دیلیمه ده ییمه
من اوز اللریم ده گول بئجرمیشم
چالیش آ سئوگیلیم الیمه ده ییمه
سنین باخیشیندا تیکان باش وئریر
اوز آنام اورگه دن دیلیمه ده ییمه
آجی باخیشلارین اوره یی دیدیر
اوخ چالیب گوزومدن قان سوزوب گئدیر
منیم دیله ییمی دیدرگین ائدیر
ایپک له هؤرولن تئلیمه ده ییمه
اتکیم ده آچان الوان گوللره
سسیمده جانلانان او بولبوللره
سینه مده اوینایان گوی سونبوللره
قوربت ده یاشایان ائلیمه ده ییمه
داریخمادان آخان گئجه گؤز یاشی
داغلارا سپرکن کئچیرتدیم یاشی
«تدین » ه ده ییب فلکین داشی
درد دن بوکولن بئلیمه ده ییمه
زینب تدین
@sevgililarr
23.76M حجم رسانه بالاست
مشاهده در ایتا
الناره آبدوللایئوا، مناف آقا اوا و پنهان اسماعیللی
آنا مغامی
@sevgililarr
زامان یارالاری ساغالدار البت،
آغلاما گؤزونه قوربان اولدوغوم.
هیجراندا قالانان او کؤز قلبینی،
داغلاما گؤزونه قوربان اولدوغوم.
گؤزونده یاش گؤرسه وورماز کی اورک،
اؤنونده دیز چؤکوب یالوارام گرک.
دایانیب یانیمدا شلاله لر تک،
چاغلاما گؤزونه قوربان اولدوغوم.
سن منیم عشقیمین ازلی ایلکی،
بو عشق من اؤلمه سم، بیتن دئییلکی،
تک سنه یازیلان اثرم بیل کی،
باغلاما آچ اوخو قوربان اولدوغوم.
✍افسانه_روان
@sevgililarr
سئوگییه نفرت ائدنلر
بیر گون شهرین ان چیلغین وورغونلاریمیشلار !
@sevgililarr