وصییت حضرت زهرا (س) به امیرالمومنین (ع) سبک : یارالاندیم یارالاندیم یارالاندیم گل عمو اوغلی ائداخ صحبت غنیمتدی نئچه ساعت صورا وقت شهادتدی ‍ اولموشام عمرودن خسته باشیمی آل دیزون اوسته ئولورم من ئولورم من ئولورم من ای ازلدن اولان زهرایه پیرایه منه ای هر ائکی دنیاده سرمایه دوقوز ائیل باشیمه سن سالموسان سایه منیلن گل ائداخ صحبت بولورم یوخ داخی مهلت ئولورم من ئولورم من ئولورم من سن دانیش کسب فیض ائیلوم کلاموندن آلموشام جان تازه هر مراموندن دویمادیم آند اولا زینب سلاموندن دوت الیمدن قیام ائیلوم سنه بیرده سلام ائیلوم ئولورم من ئولورم من ئولورم من گل اورکدن منیم رفع ملال ائیله سوزون اولسا اگر مندن سوال ائیله آز اولوب خدمتیم گرچه ، حلال ائیله داخی یوخدور منه فرصت سنه چوخ وئرمیشم زحمت ئولورم من ئولورم ئولورم من باشیم اوسته اوخی قران سنه قربان اولا بلکه منیم بو دردیمه درمان یئتشوب جان دوداقیمه گلور هجران نئچه آیه اوخی قران صوتیوه فاطمه قربان ئولورم من ئولورم من ئولورم من سنه واردور نئچه عرضیم بو ساعتده بیر بودور غسلیمی وئر جای خلوتده گئجه دفن ائیله بو جسمی نهایتده واردی بو عریضمه برهان قبریمی سن ائله پنهان ئولورم من ئولورم من ئولورم من ائله کی آی ایشقلاندی چیخوب کوکب کشف اولار غسل ائدن وقته سنه مطلب قویما گورسون او دَم رخساریمی زینب بو نئچه وقتیده هرآن آخی یوز دوتموشام اوندان ئولورم من ئولورم من ئولورم من بیرده لطف ائیله ای شاهنشه والا قویما محشر گونی #شیدا اولا رسوا بیزه خاطر یازور نوحه ائدور نجوا قویوب آدون بیزه نوکر اولما راضی اولا مضطر ئولورم من ئولورم من ئولورم من #فاطمیه_۱۴۰۲ #وصیت_حضرت_زهرا ✍محمدرضا‌صادقی‌شیدا ۷ آذرماه ۱۴۰۲

《 در فراق آقا امام زمان عج 》 سبک : همه جا بروم ..... ای باغ و بهاریم ای نازلی نگاریم یوخ سنسیز اورکده آقاجان قراریم گل سنی زهرا ...ائیله عنایت هجریوه یوخدی... قلبیمده طاقت یا اباصالح یا اباصالح هجرونده بولوسن سینمی داغلارام دردیمی بیر کسه دئمرم آغلارام لطفیله اگر ...ائتمه سن احسان دردیمی کیسمه... ائیلمز درمان یا اباصالح یا اباصالح جمعه لر گلنده یپراق تک اَسورَم گول یوزون گورماقا ائله تَلَسورَم گل ائله غمدن سن رها منی قورخورام ئولم گورمییَم سنی یا اباصالح یا اباصالح ای مَسکن ائلییَن گوز یاشلی صحراده یوخ گئجه گوندوزوم سنسیز بو دنیاده چوللری تنها دولانما آقا لطف ائیله تئز گل یوبانما آقا یا اباصالح یا اباصالح شیعه نین قلبینی سن درده سالموسان سسلور عاشقلرون گل هاردا قالموسان سنی شیعه لر گوزلور سراسر قویما منتظِر گل ای مُنتَظَر یا اباصالح یا اباصالح آغلاماقدان دونوب منیم گوزوم ابره آقاجان طاقتیم داخی یوخدی صبره داخی بیر یئره چاتموری الیم گل بلکه گوروم سنی دینجلیم یا اباصالح یا اباصالح ای نور چشمان فاطمه و علی قورخورام تئز گلَه عمرمون اَجَلی گورمه میش سنی گوز یوما #شیدا ای یادگار حضرت طاها یا اباصالح یا اباصالح ✍محمدرضاصادقی‌شیدا #امام_زمان_عج_الله #جمعه_های_دلتنگی ✨اَللّهُمَّ عَجِّل لِوَلیِّکَ الفَرَج✨

🌸عرض ارادت و عرض سلام محضر آقا علی بن موسی الرضا 🌸 🎶سبک : از نگاه یاران به یاران ندا میرسد... ای شهنشه مُلکِ ایران سَلَٰامٌ عَلَیک افتخار خاک خراسان سَلَٰامٌ عَلَیک ( ای رضارضاجان ، رضاجان ، سَلَٰامٌ عَلَیک ) ۲ خلق ائدوب رضاجان سنی تک حقِ لَم یَزَل خلقت ایچره یوخدی بو عالمده سن تک گوزل شان و مرتبتده مُسلّم سنه یوخ بدل ای جمالی گون تک درخشان سَلَٰامٌ عَلَیک قوزیوبدی عرشه سنلین باشین مُلکِ طوس اُول حریمِ پاک ایچره ائیلر مَلَکلر جُلوس حور و جن و انس و ملک دور سنه پای بوس ماسوایه ای شاه و سلطان سَلَٰامٌ عَلَیک زینت خراساندی قبرون سنون ای رئوف آبروی ایراندی قبرون سنون ای رئوف کعبه فقیراندی قبرون سنون ای رئوف رشک کعبهء حیِّ سبحان سَلَٰامٌ عَلَیک افتخارِ مُلکِ عَجمدور آقا مَرقدون عرشِ حقّه بَنزَر یقیناً گوزل گنبدون یوسفی قویار مات و حیران اوجا مَسندون فخر ائدر سنه پیرِ کنعان سَلَٰامٌ عَلَیک ای ایکی جهانه حریمی اولان آبرو ائیلمز او صحنی گورنلر بهشت آرزو آبِ زمزمیله گرکدور آلا تا وضو کیمسه اولسا اُول صحنَه مهمان سَلَٰامٌ عَلَیک مرحبا سنه ای امام رئوف و حبیب جدّی مُصطفی تک اولان ای عفیف و نجیب شیعه نین اولان دردینه ای جهاندا طبیب آدون ای بوتون درده درمان سَلَٰامٌ عَلَیک هرکیمون اولا دردی ائیلر او مُلکه سفر چون بولور کی ائیلر آقاسی او شخصه نظر مشکلی اولار حل سن ائتسن نظر مختصر قویماسان قالا تا پریشان سَلَٰامٌ عَلَیک فخر ائدر ازلدن سنه چون بوتون کائنات اِذنِ حقّیلَن تحتِ امرونده دور ممکنات گوز تیکوبدی #شیدا سنه در حیات و ممات مور تک اَلا ای سلیمان سَلَٰامٌ عَلَیک ✍محمدرضاصادقی‌شیدا #دهه_کرامت #ولادت_امام_رضا_علیه_السلام