🏴زبانحال حضرت علی(علیه السلام)🏴 🎶در آهنگ:منم باید برم..... هزاره اودلانار،خزان ویراندا گلشنی منیمده باغیمه،خزان یتوب پوزوب منی بیر عمردور بو غم،اورکده درد اولوب منه گوزوم باخا باخا،ائویمده دویدوله سنی یافاطمه اویان_یافاطمه اویان اویان قباله نین منه،دئمدین هیچ بلا سوزون دوشنده صحبتی،بو حسن اولدورور اوزون نه گلدی باشیوه،ائوه گلنده کوچه دن سویله سبب ندور،گیزلدیسن مندن ئوزون یافاطمه اویان،یافاطمه اویان اویان او گوندن هیچ دینوب،نه دانیشوب گولر حسن همیشه قلبینی،محنتیله بلر حسن گئجه گونوز بونون،ذکری اولوب ننه ننه بو نوع اگر گیده،بو غصه دن اولر حسن یافاطمه اویان_یافاطمه اویان اویان گچن گئجه دولوب،بزم وفا قورانمادین قنوتی دوتماقا،الیوی قالخیزانمادین گلنده من ائوه،دوراردین هی ایاقیمه ولی گچن گئجه،ایاقیمه دورانمادین یافاطمه اویان،یافاطمه اویان اویان جهاندا کیم دیله،خدنگ درد و غم تاخار کیمین منیم کیمی،عذاره گوز یاشی آخار دوزنمورم داخی،بو جور بی نهایته کیمین عیالینی،عدو دویه دوروب باخار یافاطمه اویان_یافاطمه اویان اویان ✍دلگیر #فاطمیه_۱۴۰۲ #شهادت_حضرت_زهرا_سلام_الله_علیها

(بسم رب الفاطمه) زمزمه_ترکی 🏴شهادت_حضرت_زهراعلیهاسلام زبانحال_امیرالمومنین_علیهالسلام🏴 🎶سبک:می گذرد کاروان.... ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ گؤزلرون آچ فاطمه !  اِیله حلال ، حیدری ســن منـی ترک اِیلمه ، ای گل نیــــلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤپ نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـــه (۲) ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۹/۱۷ #فاطمیه_۱۴۰۲     ✨اَللّهُمَّ عَجِّل لِوَلیِّکَ الفَرَج✨

...ای هامی درده آشنا زهرا.س... ای ویرن عالمه صفا زهرا هامینون دردینه دوا زهرا سنون عشقونله بو یانان اورگیم اولوری غصه دن رها زهرا دل آچان گوندن ازبریمدی آدون روزوشب ایلرم ندا زهرا هرزمان ذکر ایدانده گل ادیوی ویریلور قلبیمه جلا زهرا تیکمیشم گوز کرملی اللریوه ای اولان معدن سخا زهرا بیزه محشر گونی شفاعتیوی سنی طاها ایله عطا زهرا سنه دائم بو آغلیان گوزومی قویما محشرده آغلیا زهرا وار امیدیم جزاده مهرین ایدر درد عشاقه اکتفا زهرا یوخدی بیر کس دئیم اورک سوزومی ای هامی درده آشنا زهرا آچا اغیاره گر بو نوکروز ال بولورم اولماسوز رضا زهرا یارادوب چون سنی خدای کریم بیزه سرمایه بقا زهرا عالم خلقته یگانه گوهر سنسن ای جان مصطفا زهرا آسمان امامته اختر همسر شاه لافتا زهرا بودی شانونده بس که خالق حق سنی کوثر ایدوب عطا زهرا بویوراردی آتان رسول خدا سنه جانیم اولا فدا زهرا منه تئزتئز خطاب ایتمه رسول دائما ذکرایله آتا زهرا افتخاریمدی اللرین اپورم چونکی تکلیف ایدوب خدا زهرا سنی کیم اینجیده بو دنیاده ایلیوبدور منه جفا زهرا بومقام و بوشوکته احسن که چکور حسرتین سما زهرا حیف دوندردی چرخ گردیشینی باشلانوب ظلم ناروا زهرا داندی امت پیمبرین سوزونی اولدولار حقیدن جدا زهرا گتیروبلر هجوم درگهیوه گوردولر کار ناروا زهرا اود ووروبلا قاپون الولاندی محشر اولدی اودم بپا زهرا دایانوبسان اولحظه پشت دره حفظ اولا تا شه ولا زهرا او یانان درگهی آچوبدی عدو نلر اولدی بولور خدا زهرا در ودیوار بس فشار ویروب سینوی ایلدی یارا زهرا سقط اولوب محسنون شهید اولدی سنه مشکل اولوب دوتا زهرا بیر نفر اولمادی کمکلیق ایدن فضه نی ایلدون صدا زهرا یازدی.رزاقی. ائوز اورک سوزونی مطلبی چاتدی گور هارا زهرا قاپی اوضاعی ذکر اولونسا تمام گرک الده قلم یانا زهرا ایسته اللهیدن بالان مهدی.ع. گله تا انتقام آلا زهرا بیرده ایله نظر بو نوکریوه سنه بیرده قوناق اولا زهرا گله غملر دیارینه بیرده ایستیه اوردا کربلا زهرا عمرونی درگهیزده صرف ایده جاق خدمتی اولسا بی ریا زهرا التماس دعا ...✍ستار رزاقی #مدح_حضرت_زهرا_سلام_الله_علیها #فاطمیه_۱۴۰۲ #شهادت_حضرت_زهرا_سلام_الله_علیها لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

🏴سوزاندن درگه حضرت زهرا سلام الله علیها 🏴 🍂-(ظلم اودیله درگهون اودلاندی یا زهرا سنون)🍂 ظلم اودیله درگهون اودلاندی یا زهرا سنون محسنون سقط اولدی قلبون یاندی یا زهرا سنون هر طرفدن چون سنه تنگ ائتدی دشمن عرصه نی گوردیلر یا فاطمه یالقوزلیوب محنت سنی آلدیلار حقون اَلوندن ظلموله قوم دنی حقّووی حق بولمینلر داندی یازهرا سنون اولمادی ثانی رضا گُلماقه بیر لحظه یوزون اود وروب درگاهوی یاندوردی آغلاتدی گوزون سندیروب پهلوی نازون قالدی دلده حق سوزون قتلیوه بو صدمه بیر عنواندی یازهرا سنون دوشدی ظلم اشقیادن بسکه امرون مشگله گرچه یاندون آغلادون دردون ولی سالدون دله جانه گلدون آغلاماقه گئتدون آخرده چوله صبریوه قدّوسیان حیراندی یا زهرا سنون بس دگولدی بیر بئله جور و جفا آیا سنه ائیلدی آخر پیمبردن صورا اعدا سنه بیرده ظلم فاحش ائتدی ثانی یا زهرا سنه باخمادی کوئلون لبالب قاندی یازهرا سنون آشکار عرض ائتمرم نئتدی سنه اول نابکار ضرب سیلیدن قولاقون پارچالاندی آخدی ثار گُل جمالون اولدی نیلی ای دُر گنج وقار قاتلون مطلق او بی ایماندی یازهرا سنون گورمدون خوش گون بو عالمده سن ای کان وفا آشکارا حقّووی غصب ائیلدی اهل جفا اولدی لیکن ظلم اعدادن سنون دفنون خفا قبر پاکون ایندیده پنهاندی یازهرا سنون کاش اولیدی بی مروت قنفذون شل اللری شیر حق غسلون وئرنده تازیانه یرلری آغلادوب اول شاهی مطلق یاندیروب پیغمبری هر غمون مین موجب افغاندی یا زهرا سنون گرچه چوخ ظلم ائتدی یا زهرا سنه دشمنلرون اولمادی غارت ولی باشدان ستمله معجرون نه یارالاندی خانیم بیر معجر اوسته اللرون نه اوگون بارماقلارون دوغراندی یازهرا سنون ای بلا کاشانه سی وی دختر خیرالورا زینبه نه ظلم واردی ائتدی شمر بی حیا آغلاسان جنتده بو ظلمه یقین صبح و مسا زینبه دائم گوزون گریاندی یازهرا سنون گورمسیدی گر سنه ثانی ایاق ظلمین روا ائیلیینمزدی او ظلمی زینبه شمر دغا بیر بلالی زینب اولدی بو جفایه مبتلا بیرده قلبون بو جفادن یاندی یازهرا سنون نچه ایل دور که اولوب بیر درده #عاصی مبتلا هر دیلیله یالوارور اوغلون اونا ائتمور دوا سنده دور یا فاطمه بو دردیمه قطعی شفا بیر نگاهون دردیمه درماندی یازهرا سنون ✍مرحوم عاصی تبریزی #فاطمیه_۱۴۰۲ #شهادت_حضرت_زهرا_سلام_الله_علیها

باشلانوب بزم عزا حضرت زهرا آدینا یازیــــلوب قـــــاره علم امّ‌ابیـها آدینا یازیرام روضه‌نی صدّیقه‌ی کبرا آدینا من یازیب آغلاماسام روحیمه ریحان گلمز قبریده شاه شهیـــــــــدان منه مهمان گلمز ‌   ---------------------‐------------- نئجه‌کی گویده‌کی خورشید بویوکدی بسیار سیـــل و طوفانیده محکمدی یئرینده داغلار خانمــــــــون عفتینه بنذیوری اولــــــــدوزلار گون همان فاطمه‌نون عشقیدی،چوخ اعظمدی غــم قباقینده خانـــــم داغ کیمی مستحکمدی   ---------------------‐------------- همســــر لایقِ سلطان عرب زهرادی گوهـــــر کنز حیا،بحـر ادب زهرادی (خلقت عالم و امکانه سبب زهرادی)* دوزدی گیزلینده اولــــوب تپراقیلان هم‌آغوش ولی بیر نوریدی که حشره‌جاق اولماز خاموش   ---------------------‐------------- مادر شـــــاه شهیداندی خانـــــم خیرنسـا فخر ائدوب فاطمه‌نون اولماقینا شیرخدا دئدی زهرا گوزومـون نوریدی،پیکرده قوا مظهر مهر و وفادی،سبب خلــــق بشـــر هرگونی ارض و سماده آدی دیللرده گزر   ---------------------‐------------- یارالی جانیله مـــولادن حمایت ائلدی دیلده‌کی دردینی اشکیله کتابت ائلدی ئوزینون امــــتی ظلمیله خیانت ائلدی گلشـــن عمرینی ئـــوز امتی سولدوردی اوگون ضرب و شتمیله گوزون قانیله دولدوری اوگون   ---------------------‐------------- ئوزینون حقینی غصب ائتدی وفاسیز امت فدک فاطمـــــــــه‌نی آلدی او قــــوم ظلمت آنانین گولماقینا قالدی اوشـــــاقلار حسرت شاهِ عــــدل خانه‌نشین اولدی ، عدالت ایتدی حقلی ناحق دوگولوب ، حق و حقیقت ایتدی   ---------------------‐------------- تاپشیروب ختم نبی ،عترتی ئوز امتینه ولی آلاندیلا دنیــــــای فـــــــنا شهرتینه چوخـلی ظلم ایلدیلر ختم نبی عترتینه هم خانم فاطمــــــه‌نین آلدیلا الـدن فدکین سیندیریبلار خانمین هم اورگین هم بیلکین   ---------------------‐------------- فاطمه سعــــی ائلدی حقینی دشمندن آلا سالدی زهرا خانمی سیلی ولی آیری حالا بو محن باعث اولوب فاتـح خیبر قوجالا پاره‌لنـــــــدی سنــــــــــد باغ فدک ظلم الیله گوز دولوبدی قانا، اودلاندی اورک ظلم الیله   ---------------------‐------------- سینه‌سینون صُحُفینــده یازیلوب رمـــز بقا ولی رحم ائتمدی افسوس خانیما اهل جفا میــــــخ در یاره‌لیوب سینـه‌سینی ، واویلـا سینه‌سیندن قانی آخدی، بالاسی سقط اولدی اسیـــــــلوب باد خزان ، گلشـــن طاها سولدی   ---------------------‐------------- اوگــــونی فاطمیه حشــــــــر نمایان اولدی اولمامیش ئولدی بالاسی،اورگی قان اولدی ییخیلوبدی یئره گل پیکــری بی‌جان اولدی بطنیده محسنی اولدی اورگـــــی غملندی یوز دوتوب آهیله فیضّه قیزینی سسلندی   ---------------------‐------------- دئدی گل فیضه اورک نار غمیــــله یاندی ظلمیله ئولدی بالام قان اورگیم اودلاندی میــخ در یاره‌سیـــــله کلّ وجودیم قاندی خرد اولوبدی بدنیم شدت ضربتدن گل چوخالوبدی محـنیم شدت ضربتدن گل   ---------------------‐------------- *:این مصرع از کربلایی امیر ظریفی سردرودی می‌باشد. #فاطمیه_۱۴۰۲