‍ #خدا_دونه_در_این_ایام_جانسوز #اربعین_دلگویه_مازنی #اربعین 🏴🥀🏴🥀🏴🥀🏴🥀 خدا دُونّـه در ایـن ایـام جـانسوز چه بگذشته به زینب این چهل روز اگـر چه بـی بـرار و بـی قـراره دَره بـه کـربلا اِنـه دواره کی وِنِـه بُوره استقبال زینب؟ کی وِنه بَپرسه از حال زینب از داغ اکبر و حسین و عباس خَله زینب غریبی کِنّه احساس وِره تـا یـاد بِمو دل بَیّه کبـاب وِنِسّـه اون روز عباس بَیته رکاب نـا بـرار زاعـون دَرنّـه نـا بـرار چتی زینبِ دل بَهیره قـرار؟ چهل روز درد وناله غم و غصه چهل روز برمه و ماتم و غصه چهل روز زیر اِفتاب تَش وگرما چهل شو بی پناهی سردوسرما چهل شو زاری هاکردن نواجش چهل شوجای شلاق دردو سوزش چهل شوطفل معصوم آه و ناله چهل شو بـابـا بـابـای سه ساله چهل شو ناختی از درد شلاق چَنّه درد داشته اون نامرد شلاق چهل روز خنده بزوعنِ مَردِم چهل روز خجالتی از نامَحرِم چهل شو زینب اسیر سیاه چال چهل شو بَـتِتِن وَچُونِ دِمّال چهل شو وَچُونسّه قصه سازی چهل شو زاری و یتیم نوازی چهل شو وِشنا باخِتنِ وَچون چهل شو بی قراریه یتیمون چهل روز دست نامَحرم گرفتار چهل روز تماشایی بین انزار چهل شو بسکه زینب ناله داشته عاقبت خرابه لاله دکاشته چهل شوبی قراری داشته زینب اَتا روز چه براری داشته زینب گمون نکرده بی حسین بَهووه شه زِنّه باشه بی برار دَهووه اِسا که بَیّه بی حسین و عباس دیگه شه روزِ مرگه کنّه احساس بنال«مداح» بنال با ناله و آه که سرگذشت زینب هَسّه جانکاه 🏴🥀🏴🥀🏴🥀🏴🥀 #شعر_علی_اکبر_اسفندیار_مداح 🔹 #اشعار_ناب_آیینی 🔹 http://eitaa.com/joinchat/1035468802Cef07e8d2e7

#حسین_پرس_بوین_زینب_بموعه #اربعین_دلگویه_مازنی 🏴🥀🏴🥀🏴🥀🏴🥀 حسین پِرس بَوین زینب بموعه بَوین زینبِ جان به لب بموعه برار چل روزه که تر ندیمه ته که دنیبی بلا بکشیمه چهل روزه چهل سال پیر بَهیمه تِه که بُوردی برار اسیر بَهیمه ته جدایی مره گمون نَهییه ته بُوردی ومِه غم درمون نَهییه حسین تامجلس شراب بدیمه نامحرمون پیش کبـاب بهیـمه تره با چوب خیزرون که روشته نانجیب مره همونجه بکوشته مه جا نپرس برار رقیه کوهه؟ مِـه دل از داغ رقیـه کهـوعه مه جانپرس برار مه دل کبابه ونـه جـا عـاقبت بَـیّه خـرابه برار از درد وغم مه دل سروشته حسین مِـره خجالتی بکـوشته بمیـرم کـه رقیـه دِق هاکـرده تـا ته سر ره کَشه بیته بمرده دعا هاکن شه حاجت ره بهیرم سـر ره بِلّم تـه قبـر سـر بمیرم من و توسه«مداح» غصه خواره ونـه دلگـویه چـنه بـرمه داره 🏴🥀🏴🥀🏴🥀🏴🥀 #شعر_علی_اکبر_اسفندیار_مداح 🔹 #اشعار_ناب_آیینی 🔹 http://eitaa.com/joinchat/1035468802Cef07e8d2e7