زبانحال حضرت زینب(س) در شام غریبان ( سبک شبانگاهان....) آنا زهرا دشت کرب و بلا ظلم دشمندن لاله گون اولدی بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) پرستار اولدوم سحردن تا گون غروب ایدنی یاره باغلادیم حسینیوه من دل شبده شام غریبان دوتدوم آغلادیم سالوب رباب اصغرین یاده آغلیوب منده سینه داغلادیم بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) فشار غم غصّه زینبوون قامتین اگدی قد کمان اولدی چمن زار عشقینه اسدی صرصر جفا چون خزان اولدی سو اوستونده صود امر بوغازی زهرلی تیره خونفشان اولدی بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) بیر انگشتر اوسته ساربان ال کسوب زینبدن توان آلدی او ال کسن آغلادوب باجیمی جانینه یانان بیر شرر سالدی سنه بنزر بیر ملک منظر قارداشیم قیزی آتاسیز قالدی بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) گلستاندا آچمیین گولووی آسیاب فلک چون گلاب ایلدی بیر اوخ گلدی حنجره دگدی خون اصغریوی خون ناب ایلدی گولوب اوّل یومدی گوزلرینی قارداشیم قلبین چون کباب ایلدی بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) یاری یانموش خیمده دوتدوم شام عاشورا شام غریبان حسین باشی کوللر اوستونده خولیه اولوب بو گیجه مهمان او قانلی گودالیده دوشوب سینه سی اوسته پیکری عریان بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) بقیده یاتما مزاریده کربلایه گل قالموشام تنها اوزن گل باش چک بو چولده گور هانسی یئر اولوب زینبه مأوا سحر اولسا من آنا نینیم قتلگاهیده قارداشیم قالسا بوگون غمدن خم اولوب کمریم قاندی بو جگریم گوللریم صولدی یانان چادر منزلیم اولوب ئورگیم گل قانیله دولوب گل آنا زهرا (2) غم ایلمه (( عدلی )) وار گنهون یاز بو درباره بنده گلمیشم الیم بوشدور رو سیاهم من خجلتیم وار شرمنده گلمیشم نواخوان و ذاکرین گلوری حاجت آلماقا منده گلمیشم ** ✍اصغر فرشچی (عدلی تبریزی) #محرم_۱۴۰۳ #شام_غریبان

نوحه شام غریبان زبانحال حضرت زینب علیها السلام قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم وجودیوین یاره دی هر یانی سوروندوقوجا سوزولور قانی خیامه ساری یوزون اوسته سورونمه سن بیل ننمین جانی قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم بلانی جانه آلارام قارداش سوزومون اوسته قالارام قارداش جفائیلن قانه باتان جسمه ئولونجه لای لای چالارام قارداش قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم ✍شعر از حاج فرهنگ خدایی #محرم_۱۴۰۳ #شام_غریبان #کانال_باب_الحوائج http://eitaa.com/torkiy

#نوحه #شام_غریبان #فاطمیه 🎶سبک_شبایی_که_دلاروغم_میگیره 🏴🏴🏴🏴🏴🏴🏴🏴🏴 فاطمه جان شام غریبان شد علی گریان ز داغ هجران شد در کنار مزار تو زهرا اشک حیدر روان چو باران شد ▪️گل حیدر یا فاطمه جانم ای صفای خانه ی من زهرا روح من ریحانه ی من زهرا سوزم و گریم و بنالم من رفته ای از خانه ی من زهرا ▪️گل حیدر یا فاطمه جانم دلی خون غرق مبتلا دارم در کنارت بزم عزا دارم ای صفا بخش خانه ام زهرا بر روی لب شور و نوا دارم ▪️گل حیدر یا فاطمه جانم بعد تو بی یار و غریبم من خسته ام بی یار و حبیبم من در کنار قبر غریب تو فاطمه بی صبر و شکیبم من ▪️گل حیدر یا فاطمه جانم تو که بودی همیشه یار من جان خود کرده ای نثار من گشته ام بی تو خسته و تنها چرا رفتی تو از کنار من ▪️گل حیدر یا فاطمه جانم در کنار تو گشته جان بر لب روز من گشته بی تو چونان شب بسوزاند دل شکسته ی من ناله های روز و شب زینب ▪️گل حیدر یا فاطمه جانم ✍شاعر: رضا یعقوبیان #فاطمیه_۱۴۰۳ #شهادت_حضرت_زهرا_سلام_الله_علیها

در توسل به پنج تن آل عبا و شهدای کربلا #گریز به #شام_غریبان . . سید بشیر حسینی میانجی . . اى خداحضرت پيغمبره جانيم قربان جانشين نبوى حيدره جانيم قربان . علت غائى خلقت قمربرج حيا حضرت فاطمه‏ى اطهره جانيم قربان . عالم حُسنيده يوخدورحسنين همتاسى اوّلين جام مىِ‏کوثره جانيم قربان . خامس آل عبايعنى شه کرب وبلا پيکرى بى سراولان سروره جانيم قربان – خوشدى سوز تاپسين ادامه شهدا شاهيندن شاه بى ياوروبى لشکره جانيم قربان – ائلدى حقّه فدا يتمیش ايکى قربانين لاله تک پرپراولان گوللره جانيم قربان – آل هاشمدن اَول قانه باتوب اوزاوغلى شبه پيغمبرعلى اکبره جانيم قربان – قاسمين نسگيلينه آغلادى مظلوم حسين غم باغندااوگل احمره جانيم قربان – مرتضااوغلى، خانم ام بنينين بالاسى يعنى عباس وفاپروره جانيم قربان – تشنه لرخاطرينه نهرى آلوب ايچمدى سو مشکى دولدوردى، نکومنظره جانيم قربان – گوئيا نهر ديوردى قوى ئوپوم لبلريوى سوکنارينده سوسوزلبلره جانيم قربان – قولارى اولدى قلم مشکى گوزى اوخلاندى يره السيزيخيلان پيکره جانيم قربان – هرقولى بيريانا، مشکى، علمى، بيريانه اوزى بيريانه دوشن ياوره جانيم قربان – اونى گورجک بئلينه قويدى حسين اللرينى ائله حالدادئديگى سوزلره جانيم قربان – دئدى داى چاره‏م آزالدى بوزمان سيندى بئليم آچ، اوقانيله دولان گوزلره جانيم قربان – علمين آلدى اله گلدى آقاخيمه لره اونى پيشوازائليين ائللره جانيم قربان – هاميدان گلدى قاباق زينب اوزى بيلدى سوزى آغلاماسويلدى چشم تره جانيم قربان – هله من ئولمموشم آلام اله پرچمينى اوعلمداراولان خواهره جانيم قربان –هرزمان کى گورورم ديلسيزاوشاق سويلويورم آلتى آيلوق صودامراصغره جانيم قربان – آتاسى اللرينون اوسته سوسوزاوخلاندى اونالاى لاى ديين ديللره جانيم قربان – الغرض اهل وعياليندن حسين آيريلدى باجيسى زينب ئوپن حنجره جانيم قربان – گى بوپيراهنى عرض ائتدى آنام امرائليوب سنه کوينک توخويان مادره جانيم قربان – مرکبه راکب اولوب سوردى بيرآزمرکوبى يولينى يولداکسن دختره جانيم قربان – حجتين ختم ائلدى باشلادى جنگ ايلماقى اوشجاعتلى غضنفرفره جانيم قربان – دشمن ودوست گوروب صولتينى سويله ديلر جنگيده شيرحقه بنزره جانيم قربان – صفلرى پوزدى وروبدورهاموسين بيربيرينه يوزى گون، آنّى مه انوره جانيم قربان – سعدين اوغلى دئدى دورت دوره‏ دن اطرافين آلون يتوشن عمرى داخى آخره جانيم قربان سالديلارقتلگهه باشينى شمرائتدى جدا اوشهه قاندان اولان بستره جانيم قربان – اوتلانوب خيمه لرى قاچدى چوله قيزلارى گون باتان چاقى قوپان محشره جانيم قربان – بيريانان خيميه يغدى يورولان اطفالى زينب زاروقرامعجره جانيم قربان – ساخلادى شام غريبان يارالى قارداشينا چشم خونبارودل مضطره جانيم قربان – ساربان يارى گئجه قتلگهه يوزقويدى اوبيلکدن کسيلن اللره جانيم قربان – اوسخاوتلى آقا، بجدل بى ايمانه ورديگى بارماقاانگشتره جانيم قربان – يولاسالمادى الى بوش گوروسن دشمنيده حاجتون اولسادئنن بودره جانيم قربان – جدّيوين آدينى يازدفترقلبونده »بشير« گوزل آدى يازيلان دفتره جانيم قربان – سنى دعوت ائلدى قبرينى گئتدون گوردون عرش تک قبرى اولان رهبره جانيم قربان – گلدى جسمون ولى اُول دشتيده روحون قالدى يئرى واردور ديه سن اُول يئره جانيم قربان ✨اَللّهُمَّ عَجِّل لِوَلیِّکَ الفَرَج✨

‍ شام غریبان حضرت امام حسین (علیه السلام) در کربلا وای حسین وای دییر‌م شام غریبان گئجه‌سی ۸ بواوْغولسوزلاریلان،ناله وْافغان گئجه‌سی بوگئجه آل عبا دیده‌سی گریاندی حسین آل پیغمبره باخ گؤر نجه افغاندی حسین حَرمون اوْلدی اسیرخیمه‌لری یاندی حسین صبرائد‌م منده گر‌ک عهدیمه پیمان گئجه‌سی چوْخ قارانلوق گئجه‌دور قارداش عَلَمداریم ئؤلوب زینبه چاره ندورلشگریم انصاریم ئؤلوب اکبروْقاسمیلن سروروْسرداریم ئؤلوب آغلیوب باشه وورام شام غریبان گئجه‌سی وای حسین وای دییر‌م قلبیده یانموش باجیوام کربلاده بویامان گونلره قالموش باجیوام یتدی قارداشی ئؤلن خیمه‌ تالانموش باجیوام قالان آواره باجون شام غریبان گئجه‌سی نیزه اوْخلاریاراسی اینجیدیری پیکریوی ئؤلدوروبلراوْجوان اوْغلون علی اکبریوی سودامراوْخلادیلار تشنه علی اصغریوی نیلسون زینب حسین شام غریبان گئجه‌سی آغلیوللربوگئجه اوْغلی ئؤلنلرآنالار بوقرانلوق گئجده شیون ائدوللربالالار جیدوْجهد ائیلیور‌م خرداجا قیزلار یاتالار من نگهبانم اؤزوم شام غریبان گئجه‌سی یازما (موجودی) قوتارحالیم اوْلورحال دگر غم‌افزا سؤزونه الده قلم یاندی جگر باجینون قارداش ئؤله قمچی ووراللارکی مگر آغلیان باشه ووران شام غریبان گئجه‌سی موجودی #محرم_۱۴۰۴ #شام_غریبان #شهادت_امام_حسین_علیه_السلام #کانال_باب_الحوائج http://eitaa.com/torkiy

هادی اردبیلی گلمیشوخ تسلیته قدی کمان زهرایه ئوزی غمدن قوجالان عمری جوان زهرایه آغلا اللرده ئولن اوغلونا سسلن سس قوش مقتلی معجری الده دولانان زهرایه ای بیر ایل دیلده نهان دردی دواخانه گزن دردیوی ایندی دئنن دردی نهان زهرایه نه دواخانه، عزاخانه لرون ئوپ قاپوسین نسبتی وار بورانون تئز قوجالان زهرایه ایسلاد اشکونله قرا پرچمی قوی ئوز یارووا ائت توسل گوزی یاشلی گوزی قان زهرایه یوزه اشگونله یازیب دردیوی تقدیم ایله ئوز ائوینده قولی پهلوسی سینان زهرایه دوز یاپوش چوخدی نتیجه بو قرا پرچمده مدرک عشقیدی درگاهی یانان زهرایه چاغیران دوز چاغیرار رد اولا یانمیش قاپودان یاراشار سن بیل حسین جانی هاچان زهرایه؟ زائرانه ائله بوردان یوزیوی یثربه دوت یا حسین دیلده دئه دردون اوجادان زهرایه دردیوی هئچ کیمه فاش ایلمه اخلاصیله دئه دردینی قانیله دیواره یازان زهرایه حاجت شرعیوی شرح ایله شکسته دیلیلن کوللر اوسته بالاسیندان نگران زهرایه آغلا سر نیزده مهمان آپاراندا بالاسین چوللری نیزه لر آردینجا قاچان زهرایه دولانوب خولی ائوینده تاپان ئوز قانلی گلین اوغلونون باشینون اوسته باش آچان زهرایه آغلا پهلوده الی کوللرین اوستن گوتوروب داغلی قلب اوسته بالا باشین آلان زهرایه یارالی باشی آلاندا یارالی سینه سینه دئدی آچ قانلی گوزون باخ قوجالان زهرایه نه گلوب سینمه سن کوللرین اوسته یاتاسان یات سینان سینه ده ای روح روان زهرایه گوزیوین قانلی کولین توک سینمون یاره سینه آزالا دردی گله بلکه توان زهرایه قویمیوبلار ملر آهولریوی آغلاماقا گلمیشم خولی ائوینده سنه یاس ساخلاماقا کوله باتمیدی گوزون بیله خمار اولمازدی حقون آئینه سینون چهره سی تار اولمازدی ائله دوتموشدی گوزل گوزلریوی خاک تنور اولماسیدی مژه مون تاری کنار اولمازدی ویرمسیدی کولون اوستونده سنه خولی مکان جان قوشی بیر بئله بی صبر و قرار اولمازدی خولی بیلسیدی گلین قدرینی ساتمازدی کوله باغبانی گلینه تعزیه دار اولمازدی داش ئوره ک خولیده ایمان اثری اولسیدی رخ آئینه عرفاندا غبار اولمازدی منه وئرسیدی بوکردیم آغاران ساچلاریما یاره لی قانلی باشون کوللره یار اولمازدی منه وئرسیدی یوواردیم دوداقون اشگیله قانلی باشون کولون اوسته بئله خوار اولمازدی الده گر چاره سی اولسیدی بو ویلان ننه وین باشووه دشمنووین نیزه سی دار اولمازدی آتامون گتدیگی قرآنه عمل اولسیدی فاطمه سیریده نامرده دچار اولمازدی او زمان حق سوزی درک ایلین اولسیدی اگر آنون آهو کیمی صیاده شکار اولمازدی قاپومی بیر گون ئوپنلرده شرف اولسیدی او کرامت قاپوسی طعمه نار اولمازدی آل پیغمبرین امنیتی اولسیدی اگر آنون الان بئله مجهوله مزار اولمازدی منی مظلومه ائدنلر سنی قتله یتوروب مسلم اولسیدیلا بو ننگ و بو عار اولمازدی کوفه اهلینده بیر آز معرفت اولسیدی اگر اوستووه گل یرینه سنگ نثار اولمازدی باغ ایثاره اگر قانیله وئرمیدون سو شرفین شاخه لرینده بیله بار اولمازدی تاب اگر ضرب دره ایلمه سیدیم او زمان نجم ایمانه سینان سینه مدار اولمازدی ویرمسیدیم بو سینان سینه صودیله سنه سو ایندی بو قانلی گلیم لایق یار اولمازدی سجده حالینده باشی ذبح اولان اوغلوم لای لای قان دولان گوزلرینه کول دولان اوغلوم لای لای 🏴یا فاطمه الزهرا🏴 #محرم_۱۴۰۴ #شام_غریبان #شهادت_امام_حسین_علیه_السلام #کانال_باب_الحوائج http://eitaa.com/torkiy

گل آنا یا فاطمه ای اورگی قان ننه اوغلوا دوت بوگئجه شام غریبان ننه جان ننه ایوای ننه کرب و بلا دشتینی قوم ستمگر آلوب آل امیه بوگون ولوله عرشه سالوب قانه باتوب قارداشیم قیزلاری ویلان قالوب نصفی یانان خیمده آغلور عزیزان ننه جان ننه ایوای ننه سسلیرم امدادیمه یوخدی هرایه گلن مشکل اولوب زینبه بو غم و درد و محن قارداشیمون پیکری یرده قالوب بی کفن جان ننه ایوای ننه دوشدوم آنا دهریده گورنه یامان گونلره یوخدی امیدیم داخی قاسیمیلن اکبره لشکر وسر لشکریم قانه باتوب یکسره ظلمیله طغیان ائدوب فرقه عدوان ننه جان ننه ایوای ننه #محرم_۱۴۰۴ #شام_غریبان #شهادت_امام_حسین_علیه_السلام

‌‌‌‌‌‌‌┄✦۞✦‌‌✺‌﷽‌‌‌✺✦۞✦┄ روضــــــــــه جانســــــوز_نیسگیللی_یانقلی #تنور_خولی_روضه_ترکی ناگفته های سوزناک حضرت زهرا سلام الله علیها با سر مبارک سیدالشهدا علیه السلام در تنور خولی... سن ئولمسیدین اوغول حسرتینده یانمازیدیم/ تنورِ خولیده اَل سینده دایانمازیدیم/ یارالی فاطمییم منزلون مبارک اوغول/ بیلورسن آیری مکاندا گئدیب قالانمازیدیم/ آلوب سراقیوی گلدیم بو نانجیب ائوینه/ وگرنه آیری مکاندا سنی تاپانمازیدیم/ همیشه هر گجه لایلای دییَن گلوب گوزون آچ/ کی یاتماسیدین اگر بیر گجه یاتانمازیدیم/ بحسبِ عادت هرشب،سو ایچمیسن بو گجه؟/(۱) بیلورسن ایندیده من فیکریوی آتانمازیدیم/ او قدری عاشقیوم بیلمیرم گئدیم هایانا/ یارانماسیدین اگر ،من اوغول یارانمازیدیم/ سنی دویونجا گوروب دویمادیم تئز ئولدوم حیف/ وگرنه حشره کیمین سندن آیریلانمازیدیم/ فراقیوه اوجادان آغلیرام بهشتیده ده/ گئدیب قراریم اَلیمدن ،وگرنه یانمازیدیم/ سن ئولمسیدین اگر باشدا قاره ایندی گلوب/ دوشوب بو چوللری نالان گزیب دولانمازیدیم/ یارالیسان بیلورم منده یاره لی آنانام/ بیر آیری غمده بو قدری من آغلیانمازیدیم/ گلنده قتلی گهوندن دونوب گذر سالدیم/ یاران اوقدری چوخیدی قالیب سایانمازیدیم/ یارالینین یاراسین باغلیار اگر چه طبیب/ سینونده کی یاراوی منده باغلیانمازیدیم/ رقیّن آغلاماسِیدی جنازه وین اوسته/ تنوره گلمَگه بیر لحظه ده یوبانمازیدیم/ جنازون اوسته ایدیم ساربان یئتیشدی اودم../ وگرنه پیکرون اوسته یاتیب اویانمازیدیم/ (۱)=اشاره به دوران کودکی سیدالشهدا.. ✍شاعر عاشورایی کربلایی اصغر الماسی اهری ┄┅═✧❁۞══۞❁✧═┅┄ #محرم_۱۴۰۴ #شام_غریبان #کانال_باب_الحوائج http://eitaa.com/torkiy

🏴نوحه شام غریبان #سبک سینه زنی👇 (ای باشی سرنیزه ده معراج ائدن) #مشترک زنجیرزنی👇 (من پسر ام بنینم قشون زینب کبری اورگین قان دوتوب قارداشینا شام غریبان دوتوب (سسلور دمادم ای وای حسینیم یات قوملار اوسته لای لای حسینیم) گه یارالی پیکرینه آغلیور گه سوت امر اصغرینه آغلیور گه داغیلان لشگرینه آغلیور قلبینی یتمیش غم پنهان دوتوب یاری ئولن آغلاماسین نیلسین غرق محن آغلاماسین نیلسین یوخدی کفن آغلاماسین نیلسین سینه سینی محنت سوزان دوتوب هی دیور ای بی کفنیم هارداسان مقتله عطشان گئدنیم هارداسان قلبینی اوخلار سوکنیم هارداسان سینه وی اوچ شعبه لی پیکان دوتوب سسلیور ای وای قوجالان قارداشیم دورینی دشمن لر آلان قارداشیم پیکری چوللرده قالان قارداشیم قتلگهی فرقه عدوان دوتوب نعشی حسینون حله چوللرده دی تشنه کسیلمیش باشی اللرده دی اوچ پر اوخون صحبتی دیللرده دی باشدان ایاقه بدنین قان دوتوب کوفه ده زهرا دیور عطشان حسین کرب و بلا ده بو دیور جان حسین زینبون اولسون سنه قربان حسین عرشیده ماتم شه خوبان دوتوب یوخدی ابالفضلی اورک داغلیا مجلس ماتم قورا قان آغلیا اکبری یوخ باشه قرا باغلیا یاسینی بیر عده یتیمان دوتوب ـــــــــــــــــــــــــــــــــــــــــ یا اَرحَمَ الرّاحِمین #محرم_۱۴۰۴ #شام_غریبان #شهادت_امام_حسین_علیه_السلام #کانال_باب_الحوائج http://eitaa.com/torkiy

نوحه روز عاشورا حسینی از زبان مادر در سبک ویرانده نازلی بالام ای گون قباقونده یاتان عریان بالام لای لای وی قیزلارین گوزدن آتان عطشان بالام لای لای لای لای بالام لای لای لای لای بالام لای لای گل پیکرون قالدی بالا آتلار ایاقینده 2 قان لخته ویرمش گورنئجه عطشان دوداقینده2 یاننام گئجه گوندوز سنون درد و فراقینده2 سنسن منه روح روان لای لای بالام لای لای 2 ای یوسف گل پیرهن یاتدون بو صحراده2 باشدان ایاقه قانیوه باتدون بو صحراده 2 گوز یاشیمی خون دله قاتدون بو صحراده2 آغلار سنه یالقوز آنان لای لای بالام لای لای2 دو گور نئجه باشه ویرور پیغنمبر خاتم ۲ نوح نبی نوحه دئیور سینه ویرور آدم ۲ عیسی قرا کوینک گئیوب آغلور سنه مریم ۲ یاسه گلوب کروبیان لای لای بالام لای لای لای لای بالام لای لای چولده قالوبدی قیزلارون یانام الولانام ۲ سو سو ویرور اولدوزلارون یانام الولانام ۲ باشین آچوب یالقولارون یانام الولانام ۲ زینب اولوب قدی کمان لای لای بالام لای لای لای بالام لای باشون کسوب شمر دنی ایوای بالام ایوای۲ یاندیردی ظالم چوخ منی ایوای بالام ایوای۲ ئولدوردولر عطشان سنی ایوای بالام ایوای۲ آغلور زمین و آسمان لای لای بالام لای لای لای لای بالام لای لای گویده ملکلر آغلیور احوالیوه اوغلوم۲ قانلی بلکلر آغلیور احوالیوه اوغلوم۲ داغلی اورکلر آغلیور احوالیوه اوغلوم۲ ایوای دئیور  پیرو جوان لای لای بالام لای لای لای لای بالام لای لای یاحسین #محرم_۱۴۰۴ #شام_غریبان #قتلگاه #شهادت_امام_حسین_علیه_السلام #کانال_باب_الحوائج http://eitaa.com/torkiy

شام_غریبان_امام_حسین * هله عریان بدنون یرده پریشاندی حسین بو غموندن اوره گیم لاله صفت قاندی حسین اوت ویریب کوفه لیلر خیمه لریم یاندی حسین من سنه هاردا دوتوم شام غریبان یارالی * شرح ائدیم هانسی غمی . دلده غمیم چوخدی حسین هر غمیم بو یارالی قلبده بیر اوخدی حسین بیر چادر وئرمه سه سعد اوغلی ائویم یوخدی حسین من سنه هاردا دوتوم شام غریبان یارالی * باغبان ئولسه حسین گللری گلشنده سولار غم دوتار گلشنی بلبل اوره گی غمله دولار رسمدیر هر ئولنون شام غریبانی اولار من سنه هاردا دوتوم شام غریبان یارالی * قلبیم اکنده اولوب دردیله طوفان گئجه سی شب وصلت قوتاریب .باشلادی هجران گئجه سی یاس دوتالار ئولنه شام غریبان گئجه سی من سنه هاردا دوتوم شام غریبان یارالی بیر قوشام یاره لیم صید ایلیوبلر بالامی نه یانان حالیمه نه خشک ایلین وار یارامی اوچولار حمله ائدوبلر داغیدوبلار یووامی من سنه هاردا دوتوم شام غریبان یارالی * گون باتاندان بو چولی زار و پریشان گزورم بالالارون داغیلوب چوللره گریان گزورم لانه سیز قوش کیمی اواره و ویلان گزورم من سنه هاردا دوتوم شام غریبان یارالی ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #شام_غریبان #شهادت_امام_حسین_علیه_السلام #کانال_باب_الحوائج http://eitaa.com/torkiy

شام عاشوراست یا شام غریبان حسین عالم هستی شده سر در گریبان حسین آفرینش از صدای واحسینا پر شده گوئیا درقتلگه زهراست مهمان حسین #شام_غريبان🕯 #امان_از_دل_زينب🏴 #صلی_الله_علیک_یاثارالله🥀