دریا چو جزیره در کنار حسن است #حسنیه 🔸🌴💫🔸🌴💫 #شاهی_اردبیلی دریا چو جزیره در کنار حسن است خورشید چو نقطه در حصار حسن است بهتر که زمین را نزنی طعنۀ تلخ سنگینی آن هم از وقار حسن است

سو ایچدی حسن قتلینه اولدی سبب ئولدی #حسنیه 🍃🍃🍁🍃🍁🍁 #شهادت حضرت امام حسن علیه السلام . مرحوم کهنموئی . سو ایچدی حسن قتلینه اولدی سبب ئولدی سو ایچمه دی قارداشی حسین تشنه لب ئولدی . . مشهوردی بو سوز ، سودی مهریۀ زهرا محروم اولوب اکثر ذرّیۀ زهرا قان اولدی بو گون کوکب دُرّیۀ زهرا ائتدی بو ایشیق گوندوزی بیر تیره شب ئولدی . . فرمایش ایدوبدور بو خبرده بیله معصوم تیغیله ئولوب یا اولاروخ زهریله مسموم بو گونده امام حسن اولدی ایله مظلوم سو ایچماقا زهریله اولوب منتخب ئولدی . . مقصودینه هند اوغلى یتوب ئوز عملیندن پول وئردی آلوب جعدہ نین ایمانین الیندن ئولدورسون امامی دیسون ئولدی اجلیندن سو میل ایلدی حالی اولوب منقلب ئولدی . . قلبینده اودور هر نه وفا واردی هچ ائتدی سو کوزه سینه سودۀ الماسی گچیتدی مکریله امام حسنه زهری ایچیتدی بیر ناکس الینده شه عالی نسب ئولدی . . سو ایچدی ولى آرتدی عطش لبلری یاندی بو واقعه دن عالم حیرتده دایاندی دل پارچالانوب قانلو دوداقلار یارالاندی زهر آتشینه قلبی اولوب ملتهب ئولدی . . زهرا بالاسی ئولماقینی زهریله بولدی ال قویدی اورک، باشینه تا قدّی بوکولدی دوغراندی جگر پاره لری طشته توکولدی جان اوسته چکوب محنت و رنج و تعب ئولدی . . باخ دشمنیله گور نجه ایلردی مدارا ئوز قاتلینی بولدی نشان وئرمدی اما بیر باخدی دیدی نیلمیشم من سنه آیا مسموم ایلدون زهریله ذاتُ الکُرَب ئولدی . . قالدى آتاسیز قاسم و عبدالله و احمد نه پیس لیق ایدوبدور سیزه بو آل محمد ظالملر اولار آتش دوزخده مخلّد اول دمده که هر صاحب عیش و طرب ئولدی . . شاد اولدی امام حسنه زهر وئرنده اما پوزولوب زهر اونا تاثیر ایلینده قورخاردی حسینیله ابوالفضلی گورنده بولسونله مبادا اودی قتله سبب ئولدی . . قالموشدی حسین تک ولی دشمنلر الینده بیر یالقیز اوغولسوز یارالی لشکر الینده گوز آچدی گوروب قاتلینی خنجر الینده فکر ایلوری ضعف ایلدی میر عرب ئولدی . . سسلندی منه وئر بیر ایچیم سو یانورام من آرتور عطشیم ایستیدی گون اوتلانورام من عرض ایلدی شمر هر نه دیورسن قانیرام من قوی خلق دیسونلر که حسین تشنه لب ئولدی . . سو وئرمرم اصلا سنه قصدیمده دایاندیم وئر باشوی تئز قورتار ئوزون منده یوباندیم سسله سو گتور دئ سوسوزومدان بابا یاندیم اوغلون سوسوز ای ساقی کوثر لقب ئولدی . . من سید حسینم ولی شهرتده « ریاضی » هر گونه قضا و قدر قادره راضی بیردور نظریمده اودی مستقبل و ماضی گوردوم که ئولومدن ایلدی کیم هَرَب ، ئولدی . . #حسنیه #کهنمویی #حسنیه_شهادت #سو_ایچدی_حسن_قتلینه_اولدی_سبب_ئولدی #ترکی @nohevarozechahardahmasomsoghandi

قرا گیوبدی فاطمه بو گون آتا عزاسینه #حسنیه #پیامبراسلام 🏴🌿▪️🏴🌿▪️🏴🌿▪️ #مصیبت حضرت زهرا سلام الله علیها در روز عزای حضرت خاتم الانبیاصل الله علیه وآله وسلم و امام حسن علیه السلام . #سبک ها 1- #سبک_الهی_دفن_ایدیم_نجه (با واگیر ) 2- #سبک_دل_شب_ایلیوب_سفر (4 سبک سینه و زنجیر – بدون واگیر) . حاج فرهاد فکری اردبیلی . قرا گیوبدی فاطمه بو گون آتا عزاسینه توکور سرشک چشمینی خانم حسن بالاسینه . واگیر: دیور اؤرکدن گهی آتام وای سولان دوداقی حسن بالام وای . . . ویروبدی قلبینه یارا پیمبرون بو محنتی نقدر اذیّت ایلیوب او باغریقانه امّتی سالوب توان و تابیدن اونی آتا مصیبتی یانور غریب آتاسینون بلا و مبتلاسینه . . . اسیر عشق یار اولان یقین بلانی آختارار همیشه محنت وبلا غم آشنانی آختارار یامان گونونده قزلارون گوزی آتانی آختارار همیشه سس وئرر آتا بالاسینون صداسینه . . . دیور غمونده آی بابا یانوب جهانی داغلارام منیم که یوخدی بیر کسیم عذاره اشکی باغلارام نه وار آتام نه قارداشیم ئوزوم سنه تک آغلارام گرکدی صبر ائده بلی مشیّت اقتضاسینه . . . سنون غمونده آی بابا اشدّ اولوب حسن غمی بُؤلوبدی اوچ پر اوخ کیمین بو شرحه شرحه سینه می خیانت ایلیوب اونا ائوینده یار و محرمی گرک یته او بی وفا جهاندا ئوز جزاسینه . . . توکوبدی زهری کوزیه او بدمرام و کینه جو اویاندی نصف شب حسن ایچوب بدون گفتگو جگرلرینی دوغرادی اود اولدی عاقبت بو سو جهانی آغلادار بالام بو غملی ماجراسینه . . . کیمون سولوب حسن کیمی جهاندا باغ و گلشنی او باوفانون هر زمان بو دردی آغلادار منی عیال بی مروّتی ائوینده اولدی دشمنی غریبدور بالام گرک گئدم همیشه یاسینه . . . دیم ائوینده دائماً غم و بلا چکن اوغول اؤرک سوزینی همسره آچوب دینمین اوغول مزاره قلبی غصّه لی جهانیدن گئدن اوغول قبول ائدن مصائبی همیشه حق رضاسینه . . . نقدری بو جهانیدن چاتوبدی ابتلا سنه قونوبدی زاغیلن زغن جفائیلن بو گلشنه سنون بو محنتون اوغول چوخ ایلیوب اثر منه گوروم که جُعده توش اولا جهاندا ئوز بلاسینه . . . نقدری پستیمیش اوغول او بی حیای فتنه گر محالیدور گوله یوزی اولار همیشه دربدر بو ظلم و بو جنایتین جزاسین عاقبت چکر قالوبدی مات و دیده تر هامی اونون جفاسینه . . . #پیامبراسلام_شهادت #حسنیه_شهادت #قرا_گیوبدی_فاطمه_بو_گون_آتا_عزاسینه #حسنیه #پیامبراسلام #فکری_اردبیلی #ترکی @nohevarozechahardahmasomsoghandi

ای جگری پارچالانان حسن جان #حسنیه 🏴🏴🌿🏴🏴🌿 #شهادت حضرت امام حسن مجتبی علیه السلام #روح الله رمضانی . #سبک_ای_منی_آواره_قویان . ای جگری پارچالانان حسن جان گل کیمی رنگی سارالان حسن جان . . . ای گجه یاری اوجالان نواسی حسن جان ظلم ائلین ائوده اوزآشناسی حسن جان حدن اضافه باشینون بلاسی حسن جان قلبینه غملرقالانان حسن جان . . . گورمین ای مهر و وفا ائوینده میل ائلین زهر جفا ائوینده قلبی دونن لخته قانا ائوینده ناله سی عرشه اوجالان حسن جان . . . کیمدی سنون تک آقاجان غم چکن سو یرینه زهر هلاهل ایچن غم چکن ای اولان عالمده غریب وطن غم چکن محنته دنیانی سالان حسن جان . . . اولدی غم و غصه سنون همدمون واردی بو عالمده بیر عمده غمون ماتمون قاتل اولوبدی سنه اوز محرمون خانه ی صبر اولدی تالان حسن جان . . . ای اولان عالمده اسیر محن یاحسن صبح و مسا غصه ییوب غم چکن یاحسن فاطمه دی بو گجه یاسه گلن غم چکن هی دیوری ناله کنان حسن جان . . . وار یری خاکی اورگین داغلیا حشره کیمی باشه قرا باغلیا غربتوی یاده سالوب آغلیا چون بو غمه یوخدی توان حسن جان . . . #حسنیه_شهادت #ای_جگری_پارچالانان_حسن_جان #حسنیه #رمضانی_خاکی #ترکی

جگرلریم یانور گل اماندی زینب #حسنیه 🏴🏴🏴🏴🏴 🏴🍂🏴#شهادت امام حسن مجتبی علیه السلام #سبک_مرا_که_با_تو_شادم_پریشان_مکن (محمد اصفهانی) با صدای کربلایی علی آیرملو . . #کربلایی رحیم شایان . جگرلریم یانور گل اماندی زینب یتیش هرایه حالیم یاماندی زینب گل ای منیم یگانه غمخواریم. گوزل پرستاریم. ئولور حسن گل گل ایله طشتی حاضر ای جاهیم چخور گویه آهیم ئولور حسن گل . جگرلر اولدی پاره پاره قولاقیوی ویر آه و زاره گل آخرین گوروشدی زینب گیدیر حسن حضور یاره اثر ایدیبدی زهر کین چاغور باجی گله حسین گوره بو حالی یتوبدی جان دوداقیمه شکیب ائله فراقیمه یتیش هرایه زینبیم گل گل ای باجی سراغیمه گل ایله چاره داغیمه ال آچ دعایه زینبیم گل . . . اولوب غمه گرفتار امام مظلوم منی او جعده شوم ایدیبدی مسموم خبر وئر ای منیم خوش انفاسیم دئنن که عباسیم ئولور حسن گل هایاندادی باجی گوزل قاسم دئنن گل یاسیم. ئولور حسن گل . من اولموشام مصایبه توش بلا و محنته هم آغوش جنازه م اولسا تیرباران یئمه غم ای مه سیه پوش اثر ائدیبدی زهر کین. چاغور باجی گله حسین گوره بو حالی شرر دوشوبدی جانیمه گلور جگر دهانیمه یئتیش هرایه زینبیم گل گل ایت نظاره زینبیم گور آرتیریب نیجه تبیم ال آچ دعایه زینبیم گل . . . . #حسنیه #شایان_ارومیه #حسنیه_شهادت #جگرلریم_یانور_گل_اماندی_زینب #ترکی

قان آغلا گوزوم ماه مدینه حسن ئولدی #حسنیه 🥀🏴🍂🌾🥀🏴🍂🌾 #شهادت امام حسن علیه السلام #حاج داود بیدق داری . قان آغلا گوزوم ماه مدینه حسن ئولدی گون گورمدی غم چکدی غریب وطن ئولدی . . قان آغلا کی آغلاربوگجه گویده ملک لر همناله دی زهرایه بوماتمده فلک لر مولایه عزاداریدی دریاده سمک لر گویا هاموسی سسده دی شاه زمن ئولدی . . قان آغلاگوزوم شاهد روز ازل ئولدی هردردی قصیده ولی عمری غزل ئولدی جودوکرم وحسنیده ضرب المثل ئولدی زهرا بالاسی دلبر وجه الحسن ئولدی . . حیرت یئری واردور حسنه اولمادی چاره گویلرده ملک یئرده بشر قیلدی نظاره کوزه سوئی دریا اوره گین سالدی شراره اودلاندی دل بند دل بوالحسن ئولدی . . افسوس اولوب شمع وفا ظلمیله خاموش صدیقه ی کبرانی ائدیب زاروسیه پوش دنیانی ائدیب باده ی هجرانه قدح نوش مستانه الهی یولونی طی ائدن ئولدی . . بیر عمرجگرقانی یئدی صاحب عصمت دیلدن اونی سالدی وطنینده غم غربت اولدی اونا جان یولداشی دردیله مصیبت قلبینده بویوک داغ کیمی دردی چکن ئولدی . . انصافیدی بیرداغلی جگرزهریله دولسون؟ انصافیدی ظلمیله طراوت گلی سولسون؟ شایسته دی گل زینت باغ وچمن اولسون اما ستمیله گل حلمی اکن ئولدی . . صیداجل اولدی ئوزی صیاد معانی حمدایلدی جان اوسته خداوند جهانی قالمیشدی اونا خاطره کوچه جریانی سالدی یادا زهرانی انیس محن ئولدی . . زهرا آدی گلدی یادیما کوفه نی سالدی مطبخده خانم قانلی باشی سینیه آلدی سسلندی اوغول گورنه گونه فاطمه قالدی گوردی باشووی بیرده بو الده ئولن ئولدی . . کیم بیلدی روا چولده توکه قانووی اوغلوم قانیله تیکه بیربیره مژگانووی اوغلوم تاگوردی گوزوم قانلی بیابانووی اوغلوم آیا نه گناه اوسته دئدیم بیکفن ئولدی؟ . . #حسنیه #بیدق_داری #حسنیه_شهادت #قان_آغلا_گوزوم_ماه_مدینه_حسن_ئولدی #ترکی

ای زهرانین سولان گُلی ای باغریقان گوزون آچ #حسنیه 🍂🍂🏴🍂🍂🏴 🏴#شهادت امام حسن مجتبی علیه السلام 🍂#سبک_صحرا_صحرا با صدای محمد حسین ابراهیم پور خویی . . رامین محمد زاده . ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیر مصیبتون بو قلبی بولسون حسن بو نه حالتدی قالموسان زینبون ئولسون حسن ای غرق بلا و اَنین یاندیردی منی مُحنین زهرین اَثرینده سنون گل تک گُویریب بدنین « قربانین اولوم حسن » . . . . یاندیم یا فاطمه دِئمه یاندی قلبیم سوزوه حسرتلی باخما زینبه ، زینب قربان گوزوه محنتونده بو بی کسی یاندیریب یاخما حسن دردون گلسین منه ؛ بئله نیسگیلی باخما حسن آلامیوی بیلم اَخا گوزیاشیوی سیلم اَخا باخ زینب غمکشیوه گر باخماسان ئولم اَخا « قربانین اولوم حسن » . . . . دردونده راضی اولما من گوزیاشیمی اَلِییم صبر ایله بو یانان دلهَ بلکه چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » #حسنیه_شهادت #ای_زهرانین_سولان_گلی_ای_باغریقان_گوزون_آچ #حسنیه #پریشان_تبریزی #ترکی