وصیت حضرت رسول اکرم (ص) خطاب به حضرت زهرا(س) .. مرحوم خوندل تبریزی .. قیزیم گلمه بیله افغانه زهرا آتان جان تاپشورور جانانه زهرا .. .. قیزیم بیر گول کیمی چوخ تیز سولارسان بهارین ابری تک دائم دولارسان بو تیزلیقدا منه ملحق اولارسان گلرسن روضۀ رضوانه زهرا .. .. قیزیم وار عزّتون دوشمه بو حاله منی جان اوسته سالما چوخ ملاله بو قدری ایلمه هجریمده ناله دایان صبر ایت غم هجرانه زهرا .. .. قیزیم چوخ گلمه فریاد و نوایه دوشر مندن صورا باشون بلایه دایان صبر ایله هر بیر ابتلایه یتور اوز عمریوی پایانه زهرا .. .. قیزیم گوز یاشیوی توکمه عذاره بیله گلمه فغان و آه و زاره هله گول اولمیوب مقهور خاره سرشگون آخمیوب دامانه زهرا .. .. قیزیم چوخ اولماسون پژمرده حالون هله وار عزّت و جاہ و جلالون غنیمتدور بو ایّام وصالون ملول اولما غم دورانه زهرا .. .. قیزیم چوخ آغلاما چوخ ایتمه شیون هله ال آچمیوبدور ظلمه دشمن هله وار احترامون تا وارام من قیزیم چوخ شکر ایله بو آنه زهرا .. قیزیم آز اشگون ایت رخساره ... #روضه_پیامبر_اکرم_صلوات_الله ✨اَللّهُمَّ عَجِّل لِوَلیِّکَ الفَرَج✨

‍ : 🏴شهادت امام حسن علیه السلام🏴 علت عاشقی ام دست کریمانه توست چشم امید من آقا به در خانه ی توست روی خاک قدمت صورت خود میکشم و به اشاره همه گویند که دیوانه ی توست من که آواره ی شهرم تو چنین خواسته ای دل آشفته ی من از می و پیمانه ی توست پرچـــــــــم یاحسنم روزقیامت بالاست نوکرت تا به ابد بر در کاشانه ی توست با حسن گفتنمان عرش خدا ریخت به هم علتش غربت و آن نام غریبانه ی توست اقایا امام زمان شب شهادت امام حسن مجتبی اقا بیلمورم الان قبرستان بقیده سن یا پیغمبرین حرمینده یا دولانیسان پوزقون قبرین باشینا اقا اوامامی که اوزی غریب اولدی جنازه سی غریب تابوتی تیرباران اقا اوز منزلینده غریب اوز اعیالی   قاتل گیجه نین عالمی گوزون آچدی اقا سو میل ایلدی اولین جرعه سو کی دیدی امامین دلینه باخدی بلالی زینبه اوگیجه زینب اومولایه قوناق گلمیشیدی رختخوابیده  یاتیب نازیله دنجلمیشیدی اقا گیجه نین عالمی گوردی جگرلری یانیر یوزون دولاندیردی زینبه آچ گوزون بیر دور ایاقه لبلریم دوغراندی زینب بو سوئی ایچدیم وجودیم اود دوتوب اودلاندی زینب باجی گوزون آچ باجی جگرلریم یاندی آچدی زینب گوزونی باخدی امام حسنه دیدی کول باشم قارداش بونه حالتده گنه باخدی امامه سنین سارالان رنگینه الله هیچ باجیا گورستمه تیز دی حالون منه جانیم سنه قربان دی حسن آی سنه باجون قربان اولا باجون اولسون لب لعلونده بو نه قاندی حسن دور آنام باجی دایانما ویر خبر گلسون حسینیم جسمیمه بیر تازه جاندور چون او شاه مشرقینیم گلمسه اودلار یقین آفاقی سوز شور و شینیم گوزلریم یولدا قالوبدور موسم هجراندی زینب آچدی ناگه گوزلرین زینب باتوب بحر ملاله ووردی باشه یولدی زلفین آغلادی گلدی سواله عرض قیلدی که برادر کیم سنی سالدی بو حاله اود دوتوب بو حالدن آخر آلیشدی یاندی زینب ایلدی فرمایش اول شه آز بو قلبون داغلا باجی آچما باشون یولما زلفون صبر قیل آز آغلا باجی جان دوداقیمه یتیشدی گل گوزومی باغلا باجی شاهباز مرگه بو روحیم قوشی اولاندی زینب بو بلالی باشوون عالمده چوخ چوخدور بلاسی باشه یتمز کربلاده وار بیر اوزگه ماجراسی دستگیر غم سنی ایلر او گون بو عشق اساسی کیم حسین جسمین گوررسن زینت میداندی زینب آه او گوندن کربلاده زینبون گلزاری سولدی بلبلان گلشن حق دستگیر دشمن اولدی دمبدم پیمانه تک خوناب غمدن قلبی دولدی عاقبت زنجیر ظلمه ظلمیله باغلاندی زینب دوردی بیر قدری یارالی جسمینه حسرتله باخدی خون دل جوشه گلوب تا چشمه چشمیندن آخدی گوتدی قارداش قانینی هم زلف هم رخساره یاخدی عرض ایدوب قارداش نجه گور مایل جاناندی زینب آتش ظلمه بو گون بو دشت پر وحشتده یاندیم هر بلا یوز ویردی دوزدوم هر ستم یتدی دایاندیم عاقبت منده سنون تک گور نه بو قانه بویاندیم لطف ایدوب دیندیر باجون بیر آن سنه مهماندی زینب سنده اول یکدل سهیلی دامن مقصوده وور چنگ عاشق صادق گرک یکرنگ اولا جانانلا یکرنگ یکدل اولسان هر قدر اولسا گناهون اولما دلتنگ هول محشردن سنی قورتارماقا عنواندی زینب هر کجا پر بکشم باز بقیع جای من است چون کبوتر که فقط جلد به میخانه ی توست بر سرم میزنم و اشک امانم ندهد غصه ی چشم من از گنبد ویرانه ی توست #شهادت_امام_حسن_علیه_السلام #روضه_پیامبر_اکرم_صلوات_الله

شام غریبان مرحوم یحیوی اردبیلی . ملک لر آغلایور شام غریبان پیمبرده قرانلوق ائوده یاس دوتمیش خانم زهرا قوری یئرده . او خاتون ایلیور ناله علی المرتضی آغلار حسین نوحه دئیوب اوخشار جناب مجتبی آغلار رسول الله عزاسینده گئیوب یئر گوگ قرا آغلار چکوبلر بیت اعلایه بو ماتمده قرا پرده . بو دیللرلن آتاسین اوخشیور گویا خانم زهرا چکن ادنا عربلردن باشی هر گونده مین غوغا سینان سنگ جفائیلن در زندانی واویلا دچار زحمت و محنت طریق شرع انورده . عزاداران ائشیت بو نکته نی قویما هوا اولسون ایاق یالین عربلن کیمده طاقت هم صدا اولسون بو اخلاقون گرک اهلی او ختم الانبیا اولسون دایانسون وحشیانیلن مقام صبر اکبرده . دییه نده سؤیلیون تکبیر جوابینده وورولسون داش ایاقی آلتینا توکسون مغیلان فرقه ی اوباش بو رأفتده پیمبر اولمادی عمرینده هئچ بشّاش همیشه غوطه ووردی بحر جور اشقیالرده . . عزیزان صحبت نااهل شخص أهله زحمتدور اونی اصلاح أئدینجک هر نفس رنج و مشقتدور تصور ایله بو وحشی عربلر گور نه ملّتدور او صبر و حلمده پیغمبری اینجیتدی هر یئرده . پیمبرلر ایچینده واقعاً مظلوم اولوب بو شاه تمامی أنبیادن گرچه بو ذیجاهدور ذیجاه او گوندن که اولوب مبعوث تبلیغات دین الله شروع بعثتیندن صابر أولدی هر بلالرده . ائدوب رحلت بقایه ترک قیلدی دار دنیانی قویوب آغلار غمینده مرتضانی بیرده زهرانی نوائیلن کئچوب پیغمبرون شام غریبانی حسین شام غریبانی گتوردی قلبیمی درده . . گئجه گلدی خانم زهرا بلالی عرصه گاه ایچره حسینیال نه رفتار ائتدی بیلمم قتلگاه ایچره سویولمیش اهل بیتی تاپدی یانمیش خیمه گاه ایچره چراغ و فرش یوخ منزل ائدوبلر پاره چادرده . هره سی بیر دیلیله اوخشیور حال شهیدانی یولار زلفین وورار باشه ائدر جاری جگر قانی ولی بیر گوشه ده گوردی اوجالمیش زینب أفغانی دییر آغلار توکر قانلی سرشگین چهره #روضه_پیامبر_اکرم_صلوات_الله ✨اَللّهُمَّ عَجِّل لِوَلیِّکَ الفَرَج✨