بنام خدا شام غریبان حضرت زهرا س و درد و دل با قطب عالم امکان حضرت مهدی عج "" "" "" " بوگئجه گوز یاشینی سئل کیمی جاری ائلیاخ بیز قوراروخ بزم عزا ناله وزاری ائلیاخ ساخلویاخ شام غریبان آناموز فاطمیه حاجت آلماقه بو شب لحظه شماری ائلیاخ " "" "" "" ییرمی بئش گوندن علاوه بیزعزا ساخلامیشوخ مردوزن محنت زهراده اورک داغلامیشوخ گلمیشوخ نیتیلن شام غریبانه بو شب بوگئجه گوز؛بوقَرا پرچمه بیز باغلامیشوخ "" "" "" "" "" " بیلیروک بانی اوزی سینه سی سوزان دولانور محنت حضرت زهراده اونون قلبی یانور باش وورو حضرت مهدی بوعزاخانه لره اَلی قوینوندا اومولا دم درده دایانور "" "" "" " صدقیله کیم گَله بودرگهه درمان آلاجاق دهریده بی سروسامان اولا سامان تاپاجاق کیم اورکدن چاغیرا اون بیر امامین آناسین بی گمان عالم عقباده او خندان اولاجاق " "" "" "" شیعه لر بوگئجه چوخلاری غمیندی آقاجان یاس توتوب لار هاموسی زار و حزین دی آقاجان آناوون درد وغمی سینه سوز ائیلوب اولاری مرد و زن پیر و جوان سایه نشین دی آقاجان "" "" "" "" گلمیشوخ صدقیله بوماتمه مولا بوگئجه تیکمیشوخ گوز بوقرا پرچمه مولا بوگئجه سیدی ائیله نظر بوگئجه عشاقه اوزون ائیلیروک آدووی هی زمزمه مولا بوگئجه "" "" "" " گنجینهٔ اشعارمذهبی ترکی وفارسی و اشعار انتقادی اجتماعی مسلم فرتوت گلهین #فاخر •┈┈••✾🍃🌼🍃✾••┈┈• #فاطمیه_۱۴۰۳ #شهادت_حضرت_زهرا_سلام_الله_علیها http://eitaa.com/torkiy

بنام خدا #یازهرا "" "" "" "" "" "" معنی جودو کرامت دی آدون یازهرا عالم خلقته زینت دی آدون یازهرا بویوروب خالق افلاک وسماوات و زمین خلقت عالمه علت دی آدون یازهرا یارادیب حیِّ تبارک سنی دریای عفاف صدف گوهر عصمت دی آدون یازهرا نقش اولوب نام نجیبون نجبا دفترینه مه تابان نجابت دی آدون یازهرا سنسن اون بیر امامین مادری یا سیدتی ریشهٔ نخل امامت دی آدون یازهرا سینه سوز ائتدی سنی دشمن بی رحم و دنی حامی دین و دیانت دی آدون یازهرا حیف اولا عمرون آز اولدی سنون ای کان وفا لنگر کشتی الفت دی آدون یازهرا حرمون یوخدی بو حسرت بویوک حسرت دی بیزه بیزلره رمز سعادت دی آدون یا زهرا مشکلاتین قاباغیندا دوراروخ داغ کیمی بیز حلِِّ هر مشکل و حاجت دی آدون یا زهرا جنته یوخدی یولی کیم سنه بئل باغلاماسا اولین شرط شفاعت دی آدون یازهرا فاخرم من قاپوون شاعری نه سائلیم سائله اُخروی ثروت دی آدون یا زهرا گوز تیکوب فاطمی لر عالم عقباده سنه بیزلره چتر حمایت دی آدون یا زهرا التماس دعا "" "" "" "" " ✍شاعر؛مسلم فرتوت گلهین #فاخر #ولادت_حضرت_زهرا_سلام_الله_علیها #مدح_حضرت_زهرا_سلام_الله_علیها #کانال_باب_الحوائج http://eitaa.com/torkiy