┄┅✵﷽✵┅┄ #غزل_مرثیه_ترکی 🏴شهادت_امام_جواد_علیه_السلام🏴 ✍سروده_رقیه_سعیدی_کیمیا یارب گینه زهریلن،یاندی جگر اودلاندی تاائتدی جفـــا زهری، قلبه اثر، اودلاندی ازبس کی آغیر غمدی عالمده جوان داغی یاندیردی ئورک باشین ،شب تاسحر اودلاندی یاشمس شموس اوغلی!سَن ماه منوّر سن آخر نیه خاطر بو، قرص قمــر اودلاندی آخــر بونه عالمــدی ؟ منــزلده غریبـــانه لب تشنه جگریاندی، هم بال وپر اودلاندی یوخ محرم اسرارون ،هر ناله کی سَن چکدون یئر ناله چکیب سَنلَن ، گؤی سر به سر اودلاندی یاندیردی عطش داغی، آهیله یانوب سینه آخدی گؤزیوین یاشی،اشک بصر اودلاندی یا ابن رضا! گرچه سَن داغ جگــر گؤردون ازبس ائلَه دون ناله ، دیوار و در اودلاندی اما یادا سال هردم، آخشام چاغی ،عاشورا توفان بلا قــوپدی،چون خیــمه لر ادلاندی هچ داغ ایکی دنیاده جدّون داغی تک اولماز اکبر باشینین اؤستَه ،قلب پدر ادولاندی تا روزقیامت هم سؤنمَز بواوغول داغی بو ماتم عظــمادن ، روح بشر اودلاندی ┄┅═✼✵𑁍✵✼═┅┄ ✍رقیه سعیدی(کیمیا) #شهادت_امام_جواد_علیه_السلام