❀﷽❀ #مرثیه_ترکی #شهادت_امام_موسی_بن_جعفر_علیه_السلام #سروده_رقیه_سعیدی_کیمیا ─━⊰••❃••━••❃••⊱━─ گؤزلریم گؤزلیر سنی تِئز گَل اَماندی یا رضا جان وِئرور مظلوم آتان حالیم یاماندی یا رضا باشلا یثربدن یولون تئز محبس بغداده گل آل منی سِندی ملعونین الیندن داده گل شادمانلیق وئرمگه سن بو دل ناشاده گل سُون نفسده باشیمین اؤسته اؤزون فریاده گل گؤرمگون بو یاره لی جسمیمه جاندی یا رضا گل اوغول تا دیزلرون اؤستؤنده راحت جان وِئروم اَللرون چَک توختاسین زخم و جراحت جان وئروم گؤزلریم سن باغلا یوخدی منده طاقت جان وئروم گَل بو قلبیم خواهشین اِیلَه اجابت جان وئروم گؤزلریم آغلار قالیب قلبیمده قاندی یا رضا آخرین زندان هارون چوخ منی دیلدن سالیب آخرین دربان کافر طاقتــیم الدن آلیب هر سحر آخشام بو یاره پیکره ضربت چالیب تازیانه رَدّی اون بیر ایلدی پیکرده قالیب گَل آنام زهرا کیمی قدّیم کماندی یا رضا اوخشارام آخر نفسـده جدیمین احوالینه لبلریم یاندیقجا یانام من حسینین حالینه یاندیرار سوز عطش ، سالّام نظر گودالینه آغــلارام گــؤزلر دؤشنــده پیکــر پامالینه بو چتین احواله زهرا روضه خواندی یا رضا ─━⊰••❃••━••❃••⊱━─ ✍رقیه سعیدی (کیمیا) ۱۴۰۲/۱۱/۱۷ لینک کانال اشعار در ایتا👇 https://eitaa.com/joinchat/1259143275Ce3f7c12047