سلام دوستان 🌹آموزگار مهربان مادر🌹 🍂@torkiy🍂 وار دلیلیم دائما" ورد زبانیم سن ننه چون منیم آموزگار مهربانیم سن ننه ئورگدوبسن عاطفه درسین ایوین آباد اولا اولماسوندا، رهنمای جاودانیم سن ننه سن الفبای ادبدن باشلادون تدریسمی بای بسم الله تک سلول قانیم سن ننه خاطراتون تقویت درسیمدی تمکین ایلرم چونکه استاد تمام زندگانیم سن ننه تک نه استاد و معلم سن حقیقتده منیم روشنای آفتاب آسمانیم سن ننه عمریمون اولسا فرایندی همانند نجوم ابتداسیندن مدار کهکشانیم سن ننه چخمیوب چخمازیادیمدان زحمتون دنیا بویی ایندیده حس ایلورم که پاسبانیم سن ننه طبق قانون شریعت من سنون مدیونووم انتظار انتشار امتحانیم سن ننه قویمارام قدرون سینااولسون قسم وجدانیمه دائما"فرض ایلرم که میهمانیم سن ننه حرمتون ایتسم بر آورده هزاران مرتبه مانع آسیب هر گونه زیانیم سن ننه فاخرم که محترم دامانووین ریحانیم باغ عشقین مزرعینده باغبانیم سن ننه سن قوجاقوندا منه لایلای چالاندا من دیدوم مرحبااحسن سنه روح وروانیم سن ننه خوش گلوردی سمعیمه مهرومحبت نغمه سی چال بو آهنگی ، دیوردوم بیرده جانیم سن ننه روحیم آرامش تاپوردی روحیوه قربان اولوم فکر ایدردیم کربلاده نوحه خوانیم سن ننه 📝شعر از استاد گوهری ﷽🍁 🍂@torkiy🍂 ✨اَللّهُمَّ عَجِّل لِوَلیِّکَ الفَرَج✨💫

🥀حضرت رقیه سلام الله علیها🥀 🏴@torkiy🏴 📝 فرهاد فکری اردبیلی 🎵سبک: ای باشی سرنیزه ده معراج ائدن... ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ گل اورگیم غمدن اولوب قان ننه وئردی رقیم نجه گور جان ننه چوخ گجه لرصبحه جک نازلی قیزیم وای دئدیم سینمون اوسته آلوب یات بالالایلای دئدیم سنکیمی عمرینده پریشان اولوب لاله کیمین صورتی غمدن سولوب سیلی دگوب گوزلرینه قان دولوب گلدی سنون یانوه مهمان ننه طی ائلیوب شامون اوزون یولارین کسدیله گل مثلی اونون خولارین قمچی گویردوب بالامون قولارون قالمیشام افسرده وحیران ننه گوزیاشیمی قانه رقیم قاتوب غصه ودردون بالاما پای چاتوب صبحه کیمین چوخ گجه لرآج یاتوب مندن ائدوب دردینی پنهان ننه باشدا واریدی بالامون قاره سی ویردیلاچوخ شامیده دل یاره سی غارت اولوب ظلمیله گوشواره سی یوردی اونی محنت وهجران ننه سیندی قفسده بالامون شهپری جاری ائدوب گل یوزه اشگ تری چوخ گجه گوزلردی بالام اکبری دردینه حیف اولمادی درمان ننه باشه یتیشمیشدی اونون اوچ یاشی اکبره اوخشاردی گوزل گوز قاشی ظلمیله دوغراندی جوان قارداشی اولدی عجب بی سرو سامان ننه آهیله آفاقه گرک اود سالام ایستمورم دهریده زنده قالام گوشهٔ ویرانه ده ئولدی بالام دردینه قان آغلارام هرآن ننه گل ننه ویرانیه فریاده باخ جمع دل افسرده وناشاده باخ ایله کرم غصه لی«فرهاده»باخ ایله اونون دردینه درمان ننه 💔شهادت_حضرت_رقیه💔 🏴@torkiy🏴

🥀احوالات حضرت رقیه (سلام الله)🥀 🏴@torkiy🏴   خرابه قلبینی سیخان رقییه سلام اولا یزیدی تختیدن سالان رقییه سلام اولا   ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقییه سلام اولا   فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقییه سلام اولا   آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقییه سلام اولا   دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقییه سلام اولا 🏴@torkiy🏴

💔السلام علیک یا بنت الحسین یازهرای سه ساله💔 🏴@torkiy🏴 کیم اولسا درده مبتلا رقیه دامنین دوتار گلر مریض بی دوا رقیه دامنین دوتار ویروب مدال افتخار او مه جماله فاطمه آلاندا شامی آدینه یازوب قباله فاطمه علم وروب خرابیه همان سه ساله فاطمه گیدر غریب و آشنا رقیه دامنین دوتار گر ایتسه خاک پاسینه نظر بو اوچ یاشندا قیز ایدر نظرده تپراقی گهر بو اوچ یاشندا قیز دی حاجتون نه ایسته سن ویرر بو اوچ یاشندا قیز غم اهلی دلده مین نوا رقیه دامنین دوتار اگر مریض عشقیسن واروندی تربته نیاز توسل ایله صدقیله رقییه پس از نماز ئوزی او قبری گورمیوب ولی سنه یازار جواز که عاشقان کربلا رقیه دامنین دوتار نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قباراولان ایاقلارا ادبله سالک وفا رقیه دامنین دوتار سلام او نازدانه نین جلال و افتخارینه که دردمندلر گیدوب دخیل اولار مزارینه گر اولسا معنوی گوزون باخارسان اعتبارینه فرشتگان نه سما رقیه دامنین دوتار اما بوخانم جان ویردی زینبین علاجی هر یردن اوزولوب یوزون دولاندردی کربلایه هایانداسان آی ابوالفضل اوزون قولون قربان بالامین عمری آز اولدی ملالی طولانی قولی کی یوخدی دیم گل اقلی قبرینی قاز غساله گلدی غسل ویره گوزی چاتاشدی اوبالانین بدنینه چکیلدی کناره سسلنده اولما بیزی فقر اوسته گورورسن مایوس المز صاحب احسان خرابه تپراقه اگر سالسا نظر سید سجاد سرتاسر اولار لعل بداخشان خرابه باخما اونا یوخ فرش اوتورموش قوری یرده دنیایه سلیماندی سلیمان خرابه عرض ایتدی خانملار من ئوزوم یارحسینم گیزلینجه نه مدتدی عزادار حسینم هرچند یزیده بئله بیر سوز دیمگ اولماز الرده ئولوب بوبالا غسل ایلمک اولماز زینب باخوب اعضاسینه نیلی یری اوپدی یوزدن آیروب زلفون سیلی یرین اوپدی قبرین قازوب ئوز کوینگینه بوکدی بالانی قبره قویوب آهسته بلند اولدی فغانی سعی ایلدی کی هرچند تسلیم اولا صبره اما اورگی گلمدی تپراق توکه قبره سسلندی خانم زینب غساله الین ساخلا زینب گوزونی اوپسون اونان کفنون باغلا دیدی غساله اوشاقیدی وقتی بابام ننم زهرانین کفنین باغلیردی باش بندین باغلامادی ،اشاره اله دی دیدی قیزیم گل یوزوی قوی ننوین یوزونه گلدیم کفنی کنار اله دیم ایستدیم یوزومی قویام یوزونه گوردوم یوزی بئله گوریب ایستدی رقیه نین ده معجرین وره کنارا یوزون قویا رقیه نین یوزونه گوردی الله یوزی بئله گوریب دیدی بالا دائم قره معجر سالان عمون سنه قربان آرامینی غملر آلان عمون سنه قربان قارداشسیز اوغولسوز قالان عمون سنه قربان 🏴@torkiy🏴

مطالب ویژه شهادت امام حسن مجتبی علیه السلام به روایتی مصادف با۷صفر👇👇

🍂سینه_زنی_شهادت حضرت امام حسن (علیه السلام)🍂 🏴@torkiy🏴 📝مرحوم قدرت اله نادری یاندوم ای باجی سم زهردن قاره بخت اولان زینبیم اویان جاون وئرور گوز آچ قارداشون حسن اودلارا یانان زینبیم اویان دورگلان نه غفلتده یاتموسان یخدیلار باجی خانمانوی تازه دن گنه یاسه باتموسان باغلی قویدولار دودمانوی دوغرانوب جگر داده چاتموسان ائتدیلر خزان گلستانوی زهر ائدوب منیم گور نجه باجی قدّیمی کمان زینبیم اویان آچماسون گوزون خواب نازیدن درد و غم سنه بر ملا دگول ای بلا چکن راه حقّده بو بلا هله صون بلا دگول یِر مدینه دور جان وئرن حسن قورخما ای باجی کربلا دگول یوخدی قدرتیم سسلیوم سنی باغریم اولدی قان زینبیم اویان یوخدی طاقتیم نازیوی چکم یاتما بیر بله ای اسیر شام یاندی دیل دوداق دوغرانوب جگر سنده منله یان قویما تک یانام دور حسینوی ایله باخبر هارداسان حسین جان وئرور امام ای جوانلاری االده دوغرانان خیمه سی یانان زینبیم اویان سو گتور باجی ایله شستشو زهر کین دگوب گور لباسیمه دور تدارکون گور انام باجی قونشولار گلر یندی یاسیمه آل هاشمی گئت اویاتگلان وئر خبر باجی نازلو قاسمه دئ آتان ئولور هارداسان بالا قان حنا یاخان زینبیم اویان آز قالوب گجه صبح آچیلسا گر پخش اولار باجی عالمه خبر عون جعفری اکبری اویات کوفه نائبی مسلمه خبر کربلا علمدارینی چاقور وئر منیم اباالفضلیمه خبر قوم و خویشیمی ایله باخبر گوللری سولان زینبیم اویان وقتیم آز قالوب ای آنام باجی منله بیر زمان ایله گفتگو دور چاقور گوروم اهل عیالیمی ناتوان ائدوب چون منی عدو دوغرانوب جگر ئولدورر منی کوزه دن باجی ایچدیگیم بو سو قارداشون گئدور دور وداع قیل بی خبر یاتان زینبیم اویان گوردی زینبی چون اویانمادی ناامید اولوب شاه ممتحن بیر به بیر یاتانلاری سسلیوب اولمادی اونا کیمسه سس وئرن نوعله سوروندی گلوب گئنه زینبون باشی اوستونه حسن یوز یوزه قویوب سسلدی امام یاندیم الامان زینبیم اویان «نادری» بو غم دفترین قوتار آز قالوب قلم دفتر آغلاسون زهر کینلن جان وئرور حسن وقت اولوبدی پیغمبر آغلاسون فاطمه اوغول وای دیوب گله باشنه وورب حیدر آغلاسون کربلا غریبی حسینیمه سینه داغلیان زینبیم اویان ( سبک برای سینه زنی و زنجیر) 🏴@torkiy🏴

🏴شهادت امام حسن (علیه السلام) 🏴 .🏴 @torkiy🏴 📝عباسی معروفان اهری . 🎶سبک : ای باشی سرنیزده معراج ایدن . گل باجی زینب جگریم یاندی گل گل حسنین حالی پریشاندی گل آغلا منیم حالیمه غصه لی احوالیمه . . کون و مکان گؤزلریمه تار اولوب طشت ائله حاضر منه غم یار اولوب گؤیده ملکلرده عزادار اولوب عرش خدا بر هم و لرزاندی گل . . سالدی بلایه منی ئوز همدمیم عاطفه سیز همسر نامحرمیم زهر جفا وئردی چوخالدی غمیم شعله غمدن دل الولاندی گل . . سسله حسینیم منه دل داغلاسین وای حسن وای دیوب آغلاسین لطف ائلیوب گؤزلریمی باغلاسون لحظه غم موسم هجراندی گل . . گلدی حسین آلدی باشین سینیه سالدی نظر آینه آئینیه سسلدی ای توش اولونان کینیه نطقه حسن ٬ جان سنه قرباندی گل . . قارداشی قارداش گتوروروبدور دیله قارداشینون وئردی جوابین بئله قال باشیم اوستونده حسین لطف ائله خوش باخشون آیت رحماندی گل . . غسل و کفن ایله منه سال یولا قویما حسین قاسمی محزون اولا باغ حسن آفت غمدن سولا اوغلومون الآن گؤزی گریاندی گل . . غصه لی تابوته وورون دایره بو عملوز قلبیمه تسکین وئره حمل ائلیون محضر پیغمبره گر چه مخالف هامی عدواندی گل . . قوم نفاق هلهله گر سالسالار سمت بقیعه آپارون قویسالار آغلاما تابوتیمه اوخ وورسالار قسمتیمیز تیریله پیکاندی گل 🍂گل_باجی_زینب_جگریم_یاندی_گل 🍂 🏴@torkiy🏴

‍ 🍂شهادت امام حسن مجتبی علیه السلام🍂 🏴@torkiy🏴 🎶سبک:صحرا صحرا دویده ام(افتخاری),,,,,, ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیر مصیبتون بو قلبی بولسون حسن بو نه حالتدی قالموسان زینبون ئولسون حسن ای غرق بلا و اَنین یاندیردی منی مُحنین زهرین اَثرینده سنون گل تک گُویریب بدنین « قربانین اولوم حسن » یاندیم یا فاطمه دِئمه یاندی قلبیم سوزوه حسرتلی باخما زینبه ، زینب قربان گوزوه محنتونده بو بی کسی یاندیریب یاخما حسن دردون گلسین منه ؛ بئله نیسگیلی باخما حسن آلامیوی بیلم اَخا گوزیاشیوی سیلم اَخا باخ زینب غمکشیوه گر باخماسان ئولم اَخا « قربانین اولوم حسن » دردونده راضی اولما من گوزیاشیمی اَلِییم صبر ایله بو یانان دلهَ بلکه چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » 📝رامین محمد زاده(پریشان) 💔ای_زهرانین_سولان_گلی💔 🏴@torkiy🏴