🍁بسم الله الرحمن الرحیم 🍁 🏴 یا حضرت عبدالعظیم علیه السلام شهر ری ملکون ائدیبسن کربلا عبدالعظیم(ع) سن چراغ ظلمت و صاحب عطا عبدالعظیم چاتماسا کرب وبلایه بو قدم یوخ حسرتیـم مرقدیـنـده کربلا تـک وار صفـا عبدالعظیم سن مثال حضرت مسلم سفیر عشقی سن اولمادی عصریده بیر کسـده وفا عبدالعظیم هادی آل عبایه یاریـدون غم خواریـدون جد پاکین دور امام مجتبی عبدالعظیم ای اولان یولاردایورقون جان سنـه قربان اولا غیرتین معناسی سن چون مرتضی عبدالعظیم هرزمان اولدوم مشرف من کنـار قبـریوه تاپبیشام بیر آیـری حال ئـوردا جدا عبدالعظیم ائتـدی آواره نـجه ظلـم شـه عبـاسی سنی ظلمیله سالوب داغدا داشـا عبدالعظیم سنی مهمان ائلیوب شهر ری ایچره یارین دئدی ئـول سن منه مهمان جان آقـا عبدالعظیم راوی نقل ایلیوری یوللاردا مریـض ئولموشدون نجه وئردین او گوزل عمری باشـا عبدالعظیم شیعه تشییع الئیـوبدور سنی چوخ عزتیـلن حرمین ری ده اولوب دار الشفا عبدالعظیم قربت کرب و بلا واردی ری یون ملکیـنده سنـی تعریف ائلیوب آل عبا عبدالعظیم کیم ائده ری ده زیارت او گوزل مرقدیوی گوئیـا سِیـر الئیوب دشت بـلا عبدالعظیم یاز (علی اصغر) اولا دفتر شعرینده ایـان دئ مزارینـده وارون بزم دعـا عبدالعظیم هر زمان اوردا گلور خالق یکتانیـن آدی وئـر منـه تـذکـرهٔ کرب و بلا عبدالعظیم ✍علی اصغر عباسعلی نژاد کیوج‌_سراب التماس دعا... #یاحضرت_عبدالعظیم_علیه_السلام #حضرت_عبدالعظیم ✨اَللّهُمَّ عَجِّل لِوَلیِّکَ الفَرَج✨