السلام علیک یازهرای اطهرسلام الله علیها سن نه نه سینه یاراقلبون اولوب قان گیتدون ایوین اهلی هاموسی قالدلارگریان گیتدون سن گیدنن آناجان دوشدی بلایه اویمز هره بیرگوشه ده دی بزم عزادی ایویمز سن گیدندن ایله بی ذوق وصفادی ایویمز ایلدون سن آناجان اویمزی ویران گیتدون سنون هجرانوه اولموشلاراوشاخلارناخوش بیرده دای هیچ بیری اولمازبوعزاخانده خوش جانمازون آچروخ قالدی بومهرابیده بوش اوخیوردون بیزه سن هرگجه قران گیتدون تاپشروب استه دیگین که قره تپراقه آتام سنی تاپشردی اوزی قالدی چوخ آواره آتام دفنیدن فارغ اولوب قالدی چوخ آواره آتام گونوزی اولدی گیجه سن ولی پنهان گیتدون دنیادان سن نیه تزرخت علایق سویدون بیزسنه نیله مشیدوک نیه بیزدن دویدون آنااوزبسله دیگون گللری باشسزقویدون بالالارایوده اولوب هامی پریشان گیتدون قویدون حسرت بیزی سن الفتوه صحبتوه ذات حق پرده چکوب ماه کمین صورتوه یاس دوتوبلارگوین اهلی اوسنان قامتوه گینوب آغ کفنه اللهامهمان گیتدون فاطمه گل کیمی سنسیزسارالوب سولدی علی دیورم فکرایله سنله اوزیده اولدی علی تک قالوب ایندی بوایوده قره گون اولدی علی نیه بوتزلیگه قویدون منی نالان گیتدون غم ییورگونده حجازین مارالی اوغلون حسن گلوب ایکاش حسین وحسنی بیرگوره سن داریوب تللرینی بیراولارانازائده سن اولارین گوزیاشین ایتدون نیه بس قان گیتدون باخوری زینب حسینه بالالاررام اولمور آغلیورهاموسی بیردن ولی آرام اولمور باشنین اوسته حسینین سوقویام جام اولمور آنیام هم آتیام سن منی قویدون گیتدون یاندریبدی قاپنی ظلمیله قوم اوباش#کاش اولیدیم ولی گورمیدیم همان صحنه نی فاش محسنین اولمگینی بیلمیه زینب ایکاش اولدی محسن اودیکه سنده شتابان گیتدون امرپیغمبره خاطرمن اورک داغلامشام یاندربلارقاپنی من اوتوروب آغلامشام سندریبلارقولوی گوزلریمی باغلامشام حیدرین قولاری باغلیدی که نالان گیتدون عف ایله قولاری باغلیدی علی نین زهراس یوخساقویمازدی عدوبورداتوکه قان زهراس یرگوی اهلی هاموسی قالدلارحیران زهراس فاطمه قویدون علینی ایوی ویران گیتدون قویمازیدیم من عدویاندراوحین قاپوسین اوت ورا یاندرانامردپیمبرقاپسین یابیری جرئت ائیدیب یاندراحیدرقاپسین فتنه اولدی منی قویدون تک وتنهاگیتدون ✍شعرازحسن زاده ایوقی #فاطمیه_۱۴۰۲ #شهادت_حضرت_زهرا_سلام_الله_علیها

نوحه زبانحال امیرالمومنین علی (ع) به حضرت زهرا (س) -(آی یارالی زهرا جان) ۴ ۶۵۳ آی یارالی زهرا جان غموندن اولمــــوشام خونجگر سوکوبـدی سیـــنوی میخ در دور ایلمــــه منــــی دربــدر آی یارالی زهرا جان پهلولـــــرین اولــوبدی یاره یانام باخـاندا مــــن مسـماره گور اولمـــوشام نجـه آواره یارالی وفالی۲ آی یارالی زهرا جان سس ویر منــه گوزل نگاریم چـــوخ آغلیـــولّه بــالالاریم سن اولمـوسان نیدر قیزلاریم آی یارالی زهرا جان زینب ســــالوبدی باشه قاره آغلار باخــــار در و دیواره حسن الینـــده وار گوشواره یارالی وفالی۲ آی یارالی زهرا جان نه سیــــز ایو چراغی یانماز حسین بیــله غمــــه دایانماز آناسیز اولمـــاقون اینــانماز آی یارالی زهرا جان محکوم اولوبدی حیدر صبره گوزلریـــم اوخشیـــوللر ابره قویوم نـــه نوعی جسمون قبره یارالی وفالی۲ آی یارالی زهرا جان بوش یریوخ باخوب آغلارام سینمی غمــلریویلن داغلارام اولونجه یاسیـــوی ساخلارام آی یارالی زهرا جان اوخشور یـــوزون هلالِ شبه دوزنمورم بونوعی تاب و تبه چتیندی گیتماقون بالام زینبه یارالی وفالی۲ آی یارالی زهرا جان تیز باتما ای ایشیقلی ماهیم ای فخریم عزتیم و جاهیم عرشه گیـــدر شرار آهیم آی یارالی زهرا جان عدو سینمــه قویدی داغون دوتور حسن حسین سراغون زینبی اولـــــدورر فــراغون یارالی وفالی۲ پنج شنبه ۲۴ تیر ۱۴۰۰ ساعت ۱۳:۴۶ ✍نوشته شده توسط یوسف اکبری شاعر احمد پوریا #فاطمیه_۱۴۰۲ #شهادت_حضرت_زهرا_سلام_الله_علیها

🏴زبانحال حضرت علی(علیه السلام)🏴 🎶در آهنگ:منم باید برم..... هزاره اودلانار،خزان ویراندا گلشنی منیمده باغیمه،خزان یتوب پوزوب منی بیر عمردور بو غم،اورکده درد اولوب منه گوزوم باخا باخا،ائویمده دویدوله سنی یافاطمه اویان_یافاطمه اویان اویان قباله نین منه،دئمدین هیچ بلا سوزون دوشنده صحبتی،بو حسن اولدورور اوزون نه گلدی باشیوه،ائوه گلنده کوچه دن سویله سبب ندور،گیزلدیسن مندن ئوزون یافاطمه اویان،یافاطمه اویان اویان او گوندن هیچ دینوب،نه دانیشوب گولر حسن همیشه قلبینی،محنتیله بلر حسن گئجه گونوز بونون،ذکری اولوب ننه ننه بو نوع اگر گیده،بو غصه دن اولر حسن یافاطمه اویان_یافاطمه اویان اویان گچن گئجه دولوب،بزم وفا قورانمادین قنوتی دوتماقا،الیوی قالخیزانمادین گلنده من ائوه،دوراردین هی ایاقیمه ولی گچن گئجه،ایاقیمه دورانمادین یافاطمه اویان،یافاطمه اویان اویان جهاندا کیم دیله،خدنگ درد و غم تاخار کیمین منیم کیمی،عذاره گوز یاشی آخار دوزنمورم داخی،بو جور بی نهایته کیمین عیالینی،عدو دویه دوروب باخار یافاطمه اویان_یافاطمه اویان اویان ✍دلگیر #فاطمیه_۱۴۰۲ #شهادت_حضرت_زهرا_سلام_الله_علیها

(بسم رب الفاطمه) زمزمه_ترکی 🏴شهادت_حضرت_زهراعلیهاسلام زبانحال_امیرالمومنین_علیهالسلام🏴 🎶سبک:می گذرد کاروان.... ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ گؤزلرون آچ فاطمه !  اِیله حلال ، حیدری ســن منـی ترک اِیلمه ، ای گل نیــــلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤپ نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـــه (۲) ─‌‌‌‌‌‌‌┅═‎‌‌‌‌‌‌═‎‌‌‌‌‌‌═‎𖠇࿇𖠇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ ✍رقیه سعیدی(کیمیا) ۱۴۰۲/۹/۱۷ #فاطمیه_۱۴۰۲     ✨اَللّهُمَّ عَجِّل لِوَلیِّکَ الفَرَج✨