#اَلسَلامُ_عَلَیکِ_یا_عقیلهًُ_العَربُ #یا_اُمَّ_اَلمَصائِبُ_یا_زِینَبَ_اَلکُبری' #شهادت_ ●●●●●●●●●●●●● من او زینبم کی فلک منی، ایلیوبدی خونجگر آغلارام گوزومون ‌یاشی اولوب همدمیم ، هارا ایلرم سفر آغلارام هله آلتی سننه یئتیشمه میش،آنامین یاراسینی باغلادیم بابامین باشیندا جراحته، یانا یانه سینه می داغلادیم توکولنده طشته جگرلری، حسنین اونا باخوب آغلادیم بو قدر ملال و مصیبته، بو جهاندا کیم دوزر؟ آغلارام سالارام خیاله مدینه نی، نَقَدر عزیزی دی گونلریم قونار آسمان خیالیده، آنا قبری اوسته کبوتریم سینیب حیف دست جفائیله، نه خیال وار نه ده شهپریم ایلیوبدی دست قضا منی، بو جفالره سپر آغلارام بئله اقتضا ایلیوب قضا،یازیلوب جهاندا بلا منه نَقَدر کی دور ائده بو جهان، یانوب آغلار اهل ولا منه هامی غملریم ولی بیر یانا، چتین اولدی کرب و بلا منه بویانوبدی قانه کمک لریم، او مکاندا، سربسر آغلارام او مکاندا گلشن مصطفی'،ستمین خدنگینه توش اولوب دریلوب جفائیله گل لری، داغلوب یئره سارالوب سولوب من اودور بولوط کیمی دولموشام، اورگیم غمیله زبس دولوب ندی دلده درد و غمیم منیم، اونی بیر خدا بولرآغلارام گوزومیله گوردوم او دشتیده، گون ائوینده نور دو عینیمی یارالی گون ایستیسی تشنه لب، سوسوز ئولدورنده حسینیمی باشی اوسته ووردولا شامیان، اوجاداندا شیون و شینیمی نه اثر قویوب دیه بولمرم، بدنیمده قمچی لر آغلارام منی یاندیرار بو غم و محن، باشیم اوسته ائللریم اولمادی نه حسن نشانه سی قاسمیم، نه علی اکبریم اولمادی نه حسین کفن گتیروب منه، نه شبیه حیدریم اولمادی اورگیم قانی آخوب اشک تک، ایکی دیده دن سوزر آغلارام بو چتین زمانیده آختارور، ایکی گوزلریم گل یاسیمی فلک ایلدی منی دستگیر، ستمیله پوزموش اساسیمی دوتاجاخ کیم ئولسم اگر منیم، بو غریبه شهریده یاسیمی عجب اولدوم آخر عمروده، بو جهاندا دربدر آغلارام @torkiy