متن شعر ترکی توسل به چهارده معصوم(ع) -(روز محشرده خلق اولار حیران ) #پیامبراسلام (ص)  روز محشرده خلق اولار حیران  اهل ایمانه حق عنایت ایدر  تابع اولسان اگر پیمبریوه  سنه ده لطفیله شفاعت ایدر  #فاطمیه (س)  عفت و عصمت و حیا و ادب  اهل ایماندا اولسا زیبادی  آرزو ائت بونی اؤز عترتوه  اسوۀ بو صفات زهرادی  #حیدریه (ع)  جاهلیله چوخ اولما هم صحبت  جهل ایدر عاقبت سنی گمراه  سنی دریای جهلدن قوتارار  ایسته سه گر علی ولی الله  #حسنیه (ع)  صالح اولسون گر ایسته سن اولاد  صالح اولادیدن یِتَر حَسَنَه  مجتبادور بو حاجته مامور  صدق اوزیله توسل ائت حَسَنَه  #حسینیه (ع)  قاپوسین کلبۀ محقّریمون  مردم روزگاره باغلامشام  اوتوروب تک همیشه خلوتده  گجه گوندوز حسینه آغلامشام  #عباسیه (ع)  گجه دور نصف شب نماز اوسته  اعتنا ائتمه مکر خنّاسه  اولسا هر مشگلین گوزی یاشلی  سویله باب الحوائج عباسه  #سجادیه (ع)  ظالمه خائنه دچار اولسان  گلمه داد و فغانه دنیاده  خالص ائت نیتون حقیقتله  ائت توسل امام سجاده  #باقریه (ع)  شیعه لر دادخواهی عالمده  زینت مجلس و منابردی  عمله هر کیم ایستیه تاپا ال  او اموره امام باقردی  #صادقیه (ع)  ایسته سن محکم اولسون ایمانین  بیله ایمان مراد عاشقدی  اونی ایسته امام صادقدن  رهنماسی امام صادقدی  #کاظمیه (ع)  شیعه سن بو خبردن اول آگاه  اگر اولسان مریض دنیاده  بیر گجه خلوت ایله گوز یاشلی  یاز عریضه غریب بغداده  #رضویه (ع)  تنگه گلسن دیار غربتده  دئمه دردین بیر آیری انسانه  وار امام رضا کیمی آقامز  دوت یوزین صدقیله خراسانه  جوادیه (ع)  دوشسن امر معاشیده ضیقه  دوندور تیره شامه گوندوزوی  آتما چوخ ایلرین بویانا  گیت امام جواده دی سوزوی  #امام_هادی (ع)  گر ایتیرسن حقیقتین یولونی  نه رفیقه و نه منادیه دی  صدقیله اهل بیته دوت یوزیوی  هر سوزون وار امام هادیه دی  #عسکریه (ع)  یِتَه َسن نعمت خداونده  گورمَه سَن ابتلا و آزاری  هر کیم اولسا بو دار دنیاده  حسن عسکری عزاداری  #مهدیه (عج)  گورسن عالمده فتنه نین یاغشی  هر طرفدن بو روزگاره یاغور  شب جمعه توسل ائت دلدن  دور امام زمانی داده چاغور  . شاعر✍محمد حسین کتابچی شبتون متبرک به نگاه خدا و چهارده معصوم علیه السلام 🖤 ✨اَللّهُمَّ عَجِّل لِوَلیِّکَ الفَرَج✨

نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل عمرومون اولدوزی گل ظلمیله باتمامیش اشقیا مقصدینه سروریم چاتمامیش درک ایله نوکریوی علمی یاتمامیش گل ایت عیادت ای طبیب،یارالی سویگلونن ساقالسون او یارالاریم،اوپوم سنون الینن نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل قویدی اجرایه قوشون ظلم برنامه سین اینیمه گیندیروب دشمن اوخ جامه سین سیندروب آهن عمود باشیمین کاسه سین یوز اوسته من یخلمشام،غمیم بیلوبدی زهرا یوبانما خیمه گاهیدن،حسین گلوبدی زهرا نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل مشکیمی چوخ منه گوردی دشمنلریم اوخلیبلا مشکیمی سیندی بال وپریم خیمه ده قالدی سوسوز صود امر اصغریم باخور بو دشمن دغا،منه باخوب آز آغلا الون فداسی سیدی،ئوزون یارامی باغلا نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل #عباسیه #کانال_باب_الحوائج http://eitaa.com/torkiy

💢 قارداش داغی اکبردن حسینه بتر اولدی #عباسیه #عدلی_تبریزی 💢 قارداش داغی اکبردن حسینه بتر اولدی #عباسیه #عدلی_تبریزی شهادت حضرت ابوالفضل العباس علیه السلام #سبک_ای_باد_صبا_کرببلایه_گذر_ایله… ۷ سبک . حاج اصغر فرشچی تبریزی . قارداش داغی اکبردن حسینه بتراولدی قول سوزبدنین یرده گوروب دیده تراولدی . . عباس اُلومی آلدی توانین جانا دُویدی تاراولدی گوزی صحنۀ غم قلبینی اُویدی آلدی باشنی دیزلرینه یوزیوزه قویدی دین شمسی باتوب قانه باتوردان قمراولدی . . سسلندی اولان قلبیمون ای صبروقراری سالدی مِحَن وآهون اودی قلبه شراری گوزدن نجه گوربارش ایدورابربهاری بوداغ دلون قارداشواغم شرراولدی . . باخدی اوگوزل پیکرینه گوردی یوخ اللر گوی سمتینه یوزدوتدی دیدی قادروداور قدیم بوکولوب گورنجه شاداندی بولشکر قارداش دیوب آغلاردی باجی با خبراولدی . . عرض ایتدی حسین قدیوی دوزساخلا اماندی عباسه نه گلدی دِی باجون چوخ نگراندی گوردوم که محاسن بویانوب قرمزی قاندی بولدوم که بیلون سندی باجون کول بسراولدی . . اوللام من علمدارون حسین صاحب هرغم گوزیاشنی گل منله آخورداخ اولا تا یم توکساخ باجی قارداش گهرچشمنی باهم دل اهلی بولر دامنیمیز پرگهراولدی . . سقّا اُلومون تشنه لبان بولدی ایناندی فریادعطش یاندوم عموعرشه دایاندی بوغملره زینب نجه دوزسون ایله یاندی خشکیده لبان آغلادیلاربی اثراولدی . آی باتدی گرگ گون ده باتا فرصتی یوخدی شه اُولسه وزیری یاشاسا لحظه ده چوخدی قسمت منه بوچولده باجی شعبه لی اوخدی قالسا بوحسینون گوره سن خون جگراولدی . هربیت سوزونده نقدرغملی شرروار بوآه جگرسوزودی نوحنده اثروار آغلاد هامونی«عدلی» قیامتده ثمروار هرکس که حسین نوکریدی مفتخر اولدی یا اَرحَمَ الرّاحِمین #محرم_۱۴۰۴ #شب_نهم_محرم #تاسوعا #شهادت_حضرت_ابوالفضل_علیه_السلام #کانال_باب_الحوائج http://eitaa.com/torkiy