💔آرزوی_کربلا💔 🏴@torkiy🏴 🎶سبک:ای قلم..... 📝اعظمی_تبریزی ای خدا گئچدی گون عمر آزالدی کربلا حسرتی دلده قالدی بیر نُولی غصّه دن دینجلیدیم کربلانی گورِیدیم ئُولیدیم سن بولورسن ندور سرنوشتیم نیلوری جنتّی روی زشتیم نه جنان کربلا دور بهشتیم بیر نولی غصّه دن دینجلیدیم کربلانی گوریدیم ئولیدیم ای خدا لطف ایله مشگلم وار گلشن دلده حسرت گُلم وار سینه ده کربلا نسگلم وار بیر نولی غصّه دن دینجلیدیم کربلانی گوریدیم ئولیدیم کربلا دور گوگل آرزوسی کربلا دور بو دل گفتگوسی کربلا دور یوزوم آبروسی بیر نولی غصّه دن دینجلیدیم کربلانی گوریدیم ئولیدیم غملیم آغلارام یوخ علاجیم وار سنون لطفوه احتیاجیم کربلا دور منیم فخر تاجیم بیر نولی غصّه دن دینجلیدم کربلانی گوریدیم ئُولیدیم هر نه غم یئتسه منده دوزوم وار نیلیوم کربلا ده گوزوم وار کربلا شاهینه چوخ سوزوم وار بیر نولی غصّه دن دینجلیدم کربلانی گوریدیم ئُولیدیم لطف ائله کربلا گلستانین شرح ائدیم تا باشیم داستانین بیر اوپوم من آقام آستانین بیر نولی غصّه دن دینجلیدم کربلانی گوریدیم ئُولیدیم گوزلریم منتظر قالدی یارب بیر گورم گورسنور تَلّ زینب نه غمیم وار اَله گلسه مطلب بیر نولی غصّه دن دینجلیدم کربلانی گوریدیم ئُولیدیم زینبه آند وئرّم الهی کامیاب ایله بو روسیاهی گوگلوم ایستور منیم خیمه گاهی بیر نولی غصّه دن دینجلیدم کربلانی گوریدیم ئُولیدیم هجر غم قویمویوب منده آرام قبره گِئتسم اورکده بو آلام خلق سُویلر منه ئُولدی ناکام بیر نولی غصّه دن دینجلیدم کربلانی گوریدیم ئُولیدیم آچسالا قلبیمی وار یاراسی ایستوری درد و غم آشناسی کربلا دور بو دردین دواسی بیر نولی غصّه دن دینجلیدم کربلانی گوریدیم ئُولیدیم من دئمم مایل عزّ و جاهم غرق دریای جرم و گناهم #اعظمی دور آدیم رو سیاهم بیر نولی غصّه دن دینجلیدم کربلانی گوریدیم ئُولیدیم 📝حاج بیوک اعظمی تبریزی ﷽🍁 🏴 @torkiy🏴 ✨اَللّهُمَّ عَجِّل لِوَلیِّکَ الفَرَج✨💫

#حضرت_رقیه_سلام_سلام_اللله_علیه اِی شامیان اوُلدُوز کِیمی باتدی رُقیّم یُورمُوش دُولار وِیرانَه دَه یاتدی رُقیّم پَروانه تَک شَمِعیندَن اوُتری چُوخ دُولاندی شاماتیدَه مَقصودینَه چاتدی رُقیّم تک قُویمِون قَبرین، بُو بیر یالقُوز اوُشاقدِی یُوخدور یانندا بیر کَسی اِیلدَن اوُزاقدی آخِر سِیزَه نازلی بالام بُوردا قُوناقدی باشدان وَطن فِکرین داخی آتدی رُقیّم ظُلمیلَه اوُلدی دَستگیرِ قُومِ عِنادَه قُول باغلی گِیتدی مَجلسِ اِبنِ زیادَه گَلدی قانادسیز قُوش کِیمی یُولّاردا دادَه آی تَک دُولاندی شامیدَه باتدی رُقیّم مَرگِ رَقیّه اوُد سالُوب وِیران سَرایَه یُوخدور آتاسی قارداشی گَلسُون عُزایه گِیتسم غَمِین شَرح اِیلَرم صاحِب لَوایَه بُلسُون وِصالی فُرقتَه ساتدی رُقیّم نارِ مَلالی عالَمی یاندُوردِی یاخدی قارداش فَراقِینده یُوزَه گُوز یاشی آخدی گُوندوز گِئجَه اَکبَر دِیدی یُولّاره باخدی خُونِ دِلین گُوز یاشینه قاتدی رُقیّم اَشگیلَه دَرسین عارِضَه ازَبَر یازاردِی بارماقِیلَه تُوپراقلارا اَکبَر یازاردی گاهِی سِیلُوب اّکبَر آدِین اَصغَر یازاردِی مَدهُوش اوُلوب مَقصودِینَه چاتدی رُقیّم گاهِی گَلردِی نالیَه، گه وای دِیردِی گاهِی گُوروب قَمچِی یِرین اِیوای دِیردِی گاهِی علیّ اَصغَرَه لای لای دِیردِی صُبح و مَسا گَردِ غَمَه باتدی رُقیّم دَرد و مُصیبَت عالَمی سالدی گُوزُیندن راضیدی جان وِیرسُون، خَبَر آلدیم اوُزیندَن قَبرَه قُویاندا آغلادِیم اُپُدُوم یُوزُیندَن یُورمُوش دُولار وِیرانَه دَه یاتدی رُقیّم وار #اعظمی عُمرُون سَنُون دُنیادَه آغلا بَزمِ عَزادَه نِی کِیمی گَل دادَه آغلا بُو نُوحَه نی شام و سَحر سال یادَه آغلا اِی شامیان اوُلدُوز کِیمی باتدی رُقیّم

اربعین حسینی ‌زبانحال حضرت رباب سلام الله علیها وئر خبر دردون دواسیندان اوغول ناگرانم اوخ یاراسیندان اوغول حق یولون حق بولموینلر آزدیلار قتلیوه، اوچ شعبه لی اوخ یازدیلار قبریوی، شَه سینه َسینده قازدیلار دوشمین آیری آتاسیندان اوغول ای بو چولده ظلمیله قانه باتان آلدی آغوشه سنی مظلوم آتان ای رقیّه یاتدوقی یرده یاتان کیم دویار قبرون صفاسیندان اوغول تشنه لب حالون یادیمدان چخماز هیچ هی ووراردون تشنه لیق دان تاب و پیچ جام گوزده سو سنه گتدیم دور ایچ دوش داخی سو مدّعاسیندان اوغول تا یِتوب بو چولده احرام باغلادیم کعبۀ عشقونده سینه داغلادیم باخدیم حسرتله فراته آغلادیم یاندی قلبیم سو صداسیندان اوغول آشنا نِیلور محبّتده یادی هر آنایه فخردور اوغول آدی وار آنا بالالیقین آیری دادی هیچ آنا دویماز بالاسیندان اوغول سن کیمی هاردا اوغول مَه پاره وار هجرِ داغیله اورکده یاره وار شام شهریندن باشیمدا قاره وار گلموشم باجون عزاسیندان اوغول یوخ وفا بو بی وفا ایّامیده جانه منّتدی رَهِ اسلامیده وئردی جان باجون رقیّه شامیده سولدی تئز شامون هواسیندان اوغول بولمورم هانسی حکایتدن دیوم اوز غمیمدن یا اسارتدن دیوم کوفه ظلموندن شمادتدن دیوم یا دیوم شامون جفاسیندان اوغول عزّتیم ای یوزده آبِ روی من روز و شب اصغردی گفت و گوی من غملیَم، ای شمعِ آرزوی من دلده وار هجرون یاراسیندان اوغول کج روشدی بو جهانون جاده سی عاقبت ویرانه دور آباده سی ایچدیرَر جمله کَسه غم باده سی غصّه دور دنیا بناسیندان اوغول #اعظمی جرمون ائدر گر چه عدد اِیلر امّا بیر بَغیشلَنماق صدد ایسته حقدن حق اونا ائتسون مدد تا گیَه تقوا لباسیندان اوغول ✍منکلام:مرحوم استادحاج بیوک اعظمی تبریزی   ‌#اربعین۱۴۰۴ #اربعین_حسینی #کانال_باب_الحوائج http://eitaa.com/torkiy