💔جمعه های انتظار💔 #امام_ زمان 🍂http://eitaa.com/torkiy🍂 ای خدا آیریلیق درده سالدی ، یوسف فاطمه هاردا قالدی هر مسافر گدیب گلدی آخر ، یوسف فاطمه هاردا قالدی شأنیده رتبه ده بی بدل سن ، هر گوزل دن آقا سن گوزل سن کاش اونون گلماقین من بولیدیم ، یوللارا سو سپیدیم سیلیدیم بیر دویونجا گوریدیم جمالون ، اللرینن اوپیدیم اولیدیم شأنیده رتبه ده بی بدل سن ، هر گوزل دن آقا سن گوزل سن تنگه گلدوخ آقا بسدی هجران ، کعبه دن گلماقون ایله اعلان ظاهر اول بیر گوزل پرچمیله ، شیعه نی گویما چوخ دیده گریان شأنیده رتبه ده بی بدل سن ، هر گوزل دن آقا سن گوزل سن عالمین ای ایشیقلی چراغی ، شیعه نوم یاور و دال دایاغی گوی قدم رنجه لطف ایله مولا ، بیر گجه بیزلرین اول قوناغی شأنیده رتبه ده بی بدل سن ، هر گوزل دن آقا سن گوزل سن آغلاماقدان گوزوم دوندی ابره ، طاقتیم سیدی یوخدی صبره عمر گشدی گوجالدوم اماندی ، گورمه میش گدمییم بلکه قبره شأنیده رتبه ده بی بدل سن ، هر گوزل دن آقا سن گوزل سن سن ولی خدای ازل سن ، یوخدی همتا سنه بی بدل سن یر یوزونده گوزل چوخدی اما ، چوخ گوزل دن آقا سن گوزل سن شأنیده رتبه ده بی بدل سن ، هر گوزل دن آقا سن گوزل سن منتظر عمروموز اولسا قاللوخ ، چوللری سننن اوتری دولاننوخ چون کی وار سنده زهرانون عطری ، فاطمه عطرینی سنن آللوخ شأنیده رتبه ده بی بدل سن ، هر گوزل دن آقا سن گوزل سن ای علی نون گوزل یادگاری ، صاحب لایق ذولفگاری گل تمام ایله زهرایه خاطر ، عالمی یاندوران انتظاری شأنیده رتبه ده بی بدل سن ، هر گوزل دن آقا سن گوزل سن ای عزیز حق ذوامنن سن ، بارگاهی اولان کوی ایمن هر سفر ایلین تز گیددی ، چوخ یوباندون ولی گلمدون سن شأنیده رتبه ده بی بدل سن ، هر گوزل دن آقا سن گوزل سن گرچه یوسف دییللر گوزلدی ، حسنی دنیاده ضرب المثلدی سن ولی هر گوزلدن گوزلسن ، اصلیسن اویوسف بدلدی شأنیده رتبه ده بی بدل سن ، هر گوزل دن آقا سن گوزل سن ای قلم سوزلرینده اثر یوخ ، آشنادن منه بیر خبر یوخ گلدی بو جمعه ده گشدی الله ، فاطمه یوسفینن خبر یوخ شأنیده رتبه ده بی بدل سن ، هر گوزل دن آقا سن گوزل سن 《هدف از ایجاد این کانال : ارائه بهترین اشعار مداحی ،روضه،مرثیه ،مولودی و... برای دسترسی هر چه سریع شما ذاکرین آل الله می باشد .》 💠خادم کانال : 💠🎤کربلائی سعید سلطانی 🔰 💠جهت ارتباط بامدیر کانال به آیدی زیر مراجعه فرمائید @saeid1370 ---•••◇🔹️💢🔹️◇•••--- کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy