به نام خدا #روضه_ترکی #شهادت_امام_جواد_علیه_السلام #سروده_رقیه_سعیدی_کیمیا یارب گینه زهریلن،یاندی جگر اودلاندی تاائتدی جفا زهری،قلبه اثر، اودلاندی ازبس کی آغیر غمدی عالمده جوان داغی یاندیردی ئورک باشین ،شب تاسحر اودلاندی یاشمس شموس اوغلی ! سَن ماه منوّر سن آخر نیه خاطر بو، قرص قمر اودلاندی آخر بونه عالمدی ؟ منزلده غریبانه لب تشنه جگریاندی، هم بال وپر اودلاندی یوخ محرم اسرارون ،هرناله کی سَن چکدون یئر ناله چکیب سَنلَن ، گؤی سر به سر اودلاندی یاندیردی عطش داغی،آهیله یانوب سینه آخدی گؤزیوین یاشی،اشک بصر اودلاندی یاابن رضا! گرچه سَن داغ جگر گؤردون ازبس ائلَه دون ناله،دیوار و در اودلاندی اما یادا سال هردم، آخشام چاغی ،عاشورا طوفان بلا قوپدی،چون خیمه لر ادلاندی هچ داغ ،ایکی دنیاده ،جدّون داغی تک اولماز اکبر باشینین اؤستَه ،قلب پدر ادولاندی تا روزقیامت هم سؤنمَز بواوغول داغی بو ماتم عظمادن ، روح بشر اودلاندی رقیه سعیدی(کیمیا) لینک کانال اشعاردرایتا👇 https://eitaa.com/joinchat/1259143275Ce3f7c12047 لینک کانال اشعاردرتلگرام👇 https://t.me/joinchat/eMHYCRTE6hMwNTU0

به نام خدا #فاطمیه #روضه_ترکی #شهادت_حضرت_زهرا_سلام_الله_علیها #رقیه_سعیدی_کیمیا ••••••••••••••••••••••••••• نَدَن دُویـدی بو دنیـادَن ، نَدَن گِئتدی جوان ، زهــرا جوانلیقدا نه ظلمیــلَن اُولوب قــدّی کمــان ، زهـــرا نَـدَن  جبــریل ئـؤپَن درگَــه ، آلیــشدی آتش کینـَه؟ آز عمریندَه نَـدَن اُولـدی ، نواســـی اَلاَمان زهــرا بو ظلمـَه کیـم دوام اِیلــَر کی درگاهی یانان سـاعت علی نی قویمــادی تنهــا ، اُو پهلوسی سینان زهــرا حمــایت اِیلَدی زهــرا ، امام و مقتـداسیـن نن علی نین عشقینَـه خاطر بو آتشــده یانان ، زهــرا خزانْ یِل اَســدی ، گلشن ده ، علی نین یاسی تِئز صُولـدی نَه تِئـــز تـاراج غــم اُولدی ،  بهــار عمــری خزان ، زهــرا گؤنـؤز دنیـانی تَرک اِئتدی گل طاهـا، غریبـانَه گئجِیلَن گِئتـدی آغـوش مــزارَه باغــری قان ، زهــرا وصیت اِیلَـدی خانم ، شبــانه غســل و دفـن اُولسون گـَرَک قالسـون بو عالمـدَه ، مــزاری بی نشــان ، زهــرا یِتیش امــدادَه یا مهــدی ! سَنــی مین دؤرت یؤز ایلدَن چُوخ کمــک سَسـلیـر ، دَر و دیوار آراسینــدا  قالان ، زهــرا ••••••••••••••••••••••••••••• رقیه سعیدی(کیمیا) ۱۴۰۰/۱۰/۱۵ لینک کانال اشعاردرایتا👇 https://eitaa.com/joinchat/1259143275Ce3f7c12047 لینک کانال اشعاردرتلگرام👇 https://t.me/joinchat/eMHYCRTE6hMwNTU0

(هوالعلــــــی) #مربع_ترکیب #روضه_ترکی #شهادت_حضرت_علی_علیه_السلام #ماه_رمضان #سروده_رقیه_سعیدی_کیمیا ─┅═┅🏴𑁍🏴┅═┅─ بویاندی قانینه محراب ایچینده شیر خدا دایاندی آنینا شمشیر و فرقی اولدی دوتا سالیبدی لرزیه ارکان عرشی ســـوزِ صـدا نمـــازی پلهٔ معـــراج اولوبدی میــر هُـدیٰ خدای کعبه یه آند ایچدی رستگار اولدی فراقــی دؤندی ، زمان وصــال یار اولدی ندا وئریبــدی گـؤی اهلینه جبــرئیل امین عزایه دؤشــدی علی ماتمینده عرش برین یتیم اولوبدی بو غمــدن تمام اهــل زمین خبریتیشدی خانم زینب اولدی زارو غمین بابا باشینا دولاندیقجا سسلِیور آناسین تؤکؤر یاشین یؤزه هر دم گؤرنده باش یاراسین بابا ! بویور دِه گؤروم کیم سنی بوحاله سالیب بو یاره ، سینه می اودلاندیریبدی صبریم آلیب بیر اَل باشیمدا بیر اَل قلبیمین باشیندا قالیب دئمه کی آخرِ عمروندی فرصتون آزالیب هنوز آنا قراسین من باشیمنان آچمامیشام هنوز او داغ و مصیباتی باشدان آتمامیشام بهار عمریوی دشـــمن ، خزانه دؤندردی اؤرگیمــین داغین آتشفــشانه دؤندردی فلک دوباره صــدامی ، فغــانه دؤندردی یارالی قلبیـمی یاندیردی قانه دؤندردی نقدری عمروم اُولا من بو داغه آغلیارام بابا ! آنام عوضیـــندن یاراوی باغلیارام بویوردی زینبه ، مولا ، دیزون قوجاقلاما چوخ یارالی سینه می آخر نفسده داغلاما چوخ مصیبتیمده سرشکون عذاره باغلاما چوخ قاباغدا کرب وبلا وار بو داغه آغلاما چوخ او غملی کرب و بلاده حسینه غمخوار اول اسیر اولان بالالارینا سن پرستار اول ─┅═┅🏴𑁍🏴┅═┅─ ✍رقیه سعیدی(کیمیا) ۱۴۰۳/۱/۱۱ https://eitaa.com/joinchat/1259143275Ce3f7c12047 لینک کانال اشعاردر(ایتا) 👆