اخیامیدن آیریلدی، زهرانون او دلبندی /بیر خیرداجا قیز قاشدی دالدان بابا سسلندی /ای قلبیمون آرامی، گور دیده ترم بابا /بیکس بالووام گوزدن قان یاش الرم بابا /گئتمه سو آدین واللاه، بیرده دیمرم بابا /هی سسلدی جان بابا، قوللارین آچیب قاشدی /گلدی او کفن گئیمیش سلطانه یاخونلاشدی /راکیب بویانوب قانه، مرکبده آچوب شهپر /سرعتله گیدور باشدا، وار شوق علی اکبر /بیر سس ایشیدوب سالدی، کشتی خدا لنگر /دوندی دالا بیر باخدی، یاشیله دولوب گوزلر /گل آغلاما جان بالا، مندن سورا آغلارسان /باشسیز بدنیم گورسون میداندا قوجاقلارسان /گلدون نیه بس گلدون اولما بالا عطشانسان /سو یوخ بابا دردیم وار، چیخمیش عطشیم یاددان /آیا ندی؟ بس دردون ده باغریمی ائتدون قان /عرض ایلمرم بابا تا دوشمه­مییسن آتدان /شاهین اتگین دوتدی عرض ائتدی یانایانه/ گوز یاشلی قویوب گئتمه، رحم ائت من نالانه/ دوشدی آلوب آغوشه اوپدی قوری لبلردن /بو اوپدی او القانی، پاک ایلدی پیکردن /بیر سوز دئدی یاش توکدی کیپریک سانی گوزلردن/ یاندیم باباجان یاندیم، ای وای بو بلالردن/ گئتسون منی دوشمنلر یالقوز گورجئک بابا /وای قمچی‌لر آلتیندا شمر اولدورجک بابا /دردین دیوب آغلاردی اول قانلی کفن پوشه /شاهون غمی دریا تک موج ائتدی گلوب جوشه /توپراق ایده اگلشدی محکم باسوب آغوشه /ناگه یومولوب گوزلر، دینجلدی گیدوب هوشه /بیردن دوروب عرض ائتدی، دردون آلارام بابا /مانع دگولم واللاه، گئت آغلامارام بابا /الدن منی قویموردون ای دردی اولان دریا /ایندی دیوسن دور گئت نه اولدی سبب بابا /عرض ایلدی اینجیتدیم عفو ایله منی بابا /الان یوخودا گوردوم گلمیشدی آنام زهرا /امر ایلدی اینجیتمه مهمانیمی قوی گلسون /آغلاتما یول اوستونده جانانیمی قوی گلسون ✍مرحوم استاد منعم اردبیلی #وداع_حضرت_سیدالشهدا #حضرت_رقیه_سلام_الله_علیها

وداع حضرت اباعبدالله الحسین علیه السلام حسین ای زینبین جانی کَرَم قیل بیر دایان قارداش اگر دیندیرمَسون الان ئولر زینب اینان قارداش – او گون که باغلادیم پیمان سنیله عشق یار اوسته چالیشدیم خوان عشقونده اولام مهمان وارسته خیال ائتمه باجون زینب بلا گلسه اولار خسته وارام پیمانیمون اوسته نقدری واردی جان قارداش – فلک بیلدی روا جامِ مصیبت لب به لب دولسون ولایت گلشنی دست خزان ظلمیدن سولسون کیمیم واردی بو صحراده اگر سنده شهید اولسون بو میدانه قدم قویسون اولار قَدّیم کمان قارداش – بو ایثاره قالوب حیران گویون اهلی باخور یکسر ئوزون تشنه اورک داغلی یوزون جنّت لبون کوثر سنه قربان ئوزوم قارداش آنام زهرا آتام حیدر اولاردا غصّه دن اولموش منیله هم زبان قارداش – صفا تاپدی صبا قارداش سَحَر راز و نیازوندن گونش چخدی شرار آلدی سنون سوز و گدازوندن منیمده واردی گویلوم تا اؤپم تشنه بوغازوندن شرارونده یانام بیرده وئرم جانانه جان قارداش – الون قوی قلبیمون اوسته تاپوم آرامش ای جانان و یا ایله دعا قارداش اجل گلسین قوتارسین جان اگر قالسامدا دنیاده منی دیلدن سالار هجران ائله بیلّم بو ساعتده وفاتیمدور عیان قارداش – بو قانلی عرصه ده قارداش ائدور درک خطر زینب هارا گئتسون بو چولده نقد جان الده گئدر زینب بویور سن سیز اولار کیملن بو یولدا همسفر زینب ئولن ئولدی دوشوب درده بو ماتمده قالان زینب – منیم دار و نداریم گئتمه بو طوفانلی میدانه گئدن گلمور بو میداندان باتور یکسر قیزیل قانه یئر آغلور گوئیا چون گوی گئدور اجرای پیمانه بو پیمانه زمین آغلور ائدور نوحه زمان قارداش ✍حاج داود بیدق داری #وداع_حضرت_سیدالشهدا ✨اَللّهُمَّ عَجِّل لِوَلیِّکَ الفَرَج✨

زبانحال زینب به امام حسین(ع) منیم         پناهیم       امیدگاهیم         دایان  حسینیم ، سنه سوزوم وار اوپوم  ایاقون ،  یانان   دوداقون         آمان  حسینیم ، سنه  سوزوم وار دایان    برادر     عزیز    مادر    گلیر   دالونجا    پیاده   زینب هارا گیدورسن ؟ شتاب  ایدورسن  قالوبدی بحرِ  بلاده زینب نه  چاره   ایلیم   یانیر  بو   قلبیم  چکیبدی  دردِ  زیاده  زینب وداع  آخر  توقف  ایت   بیر  زمان حسینیم  سنه  سوزوم  وار باجووا لطف ایت  بیر آز دایان گیت  آماندی  قارداش  آماندی ئوللم گوزومده یاشیم آغاردی باشیم  غمیم  بلورسن گراندی ئوللم اَیلدی   قددیم   یارالی  قلبیم    خدنگِ  ظلمه   نشاندی ئوللم ترحم   ایله   آتووا   ویرمه   عنان  حسینیم  سنه  سوزوم وار بو   عده  قیزلار   غمه  گرفتار   حرمسراده    قالیبدیر    آغلار او  فوجی  آیا  بو  چولده  تنها   بلالی زینب نه  نوعی ساخلار تعجبیم    وار   مگر   آتالار    بالالارینی   بو   نحوی   یوخلار کمک لری یوخ  بلالری چوخ  اینان حسینیم سنه سوزوم وار اگر   برادر    قیتماقا  وار      او   کهنه  کوینگ   ندیر    بدنده اورک  سیخلدی  ائویم  یخلدی او  کوینگی سن  آلوب گینده منه بس اولدی مشخص اولدی سنی سویارلار  یقین  ئولنده همیشه مغموم   همیشه مظلوم  اولان حسینیم سنه سوزوم  وار قیزین  رقیه  دینده  عمه   هانی  بابام  بس  ایدیم   نه  چاره نیجه  دییم  من  گیدوبدی  الآن  خیامه  گلمز    بابون  دوباره او   باغری  قانلار   او   آغلیانلار    بالالاروندور   ائدیر   نظاره آتوب گیدورسن اولارا سن سن گمان حسینیم سنه سوزوم وار ✍مرحوم انور اردبیلی #وداع_حضرت_سیدالشهدا #امام_حسین_علیه_السلام لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

#زبانحال_وداع_امام_حسین_ با_حضرت_زینب_(س) وداع گونونده سوزوم چوخدو مهربان باجیما بو چولده زحمت میز اُلدوی باغری قان باجیما یتیمه قیزلاریمی چولده تک قویا بیلمم بیرعده عورت اوشاق تاپشوروم همان باجیما بلالی زینب اولوب کربلاده غم خواریم اورک سوزون دیورم بوردا #ناگران باجیما منی شهید ائدچک دشمنیم عیاندی منه باشیم بلاسی یقیناً اولوب عیان باجیما چوخور یره دوشَرم جان وئرن زمان یارب عجب مصیبت اولار شمر ائلن سَنان باجیما ننم گلنده چوخور یئرده اوخشویاندا منی تسلی ویرسین لر بو حُرمتی سِنان باجیما جنازم اوسته منیم #آت چاپالار دشمن لر خبر وئرلر اونی مضطرب اولان باجیما تمام محنتیمیز دوشدو بو باجیم باشینا فدا اولوم من اوزوم #محنتی داشان باجیما یاناندا خیمه لریم اوتلاناندا خر گاهیم پناه آپارسون هامی #خیمه سی یانان باجیما دوشنده قارداشم عباس پرچمی یخلار وئرله پرچمیمی اور دا پر توان باجیما وورالار اصغر یمون گل بوغازی پارچالانار ربابی تاپشورو رام منده #قهرمان باجیما عباده اکبریمی خیمه گاهه چاتدورام آغیر غم اولدی بوغم صحبتی جوان باجیما اوخولی باشیمی مهمان ائدرکول اوسته منیم باشیم قضا سینی ده ایلرم بیان باجیما جهاندا روضه دی بو بارما قیمدا #انگشتر ائدله غارت اونی قالماز هیچ زمان باجیما ولی که غارت اولان کوینگی باجیم آلاجاق ئولن گونونده اولار عالی بیر نشان باجیما اورکده قوی باجی جان شام محنتی قالسون خرابده قوری یئرلر اولار مکان باجیما (#سعیدی)صحبتی خامه چکن زمان شامه توسل ایله گیلن #ظلم ایوین یخان باجیما ✍قدیر_سعیدی_پویا #وداع_حضرت_سیدالشهدا لینک کانال👇 http://eitaa.com/torkiy ---•••◇🔹️💢🔹️◇•••--- @torkiy