#درمدح و مولود حضرت امام محمد باقر علیه السلام حاج اصغر فرشچی ( عدلی تبریزی) دولدوردولا پیمانه نی ساقی منه ویر ساغری مست می ناب ایت منی لوح و قلم هم دفتری گلزار دین احمدی بیرگل آچوب واردورفری سجاده گلدی بیربالا گیدسون ره پیغمبری 🌷🌸 در ادامه هر چهار مصرع شیعه گوزون روشن اولا امام حق و سرمدی گوزآچدی گلدی عالمه باقرگل محمدی 🌷🌸🌷 واردوریری ای شیعه لر یرگوی چراغانی اولا سرتا سرروی زمین گُولدن گُول افشانی اولا بُلبُل گوُل اوسته مست اولوب دیلدن غزلخوانی اولا بوگون گرگ بزم حسین تزئین ونورانی اولا 🌷🍀🌷 شاداندی زهرا بوگجه عشاق عالم شاداولار غم غصه دن فرقت تاپار بو شیعه لرآزاد اولار دانشگه قرآنیده دین گلشنی آباد اولار هرمحفله گیدسن بوگون سوزلرمبارک باد اولار 🌷🌸🌷 گنجینۀ علم و ادب فخر مفاخردی گلن دانشگه دین آچماقا عالِمدی باقردی گلن اسلام و دینون نشرینه عاملدی ناصردی گلن معبودینه سجاد تک عابدی ذاکردی گلن 🌷🌺🌷 جنتده گویا فاطمه تفسیرکوثر ایلوری لبخند شادی لب ده وار دُخت پیمبرایلوری قلب علینی خندۀ زهرا مُسخّر ایلوری ماه رجب گلدی گینه دللر مُنّور ایلوری 🌷🌸🌷 شیعه عروس فاطمه قرص قمر گتدی بوگون یوخ یوخ غلط اولدی سوزوم شمس دگرگتدی بوگون عرفان وعلم دریاسینه رخشان گوهرگتدی بوگون بنت حَسندی فاطمه زیبا پسرگتدی بوگون 🌷🌸🌷 صبا دنه پیمبره الله سنه ثمر ویروب سجادیوه یا فاطمه فاطمه دن اثر ویروب باقرامام پنجمی اسلامه تاج سر ویروب هرتلخ کام شیرین اولاشهد وعسل شکرویروب 🌷🌸🌷 بو باقرالعلوم دور عالمده معتبر اولار علّامه لرتعلیم ایدر زبان زد بشر اولار قرآن و دین احمدی محفوظ هرخطراولار کربو بلایه یوم تَف حسینه همسفر اولار 🌷🌸🌷 گلوبدی نینواده تا گوره او سر بریده نی گولوبدی اصغری ندن گوروب گلو دریده نی شرح ویره حقیقت اسیرقد خمیده نی اشاره بسدی «عدلیا» تمام ایله قصیده نی شیعه گوزون روشن اولاامام حق و سرمدی گوزآچدی گلدی عالمه باقرگل محمدی #ولادت_امام_باقر_علیه_السلام ✨اَللّهُمَّ عَجِّل لِوَلیِّکَ الفَرَج✨ 🆔http://eitaa.com/torkiy