان یکسر شهر خراسان محشره بنزر اوچ ماتمه ماتمسرا اولموش طوسُ الرّضاکَ یا رسول الله . . زندان غمدور شیعیه عالم دوتموش جهانی ماتمون خاتم بو آتش محنت خَموش اولماز حتّی لِقاکَ یا رسول الله . . سندن صورا عترت گونی باتدی اسلام نابی غاصبان قاتدی قول باغلی گیتدی مسجده جبراً مظلوم اَخاکَ یا رسول الله . . فی حُزنِ فَقدِک سیّدی اَلیوم نَبکی علیکَ هؤُلاءِ القوم لَیسَ لَنا فی مُعضَلاتِ الحَشر عونٌ سَواکَ یارسول الله . . ای ذات پاکی مایه ی رحمت سندن چکر بو ( منتظِر ) منّت اِشفَع لَنا لِاَنَّناَ الاُمّت نَرجوا عَطاکَ یا رسول الله #پیامبراسلام #حسنیه #رضویه #منتظری #پیامبراسلام_شهادت #حسنیه_شهادت #رضویه_شهادت #فارسی #عربی #ترکی

ای دل بیا که موسم آه و فغان رسید #پیامبراسلام 💫▪️🍀🏴💫▪️🍀🏴 #شهادت پیامبر اسلام صل الله علیه وآله وسلم #مرحوم سید عباس حسینی جوهری . ای دل بیا که موسم آه و فغان رسید یعنی عزای خاتم پیغمبران رسید . اسلم خوارو عزت ایمان بباد رفت از این مصیبتی که باسلامیان رسید . عالم بچشم مادر گیتی چو شام شد چون روز رحلت پدر امّتان رسید . دودی ز آه مردم یثرب بلند گشت بر صورت منوّر کرّوبیان رسید . خاک عزا بفرق همه خاکیان نشست هنگام ماتم همه افلاکیان رسید . ز افلاکیان گذشته مگر گرد این ملال بر دامن جلال خدای جهان رسید . گفتی مگر بپا فلکی از تراب شد یا پایۀ زمین بسر آسمان رسید . واحسرتا که حضرت زهرا یتیم شد از ماتم پدر بلبش نیمه جان رسید . آن ماه چارده بدنش چون هلال شد ظلم و ستم ز بسکه بر آن ناتوان رسید . رنج و الم ز بعد پدر دید و صدمه ها بر جسم انورش ز جفای خسان رسید . ذاکر از این ملال نباشد چرا ملول کامروز سرو گلشن دین را خزان رسید . . #پیامبراسلام #سیدعباس_حسینی #پیامبراسلام_شهادت #ای_دل_بیا_که_موسم_آه_و_فغان_رسید #فارسی

صبرایله گلن بابان غمینده گلمه بیله آه و زاره زهرا #پیامبراسلام ✨✨🌾▪️✨✨▪️🌾 #زبانحال حضرت رسول اکرم صل الله علیه وآله وسلم به حضرت زهرا سلام الله علیها #مرحوم غلامعلی باقری الهامی (هوشی تبریزی) . صبرایله گلن بابان غمینده گلمه بیله آه و زاره زهرا چکمه بیله آه توکمه گوزدن گوزیاشیوی گل عذاره زهرا . . ای جانیم عزیزی صون نفسده آغلاتما منی قیزیم آز آغلا آز ناله و آه وا ابا چک آز اشکوی گل عذاره باغلا آز آتش درد و محنتیله بوسینۀ پُرشراری داغلا چوخ ویرمه اجازه باشیم اوسته بودیدۀ اشکباره زهرا . . تاپشوررام امانت ای بلا کش گرچه سنی بو زمان رحلت بو امری ولی وفا سیز امت نهی ایلرایدرسنه خیانت بو سهلیدی حقوی داناللار ثانی ایدر اوزگه بیرجسارت نیلی اولی سیلیدن عذارون ای حُسنوده ماه پاره زهرا . . بیرمجلس ظلم اهل کینه مندن صورا ای قیزیم قورالار بیر رأی خطا آلوب او گونده ظلمیله جهانی دولدورللار درگاهیوه اود وروللا آخر نارستمیله یاندوراللار دنیا یوزی تنگ اولارگوزونده بیحد دوشسن فشاره زهرا . . ای نوگل گلستان عمروم چکمز اوقدرکه سن سولارسان ثانی سالار ایاقدان ستمی مین محنته قلبیدن دولارسام غم چکمه قیزیم بو آز زماندا اوزجدیوه میهمان اولارسان صبرایله دایان بو آز زماندا بوفرقت نا گواره زهرا . . ظلمون یتوررتمامه آخر آفاقیده اوّلیه ثانی غصب ایلرعدوعداوتیله تا حقّ شهنشه ولانی قول باغلی چکنده دست بسته چون بیعته شاه لا فتانی بیر ایله زمان مُعین ویاراول اول صاحب ذلفقاره زهرا . . . #پیامبراسلام #هوشی_تبریزی #پیامبراسلام_شهادت #صبر_ایله_گلن_بابان_غمینده_گلمه_بیله_آه_و_زاره_زهرا #ترکی

جدّینه ماتم دوتوب صاحب زمان قان آغلوری #پیامبراسلام ▪️🌱🌾🍂▪️▪️🌱🌾🍂 #شهادت حضرت رسول اکرم صل الله علیه وآله وسلم #حاج احمد احمدی (جوان) . جدّینه ماتم دوتوب صاحب زمان قان آغلوری غم دوتوب ارض و سمانی عرش سبحان آغلوری . . ایلیوب رحلت بوگونده خاتم پیغمبران بیله غمده وار یری قان آغلاسون کرّوبیان سالک حق جان وئروب یاسه باتوبلار قدسیان قلب زهرا اولدی بو محنتده شان شان آغلوری . . ركن دینه صدمۀ اعظم یتوبدور شیعیان ایستوری شرع نبنیی خوار ایده نامحرمان الأمان ای لایزال و لاینام و لامکان شیعه لر بو غمده حالی چوخ پریشان آغلوری . . گلشن طاها بوگون باد سمومیله دولوب باغبان دین ئولوب گلزاریده گللر سولوب عندلیبان چمن آشفته و حیران اولوب بو پوزولموش گلستانه بلبلان قان آغلوری . . دین یولوندا چوخ چکوب زحمت او فخر کاینات کشتی مغروقه ویردی کفر بحریندن نجات سورۀ توحید تفسیرین ایدوب خلقه ثبات غلتوب یو ماتم عظماده قرآن آغلوری . . جان ویرنده آچدی گوز گوردی دوروب خیرالنّسا هم على المرتضی هم تشنه شاه کربلا زهریلن مسموم اولان بیرده امام مجتبی بو غم و محنتله زهرا ایلور افغان آغلوری . . ایتدی فرمایش قیزیم چوخ ایتمه شیون آغلاما آتش آهیله زهرا جان جهانی داغلاما جام چشمندن قیزیم قان پاش عذاره باغلاما باخ حسینون حالینه وار درد پنهان آغلوری . . امّتیم جور و جفادن اود ورار درگاهیوه ثانی ملعون ویرار سیلی جمال ماهیوه بیر نفر اولماز باخا فریاد و سوز آهیوه بو اسفلی ماجرایه شاه مردان آغلوری . . قان اولار صندوق سینون آهن مسماریله سقط اولار محسن بالان زخم در و دیواریله ای ولیّ حق مدارا ایله سن اشراریله مضطرب اولموش ولیّ ربّ منان آغلوری . . زایل ایلر حقّیوی چون فرقۀ شوم و شقی اتفاق ایللَّه یاتسون دین حقّون بیرقی اوغلومون قانی اولار باعث چوخالسون رونقی شوق دیدار حسینه تیر و پیکان آغلوری . . چخما مطلبدن قلم منظور یاسین یاسیدور حضرت خیرالنّسانین آه واویلاسیدور صاحب روز جزانین محشر کبراسیدور ماسوانی غم دوتوبدور كان و ما كان آغلوری . . غاصبان بی مروت بزم شورا قوردیلار رأی ناحقّیله دنیایه یانار اود ویردیلار حشر تک اسلامیانین قلبینی یاندیردیلار مسلمین احوالینه اول نار سوزان آغلوری . . آغلارام صبح و مسا بو محنت عظماده من چکمرم ال دامنوندن هر ایكی دنیاده من وار امیدیم اولمیام مردوده بو انشاده من بو «جوانین» دردی واردور بھر درمان آغلوری . . #پیامبراسلام #احمدی_جوان #پیامبراسلام_شهادت #جدینه_ماتم_دوتوب_صاحب_زمان_قان_آغلوری #ترکی

اولدی گنه وفات رسول خدا غریب #حسنیه #پیامبراسلام ۲۸صفر ▪️▪️🍂▪️▪️🍂▪️▪️ . #مرحوم سید احمد یاسر نجفی . . اولدی گنه وفات رسول خدا غریب جبریل آسمانه چکوبدور قرا غریب . اجماعیله سقیفه ده بیعت ایدوبدولر خانه نشین وطنده قالوب مرتضا غریب . درگاهی یاندی سندی قولی ئولدى محسنی زهرا یخلدی چکدی اودم یا ابا غریب . زینب باشین آچوب باشی اوستنده اگلشوب ئلدوردولر دیردی سنی ای آنا غریب . جدّی رسول قاره سینی باشدان آچمامش زهریله چاک اولوب جگر مجتبا غریب . اگلشدی مجتبا باشینی آلدی سینیه خواهر غریب ناله ایدوبدور اخا غریب . آچدی گوزون دیدی باجی صبر ایله آغلاما آغلار بقیع ده سنه خیر النّسا غریب . سن ساخلا آغلاماقوی بیر اوزگه وقتی وار میداندا جان ویرنده شه کربلا غریب . . . #حسنیه #پیامبراسلام #ثریا_تبریزی #حسنیه_شهادت #پیامبراسلام_شهادت #اولدی_گنه_وفات_رسول_خدا_غریب #ترکی

رحلت ایلیوب پیمبر فاطمه گلوب فغانه #پیامبراسلام 🥀🌿🏴🥀🌿🏴🥀🌿🏴 #شهادت پیامبر اسلام صلوات الله علیه #مرحوم کاتب اردبیلی . رحلت ایلیوب پیمبر فاطمه گلوب فغانه وا محمدا صداسی اوج ایدوبدی آسمانه بو عزاده حیدر آغلار – سربسر ملک لر آغلار قاره پوش اولوب تماماً ۔ امت پیمبر آغلار . . . چکدی چوخ غم و مصیبت امتیندن اول شه دین صبر قیلدی هر بلایه ایتمه دی او قومه نفرین آخری غم جهاندان دویدی اول رسول حق بین روح مرغ عزم قیلدی سیر گلشن جنانه . . حرمت کلام حقی تاپشوروبدی امّتینه بیرده تاپشوروب او قومه حرمت ایتسون عترتینه ایتمدی عمل ولیکن امّتی وصیتینه گتدیلر بیر آز زماندا هر نه ظلم وار عیانه . . باب وحیه اود ازلده وردی ثانی ستمگر ظلم سامری دوباره اولدى یثرب ایچره اظهر بو قضّیه دن تاپوبلار جرئت اول گروه کافر تا مخالفت قیلوبلار حکم شاه انس و جانه . . حقّ شاه اوصیانی غصب ایدوب گروه کینه نصب قیلدیلار ستمله کفر بیدقین زمینه قویمادیلا راحت اولسون عترت شه مدینه یر یوزونده چکدی هردم ظلمون آتشی زبانه . . نقض عهد ایدوبدی امّت پادشاه اولیایه مکریله کلام حقّی نصب قیلدیلار جدایه رسم اولوبدی بو قضّیه تا یتیشدی کربلایه ناطق کلام حقون ویردیلار باشین سنانه . . کربلاده اهل کوفه گور نه نوعی ایتدی طغیان ایتدیلر پیمبر اوغلون ظلم الیله قانه غلطان پاره پاره پیکرینی سویدی هم او قوم عدوان قیلدیلار او شاه دینون جسمین او خلارا نشانه . . بسدی «کاتبا» تمام ایت یازما بو قدر مصیبت آغلا اشگ چشموى قیل الده توشۀ قیامت روز حشرده اولاردور خلقه ایلین شفاعت حق یولوندا چون اولوبلار تیر محنته نشانه . . #پیامبراسلام #کاتب_اردبیلی #پیامبراسلام_شهادت #رحلت_ایلیوب_پیمبر_فاطمه_گلوب_فغانه #ترکی

مدینه غرق ماتمدی مگر عَشرِ محرّمدی #پیامبراسلام ✨▪️🥀✨▪️🥀✨▪️🥀 #شهادت پیامبر اسلام صل الله علیه وآله #منتظری شریف آباد . مدینه غرق ماتمدی مگر عَشرِ محرّمدی یانوب قان آغلوری عالم غمِ جانسوز خاتمدی مدینه آی مدینه ، دوا قلب حزینه مکان خاکِ بقیعی ، نچه دُرِّ ثَمینه مدینه آی مدینه ، مدینه آی مدینه . . مدینه ای فضاسی محنت ورنج و عزا پرور بوگون سنده شهید اولدی حسن سردار بی یاور فنا دنیانی ترک ایتدی جنابِ ختمِ پیغمبر قرااوستن قرا سالدی باشینه عترت مُضطر یتیم اولدی بوگون اُمّت عزادار اهل عالمدی مدینه آی مدینه ، دواقلبِ حزینه مکان خاکِ بقیعی ، نچه دُرِّ ثمینه مدینه آی مدینه ۲ . . جگرلری دونن قانه گلِ زهرا حسن مظلوم خراساندا غریبانه جفائیله ئولن مظلوم مدینه جان ویروب سنده رسولِ ذوالمنَ مظلوم عزا اشکی توکن مظلوم نبی غسلین ویرن مظلوم حسین و زینبین آغلور بتولین مونسی غمدی مدینه آی مدینه ، دوا قلب حزینه مکان خاک بقیعی نچه دُرِّ ثمینه مدینه آی مدینه ۲ . . بلا جویان دل بُریان مقدّس آرِمان اوسته لجاجت ایتدی تدفینه منافقلر مکان اوسته جسارت گور هارا چاتدی مینوب اوخلار کمان اوسته یاغوب باران کیمی پیکان جهاندا خوار اولان اوسته جنازه لاله رنگ اولدی ترابه قانی شبنمدی مدینه آی مدینه ،دوا قلب حزینه مکان خاک بقیعی نچه درّ ثمینه مدینه آی مدینه ۲ . . علی مظلوم تنهائی عزا برنامه سین قوردی منافق گوردی فرصتدی مقام غصبیده دوردی شقاوتله وروب آتش درِ مولانی یاندوردی قابورقاسی سِنن بیکس بتولی کوچه ده وردی بو مافوق مصیبتدن قد ختم رُسُل خمدی مدینه آی مدینه دواقلب حزینه مکان خاک بقیعی نچه درِ ثمینه مدینه آی مدینه ۲ . . مکین آغلور مکان آغلور ، زمین و آسمان آغلور قوجاقدا اللری یالقوز امیرِمومنان آغلور مدال سینه ی طاها الف قدّی کمان آغلور چکیلموش گوگلره قاره کرات آسمان آغلور ایکی مظلوم امامیله پیمبر یاسی باهمدی مدینه آی مدینه دواقلب حزینه مکان خاک بقیعی نچه درّ ثمینه مدینه آی مدینه ۲ . . مدینه کوفه دور گویا بو گونکی ماجراسیندن تَمَرُّد ایلدی اهلی ، پیام مقتداسیندن کتابُ اللهی عترتدن جدا ائتدی جفاسیندن دریغ ایتموبدی هئچ ظلمی فراستلی بالاسیندن بلی قلب عزاداره تسلّی عُمده مرهمدی مدینه آی مدینه دوا قلب حزینه مکان خاک بقیعی نچه دُرّ ثمینه مدینه آی مدینه ۲ . . پبمبر گیتدی زهرانون گونی دنیاده تار اولدی مثال حضرت ایّوب شهریندن کنار اولدی بیاباندا زبسکه آغلادی غم جانشکار اولدی گونوز گوز یومدی دنیادن گئجه گیزلین مزار اولدی بالاسی حضرت مهدی گلونجه قبری مبهمدی مدینه آی مدینه دوا قلب حزینه مکان خاک بقیعی نچه درّ ثمینه مدبنه آی مدینه ۲ . . بوگون جرئت تاپوپ دشمنلرون ایذاسی باشلاندی علی اولادینون پُر ماجرا دنیاسی باشلاندی حسن تابوتی اوخلاندی حسینون یاسی باشلاندی شریحی آلّادوب دنیا غلط امضاسی باشلاندی قلم نامرد الینده تیغ نحس ابن ملجمدی مدینه آی مدینه دوا قلب حزیمه مکان خاک بقیعی نچه درّ ثمینه مدینه آی مدینه ۲ . . محبّت گور مَه سن گر ( منتظِر )اهلِ دیارونده ملول اولمامحبّت چوخدی رحمان کردگارونده قلم وُر اولما خسته سرد و گرم روزگارونده یقین ائت یازدوقون دفتر گلر حشره کنارونده تانور ناخالصی خالص شناس امرِ مسلّمدی . #پیامبراسلام #منتظری #پیامبراسلام_شهادت #مدینه_غرق_ماتمدی_مگر_عشر_محرمدی #ترکی