نوحه حضرت حُر بن یزید ریاحی شاعر:مرتضی اسکندری(ساعد)زنجانی 🎼سبک ۱: یاران چه غریبانه 🎼سبک ۲:ای شمع حرمخانه...... عفو ایله منی مولا من حر پشیمانم سن اکبریون جانی باخ گور نجه نالانم یا سیدی یا مولا(٢) اولده مطیع اولدوم بو لشگر گمراهه آخرده یولوم دوشدی اردوی شهنشاهه ایندی سنی یا مولا ویرّم قسم اللّهَه دیندیر منی بو چولده سرگشته و حیرانم سرتاسر عالمده یوخدور سنه تای مولا سن شمع شرافتسن عباسیده آی مولا قیزلاریوه لطف ایله نوکر منی سای مولا یاز آدیمی دفترده محزون و پریشانم سن باب کرامت سن من بنده ی دربارم سن معنی ثارالله من عبد گنهکارم سن لاله زهراسن من شاخه ده بیر خارم گل سائلیوی قوما درباریوه مهمانم قیزلاریوی یولاردا قورخوتموشام عفوایله باخ گورنجه خجلتدن اوددوتموشام عفوایله قام آغلاموشام هرآن قان اوتموشام عفوایله آلله ئوزی شاهددی شرمنده ی دورانم دشمن منی اولده خوار ایله دی یا مولا نفسیم منی اغیاره یار ایله دی یا مولا شهرت منی آخرده زار ایله دی یا مولا قوسان منی حقون وار شایسته ی نیرانم ویر اذن جهاد ای شه طوفان ایلیوم الآن قوی جانیمی جانانه قربان ایلیوم الآن اعمالیمی فرصت ویر جبران ایلیوم الآن یا سیدی امر ایله من تابع فرمانم سن مظهر ذات حق من تشنه ی ایثارم سن کان کرامت سن من عشقیوه بیمارم دوندرمه یوزون مندن هرچند خطاکارم باخ دیده ی خونباره من سائل احسانم #محرم1402 #شب_چهارم_محرم #حضرت_حر_علیه_السلام ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

نوحه حر بن ریاحی(ع) ياحسين    درگاهيوه   بو   چولده  مهمان  گلميشم گوردوگوم   ايشدن   پيشمانم    پشيمان  گلميشم یول کسیب  چوخ   ظلم   ائتديم   اوّل  آل هاشيمه سپّوشم   بو   چول لرين    تپراقینى  من    باشيمه سن  آنان زهرا  جانى  بير  باخ   منيم  گوز ياشيمه گور   نئجه   خوار  و ذليلم   ديده   گريان  گلميشم قوى   اياقون  تورپاقین   من   ايليوم    كُحلِ   بَصر خاك  پايوندن  ئوپوم  چوخ  فخريلن  من ديده    ‏تر وئرمه‏سون رخصت باشيمى قووزامام شام و سحر بس كه  چوخدور خجلتيم  حالى  پريشان گلميشم آند    ويرّم     حضرت    عباس   تك     قارداشيوه غم    يولوندا    زينب   كبرى   كيمين   يولداشيوه وئر   اجازه   ياحسين   ايندى    دولانيم   باشيوه شمع    سن  ،   پروانه تك   يانماقه  الآن گلميشم اكبر   و   عباسى   سن  يوللادون   استقباليمه گر   منى  قووسون  قاپوندان واى منيم احواليمه اولين   قربانون   اولسام     چاتمیشام   آماليمه دين   و   قرآنه   بو گون   اولماقه   قربان  گلمیشم عرضيمى سالما  یئره ، پيغمبره  خاطر  حسين! چك   قلم  تقصيريمه ، سن اكبره خاطر حسين! كِئچ    گناهيمدن  علىّ  اصغره  خاطر  حسين! بيلمیشم    بو   درگهى   درگاه   رحمان     گلميشم نوكر  درباريووم  (( سيّد  بشيرم ))   يا  حسين! قیل عنایت  من  قاپوندا چوخ  حقيرم  ياحسين! آلتى گوشه  قبريوه حسرت  چكيرم  ياحسين! بزم   ياسه   قاره كؤينك  ، قلبى  سوزان  گلميشم ** ✍سیدبشیر حسینی میانجی #محرم_۱۴۰۳ #شب_چهارم_محرم #حضرت_حر_علیه_السلام #کانال_باب_الحوائج Join╰➤http://eitaa.com/torkiy