🍂 شام غریبان گودال 🍂 سس وئر داریخمیشام من نالانه آی بابا گلدیم بو یئرده شام غریبانه آی بابا گلدیم بابا غمینده یانیم سینه داغلییم خلوت ائدیب جنازه وین اوستونده آغلییم امکان یوخومدی یاره لرین گرچی باغلییم گوز یاش گتیرمیشم سنه درمانه آی بابا سس وئر منه دئییم باشیمین ماجراسینی غارت غمین بو لشگر کفرون جفاسینی یوخ باغلیان ایاقلاریمین هیچ یاراسینی غم گور نئجه گتیردی منه جانه آی بابا سند نصورا اورکلرمیز قانه دوندولر باشین اوجالدی نیزیه دشمن سویوندولر غارت هواسی باشدا خیامه توکولدولر یاندی شرار ظلمیله کاشانه ای بابا عمه م اودم کی گوردی گلیر لشگر جفا ائتدی سوال قارداشیما نیلیوم بالا امر ائیلدی کی اهل حرم چوللره قاچا قالدی اوزی خیمده یانا یانه آی بابا هر نه واریدی اهل جفا غارت ائیلدی اهل حرم داغیلدی چوله وحشت ائلیدی الله ولیک عممه چوخ نصرت ائیلدی تاپدی گتیردی خیمه سوزانه آی بابا سندنصورا بابا بیزه دشمن گتیردی سو هر قطره سینده دیلده فغان ائتدیم آرزو بیر قطره سین وئریدیله کاش اصغره عدو اوخ ووردیلا او طفل لب عطشانه ای بابا الان کی گلمیشم بورا ای سرور حجاز نصفی یانان چادیردا بی بیم باشلیوب نماز گوزیاشلی سینه داغلی ائدیر رازیله نیاز قلبی دوندی لاله کیمی قانه آی بابا سندن صورا بو عالم امکاندا یوخ صفا قمچی له ساکت ائتدی بیزی قوم اشقیا کاش عمری اجل گله مقتلده قورتارا یوخ منده تاب کوفه ده زندانه آی بابا #محرم1402 #شام_غریبان

🏴نوحه زنجیرزنی امام حسین🏴 در سبک(قدم قدم) ✍شاعر : علی عبدی قدم  قدم ، شاه  کرم بو  قارا  پرچم  دالیجا  من  گلرم حسین حسین،سسلنرم گوزیاشیمی   صورته   مولا  اَلَرم ای   پور   حضرت   یدالله ای   شه  دین   ابا عبدالله دنیایه  وئرمرم   عشفیوی اربابیم   یاحسین   ثارالله جان یارالی،جان یارالی مرقد ششگوشه وه قربان یارالی 🏴🏴🏴🏴🏴 جانسان آقا ، جانسان  آقا کعبه ی دل عالمه سلطانسان آقا جانسان  آقا ، جانسان آقا سرور  و  سالار شهیدانسان  آقا قاپوندا  یا حسین   نوکرم بو  شانی   عالمه   وئرمرم تاجان وار قاره  پرچملردن یا   مولا    اَلیمی   ئوزمرَم جان یارالی،جان یارالی مرقد ششگوشه وه قربان یارالی 🏴🏴🏴🏴🏴 اکبریوه ، اصغریوه قربان اولوم هم اوجا سرلشکریوه قاسمیله جعفریوه یتمیش  ایکی  عاشق  نام آوریوه مکتبین   مکتب  انسان  ساز هرعصری قبول اِیلیور سرباز هرکیم بو مکتبه عضو اولسا دنیاده   خار  و  رسوا   الماز جان یارالی،جان یارالی مرقد ششگوشه وه قربان یارالی 🏴🏴🏴🏴🏴 حسین من ،حسین من ای  یارالی  پیکری گوداله  دوشن حسین من حسین من ای باشی دالدان لب تشنه کسولن سن چوخور یئره باتدون قانه اوجالدی       ناله       آسمانه یاندیردی   خیمه لری   دشمن قیزلارون     قاچدی    بیابانه جان یارالی،جان یارالی مرقد ششگوشه وه قربان یارالی بقلم کربلایی علی عبدی زنجانی 🎼سبک_قدم_قدم... #محرم1402

#شب_یازدهم_محرم 🍂نوحه شام_غریبان🍂 آه و واویلا صد آه و واویلا جِسم شَهْ بی سر ، در دل صحرا بر حرم دشمن سنگ جفا میزد آتش کینه ، شعله ها میزد آه و واویلا صد آه و واویلا... * با تَن تبدار ای داد و اِی بیداد کُنجی افتاده ،حضرت سجاد از کف زینب رفته دگر چاره عترت طاها ، جمله آواره آه و واویلا صد آه و واویلا... * نطق من از شرح این عزا لال است جسم شَهْ بی سر ، بین گودال است جانِ دو عالم از غم شده بر لب وا مصیبت از ، غصّه ی زینب آه و واویلا صد آه و واویلا... *** ✍شاعر: امیر عباسی

🍂شام غریبان امام حسین، رقیه درقتلگاه..🍂 ✍استادمنزوی قیزیم گل قانلی گوداله بوچولده بیرمنم بیرسن بوقدری ایلمه ناله بوچولده بیرمنم بیرسن ((بالام لای لای گلوم لای لای))((۲)) منیم شام غریبانیم اولوب گودالیده برپا چخوب ایداتماشایه دولوبدورنوریلن صحرا گلرایندی بابام طاها اتام حیدرانام زهرا چوخوریرده باخ اجلاله بوچولده بیرمنم بیرسن ((بالام لای لای گلوم لای لای)) شکسته هربه جات اوسته ایاقون قویمااینجیتمه بوقدری قاچماهریانه اوزووی باغری قان ایتمه منیم دورمده سن الان .قیزیم گوزله اوزاق گیتمه چاتارسان ایندی اماله بوچولده بیرمنم بیرسن (بالام لای بالام..گلوم لای لای بالام) قیزیم افرددشمنن گلن گلدی گیدن گیتدی سلیمان باشی اوستینده اوشبگرداهرمن گیتدی نه تک انگشتریم بندزراوسته ال کسن گیتدی گل ایله ناله بوحاله بوچولده بیرمنم بیرسن ((بالام لای بالام گلوم لای لای بالام)) تانینمازیول چتیندور بیرسه ساله راهپیمایه اوزاقدان بیرچوخوریرگورسنوب اول ماه سیمایه اونی اهن رباتک چکدی بیرجذبه اوماوایه دیدی احسن دی اقباله .. بوچولده بیرمنم بیرسن (بالام لای لای بالام گلوم لای لای بالام) یتیشدی گوربیر باشسیز بدندور بیرخانم عورت دایاندی بیرازایتدی اول غریبه عورته دقت اچوب اغوشینی سسلندی گل ای مونس محنت تحمل قیل بومنواله بولده بیرمنم بیرسن (بالام لای لای بالام گلوم لای لای بالم) قوجاقیمده گل ایلش ایله مندن صبرتحصیلی منه چوخ اوخشوسان اولموش یوزنده من کیمی نیلی کیمیله روبروگلدون سنه ووردی بیله سیلی باخوب یانام بواحواله بالام لای لای گلوم لای لای (بالام لای لای باام گلوم لای لای بالام) منم زهراانون گلدیم بواه جانگدازیله سینیق پهلو یارالی سینه پرسوزوسازیله منی بیگانه فرض ایتمه دایانماباخمانازیله گل اول زهرایه همناله بالام لای لای گلوم لای لای (بالام لای لای بالام گلوم لای لای لای بالام) #محرم1402 #شب_یازدهم_محرم لینک کانال👇 http://eitaa.com/torkiy ---•••◇🏴🏴🏴◇•••--- @torkiy

بنام خدا نوحهٔ شام غریبان سرور و سالار شهیدان آقا امام حسین «زبانحال حضرت زینب س» "" "" "" "" "" "" " عاشقان شام غریبان دی بوشب اهل بیتین اورگی قان دی بوشب زینبین سایه سالوب غم باشینا یاس توتوب یتدی جاوان قارداشینا پیکری چولده قالان قارداشینا عاشقان شام غریبان دی بو شب زینبین سینه سی سوزاندی بوشب "" "" "" "" " باد محنت آسوری سرعتیلن خیمه لر غارت اولور شدّتیلن آغلایور گویده ملک لر بو گئجه عرش وفرشیله فلک لر بوگئجه قانلی میداندا اورک لر بوگئجه عاشقان شام غریباندی بوشب فاطمه زینبه مهماندی بوشب " "" "" "" """"" "" دولانور خیمه لرین دور و برین ایلیور جاری خانم اشک ترین اوج ائدیر آه شرر باری اونون اوتلانور سینهٔ صد پاری اونون اولوری قان دل خونباری اونون عاشقان شام غریبان دی بوشب زِیْنِ آب نی کیمی نالاندی بوشب "" "" "" "" "" " سریلیبدی یئره یتمیش ایکی تن اونلارا یوخدی اول صحراده کفن بو گئجه مات و محیّردی خانم اورگی قاندی مکدردی خانم مونس مادر اصغردی خانم زِیْنِ آب خسته دی بیجاندی بوشب عاشقان شام غریبان دی بو شب " "" "" "" " گاهدان آرام ائدیر اکبر آناسین گاه حسین قارداشینون گول بالاسین تا چاتور زین العباد محضرینه دولوری قان خانمین گوزلرینه وروی بوسه اونون دیدهٔ غم پرورینه آل حق زار و پریشان دی بوشب عاشقان شام غریبان دی بوشب " "" "" "" "" "" " ✍شاعر : مسلم فرتوت(فاخر) #محرم1402 #شب_یازدهم_محرم #شام_غریبان

زبانحال خانم زهرا به سرخونین امام حسین(ع) شام غریبان آناوام من نه که بیگانه اوغول گلمیشم شام غریبانه اوغول سایا گلمز یارا جسمونده سنون قوری یرده قالوب عریان بدنون هانی بس من توخویان پیرهنون یوخسا گیتمیش اودا تالانه اوغول سالموسان یاده مگر حیدریوی ویرموسن سائله انگشتریوی نیلمشدون کسه لر اللریوی سالالار جسموی میدانه اوغول بسلمیشدیم سنی من عزّتیله گورورم ایندی بو کیفیتیله دوشمه توپراقلارا بو ذلّتیله دور گیداخ روضۀ رضوانه اوغول قلبی یانسون آناوی یاندیرانون بلی سینسون بلیوی سندیرانون اوره گین باشینه پیکان ویرانون دونسون آخر اوره گی قانه اوغول دیگوروم کیم سنی بو حاله سالوب صبریمی طاقتیمی الدن آلوب بس ابوالفضلون اوغول هاردا قالوب هانی بس موکب شاهانه اوغول هارا گیتدی او جلال و حشمون لشگرون سیندی تالاندی خیمون سویولوب دربدر اولدی حرمون نولدی تشریف ملوکانه اوغول کسدیلر ظلمیله عطشان باشیوی ویردیلا ر نیزیه عدوان باشیوی آپاروبلار هارا مهمان باشیوی تا آلام سینۀ سوزانه اوغول ایستورم بیر چکم آغوشه سنی نیلیوم قنفذ ایدوب خسته منی قولومون قدرتی یوخدی علنی دوندروب قدیمی چوگانه اوغول قلبوه هانسی جفا کانی حسین ویردی اوچ شعبه لی پیکانی حسین کوره گوندن سوزولور قانی حسین تف اولا عالم امکانه اوغول آت چاپوبلار سینه وین اوسته یقین محو ایدوب پیکریوی لشگر کین یاندیروب قلبیمی بو شمر لعین گلرم روز و شب افغانه اوغول سنه چوخ یرده بالا تعزیه وار گویده اللهدی سنه تعزیه دار نهر علقمده قیزیم زینب زار ایلیوب قائم عزاخانه اوغول من ((کریمی)) لقبم نامه سیاه خجلم ایلمیشم بسکه گناه منده زهرا دیلیجه گاه بگاه دیرم وای باتان آلقانه اوغول #محرم1402 #شب_یازدهم_محرم #شام_غریبان لینک کانال👇 http://eitaa.com/torkiy ---•••◇🏴🏴🏴◇•••--- @torkiy

تنور خولی ای کوللر اوستونده یاتان عطشان حسینیم زهرا یارالی باشیووه قربان حسینیم دیندیر منی مهمانووم ای دلشکسته یاننام سنون بو حالووه من زار و خسته خولی نیه باشون قویوبدور کوللر اوسته عالم اولار احوالوه گریان حسینیم هاردا قالوب قارداشلارون قانه باتوبسان بیر عده بیکس عترتون گوزدن آتوبسان زهرا آنون قربان قوری یرده یاتوبسان نعشون قالوب افسوس اولا عریان حسینیم ایندی باجون آغلار گلر آه و فغانه سالدی گوزوندن زینبی دور زمانه دشمن ویروبدور باشینه چوخ تازیانه یانمیش چادردا یاس دوتوب الآن حسینیم دین اوسته لازمدی بالا قانه باتیدون آیا روادی کوللر اوستونده یاتیدون اوغلوم گرک سن سینه مون اوسته یاتیدون دشمن ائوینده ایلرم افغان حسینیم هیچ بیلموسن نازلی بالون هاردا یاتوبدی دنیا شیرین دیللی قیزی گوزدن آتوبدی دشمن آلوب گوشواره سین کامه چاتوبدی رنگین سارالدوبدی اونون هجران حسینیم ال باشدا زینب خیمده گلمیش فغانه اوغلی ئولنلر آغلاشارلار یانه یانه یاننام دوشنده یادیمه اول نازدانه اولسون بو دنیانی گوروم ویران حسینیم ** ✍سیدعابد صادق پور #محرم1402 #شب_یازدهم_محرم #شام_غریبان #تنور_خولی لینک کانال👇 http://eitaa.com/torkiy ---•••◇🏴🏴🏴◇•••--- @torkiy