🍂وصف مادر ،، وحالات حضرت زهرا(سلام الله علیها)🍂 ✍ سیامک پیر محمدی ای  اولان   شانینه    قرآندا  گوزل  آیه  ننه باشلار اوستونده اولان عمر بویی سایه ننه ئوز   جانیندان  بالالارینا   قویان  مایه  ننه ایاقی  آلتدا   بهشت   کعبه ی  ایمان ننه دی کعبه  تک  اهل دیله   قبله ی  جانان  ننه دی ای  وفا  معدنی  ای  عاطفه  دریاسی  آنا گلشن  روحه   غذا  نغمه ی  لای لاسی آنا چشمه ی  معرفتین  جوهری  معناسی  آنا عصمت و  منزلت  و شهرته   دارا   ننه دی ئورگ آیینه سینه    ماه  دل  آرا     ننه دی شیره ی جانی دامارلاردا شرف قانی اولان جانینی بذل ائدن اولادینه رخساری سولان بالا عشقینده  یانان قلب  شرر  باری  دولان گئجه گوندوز  اَرییوب شمع  فروزان ننه دی سزنایان   قلبینه  دگمه   دِل  سوزان  ننه دی روح انساندی ننه سعی ائله تئز قدرینی بیل جان دیلدن نه چکوب زحمتیوی گورنئچه ایل ئوپ الیندن ایاقیندان ئورگیندن غمی سیل مظهر صدق و  وفا  مهر  و  محبّت   ننه دی قاچما جنّت  دالیسیجان  بئله ، جنّت ننه دی بیرزمانی گوره جاقسان کی قراسی چکولوب گئدوب الدن  باشیوا  گرد  عزاسی توکولوب آناوین حزن و غمی قلبیوین اوستن اکیلوب او  زمان  یادیوه  سال  فاطمه نین گوللرینی بوینی  چیگنینده   قالان غم زده   بلبللرینی جانیمیز   سسلدیلر   گوزلره   قربان  آناجان او   قنوت  وقتی  اَسَن  اللره   قربان آنا جان بیزه  لایلای  دئدیگون  دیللره  قربان آناجان کیمسه یوخدی غم واندوهیمیزی بیلسین آنا توکولن یوزده کی گوزیاشیمیزی سیلسین آنا بالالارون   قالوب   آواره  هارا  گئتدون آنا قیزلاروندان نگران  قلبی یارا  گئتدون  آنا سویمادون قاروی اگنونده قارا گئتدون آنا نصف شبده کیمه تاپشورمسان اولدوزلاریوی قویموسان  اللری   قوینونوا  آنا سیزلاریوی یاناروق الده قباله  نه چکوب  باشون اوگون قانه دونموشدی ندن کوچه ده گوزیاشون اوگون کاش اولیدی ننه جان بیردنه قارداشون اوگون کسه  بیلمزدی  یولون  ثانی  ورانمزدی سنی ضرب  سیلیله  تراب اوسته  یخانمزدی سنی غم  اندوه  و بلادن   سینه میز    داغلیاروق جانمازیوی گوز اوستونده نشان ساخلیاروق ای  جوانلیقدا  گئدن  قبره      سنه آغلیاروق چوخ  غریبانه  مزاره   دل شب   گئتدون  آنا گوللروندن ال ئوزوب گلشنی ترک ائتدون آنا سنده دل داغلا(#سیامک) گل  طاهایه  گوره غملرین چاهه   دیین  غربت    مولایه  گوره وور قلم عمر بویی حضرت   زهرایه    گوره یاز گئجه دفن اولونان قبری نهان فاطمه دی غم  الیندن قوجالان  قدّی  کمان  فاطمه دی #حضرت_زهرا_سلام_الله_علیها #فاطمیه کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy