شعراثرطبع(حسین خدایی زنجانی) دراهنگ(میگذرد کاروان...) (نوحه سینه زنی شاهزاده علی اکبر) ای بدنی دوغرانان خنجریله اکبریم حمل اولونان پیکری معجریله اکبریم ای شبه پیغمبر جان بالا یا علی اکبر جان بالا ____________________ خیمه دن عزم ایلدن جنگه گئدن سن زمان قلبیمی هجران اوخی دوتدی ستمله نشان باجیلارین سسلدی گوزله ئوزوندن جوان باری وداع ائلدون خواهریله اکبریم ای شبه پیغمبر جان بالا یا علی اکبر جان بالا ئوپدون الیمدن دئدون وئر منه رخصت بابا خوشدی منه هرندن وصل و شهادت بابا قورخو یوخمدی منیم هر ندی قسمت بابا فاطمه یول گوزلیور حیدریله ، اکبریم ای شبه پیغمبر جان بالا یا علی اکبر جان بالا دوشسم اگر توپراقا قدیوی خم ایلمه هر نقدر اوخ گله سن بابا غم ایلمه گل باشیم اوسته فقط لطفیوی کم ایلمه سویلگینن حالته مضطریله اکبریم ای شبه پیغمبر جان بالا یا علی اکبر جان بالا مرکبی ائتدون روان عرصه ی پیکاره سن توش ائلدین دشمنی تیغه شرر باره سن عرض ائلدین تلیدن باخ عمو دلداره سن آفرین عباس دئدی رهبریله اکبریم ای شبه پیغمبر جان بالا یا علی اکبر جان بالا سوز عطش قدرتین آلدی الیندن ولی محضره شاهه گله سو دئدی پور علی قویدی لبین لبلره وئردی الینه الی گئت ائله جنگ و جدال لشگریله اکبریم ای شبه پیغمبر جان بالا یا علی اکبر جان بالا گلدی دوباره علی رزمگه اول بالا دوشدی حصاره غمه تللری باتدی قانا سسلدی گل دادیمه جان وئرورم آی بابا گویلره اوج ائیلیرم شهپریله ، اکبریم ای شبه پیغمبر جان بالا یا علی اکبر جان بالا آلدی سسین خیمه ده پورعلی اول زمان میدانا گلدی ولی گئتدی دیزیندن توان گوردی گوزل پیکری شان شان ائدوب کوفیان دوربالا قربان اولوم لشگریله اکبریم ای شبه پیغمبر جان بالا یا علی اکبر جان بالا ای منیم اکبر بالام ای قانا غلطان بالام آی جمالین گیزلدیب ایندی نجه قان بالام من نجه حمل ائیلیوم پیکرین الان بالام؟؟گ گوی آپاریم پیکرین معجریله اکبریم ‌ ای شبه پیغمبر جان بالا ‌ یا علی اکبر جان بالا ✨اَللّهُمَّ عَجِّل لِوَلیِّکَ الفَرَج✨ #محرم1402 #شب_هشتم_محرم #حضرت_علی_اکبر_علیه_السلام

سلام دوستان اعلان ایدون جهانه تا واردی بو زمانه اُلگودی شیعه یانه زینب حسین ابوالفضل هرکیم که بی خبردی آگاه ایدون خبردن والّلهی نقل اولوبدی افراد ِ معتبردن قوّت تاپوبدی قوّت غیرت بو اوچ نفردن آل معرفت مدالین خلاّ قِ داد گردن دلدن دئ عاشقانه زینب حسین ابوالفضل مولا علی ؛ پیمبر زهرا ، حسن ، مکرر عشق ایلیور علاوه بیزدنده صد برابر پیکِ خدایِ هستی جبریلِ رحمت آور وِرد ایلیوب بو آیدا گویده دیور سراسر مشتاق و عارفانه زینب حسین ابوالفضل تدریس اولار بو آیدا درسِ حجاب و عفّت رونق تاپار دوباره حکمِ خدا ، شریعت ایلر مطیع اولانلار کسبِ مقامِ عزّت قویماز سینا مسلّم عُرفِ لباس غیرت ساخلالا جاودانه زینب حسین ابوالفضل بیگانه لر ائشیتسون هر یئرده هر مکاندا آلله ئوزی دوتوبدی تصمیمون آسماندا تاکید ایدوب حجابی مکتوبِ جاوداندا واجبدی ای مسلمان هر بُرهه یِ زماندا اولسون بیزه نشانه زینب حسین ابوالفضل #محرم1402

🏴نوحه ابوالفضل عباس علیه السلام🏴 ✍شعراز: علی عبدی دوشموشم  مرکبین  اوستن دل میدانه حسین باتموشام گورنجه باشدان باشامن قانه حسین ئولورم جان یارالی       سنه قربان یارالی من سو قولین آقا وئرمیشدیم او عطشانلاریوا الده   سو  جامی  اولان   گوزلری  گریانلاریوا وادیّه   غمده    قالان   بیر  نچه   مهمانلاریوا اوخ دیوب  مشکیمه  سو آخدی  بیابانه  حسین 🏴🏴🏴🏴🏴 مشکیمی  پارچالیوب اوخ  سو گئدوبدی حدره دولانوب  گوز دولوسی  باخدیم  آقا  خیمه لره یعنی حیف اولسون آقا خیمه ده کی صودامره آدی  بیلدیم   قاتوشار  جمع   شهیدانه  حسین 🏴🏴🏴🏴🏴 سو  کنارینده   بو  قولّاریم   اخا   اولدی  قلم اشقیا  تنگ   ائلدی   صحنه ی   میدانی  او دم تار اولوب  گوزلریمه  دشت  بلا  دوشدی  علم مبتلا   اولدی    بدن   بارش    پیکانه   حسین 🏴🏴🏴🏴🏴 دوشدی  قولسوز  بدنیم   تپراقا  آتدان  یارالی ئولورم   نیزه لر  آلتیندا  لب  عطشان   یارالی درک  ائله   قارداشیوی  ای دل  سوزان  یارالی ایستورم جانی  وئرم حضرت سبحانه  حسین 🏴🏴🏴🏴🏴 اوخ دیوب آندوما  قانی  توکولوبدی   گوزومه گوزومین   قانی  آخور اشکیله  باهم   یوزومه آند  اولا  زینبیمه    آغلامورام    من   ئوزومه آغلورام خیمه ده کی طفل لب عطشانه حسین 🏴🏴🏴🏴🏴 گویلوم  ایستور  آلام   آغوشیمه  گل  پیکریوی بیرده  قارداش سالاسان  بوینوما سن  اللریوی زحمتیم  گر چوخوموش  عفوائله بو نوکریوی نجه طاقت  وئره جم   قبریده  هجرانه حسین 🏴🏴🏴🏴🏴 باجی   زینب   دینن  آلسون  اَله  قانلی  علمی قویماسون   غصّه لنه   خیمه ده  اهل  حرمی بیرده  گئتسه  وطنه  گورسه قوجالموش ننمی دیسین  عباسی ئولوب  جنگیده مردانه حسین #محرم1402 #شب_نهم_محرم #حضرت_ابوالفضل_عباس_علیه_السلام لینک کانال👇 http://eitaa.com/torkiy ---•••◇🏴🏴🏴◇•••--- @torkiy

اهل ایرانه بوگون عزتدی عباسین آدی عاشقانه مایه ی شهرتدی عباسین آدی بوکبودراهنگی لرنوکردیلر بوفاضله اؤلکه میزده چشمه ی لذتدی عباسین آدی کیم آتوپ دامانینه دست توسل صدق ایلن گل، گرفتاره ویرن حاجتدی عباسین آدی کربلادشتینده یاوردی علی اولادینه اردوگاه دشمنه وحشتدی عباسین آدی رزمگاهه یوزقویان وقته او شیر حیدری کوفیان ناکسی تیترددی عباسین آدی آدینه قربان کسِلرعاشقان بوشهریده چون کبودراهنگیده رحمتدی عباسین آدی نورچشم مرتضادی مظهر مهرو وفا افتخارزینب وعترتدی عباسین آدی باخ بنفسی انت دیوبدور حضرته مولاحسین چون حسینون جانینه طاقتدی عباسین آدی اختصاصی واردوتاسوعا گونی بو حضرته شهرمیزده بوگونه شوکتدی عباسین آدی آغلیوب بوحضرته صاحب زمانین گؤزلری افتخارحضرت حجتدی عباسین آدی شیعه لریاکاشف الکربی دیر وقت دعا سنده گل آل حاجتین فرصتدی عباسین آدی بوسوزی عنوان ایدوبله حضرت سجادیدن نینواده مایه ی قوتدی عباسبن آدی نازل ایتسون ذات حق عباس عمومه رحمتین اهل دینه قله ی غیرتدی عباسین آدی آیرودینلرده بومولایه ایدلراحترام ارمنیّه معجرین گورستدی عباسین آدی قطع اولان قولارایلن آسان ایدرچوخ مشکلی درداولانلار دردینه شربتدی عباسین آدی (صابرم)اشعاریمی تقدیم عباس ایلرم شعرودیوانه ویرن زینتدی عباسین آدی یاکاشف الکرب عن وجه الحسین اکشف کربنا بحق اخیک الحسین علیه السلام صابرکبودراهنگی

‍ نوحه جوشی سینه زنی 🌹درسبک:دستگاه سه گاه🌹 ......................... ............................ ای ابوترابین-شیر دل بالاسی لشگر حسینون-صاحب لواسی باخ بو چشم گریانه قلبیمیز دونوب قانه الدخیل ابوالفضل الدخیل ابوالفضل -------------------------------------------------- امتحان وئروبسن،سن وفایولوندا هر ندن گئچوبسن ، آشنا یولوندا گور نه صحنه لر وار،کربلایولوندا صحنه لر غم افزادی-دلده غصه دریادی الدخیل ابوالفضل الدخیل ابوالفضل -------------------------------------------------- ای کشیده قامت،وی رشید علمدار حامی عدالت،عاشق فداکار الده قانلی پرچم،اول بیزه هوادار صاحب علم مولا-قوللاری قلم مولا الدخیل ابوالفضل الدخیل ابوالفضل ----------------------------------------------------- یوز وئرنده غصه،غملی دردمنده سندن ایستر امداد،مشکله دوشنده عرض ائدور جوانلار،قبریوه گلنده یابن مرتضی عباس-یار شیعه یاعباس الدخیل ابوالفضل الدخیل ابوالفضل ---------------------------------------------------- ای اولان منای،کربلاده قربان قوللارون فداسی،اولسون اهل ایران دامنون دوتوبدی،حامیان ایران دامنون دوتوبدی،حامیان قرآن سن یتیمووین جانی-آتما اهل ایرانی الدخیل ابوالفضل-الدخیل ابوالفضل

آچ گوزلریوی قارداشیم دور قانه دونوب گوزیاشیم قارداش گوز آچ یاتما اماندی دور اهل بیتین باغری قاندی زینب باجیم چوخ ناگراندی ایوای یارالی جان یارالی(۲) جانیم سنه قربان یارالی مخیمده هامی دل داغلور تشنه بالالاریم آغلور اولسون قسم خلاق حیه چوخ ظلم ایدیب آل امیه دور یولارون گوزلور رقیه ایوای یارالی جان یارالی جانیم سنه قربان یارالی ای گل سنی کیم سولدوردی سو مشکیوه قان دولدوردی بس اوخ ویروبلار دسته دسته یاره دیوبدی یاره اوسته جسمین داغلمیش قوملار اوسته ایوای یارالی جان یارالی جانیم سنه قربان یارالی یاره بدنونده چوخدی باشدان باشا نیزه اوخدی بزم جفا دشمن گوروبدی ظلمیله دهری دولدوروبدی السیز گوروب یتن ویروبدی ایوای یارالی جان یارالی جانیم سنه قربان یارالی #محرم1402 #تاسوعا_حسینی #حضرت_ابوالفضل_عباس_علیه_السلام

روضه 🕊💕 روضـــه شهادت حضرت ابوالفضل (ع) از روضه های حاج بهزاد جاوید 💕🕊 ┄┄┄┅═✧❁❁✧═┅┄┄┄ بسم الله الرحمن الرحیم یا رحمان یا رحیم السلام علیک یا ابوالفضل العباس السلام علیک یا قمـر بنی هاشم مقدمه به صورت زمزمه خوانده شود 👇 ای ساقی سرمستانیم سیماسی قمر اصلانیم گوزووین یاراسیندان آخان قانه گوزوم قربان قورویان دوداقوندان چیخان جانه ئوزوم قربان آی تک باتدون قولسوز یاتدون (۲) بیله گلدی قارداش بالینینه بیوردی عباس وئرمزدی حسین بیر توکووی ملک جهانه جنت ائله سن سن کی باتوبسان بئله قانه عباس دنیانی اگر آختارالار خانه به خانه همتا سنه هئچ عالیه انفاس اولا بیلمز مین قارداش اولا هئچ بیری عباس اولا بیلمز یارالی سان ای عباس عرش اهلینه از بس کی آدون محترم اولدی بو لشگر اسلامیده سهمون علم اولدی افسوس او علم ساخلیان اللر قلم اولدی عاشق توکه معشوقینه گوز یاش نه گوزلدی سوزوم بودی ابوالفصل قارداش باشی اوسته ئوله قارداش نه گوزلدی ئولورم آی قارداش از بس توخانوب سینووه اوخ گوزگوز اولوبدی گوز یاشیمه باعث ایکی قول بیر گوز اولوبدی بیر سوز دانیش ، اولما آرامیزدا سوز اولوبدی عباس ظلمین قاباقین سد ائلین روحووه قربان داغلی ئورکیم سینه مجروحیوه قربان یارالیسان آی ای ✍شعر از( استاد غفاری برات عاشورا ) آقا سیدالشهدا (ع) بیوردی عباس جانم دور ایاقه قارداش ، دور ایاقه گیدک خیمه لره ،ایندی قزلار یولووی گوزلور ،شهدانی آقا ئوزی گتورردی خیمه لره ایستدی ابوالفضلی ده آپارسون بیوری حسین جان ، نعشیمی خیمیه حمل ایتمه که السیز بدنم گوزلریم گورمور یولی چون بی سپر رزمندیم اوخ دگوب سو مشگیمه چارم کسیلدی یا حسین قول وئرمیشدوم ربابه گیت دنن شرمندیم یارالیام آی ای ✍( شعر جمال جبیبی ) صل الله علیک یااباعبدالله #محرم1402 #تاسوعا_حسینی #حضرت_ابوالفضل_عباس_علیه_السلام لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

🏴شب عاشورا🏴 ✍مرحوم شهاب تبریزی آغلا بو گیجه گوزوم قان آغلا سال یاده حسینی هر آن آغلا .. .. سال بوگیجه کریلانی یاده گل شیونیله فغان و داده محشر قورولوبدی کربلاده آغلا بو گیجه گوزوم قان آغلا .. .. صبحه کیمی ایتمه استراحت وور باشوه آغلا یاتما راحت یاتموب بو گیجه حریم عصمت آغلا بو گیجه گوزوم قان آغلا .. .. معناده حسینه عالم آغلور عیسی باش آچوبدی مریم آغلور نوح ایلوری نوحه آدم آغلور آغلا بو گیجه گوزوم قان آغلا .. .. صحرای بلاده سندی بیعت گیتدی بو گیجه گلن جماعت یوز ویردی جسینه چوخ مصیبت آغلا بو گیجه گوزوم قان آغلا .. .. اول فرقۀ کینه کینه سیندن دویمادی حسین سکینه سیندن آیریلدی گل مدینه سیندن آغلا بو گیجه گوزوم قان آغلا .. .. زینب بو گیجه نه حاله قالدى هر دم که صباحی یاده سالدى قارداش یوزینه باخوب سارالدی آغلا بو گیجه گوزوم قان آغلا .. .. عرشه اوجالوب فغان لیلا درده گتوروب جهانی لیلا اکبر باشینا دولانی لیلا آغلا بو گیجه گوزوم قان آغلا .. .. اصغر آناسی چکردی آهی سولموش بالیا باخاردی گاهی گاهی دولانوردی خیمه گاهی آغلا بو گیجه گوزوم قان آغلا .. .. نولدی بوگیجه سکینه حالی غمدن سارالوبدی گل جمالی ایلردی اسیرلوخ خیالی آغلا بو گیجه گوزوم قان آغلا .. .. صبحه کیمی قاسمون آناسی ایلردی خیال طوى لباسی بُلمزدی که قان اولور حناسی آغلا بو گیجه گوزوم قان آغلا .. .. تا واردی شهاب امان اجلدن قویما دوشه خامه دفتر الدن یاز بو سوزی گل فغانه دلدن آغلا بو گیجه گوزوم قان آغلا #محرم_۱۴۰۲ #شب_عاشورا ✍کوفه_عدلی_تبریزی

زیارت حضرت ابالفضل العباس (ع) 🌹اَلسّلامُ عَلیک یا أبَاالْفَضْلِ الْعَبّاسَ بْنَ أمِیرِالمُؤمِنِینَ اَلسّلامُ عَلیک یابْنَ سَید الْوَصِیینَ اَلسّلامُ عَلیک یابْنَ أوَّلِ الْقَومِ إسْلاماً وَأقْدَمِهِمْ إیمَاناً وَأقْوَمِهِمْ بِدِینِ اللّه وَأحْوَطِهِمْ عَلَی الاْءسْلامِ أشْهَدُ لَقَدْ نَصَحْتَ للّه وَلِرَسُولِهِ وَلاِءخِیک فَنِعْمَ الاْءخُ الْمُواسِی 🌹فَلَعَنَ اللّه اُمَّةً قَتَلَتْک وَلَعَنَ اللّه اُمَّةً ظلَمَتْک وَلَعَنَ اللّه اُمَّةً اسْتَحَلَّتْ مِنْک الَْمحارِمَ وَانْتَهَکتْ حُرْمَةَ الاْءسلامِ فَنِعْمَ الصّابِرُ الُْمجاهِدُ الُْمحَامِی النّاصِرُ وَالاْءخُ الدّافِعُ عَنْ أخِیهِ الُْمجِیبُ اِلی طَاعَةِ رَبِّهِ الرّاغِبُ فِیما زَهِدَ فِیهِ غَیرُهُ مِنَ الثَّوابِ الْجَزِیلِ وَالثَّناء الْجَمِیلِ وَاَلْحَقَک اللّه بِدَرجَةِ آبائِک فِی جَنّاتِ النَّعِیمِ، 🌹اَللّهُمَّ إنّی تَعَرّضْتُ لِزِیارَةِ أوْلِیائِک رَغْبَةً فِی ثَوابِک وَرَجاءً لِمَغْفِرَتِک وَجَزِیلِ اِحْسَانِک فَأسْألُک أنْ تُصَلّی عَلَی مُحَمَّدٍ وَآلِهِ الطّاهِرِینَ وأنْ تَجْعَلَ رِزْقِی بِهِمْ دَارّاً وَعَیشِی بِهِمْ قَارّاً وَزِیارَتِی بِهِمْ مَقْبُولَةً وَحَیاتِی بِهِمْ طَیبَةً وأدرِجْنِی إدْراجَ الْمُکرَمِینَ واجْعَلْنِی مِمَّنْ ینْقَلِبُ مِنْ زِیارَةِ مَشَاهِدِ أحِبّائِک مُفْلِحاً مُنْجِحاً قَدِ اسْتَوْجَبَ غُفْرَانَ الذُّنُوبِ وَسَتْرَ الْعُیوبِ وکشْفَ الْکرُوبِ اِنَّک أهْلُ التّقْوی وأهْلُ الْمَغفِرَةِ. زیارت قبول ، التماس دعا #محرم_۱۴۰۲ #زیارت_نامه #حضرت_ابوالفضل_عباس_علیه_السلام ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy