eitaa logo
کــانــالـ بــابـ الــحــوائجـ اشـــعــار نــاب مداحی و مولودی ترکی و فارسی
4.3هزار دنبال‌کننده
3هزار عکس
2.7هزار ویدیو
380 فایل
《هدف از ایجاد این کانال : ارائه بهترین اشعار مداحی ،روضه،مرثیه ،مولودی و... برای دسترسی هر چه سریع شما ذاکرین آل الله می باشد .》 💠خادم کانال : 💠🎤کربلائی سعید سلطانی 🔰 💠جهت ارتباط بامدیر کانال به آیدی زیر مراجعه فرمائید ⇃⇂ @saeid1370 ______☆______
مشاهده در ایتا
دانلود
🥀شهادت امام_جواد_علیه_السلام 🥀 🏴http://eitaa.com/torkiy🏴 باش گوتور بیر قبریدن یا فاطمه بغداده گل جان ویرور اوغلون تقی بیر یالقوز ایوده داده گل ای خانم بیر باش گوتور قبر شریفوندن اویان الامان بیر نانجیب عورت الیندن الامان اوز ایوینده قویموری وئرسون بالان آسوده جان چوخ سوسوز دور ممکن اولسا ایله سو آماده گل تک به تک گر چه سنون اوغلانلارون مظلوم اولوب هر بیری بیر نحویلن بو دهریده مغموم اولوب بعضی سی مقتول اولوبدور بعضیسی مظلوم اولوب لیک ام الفضل الیندن بیر اولان بیداده گل هر کیمه یوز ویرسه هر نوعی غم و درد و بلا اوز عیالی جدّ و جهد ایلر خانم ائتسون دوا اوغلوون اما اولوبدور اوز عیالی بی وفا بیر نفر یوخ قوم و قارداش تا یته امداده گل اولمادی بیر کیمسه باخسون اوغلوون افغانینه قالمادی یالقوز ولی اوغلی گلوبدور یانینه عاقبت بولمم نجه جان ویردی اوز جانانینه قالدی گول جسمی ولی بو صفحۀ غبراده گل اوغلوو اوز عورتی هر ظلم ائتدی دویمادی اوز لباسی من دئمم آیا سویوب یا سویمادی ئولدوروب راحت گئنه اوز مسکنینده قویمادی اُفّ اولا لعنت گله بو عالم ایجاده گل اول خبیثه بُغضینی ایلوب او وقته آشکار نه دیوم یانسون دلیم نه امر ایدوب اول نابکار دورمیون بامه بو جسمی حمل ایدون ای اهل نار بو قضیه باغریوی قان ایلدی معناده گل وار یقینیم اوج ایده ناله او دمده گوگلره بولمورم عالم ندن بس دگمیوبدور بیر بیره بامدن اول جسم پاکی آتدیلار بیردن یره بو مصیبت شیعه نی آغلار قویوب دنیاده گل آچ باشون آغلار گوزیله خطّۀ بغداده باخ داد امّ الفضل الیندن ائتدوقی بیداده باخ اوچ گجه گوندور قالوبدور کوچه ده گل داده باخ بیرده بیر اوغلون دوشوب باشسیز قالوب صحراده گل باش بدنده یوخ حسینون گون ایوی عریان قالوب زینب مظلومنون آرامنی الدن آلوب زلفینی ائتدی پریشان نعشینه سایه سالوب گوردی حدسیزدور یاراسی گلموری تعداده گل عرض قیلدی بو یارالی نعشیوه زینب فدا کیم گوروب بیر جسمیده اولسون بیله سانسیز یارا هر قدر عمریم اولا وردیم اولور ایوای اخا تسلیت ویرماقلیقا اول زینب ناشاده گل عالم معناده اولسا گر خدمتون بُول هدر گئتمز یقین دنیا و عقبی زحمتون بو اماموندن برآورده اولور هر حاجتون الده عنوان ائتگیلن بو نوحه نی عقباده گل ✍شوری  کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy
زبانحال زینب کبری (س) با حضرت رقیه (س) در خرابه ی شام شوری ای دستگیر شامیان ایوای بالام وای ویردون خرابه یرده جان ایوای بالام وای دور بیر اوتور آچ گوزلرون ای نور عینیم آخر سنه مهمان گلوب بیکس حسینیم یا گورموسن عرشه چخوبدور شور و شینیم اولموش منه ورد زبان ایوای بالام وای قویدون عجب آغلار منی ای زار و خسته بو پاره پاره قلبیمی قیلدون شکسته توپراقلار اوسته یاتما دور گل سینم اوسته یاندیم الولاندیم امان ایوای بالام وای بو دهریده هر بیر غمه دوزدوم دایاندیم هر بیر دیاری شمریلن گزدیم دولاندیم اما سنون احوالیوه بیر اوزگه یاندیم باغریم اولوبدور لخته قان ایوای بالام وای نه وار سسیمه سس وئرن نه بیر گلن وار گورسون خرابه گوشه سینده بیر ئولن وار یرده قالوبدور نه کفن نه دفن ائدن وار غربت مکاندا خوار اولان ایوای بالام وای صبر ایلسون نه نوعلن دوزسون بو کلباش یانمیش ئورکدن توکمسون رخساره قان یاش نه واردی فریاده یتن نه قوم و قارداش نه زینبون حالین قانان ایوای بالام وای بیرده چتین گُلسون یوزوم دنیاده بُلَّم نسگل لریوی یاد ائدوب فریاده گَلَّم یانّام ئورکدن آغلارام تا اینکه ئولَّم دوشمز دلیمدن بیر زمان ایوای بالام وای آز عمریده چوخ غملره اولدون گرفتار بیر کیمسه دردون بولمدی ائتزمدون اظهار آخرده ائتدیم من سنه اولقدر اسرار گوردوم آجیندان یاتموسان ایوای بالام وای زینب نه نوعی گلمسون آه و فغانه اولدون اسیر و دستگیر شمر و سنانه اول قدر ویردی شمر بی دین تازیانه باغرون قان اولدی قورخودان ایوای بالام وای هاردا قالوب گلمور ندن اولاد حیدر بُلمور مگر ئولماقیوی شهزاده اکبر نازلو سکینه هی اونی فریاده سسلر لیلا دیر ای نوجوان ایوای بالام وای گوزلور یولون صغرا باجون آخر وطنده قسمت اگر اولسا وطن دیده گلنده احوالیوی آلسا خبر بیر کلمه منده ویرّم جوابین آج قالان ایوای بالام وای قارداشیمون قانلی باشی گر قالسا مهمان ویرسه سسیمه سس منیم شاه لب عطشان یاخشی دوتار عمّون سنه شام غریبان باهم دئسون منلن آتان ایوای بالام وای بو بینوانون غملری تعداده گلمز غربت مکاندا حالیمی بیر کیمسه بولمز بولمم ندن بس صاق قالوب بو زینب ئولمز خم قدّیمی ائتدون کمان ایوای بالام وای بو نوحه نی سن یازدون مرتب اهل جهانه بُول یقین کشف اولسا مطلب واضح گورَلَّر ورد ائدوب بی چاره زینب ای دستگیر شامیان ایوای بالام وای ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy