🚩در فراق مادر و توسل به حضرت زهرا 🚩 ننم اولسیدی اگر غم ائویمی یخمازدی روحیمی پنجۀ دنیا و قدر سیخمازدی ننم اولسیدی اگر بیر بئله غم چکمزدیم بو سیاق تئز قوجالوب قامتیمی بوکمزدیم داریخان وقتیده هردم دییرم اوز اوزومه ننم اولسیدی اگر همدم اولاردی سوزومه ننم اولسیدی اگر غم منه یوز وئرمزدی منه دنیا غمی دنیاده آغیر گلمزدی قلمون دوشدی گینه نسگلی زهرا یادینا گلدی زهرا آدی جانلار اولا قربان آدینا گوزلرین آچدی بیان ائتدی عم اوغلی ئولورم غصه لر یوردی توان گئتدى عم اوغلی ئولورم گئدورم دار فنادن دئمورم آغلیاسان دئمورم قبریمون اوستونده اورک داغلیاسان بیر وصیت ائدورم رخت عزانی سویاسان گئجه لر کوزه دولی ائوده سرین سو قویاسان جان سنون جان آناسیندان ال اوزن زینبیمون دورد یاشیندا غم هجرانه دوزن زینبیمون یا على تاپشورورام بیر اولان اللهه سنی سنده آغوشووه آل هر گئجه اوغلوم حسنی . #ترحیم_مادر #شهادت_حضرت_زهرا_سلام_الله_علیها #کانال_باب_الحوائج http://eitaa.com/torkiy

به مناسبت سالگرد وفات مادر مهربان باآهنگ ای صفای قلب زارم حسرتین گوزده قالوبدی آیریلوخ طاقت آلوبدی وارفلک دن چوخ گلایم بیرایلی آیری سالوبدی آناما آغلارام. قراسین باغلارام غمینده قلبیمی بیرایلدی داغلارام آنام لایلای آنام. آنام ایوای آنام بیرایل اولدی گوزدن آتدون توپراقین آلتیندا. یاتدون اولدوزوم بوقلبی یاندی گئتدون آخریرده باتدون دیوم ایوای آنا. سنه لایلای آنا بودنیاده داخی تاپولماز تای آنا آنام لایلای آنا. آنام ایوای آنا یاندی قلبیم دوندی قانه دویموشام بیرایلدی جانه قوش کیمین ترک ایلویوبسن اولدی ویران آشیانه قولون سئنموب آنا سودین دونموب قانا دُیوب دخت نبی. اوگون اوددا جانا آنام لایلای آنا. آنام ایوای آنا سیلیدن ئوزده نشانه پشت درده باتدی قانه قول سینوب مسماری باتدی قانی آخدی دویدی جانه ائدوب ثانی جفا یانوبدی مرتضی قان آغلور صاحبی دِیوردی گل آنا آنام لایلای آنام. آنام ایوای آنام ✍ حاج عباسعلی دهقان(صاحب)۱۴۰۳/۶/۲ ✨اَللّهُمَّ عَجِّل لِوَلیِّکَ الفَرَج✨ #ترحیم_مادر #کانال_باب_الحوائج http://eitaa.com/torkiy