کوچ از شام رقیه یاتما گوز آچ ای عزیز جان گئدیرم بو شامی ترک ائدیری غملی کاروان گئدیرم نقدری جهد ائدیرم آیریلانمورام سندن غم فراقین ائدیر صبریمی تالان گئدیرم اورک غمی دیله گلمز، چتین دی درد فراق خدا بیلیر نئجه باغریم اولوبدی قان گئدیرم باجیلار عمه لر ایستیر که سندن آیریلسین اورکده قالموری هئچ طاقت و توان گئدیرم گلنده شامه گوزوم اوسته ساخلادیم سنی من ولیک اولدی گل و گلشنیم خزان گئدیرم واریم دی نیسگل اورکده کیمه بیان ائلیوم کی یوخدی شامیده بیر حالیمه یانان گئدیرم سن آغلیاندا هاچان قمچی لر قولون اوپدی سالیب دی درده منی اول غم گران گئدیرم ایاقلارین قابار اولدی گلنده یولاردا او یاره توختامادی گرچی هیچ زمان گئدیرم گوزل بالام نه اولار بیر سسیمه سس وئره سن ندن دانیشمیسان ای یار خوش زبان گئدیرم نه زجر واردی، نه شمر و نه خولی و نه سنان قوتاردی قید اسارت ، گوز آچ اویان گئدیرم وطنده گوزلیری تای توشلارین سنین یولووی بو غربت اولکه نی گل ائیلمه مکان گئدیرم بو کاروانیده افسوس اولا یئرین بوشدی حریم کعبه جانانه باغریقان گئدیرم عجب سعادت اولوب زایرم حسینیمه من کمال حسرتیله دیلده چوخ فغان گئدیرم محالیدور چیخا یاددان باشین بلاسی سنین اولور هر آینه اشگیم یوزه روان گئدیرم اقلی اولمادی بیر کیمسه قبریوی قازسین جفا خدنگی بیزی ائیله دی نشان گئدیرم اوزوم مزاریوی قازدیم امان غریبلیقدان گوزوم ده تیره و تار اولدی بو جهان گئدیرم خرابه یئرده جگر گوشه می ایتیردیم من وفا خزینه سینی ائیله دیم نهان گئدیرم سنین غمین هامی غملردن اولدی باش نئیلیم فلک دوباره منی ائتدی امتحان گئدیرم شماتت اهلی بیزی یوردی شامیده اما حسینیمین هدفین ائیلدیم عیان گئدیرم اگر چی گتمه لیم گوزلیوللر اهل وطن کونول قوشی قالیری بوردا میهمان گئدیرم داریخما گوزله دوباره سنه قوناق گلم رقیه منتظر اول ای عزیز جان گئدیرم یازاندا شعر چکر شام حسرتین مدهوش دیر خدا گوره سن شامه بس هاچان گیدیرم ✍مدهوش #محرم1402 #کوچ_از_خرابه_شام

🎤حاج_نادر_جوادی_اردبیلی #ایام_شهادت_حضرت_رقیه_س_ هیئت محفل ربابیون قرچک امامزاده بی بی زبیده #شهادت_حضرت_رقیه_سلام_الله_علیها

شهادت امام حسن مجتبی( علیه السلام) مرتضی اسکندری(ساعد) . سبک :: یخیلوب عباسیم....... . دور ایاقه زینب ئورک دونوب قانه دوداقه جان گلدی حسن ویرور جان منی حلال ایله رفع ملال ایله غمیم مفصلدی حسن ویرور جان . . ئوز عیالیم آخر جفاپیشه چیخدی صبرین ایوین یخدی خطاکار اولدی ایله بیر ظلم ایتدی وجودیم اودلاندی جیگرلریم یاندی جمالیم سولدی بیله بیلّم زینب بویول ئولّم زینب ئورگیمون قانی آغزیما دولدی منی مسموم ایتدی قویوب یرده گیتدی عیالیم دینجلدی حسن ویرور جان . . یاری جانیم آغلار گوزیوون قربانی اواشک مرجانی دوندرمه سیله سنی ویرّم سوگند رسول بطحایه آنامیز زهرایه تحمل ایله نقدر غم گلسه رضایم واللهی توکل ایت سنده ربّ جلیله دی حسینیم گلسون ئورگیمون باشین فراق اوخی دلدی حسن ویرور جان . . منه خاطر گلمه بوقدری افغانه حسینون وار یولدا کرب و بلاسی نجه صبر ایلرسن شام غریباندا اوجالسا قیزلارون آه و نواسی سو یانندا عطشان کسر قوم عدوان حسینیوون باشین آغلار آناسی کیم اونا یار اولسا غملی نگار اولسا مقامی افضلدی حسن ویرور جان . . یوخ الیمده امکان گلور آغزیمدان قان ایاقه دور الآن الون وار اولسون سنه ویردوم زحمت ملیکه ی جنت خداوندسبحان سنه یار اولسون سنه قربان قویما یتیمیم عبدالله جفای دورانه گرفتار اولسون وار امیدیم بیر گون حسینون آغوشی بالاما مقتلدی حسن ویرور جان . گرحسینیم گورسه منی بو حالیله غم و ملالیله توکر گوز یاشین دی حسینه زینب سنه ویردی قربان ایکی گوزل جیران حسن قارداشون او گونی من گورّم وورار اهل کوفه جدالرون اوسته اولارون باشون بالاما جان ویرمک حسینون یولوندا أَحلیٰ مِن عسلدی حسن ویرور جان ✍ساعد_زنجانی ✨اَللّهُمَّ عَجِّل لِوَلیِّکَ الفَرَج✨ #شهادت_امام_حسن_علیه_السلام

بسمه تعالی احوالات امام حسن مجتبی علیه السلام🍂 🎼به آهنگ:ای قلم سوزلرونده اثر یوخ هارداسان زینبیم گل هرایه سالدی جعده باشیمی بلایه اوز ایویمده غریبانه اولدوم زهر کین وردیلر مجتبایه گل گیلان سن باجی گل دایانما باشیمون اوسته گل تز یوبانما گل باجی .گل باجی.گل باجی جان. 2. باشیون زینبیم قاره باغلا گل اولوبدور حسن سینه داغلا گل یوبانما ننم ده گلیبدور سس سسه ویرگیلن سنده آغلا گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان .2. ظلم ایدوب جعده ظلمه دایاندی ایلیوبدور خیانت عیاندی زهری توکدی سوا منده ایچدیم اود دوتوبدور سینم اودا یاندی گل گیلان سن باجی گل دایانما باشیمون اوسته گل تز یوبانما گل باجی .گل باجی.گل باجی جان.2. هارداسان گل حسین جان آماندی اود دوتوبدورحسن اودا یاندی زهر ایدوبدور اثر گل یوبانما زهر ایچوب مجتبی نیمه جاندی گل گیلان سن باجی گل دایانما باشیمون اوسته گل تز یوبانما گل باجی .گل باجی .گل باجی جان .2. جان گلیبدور چاتوبدور دوداقه گل گیلان سن باشیم آل قوجاقه سن گلورسن ابوالفظلینن گل دوزماق اولماز حسین جان فراقه گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان. 2. هارداسان گل حسین جان آماندی آیریلیق دردی چوخ اود سالاندی باشیمون اوسته گل تز یوبانما زینبون غصه دن باغری قاندی گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان.2. التماس دعا ✍شعر از یعقوب رشتبر آلیله #هفت_صفر #شهادت_امام_حسن_علیه_السلام

‍ نوحه ی خروج از شام سبک # ای قمچیلر آلتیندا دلدن دوشنیم لای لای ای قارداشیمون نازلی دلداری     خدا حافظ ای عمه سینین  غملی غمخواری خدا حافظ یولاّندی    کاروان   کرب وبلایه گلموشم هجرونده نی تک نوایه دور ای باشینا هرگون مین قمچی دگن یاتما چوللرده    مغیلان لار  ایاقین    ئوپن   یاتما بیر یارلی قوش مثلی جان اوسته اسن یاتما قالسون اولاجاق جاندا غم  جاری   خداحافظ نه بیر دانیشوب دیندون نه  دهریده  بیر گولدون تیر     غمیله    هر  گون  بو  قلبیمی سن   بولدون عالم   سنه   قان   آغلار ویرانه  ده    آج  ئولدون ای    غصه  لرین   غملی آثاری          خداحافظ آز  عمریده  چوخ اولدی دردون سنون ای جیران قلبونده    کی   هجرانه دلخسته  بیبون   قربان یاره  لرووه        نیلوم اولمادی  قیزیم  درمان تاراج   اولونان   باغ و گلزاری        خداحافظ شاماتیده     پر بسته زهرالری      آغلاتدون ویرانه ده جان وئردون دنیالری       آغلاتدون ئوز  حالووه  آخر   دم اعدالری      آغلاتدون محنتده  اسیر ائتدون احراری     خدا حافظ شاعر ✍لاادری ✨اَللّهُمَّ عَجِّل لِوَلیِّکَ الفَرَج✨ #محرم1402 #خروج_از_شام

اربعین سبک:ئوزوم گوردوم قاپوم یاندی... سبک دوم نماز اوسته ننه سنگرده گوله قلبیمه دیدی حسینجان قبروین اوسته عزالی کاروان گلدی باجون زینب خلاص اولدی ولی قدّی کمان گلدی ننم زهراکیمی/سنه دلبستیم اوزاق یول گلمیشم/حسینجان خستیم اولوبدورقوللاریم نیلی مثال یاسمن قارداش آلوب گتدیم نه غارت اولموشیدی خیمه دن قارداش بوگهواره بوگوشواره بوقانلی پیرهن قارداش باجون زینب الینده آسمانی ارمغان گلدی بو کوینک مدرک اثبات عشق پاک ونابیمدور بوکوینکده یازوبلارعشقیمون حدّین کتابیمدور بو کوینک قبریمون فانوسیدورگُلدورگلابیمدور اوجالدی عطری هریردن منه تاب وتوان گلدی سنه حاشا دیم دیندیربوجمعی بیربیرآی قارداش فقط امکانی اولسا دور ربابی دیندیرآی قارداش دئنن آل قانلی قنداقی سینونده گزدیرآی قارداش سینون اوسته یاتان تشنه غزاله میزبان گلدی گلایم وارسنه قارداش فلکدن صبریمی آلدی سنون عشقون اولان قلبه یانان خیمون تک اودسالدی رفیق نیمه راه اولدی رقیه شامیده قالدی بو بابتدن اولوب شرمنده زینب باغریقان گلدی ✍ استاد غفاری اردبیلی ✨اَللّهُمَّ عَجِّل لِوَلیِّکَ الفَرَج✨ #محرم1402 #اربعین