زبانحال حضرت زینب (س) . 🍂🍂🍂🍂🍂🍂🍂🍂🍂 . 🆔:@torkiy . سبک های مشابه : سو یوخومدی قیزلاروندان ... سنه سو دین دوداقلار ... یارالار سینونده قارداش ... یانور اصغریم سوسوزدان ... سنی سسلیور هرایه ... و ... قافله غم دوزولدی . مرحوم میرمحمود آقا شوری تبریزی . زینبون یانوبدی دلدن جان وئرنده سن یارالی گل حسین باجون وئرور جان سربسر بدن یارالی . . سن وئرنده تشنه لب جان کربلاده قوملار اوسته گلدیم اُول زمان حسین جان قتلگاهه دلشکسته شمر الین دوتاندا اولدی اللریم شکسته بسته عورتی ندن وورورسان اولمادی دییَن یارالی . . لطف قیل بو غربت ائوده گل یارالی سینه داغلا قبلیه چوور یوزومی باخ منه سیزیلدا آغلا اللرون بدنده اولسا باری گوزلریمی باغلا قالماسون اؤرکده نسگل جان وئرنده من یارالی . . ارث دور بیز اهل بیته غربت اؤلکه ده وئراخ جان خوشدی زینبه بو اؤلماق چونکه ایسدیوبدی جانان بیرجه گُل یوزون گورِیدوم تا که جان وئریدیم آسان قبض روحه وئرمرم سن گلمیینجه تن یارالی . . گر سنون بو گلماقوندا زحمت اولسا ای برادر گلمه سنده گلمه قارداش باری اکبریمی گوندر سویله اکبریمه عمّون جان وئرور یولووی گوزلر چون بولور نجه چتیندور اولسا جان وئرن یارالی . . قیل قدم عزیز قالسون قویما یولدا گوزلریمی آل بو غصّه لی اؤرکدن بیر یانخلی سوزلریمی باشیم اوسته بیرجه اگلن چک کناره گوزلریمی گور اؤرک باشیندا قانلو کهنه پیرهن یارالی . . گر چه روح زینب ایمدی آیریلور حسین بدندن جانیوه قسم ئولوبدور آیریلان زماندا سندن قبض روحی اوندا اولدی سن وداع ائدنده مندن یوز قویوب جداله گئتدون با دل محن یارالی . . سن وئرنده جان گَلَنموب قزلارین او سرزمینه باغلاسونلا گوزلریوی قویمیوبدی اهل کینه نسگل اولماسون گوزیمی باغلوری قزون سکینه ساچلارین ایله یولوبدور مثل یاسمن یارالی . . آغلیانلارون باش اوسته جان وئرنده سن اولورسان آغلیان منی حساب ائت گل قدملریوه قربان گور نه حسرتیله غربت ایچره زینبون وئرور جان گه دیور حسینیم ایوای گه دیور حسن یارالی . . تاپمادیم بلا چولونده جسم پاکیوه کفن من قویمادی یارالی نعشون بیر قویام مزاره دشمن من خجالتم ولیکن بو غریبه لطف قیل سن جسم زینبی گوروب یان ائتگیلن کفن یارالی . . وار مرامی دلده گورسون بیر او گل جمالی زینب باشیوه دوروب دولانسون قالماسون ملالی زینب بیر دیوم یارالی قارداش سنده دئ یارالی زینب ای یارالی بیر یارالی آختارور ئولن یارالی . . زینبی اؤزون بولورسن چوخ سوؤر او تشنه سقّا اولماسون خجل برادر اولماسا سوئی، دئ امّا قولّارون بدنده اولسا گئت باجون گوزینی باغلا بیر اؤپوم او قولّاریندان ای شه زمن یارالی . . زینبون ئولونجه «شوری» ال گوتورمه دامنیندن عمّه وای دیوب سیزیلدا عرض قیل ای عمّه سندن ایستیرم حسین مزارین آیریلام خانم وطندن ورد ائدیم سنون دیلونجه سن یارالی من یارالی . . . #سبک_سو_یوخومدی_قزلاروندان ... 5 سبک . . . #زینبون_یانوبدی_دلدن_جان_وئرنده_سن_یارالی #شوری_تبریزی #ترکی . . 🆔: @torkiy #ترکی #زبدةالاشعار #زینبون_یانوبدی_دلدن_جان_وئرنده_سن_یارالی #زینبیه_شهادت #سبک_سو_یوخومدی_قزلاروندان #شوری_تبریزی

شهادت حضرت زینب(س) . . 🆔:@torkiy . سبک :: منیم ای تشنه قربانیم ... بزن بر سینه و بر سر ... ئوزوم گوردوم ... حسین تعجیلیلن گیتمه ... خداوندا الیم بوشدی ... . . . . مرحوم حاج عبداله رضایی ( غمکش ) . سیلن یوخدی بو غربتده گوزومدن قانی آی قارداش ئولور زینب خبر ایله آنام زهرانی آی قارداش . رمق دیلدن آلان قارداش منی درده سالان قارداش . . منه قیل چاره یا مولا ئولور قلبی یانان زینب گوزومی باغلیان یوخدی ویرور غربتده جان زینب یولون گوزلور آتام اوغلی پریشان ناگران زینب منی دیلدن سالان قارداش آمان قارداش آمان قارداش . . اوخی قرآن باشیم اوسته او جالسین عرشه اجلاسی باجووون گلمه سون قارداش بو یرده خوار اولار یاسی گتور شامه حسین گلسون اوجابوی قارداش عباسی بیله شام اهلی جان قارداش واریم بیر قهرمان قارداش . . سرشکیم دوندی القانه منیم یوخدی هواداریم علی اکبر اگر بیلسه اولار غملی عزاداریم غمیم یوخ گلسه امداده اوجا بویلی علمداریم اورکده یوخ توان قارداش منه روح و روان قارداش . . گلوم سولدی خزان اولدی الیمدن گیتدی سرمایه ئوزون گل سال باشیم اوسته دوباره یا حسین سایه یوخوم بو شهر غربتده اقلاً قارداش همسایه منی دیلدن سالان قارداش رمق یوخ دیلده جان قارداش . . باجون حسرتدی آی قارداش یولون سال شامه بیر آنی سنی گورسین بو شهر اهلی چیخاندا زینبون جانی گوزوم باغلا اوخی قارداش باشیمون اوسته قرآنی رمق یوخ دیلده جان قارداش منی دیلدن سالان قارداش . . #سبک_علی_اصغر_مه_انور (بیش از 7 سبک سینه و زنجیر) . . #زینبیه_شهادت #سیلن_یوخدی_بو_غربتده #غمکش #زمزمه_های_محرم_غمکش #ترکی . . 🆔:@torkiy #ترکی #زبدةالاشعار #زمزمه_های_محرم_غمکش #زینبیه_شهادت #سبک_علی_اصغر_مه_انور #سیلن_یوخدی_بو_غربتده #غمکش

عزای حضرت زینب کبری سلام الله علیها . . 🆔: @torkiy . سبک شور :: نمیشه سرگردون نمیشه آواره کسی که تو دنیا حسین رو دوست داره (حاج میثم مطیعی ) . . #زلفی_تبریزی . @torkiy . اسور لوای غم گلور نوای غم قاره گیوب شیعه باشدا هوای غم . بوریوبدی بیرق عزا هر یانی آچیلوبدی زینبون در احسانی . علیا نسبدی زهرا حسبدی . یا زینب یا زینب یا زینب یا زینب (۲) . . . . . جلالی برهمدی غریق ماتمدی حسینه هر یرده شریک اعظمدی . یتیشوب شهادته کفیل السجاد یومولوب حسینه آغلیان گوز ایداد . علیا نسبدی زهرا حسبدی . یا زینب یا زینب یا زینب یا زینب (۲) . . . . . سولان یوزی یرده گلوب دیلی درده قالوب گوزی یولدا اولوب دل آزرده . یتوری زواله حیف ایشقلی کوکب یوزونی دوتوبدی کربلایه زینب . علیا نسبدی زهرا حسبدی . یا زینب یا زینب یا زینب یا زینب (۲) . . . . . اوزون یتور قارداش هرایمه بیر باش محبتیلن سیل عذاریدن قانیاش . باجووین حسین الی اورکده قالدی باشینی فلک یامان بلایه سالدی . علیا نسبدی زهرا حسبدی . یا زینب یا زینب یا زینب یا زینب (۲) . . . . . دیار غربتده دیلیم بو حسرتده ئولور غریبانه باجون بو حسرتده . سوله حالیمی حسین آنام زهرایه گله سون نفس سالا باش اوسته سایه . علیا نسبدی زهرا حسبدی . یا زینب یا زینب یا زینب یا زینب (۲) . . . . . . صبا سسیم آلسون اورک سوزون بولسون دیسون علمدار دل آوریم گلسون . گوزونی تیکوب باجون لوایه قارداش یوزونی دوتوبدی کربلایه قارداش . علیا نسبدی زهرا حسبدی . یا زینب یا زینب یا زینب یا زینب (۲) . . . . #زینبیه_شهادت #اسور_لوای_غم #ترکی . . 🆔: @torkiy #اسور_لوای_غم #ترکی #زلفی_تبریزی #سبک_نمیشه_سرگردون

زبانحال حضرت زینب سلام الله علیها در لحظات احتضار . . 🆔: @torkiy . کربلایی موسی #جوانی_تبریزی . سبک :: اصغریم ای شیرین زبانیم . زینبم شامیده غریبم کنج غربته بی حبیبم دردیمون یوخدی بیردواسی گرچه عالملره طبیبم جان یتوبدور دوداقه تزگل یارالی دوشموشم چوخ زماندی سندن آرالی حسین قارداش حسین قارداش . . . . ای منیم نور هردوعینیم عرشه چخدی فغان و شینیم گل باجون شامیده وئرور جان تشنه لب جان وئرن حسینیم حالیمه باری گل ئوزون ایله نظر هجراوتی گورنجه سالوب قلبه شرر حسین قارداش حسین قارداش . . . . یاندی ظلم آتشینده جانیم قالمادی جیسمیده توانیم دوشموشم مین بلاودرده شرحینه گلموری بیانیم قالمیوب فرصتیم سنه آغلاماقا شامه گل زینبین گوزون باغلاماقا حسین قارداش حسین قارداش . . . . دوندی طوفانه بحرظلمت ایتدیلر شامیان جنایت دین ائوین یخدلار ستمله سربه سرفرقه عداوت بارغم بوکدی قدیمی جان یارالی جان یتوبدور دوداقه تز گل یارالی حسین قارداش حسین قارداش . . . . نور چشم بتول اطهر اولموشام هجرائوینده مضطر قولسوزعباسیمه خبر ویر جان وئرور زینبون برادر گوزلیور زینب احتظاریده سنی لطفیله یاد ائدون بوغربتده منی حسین قارداش حسین قارداش . . . . اولموشام بسکه غم قرینی آزقالور درک ائدم برینی ویرخبر ائلریمه گلسین تاپشورون قبره بو حزینی دفن ائدون تپراق ایچره یورقون بدنی خسته دور بلکه دینجله روح و تنی حسین قارداش حسین قارداش . . . #سبک_اصغریم_ای_شیرین_زبانیم . . #زینبیه_شهادت #زینبم_شامیده_غریبم #ترکی . . 🆔: @torkiy 🍂#ترکی #جوانی_تبریزی #زینبم_شامیده_غریبم #زینبیه_شهادت #سبک_اصغریم_ای_شیرین_زبانیم🍂

زبانحال حضرت زینب (س) . . 🆔:@torkiy . #لاادری . آند ویرم سنی آهیم اوجالان گونلریمه قاتلون قوللاریما قمچی ویران گونلریمه قیزلاری ناقه لر اوستونده سایان گونلریمه اورگیم محرمی گل تعزیه وار ، ماتم وار منی سیندیرما حسین دوره ده نامحرم وار . . آند ویرم سنی قارداش او یامان گونلریمه باشوا خیمه دالیندا دولانان گونلریمه داشلار آلتدا سنی مقتلده تاپان گونلریمه بو قدر آتش هجرانیله یاندیرما منی قالمیشام گون قاباقیندا گل اوتاندیرما منی . #زینبیه_شهادت #ترکی