سبک(آی منیم نازنین نگاریم...) هارداسان مهربانیم عمّه داده گل همزبانیم عمّه ساربان ناقه دن سالوبدی یوخدی داده چاتانیم عمه قورخورام قورخولی بیاباندی بی بی هرطرف بیشه دی نیستاندی بی بی عمّه جان کاروانی ساخلا عترت خسته جانی ساخلا یوخ عموم دادیمه یتوشسون فوج بی خانمانی ساخلا تئز یتوش دادیمه اماندی بی بی جان خسته یم دشت بی اماندی بی بی جان ائیلدن آیرولموشام آماندی آیری دوشماق غمی یاماندی قورخورام نی لرون سسوندن نیلیوم طاقتیم تالاندی کیمسه یوخ کوفه نون یولینی سوروشام بیلمورم بیلمورم هایان سمته قاچام یت هرایه امان الهی هامّودان مهربان الهی دی بابام بیر علاج قیلسون یوخ هرایه چاتان الهی رحم ایله بیکس پریشانه خدا ویر خبر سرور شهیدانه خدا غصه دن یاندی جانیم الله تا نوقته دولانیم الله بیر قیزام اهل کین اسیری چیخدی عرشه فغانیم الله آغلادوم آغلادوم زبس یاتدی سسیم آز قالور قورخودان کسیلسون نفسیم ختم ایله منتظِر اماندی اود دوتوب الده خامه یاندی چون حسینون سکینه سینون محنتی جانه اود سالاندی حشریده ثبت اولوب گَلر هر اثرون گوز یاشون دفتره یازان نوحه لرون #محرم_۱۴۰۴ #اسارت #راه_شام

راه_شام سبک عم اوغلی چوخ گل سارالار قطاریمی ساخلا منیم ،گیتمه ساربان گیتمه بالام دوشوب یولدا قالوب،گیتمرم دایان گیتمه {واردی بیر قالان گیتمه} بِله گل آلود ایدرم اشگیلن بو صحرانی قدم قدمدن گوتوره کیمسه اولماز امکانی تاپولماسا اگر بالام گیتمرم حسین جانی بو چولده قویمارام اولا کاروان روان گیتمه ایدوب نوا قطاریلن ناقنی اوساندیرام بالام گلنجه قافله اهلنی دایاندیرام بیر آه سوزناکیله کایناتی یاندیرام منم او طفل مضطرین حالنه یانان گیتمه خبر ویر اهل قافله جمله ساربان دورسون بو یرده بیر به بیر هامی ایلسون مکان دورسون بیر آز تحمّل ایلسون شمریله سنان دورسون آغورلانوب حسین باشی گیتمری سنان گیتمه جدا باشندا گور نجه گوز یاشی آخار ظالم اونون او حالی قلبیمی یاندیری یاخار ظالم دولاندیروب یوزون دالی چوللّره باخار ظالم بالاسین آختارور یقین اول شه جهان گیتمه او طفل زار و مضطریم ایمدی الامان سسلر صاقا گیدر صولا گیدر گیتمه عمّه جان سسلر مگر سسین ایشیتمیسن اهل کاروان سسلر دمادم آغلیوب دیر قالدیم عمّه جان گیتمه قولاقیمه گلور سسی قلبیمی سالور درده بالاما رحم ایدون مگر یوخدی رحم سیزلرده قویون اوزوم گیدوم گوروم قالدی هانسی چوللرده هلاک ایدر ایمدی اوزون بس چکر فغان گیتمه عیاندی حالی بلبلون گر گلوندن آیریلسا دوشر مه حاله اهل دل همدلندن آیریلسا نجه دوزر صغیر اوشاق گر ائلیندن آیریلسا علاوه که اسیر اولا زار و ناتوان گیتمه 🍃🍃🍃🍃🍃🍃🍃🍃🍃 ✍اشعار_مرحوم_شهاب ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #اسارت #راه_شام #کانال_باب_الحوائج http://eitaa.com/torkiy

🏴راه شام🏴 .. 🎶سبک_واردی_باشیمدا_یا_حسین 🎶سبک_ای_حرمینه_ناز_ایدن 🎶سبک_عطری_گلور_محرمون .. .. مقنی ممقانی .. .. .. .. .. ظلمیله یخدى ناقه دن عمّه بو ساربان منی سالدی یره جفائیله ایلدی باغریقان منی .. .. .. .. .. عمّه ایدنده من نوا غیظه گلوب او کین شعار باشمیه قمچی ووردی چوخ ایلدی کفرین آشکار دوتدی قولومی ظلمیله چکدی سالوب یره فگار سویلدی تنگه آز گتور ناله ویله هر آن منی .. .. .. .. .. خسته و ناتوانیدیم ضعف ایلدیم دوشن زمان حاله گلنده گوردوم ای عمّه گیدوبدی کاروان بیله اسفلی حالده حالیمه یوخدی بیر یانان آز قالوری هلاک ایده بو غم ناگهان منی .. .. .. .. .. واردی نه یادینه سالان واردی نه قیدیمه قالان وار نه یانیمدا همزبان واردی نه یار مهربان قورخولی چول صغیر اوشاق عمّه بو باغریم اولدی قان سندن علاوه کیمدی بس یادینه بیر سالان منی .. .. .. .. .. عمّه نَقَدر سسلورم بس نیه داده یتموسن قطع ایلیوب محبّتون بیله فرامُش ایتموسن یوخسا سسیم یتیشموری یا که اوزاقه گیتموسن گلمَه سن ئولدورَر یقین ناله ئیله فغان منی .. .. .. .. .. گوردی نقدر سسلدی گلمه دی بیر سینه سس وحشته دوشدی آغلادی قطع اولا آز قالوب نفس خردا یتیمه نیله سون گوردی که یوخدی دادرس عرض ایدوب حفظ قیل اوزون خالق لامکان منى .. .. .. .. .. دوندی دوباره سویلوب اُول گوهر عفّت ای بابا گیتمه یخوبدی ناقه دن اهل شقاوت ای بابا یادیوه سال بو سویگلون ایله حمایت ای بابا گَلسَه اماندی ئولدورَر شمریله یا سَنان منی .. .. .. .. .. بوردا بو آه و ناله ده نی ده دوروب حسین باشی گیتمه دی دوندی دالیه باخدی گوزونده گوزیاشی جلب ایلیوب او باخماقی حیرته سالدی داغ داشی آندیروب ای گروه کین واردی بیر آغلادان منی .. .. .. .. .. ویردیله بو قضیّه نی زادۀ سعده تا خبر دوشدی بَسى تَعَجُّبَه فکره گیدوب او بدسیر امر ایلدی بو مشکلی ناخوش امام حل ایدر بحر عَجَبده غرق ایدور بو شه تشنگان منی .. .. .. .. .. زین العباده تا خبر ویردیله بو قضیه نی بولدی آتا مرامینی کینۀ قوم کینه نی گوردی سالوبدی ساربان توپراقا بیر یتیمه نی درده بویوردی گتدی بو خواهر ناتوان منی .. .. .. .. .. زینب او وقتده بولوب مطلبی ایلدی فغان سویلدی ساربانه دور گیتمه دوشوب بالام دایان دوردی قطار گیتمه دی لفظ «قفوا» دیماق همان لنگ ایدر حشره تک دیدی گلمه سه بو قالان منی .. .. .. .. .. گلدوقی راهه یوز قویوب قلب پر اضطرابیله گاه دایاندی سسلدی گاه قاچوب شتابیله تاپدی او نازدانه نی گوز دولی اشکنابیله آغلادی هارداسان دیدی درک ایله عمّه جان منی .. .. .. .. .. قوللارین آچدی جان کیمی باغرینا باسدی بیر زمان ویردی تسلّی لطفیله اولدولا مقصده روان خسته شکسته حالیله یتدی دیدی بابا اینان شامه یتونجه ئولدورَر یولدا بو شامیان منی .. .. .. .. .. شمر و سنان و زجره یوخ بو سوزی بیر نفر دییَن ظالم اوشاقدی وورما چوخ ایلمه ظلمووى عَلَن بلکه حیا و شرم ایده ایتمیه ظلم کینه دَن قمچیه کعب نیزیه ایلمیه نشان منی .. .. .. .. .. بسدی «مُقنّی» ساخلا ال بیله کلامه ویرمه طول بو اولونان جفالره آغلوری ایمدیده بتول چوخدی قیام حشرده اولسا اگر بو سوز قبول ظلمیه یخدى ناقه دن عمّه بو ساربان منی #محرم_۱۴۰۴ #راه_شام #حضرت_رقیه_سلام_الله_علیها

سبک حسینم وای حسینیم وای 🏴🖤🏴🇮🇷🏴🇮🇷🖤🇮🇷🖤 منیم ای محرم رازیم سه ساله خردا سربازیم بالام لایلای گولوم لایلای منی گوزدن آتان لایلای توزا زلفی باتان لایلای قوری یرده یاتان لایلای بالام لایلای گولوم لایلای سالان ای عمه سین درده ایاقه دور گیلن بیرده یاز اکبر آدینی یرده بالام لایلای گولوم لایلای قالان چوللرده سرگردان قویان ای عمّه سین گریان گئدن قارداشینه مهمان بالام لایلای گولوم لایلای واریمدور خجلتیم سندن گلیلی گیتدون عمّه ندن بابان چوخ ایستدون مندن بالام لایلای گولوم لایلای بهار ابری کیمی دولدون سارالدون گُل کیمی سولدون یتیم اولدون اسیر اولدون بالام لایلای گولوم لایلای یارالی بلبلوم لایلای سولان غنچه گولوم لایلای اولوب ورد دلیم لایلای بالام لایلای گولوم لایلای سن اُلدون فکریمی آزدیم الیمله قبریوی قازدیم بو قبره باش داشی یازدیم بالام لایلای گولوم لایلای او دریا صبریوه قربان آغ اوزده اَبرووه قربان بو خردا قبریوه قربان بالام لایلای گولوم لایلای آناندان عطریوی آلّام باشیما قاره وی سالّام قیزیم سنسیز ملر قالّام بالام لایلای گولوم لایلای سنه گریاندی ائللرده قالان ای آدی دللرده قالوب گوشوارن اللرده بالام لایلای گولوم لایلای دیدون هر سوز باشی ایوای گنه دور غملروندن سای دوروب دی اصغره لایلای بالام لایلای گولوم لایلای آنان باشه قرا باغلار قویوبسان عمّه وی آغلار چکوبسن سینمه داغلار بالام لایلای گولوم لایلای #محرم_۱۴۰۴ #راه_شام #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

#شام_یولی قلبیمده وار سوز نهان ائتمه شتاب ای ساربان وار نازلی قیزلاردان قالان ائتمه شتاب ای ساربان گرچه صبورم غملره بو شیوه نی ترک ائتمرم اعدانی گر خوارائتمسم عهد و مرامه یئتمرم گر گلمسه نازلی بالام قاللام بو یئرده گئتمرم باغریم اولوب هجرینده قان ائتمه شتاب ای ساربان شامین یولی چوخ غملیدور باب مصیبت دیر منه یولدا بالامین قالماقی چوخ رنج و محنت دیر منه جاندان منه ارزشیلدور چونکه امانت دیر منه بیر آز یول اوستونده دایان ائتمه شتاب ای ساربان قلبیمده یوخ تاب و توان نار غمه دیل داغلارام باران مثالی اشکیمی گوزدن عذاره باغلارام قاللام یول اوسته گلمسه فریاده گللم اغلارام هاردا قالیب اول مهربان ائتمه شتاب ای ساربان چاره ندور گر تاپماسام بیر راه حل بو مشکله آفت توخونسا نیلیرم دست قضادن بو گوله قوورخوم بودور نارلی بالام بو قورخولی چولده ئوله بیلمم ائدیب هاردا مکان ائتمه شتاب ای ساربان ای ساربان بو نهضتین واردور هله برنامه سی شامه گرک با هم گیداخ بیله یازیب غم خامه سی وار کفر و حقین شامیده بیر گورملی هنگامه سی گئتسین نئجه بو کاروان ائتمه شتاب ای ساربان ✍محمد_هوشمند مدهوش #محرم_۱۴۰۴ #اسارت #راه_شام #شهادت_حضرت_رقیه_سلام_الله_علیها

▪️راه شام ▪️زبانحال حضرت رقیه (س) 🎼سبک : توبامنی اما من ازخدا دورم.. 🎼سبک: ای کانون بشرین_شیعه لرین نگاری یا مهدی... اولموشام غرق محن_ چولده ندن- منی قویوب گئتدون یوخ بیردا داده یتن_ چولده ندن_ منی قویوب گئتدون دوندی قلبیم قانه بی بی گلمیشم افغانه بی بی غملی چولده گجه یاری اود دوشوبدی جانه بی بی باشیمدا وار غوغا_ سوزومدی واویلا اولوبدی وحشتدن_ گوزوم یاشی دریا دایان بی بی گئتمه(۲) محنته سالدی فلک_ یوخدی کمک_ ائدن منه عمه وار باشدا قاره لچک_ یوخدی کمک_ ائدن منه عمه دوره می دردو غم آلیب غصه دن رنگیم سارالیب فاطمیه بنذییه نون قورخولی صحراده قالیب عزالی یم عمه_ وفالی یم عمه علی اکبرین. _ مارالی یم عمه دایان بی بی گئتمه (۲) قاچدیم ساغ و صولا چوخ_ فایده یوخ_ سنی تاپانمورام قلبه غصه ویروراوخ _فایده یوخ_ سنی تاپانمورام سایه سالدی باشیمه غم غملی قلبیم ائتدی ورم یرتیکانلیق ظلمت شب منده چوله نابلدم گوزومده کی قانیاش آخیر یوزه بیر باش من آغلورام آغلور ملالیمه داغ داش دایان بی بی گئتمه (۲) ✍خاکی #محرم_۱۴۰۴ #اسارت #راه_شام #شهادت_حضرت_رقیه_سلام_الله_علیها

🙏🏻السلام علیک یا رقیه بنت الحسین علیه السلام ▪️زبانحال زینب کبری بر رقیه (س) 🎼سبک: منیم وقاریم آی ننه 🎼سبک: الهی یانمیوم نئجه شرارِ محنته و غمه... غمی ئورک بولن بالا چراغی تئز سونن بالا آتا باشین قوجاقلیوب قیامتی گورن بالا پوزولان تفاقیوه من فدا یورولان قوناقیوه من فدا بالام آغلاما گلوم آغلاما دل جهانی داغلادون ئولنجه دایم آغلادون خرابه گوشه سینده سن ایاقلارون قوجاقلادون سنی چوخ وئربلا ئورولموسان بیلیرم کی یولدا سویولموسان بالام آغلاما گلوم آغلاما ننم کیمی وئرلموسان قولاقی پاره اولموسان وئربدی سیلی شمر دون مثال گول سارالموسان سارالان جمالیوه آغلارام سنه هی باخوب سینه داغلارام بالام آغلاما گلوم آغلاما ئولنجه آغلادار منی سنون بو نیسگیلون ولی یازاردون اکبر آدینی دئیرودن هاردادی علی گوزی یولدا قالدون علی گله سنی باغرینا باسا دینجله بالام آغلاما گلوم آغلاما ✍شاعر: مهدی زاهدی زرنقی ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #اسارت #راه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

# دیر راهب# کوفه شهری آل طاهایه او گون زندان اولوب مردم نادان الینده زینبی گریان اولوب اهل کوفه چون بیلیردی زینبین هوّیّتین بش گون اوللاره قوناق اولدی دانوبلار نسبتین اوللارین چوخ چکمیشیدی شاه مردان زحمتین سیم و زر اوسته ساتوبلار آل طاها حُرمتین سیم و زر فکر ایلیوبلر دردلره درمان اولوب سفره ی حیدرده اوللار چوخ یئیوب نان و نمک اوللارا وئرمیشدی حیدر اوز الیله دوز چورک زینبی آخر چکوب اوردا اسیر ائتدی فلک زینبه بیر کیمسه اوردا اولمادی حتی کمک درس تفسیرینده اوللار حافظ قرآن اولوب بی وفالر شهرینی ترک ایلدی آل علی عزم ائدوبلر شامِ شومه دلده نور منجلی رأس مولانی گوروللر راه حقّین مشعلی نیزه ده سِیر ایلیور گون تک گزور گویده بلی گون، جمالین اوپمگه هر صبحولر تابان اولوب طی اولوب شام بلانین یوللاری بی¬واهمه ناقه دن دوشدی قالوبدور بیرخانم قز، فاطمه قورخولی صحراده زجری سسلیوب چات دادیمه قلبیمه اوددور بوسوز آتش وئروب خرگاهیمه آینه محتاج خاکستر دل طوفان اولوب خسته یورقون یول گئدور عریان شترلار بی جهاز آل طاها ناقه لر اوسته ائدور راز و نیاز زینبین یوخ طاقتی قیلسون ایاق اوسته نماز شمرین اول اَنکَر سسی هردن گلور مثل گوراز مست لایعقل او چولده حاکم میدان اولوب طی اولور منزل به منزل کوفه تا شامین یولی کینه و بغض و عداوت له عدو قلبی دولی هی وئرور قزلاری اُلسون گورمور حتی صاق صولی زینبین ساده دئیوم ساه قالمیوبدور هچ قولی قزلارا یورقون قولیلا عمّه پشتیبان اولوب قافله هاردا توقف ایلیوب وقت سفر قزلاری زینب یقوبدور باشینه وقت خطر راه شامین قورخولی صحراسینه ایلوب نظر خیرداجا قزلار گوروب یاپراق کیمی غمدن اَسَر اوللارا حافظ فقط سرنیزه ده سلطان اولوب بیر یره چاتدی جماعت گوردولر خوش منظره دِیریدن راهب باخور سرنیزه¬ اوسته گوزلره اول گئجه سلطان دینی ساتدیلار سیم و زره خیرداجا قزلار دانشدی وئردی قیمت سوزلره رأس پاک شاه عالم راهبه مهمان اولوب کربلادن شامه زینب بیر مسلمان تاپمادی اهل ایمان اهل تقوا اهل قرآن تاپمادی آندی پینه چوخ واریدی زنده وجدان تاپمادی یاحسین،حلّال مشکل، درده درمان تاپمادی باشیوی امّا مسیحی اوپجگین سلمان اولوب باشیوی گورجک مسیحی سُویلدی عیسادی بو کیم دئیور عطشان اُلوبدور گوزلری دریادی بو من مرید اولدوم بو باشه نوکرم آقادی بو سُویلدی زینب که راهب شاهیدی مولادی بو بی وفا اُمت خیانت ایلیوب عطشان اولوب روحینی وئردی حسینه اوردا دِیرین صاحبی بیر باخیشلا شه مسلمان ائیلیوبدی راهبی مست صهبای امامت اولدی عشقین طالبی آشنا اسلامه ائتدی اوردا مولا، نایبی حضرت سجاد اونا آموزگار جان اولوب کل اجدادین وئروب ارثیه سین اول محترم اهل بیتین ساخلادی دِیرینده بیلدی مغتنم صاق صولا گئتدی وئِروب دِیرینده راحت بیر قدم گوردی هودجلر اَنیرزینب دئدی گلدی ننم دِیر اولوب مسجد او ساعت بیر گوزل عنوان اولوب گوردی راهب مسجده سارا گلوب حوّا گلوب هاجر و کلثوم و مریم مادر عیسا گلوب آسیه همده خدیجه همسر طاها گلوب مین کنیز حورا باشیندا حضرت زهرا گلوب نور مولادن او دیری گون کیمی تابان اولوب سُویلدی ای باش منیلن بیر دانیش کیمسن آقا؟ یوز گوزون توزدی نیه؟ ای کائناته رهنما باشیوی هاردان کسوبلر زجریله قوم دغا؟ خارجی اولسان بورا گلمز بوجور نور خدا سن مسلمانن دلم مَملوِّ از ایمان اولوب سن اوزون باری منه یاخشی تانیتدیر وار امان قلبیمی تسخیر ائدوبسن خَلصَه¬ده قالدیم اینان نسبتین واردور کیمه؟کیمدور آنان کیمدور آتان سسلدی مظلوم،غریبم رهبر لب تشنگان باشیمی دالدان کسوبلر باشیمه طوفان اولوب عطریلن باشی یویوب بیرده گلاب نابیلن گوز گوزه باخدی اوتاندی حضرت اربابیلن حضرت سجاده باخدی عرض ائدوب چوخ تابیلن قوی ویروم شمر دغانی قان آلیم اصحابیلن منزلیمده چونکه مهمان سرور خوبان اولوب راهبه سجاد آقا باخ وئرمدی اذن قیام تا آلا خون حسینی اشقیادن انتقام سُویلدی امر خدادن آگه اول ختم کلام باخ گورک سرنیزه¬لرده شامه گئتسون بو امام دشمنی خوار اِتمَگه اجرا بئله فرمان اولوب صبح آچیلدی شمریله راهب اولوبدور روبرو شمره راهب لعن ائدوبدی خوار اولوبدی اول عدو معجز رأس حسیندن تاپدی راهب ابرو راهبی عارف ائدوب ظلمت گئجه اول گفتگو «سیدی» راهبده آگه گورملی وجدان اولوب کلّ خلقت قطره دی دریا حسین گزگیلن تاپ گوهرین در،یاحسین #محرم_۱۴۰۴ #اسارت #راه_شام #دیر_راهب

▪️راه_شام 🎼سبک: عم اوغلی چوخ گل سارالار... قطاریمی ساخلا منیم ،گیتمه ساربان گیتمه بالام دوشوب یولدا قالوب،گیتمرم دایان گیتمه             {واردی بیر قالان گیتمه} بِله گل آلود ایدرم اشگیلن بو صحرانی قدم قدمدن گوتوره کیمسه اولماز امکانی تاپولماسا اگر بالام گیتمرم حسین جانی بو چولده قویمارام اولا کاروان روان گیتمه ایدوب نوا قطاریلن ناقنی اوساندیرام بالام گلنجه قافله اهلنی دایاندیرام بیر آه سوزناکیله کایناتی یاندیرام منم او طفل مضطرین حالنه یانان گیتمه خبر ویر اهل قافله جمله ساربان دورسون بو یرده بیر به بیر هامی ایلسون مکان دورسون بیر آز تحمّل ایلسون شمریله سنان دورسون آغورلانوب حسین باشی گیتمری سنان گیتمه جدا باشندا گور نجه گوز یاشی آخار ظالم اونون او حالی قلبیمی یاندیری یاخار ظالم دولاندیروب یوزون دالی چوللّره باخار ظالم بالاسین آختارور یقین اول شه جهان گیتمه او طفل زار و مضطریم ایمدی الامان سسلر صاقا گیدر صولا گیدر گیتمه عمّه جان سسلر مگر سسین ایشیتمیسن اهل کاروان سسلر دمادم آغلیوب دیر قالدیم عمّه جان گیتمه قولاقیمه گلور سسی قلبیمی سالور درده بالاما رحم ایدون مگر یوخدی رحم سیزلرده قویون اوزوم گیدوم گوروم قالدی هانسی چوللرده هلاک ایدر ایمدی اوزون بس چکر فغان گیتمه عیاندی حالی بلبلون گر گلوندن آیریلسا دوشر مه حاله اهل دل همدلندن آیریلسا نجه دوزر صغیر اوشاق گر ائلیندن آیریلسا علاوه که اسیر اولا زار و ناتوان گیتمه ✍اشعار_مرحوم_شهاب ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #راه_شام #شهادت_حضرت_رقیه_سلام_الله_علیها

شمرین الینده صبح و شام ، ای بابا داده گلمیشم نیزده گورموشم باشون ، شامه پیاده گلمیشم بسکه وفا خُمینده من ، رنگِ غمه بویانمیشام پای پیاده چوللری شام و سحر دولانمیشام سیلی ووروبلا دوزموشم ، قمچی دگوب دایانمیشام مژدهء وصلون آلموشام ، صبرِ جفاده گلمیشم نیزده قانلی باشوی ، گوردوم اوجالدی شیونیم آغلادیم آغلادی منیم حالیمه یاندی دشمنیم اولمادی باغریما باسام ، قالدی بو حسرتیم منیم حسرتِ دل گوتورماقا ، من بو بِلاده گلمیشم گر چه جفای زجره من ، باخمیوب ایتمیشم نوا لیک گوزیمده گوز یاشیم قانه دونوبدی برملا دختِ ولیّ حق هارا؟ کنجِ خرابه لر هارا؟ ویرماقا جان خرابه ده ، راهِ خداده گلمیشم دوتدی جِداده صورتون ، گَرد و غبار و خاک و خون زلفمیله توزون سیلَم ، ویرمدی نیزه دارِ دون قرخ گون او رنج و غصّه دن درد و غمیم اولوب فزون قرخ گجه گوزلریم قالوب ، نوکِ جداده گلمیشم آگهیدیم که عاقبت ، شام اولاجاقدی منزلیم شامه دوننده گوندوزوم ، حلّ اولاجاقدی مشگلیم قانلی محاسنون بابا ، ایمدی گرک توزین سیلیم شامه ایدوب بو مقصدی دلده اراده گلمیشم گر چه جفای زجردن ای بابا جانه یتمیشم هر نه گلوبدی باشیمه لیک تحمّل ایتمیشم هر یره کیم گیدوب باشون منده دالنجا گلمیشم شهرِ دمشقه عاقبت راهِ وفاده گلمیشم کرب و بلاده اوندا کیم ، عازمیدون شهادته وعدهء وصل ، شامده ، ویردون اوزون بو ساعته بیر او سوزیله دوزموشم ، مین غمِ بی نهایته هجر غمینده سالموشام ، وصلوی یاده گلمیشم قولّاری باغلی دلده سوز ، زحمتِ بی شماریله کوفه و شهرِ موصلی ، گزمیشم آه و زاریله آبله دور ایاقلاریم ، گور نجه زخمِ خاریله خورداجا سِنّیله دوزوب ، جور و عِناده گلمیشم سهلیدی شمرِ کافرین سیلی و تازیانه سی سوگلوُون ئولونجه وار آغلاماقا بهانه سی قانیله تللریمده وار اکبریمون نشانه سی دردیم اولوب او قانیله ، دلده زیاده گلمیشم اکبریمون جنازه سین ، یرده گورنده بی کفن روحیمی قانلی جسمینه ، ایلمیشم سپرده من شامه بو قدر یولّاری بیر قوری جسمدور گَلَن روحیمی قویموشام بابا ، کرب و بلاده گلمیشم چشمِ بصیرت ایستوری گورماقا دلده یاره می پاره لیوبله اهلِ کین ، بو دلِ پاره پاره می کاش گوریدون اوندا کی آلدیلا گوشواره می باخمادیلار که نِی کیمی ناله و داده گلمیشم قمچی دگنده شیونیم اوج ایدوب عرش طاقینه رحم ایدن اولمیوب منیم ناله مین اِحتراقینه قولّارینی بی بیم ویروب قمچلرین قباقینه سایهء حفظِ زینبِ بی اقرباده گلمیشم نوکروم (حسینیَم) ، ای شهِ کشورِ وجود گَل سنی فاطمه آنان ، ایله منه سخا و جود رسمِ جهاندی بو ، ایدر ، کِبر ، گداده بَد نُمود درگهیوه امیدیله ، زار و فتاده گلمیشم مرحوم استاد سید رضا حسینی سعدی زمان تبریزی ره #محرم_۱۴۰۴ #راه_شام #شب_سوم_محرم #شهادت_امام_حسین_علیه_السلام #کانال_باب_الحوائج http://eitaa.com/torkiy . ➖➖➖➖➖➖➖➖➖➖

▪️(((راه شام))) 🎼سبک: ممد نبودی ببینی... ویرانه نی آباد ایدن ,گوهریم لای لای شامین یولین آغلار گیدن , گوهریم لای لای قیمت ویرن ویرانییه , یاوریم لای لای یالوارمیان بیگانییه , یاوریم لای لای عمه سین , آغلادان کفنسیز , قلبی قان قارداشیمین مَه پاره سی , بی کفن لای لای ای چوللَرین آواره سی , بی کفن لای لای گُوز یاشیوی قبرَه آپار , قبریده آغلا غارت اولان گوشواره سی ,بی کفن لای لای عمه سین , آغلادان کفنسیز , قلبی قان قلبیلره لرزه سالان , رقیَّه لای لای طاقتیمی الدن آلان ,رقیَّه لای لای اِی ایاقی قابار وُوران , تِیکانلیخ چولده ای گُلمِیَن قان آغلِیان , رقیَّه لای لای عمه سین , آغلادان کفنسیز , قلبی قان ای گوزلری یاشلی ئُولَن , اُوستون چکدیم یات ای قلبیمی غَملن بُلَن , اُوستون چکدیم یات ویرانییه پرچم وُوران , پرچمون قربان دردیوی یوخ بالا بُولَن , اُوستون چکدیم یات عمه سین , آغلادان کفنسیز , قلبی قان شیرین زبان شیرین سُخن ,,یات بالا دینجل قاره زُلفون اولدی کفن , یات بالا دینجل گُوز یاشیلان غسلون ویرَّم , کفنسیز بالا ای سَر بَسر عُمری مِحَن , یات بالا دینجل عمه سین , آغلادان کفنسیز , قلبی قان آغلادیسان (محرمی) , آغلاشار عالم سینه وُورار قیز اُوشاقلار , دوتالّار ماتم دنیاسَنه یُوز گُور ستدی , یوزونی گُوردون شیعه سَسلَر یارُقَیَّه , آغلاشار باهم ای فلک , دای بَسدی اُورکلر , دای اَسدی واویلا , واویلا یازهرا , یازهرا ✍بقلم محرم کریمی ۴۰۴ , ۴ , ۲۹ #محرم1402 #راه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

💢 #جریان_دیر_و_راهب_و #راس_مبارک_امام_حسین(ع) ⬛️ ای گئدن دیر و کلیسایه حسین(۲) لطف ائدن خادم عیسایه حسین(۲) روحِ‌ خاتَم‌سن آقا شاه‌ِ عــالَم‌سن آقا ⬛️ دوردی راهب یوخودان نیمهٔ شب اولدی مشغول ثناخوانیِ رب ولی بیر منظره‌نی گوردی گوزی فکر ائدوب محشر اولوب یالَلعجب آز قالوب روحی اوچا، جانی چیخا گرم ائدوبدور بدنین آتشِ تب سالدی غم، راهبی غوغایه حسین سن نظر قیلدون او تَرسایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ منبع نوره طرف قویدی قَدَم بیرکسیلمیش‌باشا توش اولدی اودَم باخدی گوردی اَلنوب اوستونه کول اسیلوب تللرینه باد سِتم ای دیلیم لال اولاسان ائتمه بیان رحم ائله فاطمیه، یازما قلم ساخلادی حرمت همسایه حسین سالدی راهب باشینا سایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ گوردی گویدن یره حورادی گَلَن خضر و الیاسیله موسادی گلن دئدی یارب بو ئولن کیمدی مگر وصل دیدارینه عیسادی گلن او خانیم کیمدی که پهلوده الی؟ بیلدی که حضرت زهرادی گلن سسلنور رحم ائله زهرایه حسین دوشموشم گورنجه بلوایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ گوردی در اوج جلالت او باشی گرم تسبیح و عبادت او باشی نچه مین سکهٔ زر وئردی ولی خولیدن آلدی امانت او باشی شستشو ائتدی گلابیله صورا عشقیلن قیلدی زیارت او باشی سسلدی اوخشیوسان آیه حسین جان فدا سن کیمی مولایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ اوخی قرآن منی مدهوش ائله گئت معرفت جامینه مِی‌نوش ائله گئت رشتــهٔ عشـقِ سعــادتگرووی قلبیمون باشینه گَل جوش ائله گئت اذن وئر تا که سنه نوکر اولوم بو مدالی منه سَردوش ائله گئت ای وئرن جنّته پیرایه حسین عشقی محشر گونی سرمایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ ای هدایتگر و کشتیِّ نجات مُرده روحه دَمِ جانبخشی حیات (فیضی‌ام) شاعر دربارون آقا آنامین روحینه گوندر حَسنات ئوره‌گیم خامه‌دی، کیپریک قلمیم گوزلریمدن آخان اشکیمدی دَوات وئرمرم عشقووی دنیایه حسین دعوت ائت کربِ معلّایه حسین روحِ‌ خاتَم‌سن آقا شاه‌ِ عــالَم‌سن آقا ⬛️ ✍رحیم_فیضی_اردبیلی ــــــــــ در سبکِ... اویان ای یار وفاداریم اویان ـ┅┅❅🏴💔🏴❅┅┅ـ ♡ ㅤ       ❍ㅤ    ㅤ     ⌲ ˡᶦᵏᵉ     ᶜᵒᵐᵐᵉⁿᵗ        ˢʰᵃʳᵉ #محرم_۱۴۰۴ #اسارت #راه_شام #دیر_راهب #شهادت_امام_حسین_علیه_السلام #کانال_باب_الحوائج http://eitaa.com/torkiy