🍂زبانحال حضرت زینب سلام الله علیها در غارت خیام🍂 . . ✍مرحوم رمضان قاسمی اردبیلی . . خیمیه دولدی قشون فضّه علمداری چاغور یا نجف سمتینه گیت حیدر کرّاری چاغور . . مرتضی اوغلونا سویله باجوی سویدی عدو یاده دوشمز بو غم و محنتیله قصّه ی سو گور بو وحشی عربی نعره زنان عربده جو گیت فرات اوسته دایان یاور و انصاری چاغور . . سسله قارداشیمی فضّه یتیشه دادیمیزه اود ویروب شمر و سنان خیمه و خرگاهیمیزه سویله عباسه اویان تیز یتیش امدادیمیزه اوخلانان مشکی دوشن قولسوز او سرداری چاغور . . یانور اطفال حسین ایله بو دم چاره داخی تیز یتور سن ووزوی زینب بی یاره داخی خیمه دن دیشره چیخارت قویما یانا ناره داخی زینبون دادینه سن حرّ وفاداری چاغور . . بیزه بو قوم ظُلَم کینه سینی ایتدی بروز یار و انصاریمی ئولدوردوله بو چولده سوسوز دویمیوب وحشی عربلر داخی غارتدن هنوز نهر علقم ساری گیت فضّه سپهداری چاغور . . دیوم آیا کیمه من چادر بیمار یانور گور بو اطفالیمی فضّه یخیلور گاه دورور سسله عباسیمی سویله باجوی شمر ویرور غملی حالیمه منیم جعفر طیّاری چاغور . . باخوسان فضّه بو گون قانه دونن گوز یاشیما یار و انصاریم ئولوبدور توکولوب کول باشیما تیز یتور سن ئوزوی اول یارالی قارداشیما یوخدی چارم داخی سن زینبه بیر یاری چاغور . . یاتما ایستی قومون اوسته داخی عباسیم اویان غارت ایلر بو عدو کهنه لباسیم دور اویان باجوی شمر ویرار اکبر اویان قاسم اویان فضّه قلبیم آلشور اکبری سن باری چاغور . . «قاسمی» گوزلرووه قیل گجه لر خوابی حرام نوحه یاز ایله سوسوز لبلره هر لحظه سلام شه مظلومه بویور ربّی بو ایل شاد و خرام قبرووی ئوپمگه شوقیله بو حضّاری چاغور . . #غارت_خیام  ✍رمضان_قاسمی_اردبیلی لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

مقدمه شهادت حضرت امام حسن عسکری علیه السلام #گریز به #غارت_خیام 📝▪️مرحوم حسینی سعدی زمان ➖➖➖➖➖➖➖➖ گوزومده غم گتیرور موجه اشک دریاسین دین زمان حسن عسکری قضایاسین اولیدی کاش بو معموره روزگار خراب ایدنده معتمد دون جفایه فتح الباب ایدوب امام زمانین آتاسینی مسموم او زهریله حسن عسکری اولوب بی تاب موثر اولدی ز بسکه امامه زهر جفا دوتوبدی رعشه وجود شریفی چون سیماب گیچنده سال قمردن ایکی یوز آتمش ایل اولوبدی جدینه ملحق وصی ختم مآب ربیع الاول آیی, روز جمعه، هشتم ماه بو شاه دینون اولوبدی منامی تیره تراب بیله روایت ایدور اول شهین غلامی عقید که مندن ایستدی سو اول سلالة الاطیاب حضورینه او شهین آب مصطکی گتدیم ولیک رعشه امان ویرمیوب اولا سیراب قویوب یره دیدی سو ویر ایدوم وضو تجدید امام عصر النده گتوردی کاسه ی آب زمان صبحیدی ایتدی وضوسینی تجدید نماز صبحی ادا ایتدی پور ام کتاب دوباره آلدی اله آب مصطکی ایچسون یتوردی لبلرینه خسرو سپهر غباب ایدوبدی رعشه الی، دگدی کاسه دیشلرینه صعوبتیله ایچوب سو شفیع یوم حساب عطش حرارتینی سوندوروب تمام اولدی بو شرح غم گینه الدن آپاردی طاقت و تاب حسینه اولمادی بیر کیمسه بیر ایچیم سو ویره دیه یارالیدی، قلبین عطش ایدوبدی کباب بیله روایت ایدور بو سوزی ابوالادیان اونون دلینجه ایدوب ثبت معتبر کتاب دیر امام حسن یعنی اون بیریمجی امام منی حضوره چاقوردی بو نوعی ایتدی خطاب واریمدی بیر نچه نامه آپار مداینه سن اوتوز گونون اولی نصفی سنه ایاب و ذهاب گلنده شهره گوررسن قیامت عالمیدور ایدوبدی چاک گریبان تمام شیخیله شاب دولوب فغان و نوائیله شهر شامره او دمده داعی حقی بول ایتموشم ایجاب دیدیم آتام سنه قربان خدا نکرده اگر بو ایش اولا، سنه کیمدی وصی، ویردی جواب او کس که ایستیه سندن جواب نامه لری امام مفترض الطاعه دور او عرش جناب دیدیم بیر آیری علامت بویور، دیدی هر کیم قیلا نمازیمی بولسون امام اونی احباب دیدیم بیر اوزگه علامت، دیدی که همیاندا ویره او کس که مطلائیله طلایه نصاب خیال ایتدیم ایدم عرش هانسی بیر همیان دوتوب وجودیمی رعب امام و بیم عتاب مرخص اولدوم امام هدی حضوریندن گیدوب مداینه قیلدیم مراجعتده شتاب منیم مسافرتیم جمله چکدی اون بش گون یتنده شهره نه گوردوم جهان اولیدی خراب فغان و شیونیله سر من رآی دولودور ملال بحریدی، مردم او بحر ایچینده حباب امام رحلت ایدوب صحنیده ویرولر غسل انا الامام دیور خلقه جعفر کذاب دیدیم من اوز اوزیمه بو امام هاردان اولور و حال آنکه قمار بازیدی ایچردی شراب عقید گلدی دیدی ایتدیلر امامه کفن نماز قیل دوزولوبدور صفه تمام اصحاب نمازه جعفر کذاب ایلینده شروع حقیقتین گونی یوزدن کناره چکدی سحاب طلوع ایلدی دولت سرای والادن صغیر سنیله بیر آفتاب عالمتاب جبین گشاده و دندان گشاده، گندمگون جمالی گون کیمی طالعدی، زلفی پرخم و تاب گلوب وقاریله دوتدی عباسینون اتگین بویوردی جعفره یاعم ایتمه بیله شتاب آتام نمازینی قیلماقلیقا من اولایم چکیل کناره، او بی شرم او طفله اولدی مجاب نمازی قیلدی همان سید جلیل القدر امامی قبره قویوب قلب پاکی اولدی مصاب دونوب بویوردی منه ویرجواب نامه لری او طفله رد ایلدیم، غائب اولدی اول مهتاب