زمزمه #فارسی_ترکی زهرا زهرا حبیبه ام ای تنها یاور من این دنیای بدون تو کی باشد باور من؟ . دریا گشته دو چشم من از داغ و حسرت تو برده طاقت ز قلب من یا زهرا محنت تو . ای باغ خزان شده ام از غصه کمان شده ام یا زهرا حبیبه ام . ای یار نکوی من تسبیح وضوی من یا زهرا حبیبه ام . هر کس بئش گون گلر گئدر دنیاده یوخدی قالان اما سن سیز بو دردیله چوخ چکمز ئولَّم اینان . دریا دریا محبّتون قالدی بو دیلده نشان رخسارونده نشانه نی گیزلتمه ایله عیان . دوندرمه یوزون مندن من دویمامیشام سندن یا زهرا عم اوغلیوام . آغلار گوزیوه قربان شیرین سوزیوه قربان زهرا عم اوغلیوام . ✍️داودبیدقداری کتاب چهارده معصوم داور، ص124 1394، تهران:پیری.

نوحه #ترکی آچ گوزلرون باخ بیر منه فرزانه زهرا سن شمع‌سن منده سنه پروانه زهرا سولمیش بهاریم-غملی نگاریم مظلومه زهرا - مظلومه زهرا *** یاندون نه تئز پروانه تک عشقین اودوندا دوشدون بلا دامانینه جانان یولوندا آثار ظلمِ دشمنی گوردوم قولوندا ناله م اوجالدی ارضیدن کیوانه زهرا مظلومه زهرا - مظلومه زهرا دنیا فراقوندا منه زندان اولوبدور غملر بو یورقون سینه ده مهمان اولوبدور فتّاحِ خیبر گور نجه نالان اولوبدور تاب ایلمور غملی اؤرک هجرانه زهرا مظلومه زهرا - مظلومه زهرا سنسیز نه خیری عمریمون یوخدور صفاسی گلسون بو جانه جانیوین درد و بلاسی یاندیردی یانمیش قلبیمی سینون یاراسی عادت ائدوبدور بوتراب افغانه زهرا مظلومه زهرا - مظلومه زهرا ای صانعین صُنعِ جهان آراسی صبر ائت ای حیدرین بازوسینون یاراسی صبر ائت حجب و حیا معناسینون داراسی صبر ائت دیندیر منی اولما منه بیگانه زهرا مظلومه زهرا - مظلومه زهرا بیرده منیم گوز یاشیمی سیل گوزلریمدن یاندی مدینه بو یانیقلی سوزلریمدن غمگین اولوبدور هر گئجه م گوندوزلریمدن یانماز چراغ ائو بنزیور زندانه زهرا مظلومه زهرا - مظلومه زهرا ✍️داودبیدقداری کتاب چهارده معصوم داور، ص121-122 1394، تهران:پیری.

حضرت زهرا(سلام الله علیها) #مدح #ترکی ای عصمت حق که جان طاهاسن ای گوهراحمدی که دریاسن . ممدوحۀ کل آفرینش سن محبوبۀ ذات حی یکتاسن . هم آینه سن تمام والشمسه هم والقمر و اذا تلاهاسن . هم خیرداجاحجره ده ئوزون ساکن هم کل وجوده حکم فرماسن . هم سیدۀ نساء عالمسن هم شافعۀ رجال فرداسن . مدحونده نه سوزیازیم که ناب اولسون بوبسدی جلالتونده زهراسن . هم آینه ی جمال احمد هم باشدان ایاقا علی اعلاسن . هم دختر شخص اول خلقت هم مادر یازده مسیحاسن . هرنه دیله گلمیوبدی آگهسن بیز گوره نمیه ن نهانه بیناسن . اون بیر اولدوز آسمانی سن زهرا تاریخیده جاودانی سن زهرا . ای دیلده سوزون عصاره ی قرآن ای درد دله اشاره تون درمان . مدحونده دی انما یریدالله وصفونده دی هل اتاعلی الانسان . حق سید کائناته یا زهرا وئردی سنون احترامووه فرمان . سنلن چخاجاقدی ساحله شیعه غرق ائتسه بوتون جهانی گرتوفان . نازایلیه جک بهشته محشرده هرکیم که سنه دلینده وارایمان . خلقت یوخودی شمایلون گویده نوریله یاراتدی قادر منان . مدحونده عیاندی کوثریزدان قدرونده نهاندی عالم امکان . قدرتله خدا نه خلق ائدیب یرده سن ایله میسن خلایقه احسان . افسوس که اولمیوبدی دفنونده توکسونله اوقبره لاله وریحان . قبرون کیمی ای شکسته پهلوسی قدرونده قالوبدی عالمه پنهان . . . افسوس ،جهان غم دیاروندور هرشکسته دل سنون مزاروندور . . . گریان غم ودردیووه جهان اولدی نالان بوملاله انس وجان اولدی . یرده گویرن زماندا رخسارون حیران سنه خاطر آسمان اولدی . افسوس دچار حمله ی دونان بیر کوچه ده مادر جوان اولدی . پامال تفکرات اوچ خائن بیرلحظه ده باغ وباغبان اولدی . اون سگیز ایلین بهاری بیرگونده افسوس که ظلمیلن خزان اولدی . بیرضربتیلن آچیلدی ، بی طاقت تاشعله ده درب آشیان اولدی . دگدی گوله تا اوحالدا میخ در آلاله سیاقی آستان اولدی . یورقون سسووه یاناندا درگاهون بیرشمع تک آغلیان جنان اولدی . معبرده امیر بیکسان حیدر گوردی سنی قامتی کمان اولدی . سسلندی گئدوبدی طاقتیم زهرا قلبیمده بوغصه جاودان اولدی . . . گورنئیلدی بو زمانه یازهرا دگدی سنه تازیانه یازهرا ✍️داودبیدقداری

#زمزمه #ترکی آنا یا فاطمه یاتما اویان دور حسینین گور ننوعی باغریقان دور منی بیر ساقلیقون تک آل کناره منه درد فراقین چوخ گران دور . (گوزون قربانی یاتما حسینی گوزدن آتما صفالی ماهتابیم سپهر غمده باتما) آنا یا فاطمه یاتما اویان دور . . . رضا اولمازدون ایلوم ناله بیر آن عذاره گوز یاشیم ایمدی روان دور سسیمه ایمدی سن سس ویر آناجان منی آز نار هجرانیله یاندور . (منی یاندیرما یاخما آخان قان یاشه باخما دان اولدوز تک سپهرِ غم و غربت ده آخما) . . . سنیدی قلبیم اولمازدون رضا سن او قلبیم لخته لخته ایمدی قاندور حسن قارداشیم آغلار بیر طرفذه آنا اولادیوه محشر عیاندور . (ئورک میناسی قاندی یوزه اشکیم رواندی نه من کی مجتبانین ایشی آه و فغاندی) . . . آچوب باش زینبین بیر یاندا آغلار یولار زلفین قدی غمدن کماندور اولوب کلثوم اویاندا مو پریشان آنا وای زینبه ورد زباندور . (قالوبدور زینب ؛آغلار بو غمده سینه داغلار فراقه سیل اشکین باجیم رخساره باغلار) . . . آنا چوخ درد و غم چکدون جهاندا منیم سنسیز ملالیم جاوداندور قولین سیندی قاپون یاندوردی دشمن سنین بو غملرین دلده نهاندور . (ئورکده یاره قویدون بیزی آواره قویدون نه گلدی یول گئدنده الون دیواره قویدون) . . . اولوب اون سگز ایل عمرین جهاندا زبس غم چکموسن قدین کماندور اوزین گیتدون خلاص اولدون اگر چه عیالین صبح و شامی باغریقاندور . (خلاص اولدون جفادن قوتولدون اشقیادن ولی بولمم ندن سن ال ئوزدون مرتضادن) . . . منی سندن صورا مقتول ایده لر ایدن بو ظلمی قوم کوفیاندور کسر بو باشیمی شمر جفا جو زبس بی رحم مخلوق جهان دور . (منه عالم لر آغلار غمیمده یم لر آغلار محرم لر گلنده قرا پرچم لر آغلار) . . . باجیم زینب چیخاندا خیمه لردن گورر قانلی باشیم نوک سنان دور یانار آغلار توکر رخساره قانیاش باجیم زینب منه چوخ مهربان دور . (جدایه باش ووراللار او باشه داش ووراللار دوشنده درده ،قارداش باجیلار،باش ووراللار) . . . ویررسعد اوغلی شمر دونه فرمان ووروب اود خیمه و خرگاهی یاندور قزین سسلر سنی اولدم هرایه آنا گل زینبین حالی یاماندور . (اماندی گل هرایه منای کربلایه اودم گل کی باجیمی قشون آلمیش آرایه) . . . ئولوب قارداشلاریم یوخ پاسبانیم آلان اطرافیمی بو کوفیان دور وورار شمر لعین قمچی باشیمدان دیر زینب نولوب نه الامان دور . (جوشار غم محفلیمدن نوا قالخار ائلیمدن امان جور فلک دن امان شمرین الیندن) . . . چکر شامه کیمی چوخ درد و محنت یزید بی مروت کامران دور دوشنده خوردا قیزلار ناقه لردن قالان چوللرده سسلر ساربان دور . (گرک گوزیاش سئل اولسون جهان یانسون کول اولسون روا دور اهل بیته خرابه،منزل اولسون) . . . حسین آدین «حسینی» ایلوب ازبر بو اسم پاک اونا ورد زبان دور شفیع محشره محشرده محبوب بو عالمده حسینه آغلیان دور . («مصیب»یاز سوز،آغلا ریا قاتما دوز آغلا حسینون ماتمینده گئجه هم گوندوز آغلا) . . . حسینه آغلا هر قدر عمرین اولسا حسین اوددان سنی بُل قورتاران دور عزادار حسین یانماز جزاده بکا ابکا بونا شرح و بیان دور . (حسین تاج سران دی صفای روح و جان دی بیلون یانماز او کس کی حسینه آغلیاندی) . ✍️سعدی زمان

زمزمه #ترکی باشیم اوستَه گَل ای کمکسیز علی ایاقدان سالوبدی منی ظلمَ لی ویریبلا ستمله سینیبدی قولوم گل ای جنگ بدرو حنینین یَلی یومولمور گوزوم گل سنه وار سوزوم گل ئولور فاطمَه سارالوب یوزوم گَل سوزور اولدوزوم گَل ئولور فاطمه ———- عجله ائله ای شه بی کمک منی سیزدن ایستور آییرسین فلک قابیرقاسی سینمیش جوان فاطمه عم اوغلی بو ایودن ال اوزسون گرک سینه داغلاما سن منه آغلاما سن یانار فاطمه سرشک مصیبت یوزه باغلاما سن یانار فاطمه ————— بدنن لباس غمی سویمادیم بابامنان صورا من حنا قویمادیم بوتزلیکده دویدوم بو آز عمریدن حسین وحسندن ولی دویمادیم آمان آیریلیقدان دوداقه یتوب جان علی جان علی گل ایله تلاوت باشیم اوسته قرآن علی جان علی ——————— هامی قونشولاردان واریمدی گله بیری ایستمورم عزایه گله بو غملی ائویمده غریب لرکیمی گجه غسلیمی وئر گجه دفن ائله بیلور سن اوزون سن نجه ظلم ثانی کسیب صبریمی مزاریم یانیندا سو سپ نچه قبره ایتیر قبریمی —————- باخا بیلمورم بو سولان کوکبه ایشیقلی گونی دوندی غمنن شبه منیم یریمه ای کمکسیز آقا آنالیق ائله سن قزیم زینبه پوزولدی جمالی آخور اشک آلی سینه داغلیور چوخالدی ملالی سولوب گل مثالی قرا باغلیور ✍️ روح الله رمضانی