#بیاد_حیدربابای_شهریار #سرودهٔ_رقیه_سعیدی_ڪیمیا حیدر بابا سؤیله گؤلدن بهاردان سنه سلام ائدن صـفالی یاردان خبرون وار وفالی شهریار دان؟ گؤنلریمیز ایلَه دؤندی سـووشدی دومان گلــدی یِئلــرینن قووشدی دنیــا یالانیمــیش نئــجه بیلمدیک گؤزدن آخان یاشلاریوی سیلمدیک بیـــرین محبتیـــله دینـــدیرمدیک حیف اولا گئچدی عمروموز بهاری گؤریدیک ای کاش بیر ده شهریاری حیدر بابا ، باشوندا قصـــه لر وار ئؤرگــوندا آغــلادان غصــه لر وار تپراقــوندا بیتن گؤلدستــه لر وار خــاطره لر واردی ســنون آدوندا منیـــم ده آدیمی ساخلا یادوندا ای کاش بیزه یامان گؤن اولماییدی سن نن آیری سالان گؤن اولماییدی ائلی الدن آلان گؤن اولماییدی خوش گؤنلرین قدرین بیلیدیک ای کاش آغلار گؤزین یاشین سیلیدیک ای کاش حیدر بابا شهریارا ســؤزوم وار سنون اوجا داغلاروندا گؤزؤم وار دئمه منیم آیریلیقا دؤزوم وار ای کاش سنه گلیب قوناق اولیدیم سنون سینوندا بیر بوداق اولیدیم ادامه دارد....... ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا) ۱۴۰۳/۶/۲۷ #بیست_و_هفتم_شهریور #روز_شعروادب_فارسی لینک کانال اشعار در ایتا↶ https://eitaa.com/joinchat/1259143275Ce3f7c12047 ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌