مناجات با امام زمان عجل الله 🎤کربلایی سعید سلطانی https://eitaa.com/turki_nohemajma

#زمزمه_ترکی_استقبال_محرم ▪️▪️▪️▪️▪️▪️▪️▪️ شیعه لرخبردار گلدی ماه ماتم عرش حیّ دادار چکدی قاره پرچم گیدی قاره پیغمبر نوحه خوان اولوب حیدر ▪️یابقیه الله یابقیه الله باشلانوب حسینون موسم عزاسی قوردی بزم ماتم فاطمه آناسی سسلنورحسینیم وای نورنیّرینیم وای ▪️یابقیه الله یابقیه الله هرکسون علاجی قطع اولوبدی گلسون قلبینه ملال و غم دولوبدی گلسون درده واردوابوردا نسخه شفابوردا ▪️یابقیه الله یابقیه الله آزقالورکه سونسون مکتبون چراغی قانیله بویانسون حق دیین دوداقی آهیلن گلورموکب چیرپینور دل زینب ▪️یابقیه الله یابقیه الله چیخمیوبدی عرشه زینبون نواسی وارولی قاباقدا غملی ماجراسی وارهله ابالفضلی عون وجعفروفضلی ▪️یابقیه الله یابقیه الله زینبون هله وار قیدینه قالانی چیخمیوبدی عرشه ناله و فغانی دوره دن باخان یوخدی یاندیروب یاخان یوخدی ▪️یابقیه الله یابقیه الله

‍ شهادت حضرت جواد علیه السلام 📝▪️مرحوم صابر سبک :: زینبم جان اوستیم .. نوش ایدوب اوغلون تقی جام اجل یا فاطمه باشیوه دور قاره سال بغداده گل یا فاطمه ایستدی بیر شاخه گل باغ امامتدن کسه محرمی ایتدی جفا بو نوجوان بی کسه ناله سی شمس الشّموسین چخدی چرخ اطلسه وای اوغول وای سسلدی صبح ازل یا فاطمه گرچه اهل عترتون اهل جفا مظلوم ایدوب لیک بو اوغلون غمی عالملری مغموم ایدوب من دیمم اوز عورتی نه نوعیله مسموم ایدوب پرده ده لازمدی قالسون بو عمل یا فاطمه چوخ آز عمر ایتدی جهاندا بو سمیّ مصطفی اولدی آز عمریله امّا چوخ بلایه مبتلا گاه توهین ایلدی گه دوغرادی اهل جفا بلکه ایتسونلر شئونین مبتذل یا فاطمه قلب عالم قلبینی تا دخت مامون داغلادی قویدی یالقوز ایوه بو شاهی قاپونی باغلادی وا اماما سسلدی سکّان افلاک آغلادی ویردی یالقوز جان حبیب لم یزل یا فاطمه یوز قویوب دیواره گه سولموش دوداقلار غنچه وش بیربیره لمس ایلیوب گاهی دیردی العطش کربلا مظلومی تک جان اوسته گه ایلردی غش گه دونردی صاق صولا قلبینده ال یا فاطمه بیر کنیزی غم احاطه ایلدی چون دایره الده بیر کاسه گلوب مظلوم امامه سو ویره امّ فضل آلدی الیندن کاسه نی چالدی یره تشنه جان ویردی اولوب عکس العمل یا فاطمه امّ فضل بیحیا تا حاصل ایتدی مدّعا بامه حمل اولدی جنازه آه یا خیرالنّسا نولدی بولمم، کوچه ده قالدی امام الاتقیا گون ایوی گل جسمینه اولدی محل یا فاطمه قالدی اوچ گون یرده نعش سرور ابرار زار وارث اولدی جدّینه بو نوجوان گلعذار سرور مظلومیله امّا بونون چوخ فرقی وار یوخ مصیبتده حسینه بیر بدل یا فاطمه گرچه اوچ گون کوچه لرده قالدی بو اوغلون تقی اولمای مُثله ولی جسم تقیّ متّقی آه او گوندن کربلا دشتینده اشرار شقی تاپدی جرات ختم اولا ساعت جدل یا فاطمه تا اله گلدی عمر سعد جفاجو مطلبی امر ایدوب ایتسونله مُثله اول وجود اطیبی داغدار ایتدی بو غم قلب جناب زینبی اللری باشدا دیدی فریاده گل یا فاطمه ایتدیلر قربان کیمی قسمت حسینین پیکرین ساربان بیحیا کسدی بیلکدن اللرین بجدله بذل ایلدی انگشتیله انگشترین قانلی باشه شامه گزدی ال به ال یا فاطمه ایلدی اعراب وحشی آل طاهانی اسیر کوفه و شامه آپاردی قیزلارون قوم شریر هانسی قانون بیر بیله ظلمی بولر آیا جدیر شاهزاده طاهرات عریان جمل یا فاطمه نوکرون «صابر» خانم یا فاطمه دلخون اولوب بیر اوزون مدّتدی ناکس کسلره مدیون اولوب فکری پوزقون روحی خسته محنتی افزون اولوب بورجی دورت یوز مین ریالدور ماحصل یا فاطمه

شهادت طفل شش ماهه زبانحال امام اصغر ای طوطی خسته   -   اوخلانان اللریم اوسته نیه قالدون بو حالا ال ایاق چالما بالا سنه دگدی تیر کینه اولدی مقتلون بو سینه وای رباب دلغمینه منتظر قالوب سکینه قویما ناگران قالا ال ایاق چالما بالا حرمله اتاندا پیکان ائتدی لرزه کون و امکان بوغازوندان توکولور قان قونداقون اولوبدی الوان کیمدی لای لای چالا ال ایاق چالما بالا ای گول اوزلی شیر خواره برج عشقیده ستاره اف اولا بو روزگاره کسدی رگلرون بو یاره از بو قلبی پارچالا ال ایاق چالما بالا منه کیمدی همدم اولسون مونسیم گرک غم اولسون غرق ماتم عالم اولسون بشیگون بو سینم اولسون تا اورک قرار الا ال ایاق چالما بالا ای صولان غنچه چاقیندا چوخ سوزون وار دوداقیندا یات باباوین قوجاقیندا سینما دشمن قاباقیندا سورودن قالما دالا ال ایاق چالما بالا سن مدال شرف الدون ظاهرا اخره قالدون کوی رفعتده اوجالدون اناوی ماتمه سالدون تا یانوب فغان سالا ال ایاق چالما بالا

#روضه_حضرت_علی_اصغرع گلون دوداقی گلور باغبان ایتیرمیش ئوزون (بولورسن یانمنه؟یعنی امام حسین دولانیردی ئوز باشنا نه صاقا گده بولور نه صولا) (الله گورستمه سین بولمورم گوروبسوز یانه بیرینین بیر یری اولمیا گده گورر سن ئوز باشنا دولانیر امام حسین نه خیمه لره گده بولور نه میداندا قالا بولور اله دولانیر کربلانی) گلون دوداقی گلور باغبان ایتیرمیش ئوزون جهاندا حرمله ایکاش کور اولیدی گوزون یخب ربابین ایوین نسگیل ایلدون سوسوزون اوبی نوا ننه نین سینه سینده اوت قالادون کمانی قوی یره نازوک بوغازی پارچالادون خیمیه ایستورم گیدم گلمور یوزوم گیدنمیرم عرصده دشمن ال چلور من داخی تاب ائدنمورم قوی گینه خیمیه گیدیم حرمله نی گورنمیرم قالوبدی عرصه ده آواره بیر آدامسیز آتا (امام زمانین قاپسین دوی دینن سنی آند ویریرم اواوخ دین بوغازا سنی آند ویریرم عمون علی اصغره بیزی بوردان الی بوش المه آقا، آقا مریضی اولان وار، آقا دردی اولان وار، آقا نولار بیز آت ابی عبداللهین اتگینه، آقانولار بیزی وصل اله جدیوه، بیزی امام حسینه وصل اله ، اگر سیز بیزی ئوز باشیمیزا قویساز کیمیمیز وار، گیدیب دایانار کربلاده اوآلتی گوشه لی قبرین کنارینده یاجدا أَلسَّلامُ  عَلَى الشَّیْبِ الْخَضیبِ، أَلسَّلامُ عَلَى الْخَدِّ التَّریبِ، لسَّلامُ عَلَى الْبَدَنِ السَّلیبِ، سلام اولسون اوآچلان باشلارا،هامی شهید لره امام زمان جمع سلام ویرور اما علی اصغره یتیشنده الین قویور سینه سینه السلام علیک یا طفل الرضیع المتشهده) باشین اوزوب گوشون کی دییر آتدیلار یره شهپر چالار قضاوتی وجدانان آختارار اصغر قاناد چالانمادی باغلیدی الری قالوبدی عرصده آواره بیر آدامسیز آتا گمانی گلموری اما قدم قدمنن آتا یارالی قلبینی لشکر دوباره داغلولار الهی محشره باخ ال چالانلار آغلولار (آواره دولانور ،وای آدامسیزلیق الینن نه یاماندی ای خدا، هرکس چکمیوب بولمز) (امام حسین ایستوردی دردین بیرینه دیه باخوردی گوروردی ال چالولار یا گلولر ساخلادی اورگینده، بیردفعه گوردی بیر سس گلور) گتور منه بالامی گوزدن آتمارام قارداش قوجاقیمه یواش آلام اویاتمارام قارداش (زینبین سسین آلجاقین امام حسینین اورگی آچلدی باخدی باخدی) هاچاندی ایسی گون آلتندا قالمشام زینب خزان ویران ساری گل تک سارالمشام زینب بوکوفه اهلی ربابین باجی ایوین یخدی اونامه لرده نه یازمشدلار یالان چخدی (زینب گوردی حسینون اورگی داریخور دیدی قارداش پس نیه بئله آواره دولانورسان، دیدی باجی رباب دایانوب اوردا من هارا گلیم) ننه سینن اوتانما اوغلونون اصلا آدین دوتماز اوگونن کی گلین گلدی ربابی با حیا گوردوم دیدی احسنت الله سنی منه چوخ گورمسین زینب دم گرمینده آثار دم خیرالنسا گوردوم باجی گل آغلیاق باهم یارانی باغلیاق باهم اوالر چوخ یارانی باغلیبدی بارها گوردم ننمین سینه سین فضیله اسماء باغلیانمیردی ولی سن باغلادون زهرا بیوردی مرحبا گوردوم آتامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارین ییوردن جان دیوردون مجتبی گوردوم باجی اوندا سو واریدی اوندا سن یاراباغلیردون الان سویوخدی غم المه توکوم من گوز یاشی سن اصغرین قانلی بوغازین یو یارانی آچ دا من گوز یاشین آوش پا گوردوم من بوگون صبح آچلانان چکورم اوخ یارادان الله بئله اوخ گورمه میشم آی منی یوخدان یارادان

روضه حضرت ابوالفضل(ع) دیدیلر خالی ایدون فوری فراتین یولونی بو گرک سو آپارا خیمه لره سقادی (یتیشدی نهر علقمه پرچمین ویردی یره یعنی فرات اولدی بیزیم اوندا گوردولر رقیه قاچاقاچا گلدی ربابین خیمه سینه ننه معجریوی آل الیوه عمومی دعا اله مشکین دولدوردی سویونان یولونی نخلستانیدن سالدی بلکه حسینین بالالارینا سویی تئز یتیره اله یالواریر اللها ) خدایا قویما مندن قلبی سینسون غملی سلطانیم اوتوز بش ایلده بیر یول اولمویوب عشقیمده نقصانیم آپارسام مشکی اخیامه اولار آسوده وجدانیم ولیکن مشکیم اوخلانسا قالار الرده دامانیم (اله مشکی باسوب سینه سینه گلیر خیمه لره طرف دیدی خدایا ) الیمدن دوتماسون دوتما ازل پیمانینه خاطر سنه یالوارمیور بندون لب عطشانینه خاطر نه لیلا نه ربابون دیده گریانینه خاطر منه رحم ایلسون ایله حسینون جانینه خاطر (اله بو فکریده ئوز ئوزونه دانشیردی دییر الله فقط منی شرمنده المه بالالار یولومی گوزلور ) رقیه ایندی تل اوسته دوروبدور الده گیسوسی اوجالوب قمریلر مثلی سمایه ذکر یاهوسی حسینون آغلیور الان حرمده غملی بانوسی بشیکده من گلنده جان ویروردی تشنه آهوسی (رباب نقدر الیردی علی اصغری آرام الیه بولموردی اله آقا بو حالیده گلیر خیمه لره ) اولا صد حیف او مولانی قوشون دوره لدی مشکی اوخلاندی یوزه گوزلری قان یاش اله دی باغلادی کوفه لیلر حضرته چاره یولونی سالدیلار تندن اونون صاق قولونی صول قولونی (گوزونن اوخ وردولار، باشینان آهن عمود وردولار، امام زمان گوزلر دولوب قانیلان، آقانین گوزونه قان دولوب، خیمه لرین یولون ایتیریب، اله یانایانا دیدی عقاب منی خیمیه آپارما) گوزلرین قان بوریوب مرکبی ویلان دولانور خیمیه گیتسه بو احوالیله واویلادی یالوارور مرکبینه خیمه سرادن اوزاق اول تشنه لر گورسه منی روحیمه چوخ ایزادی یوخدی مشکیمده سویوم خیمه سرادن اوزاق اول اولا شرمنده گوروم بو اوخ آتان شدادی (قولار بدنده یوخ آتین اوستن یوزی اوسته گلدی یره قوشون جمع اولدی اولاری که جنگیده ابوالفضل آقانین قاباقینان قاچمیشدیلار الکی ابوالفضل آقا یخلدی آتدان ) دیدیلر بیچدی اجل داسی گل یاسی گلون آی قاچانلار گیدون یخدیلار عباسی گلون دولدی جمعیتیله نهریله میدان آراسی بیری دل یاره سی وردی بیری خنجر یاراسی باخدی اخیامه دیدی قلبیمی غم دلدی آقا گل حسین حضرت زهرا ئوزیده گلدی آقا (اوتوز دورد ایل حسینون محضرینده زندگی اله دی اما بیر دفعه قارداش چاغرمادی اوزمانیکه آتین اوستن یره گلنده دیدی قارداش ئولورم زینب دییر گوردوم تلین اوستونده حسینیم بیر خوشحال اولدی اونان رنگی سارالدی حسین نیه بو حالا قالوبسان قارداش؟ دیدی باجی اوتوز دورد ایل بو سوزون آرزو سندیدیم اونی اشیدمیشم ) سوزش لحن علمداریمده داغ داش سسلنور هیچ منه قارداش دیمزدی ایندی قارداش سسلنور (گلدی قارداش بالینینه یارالی باشین آلدی دیزی اوستونه یوزون قویدی ابوالفضلین قانلی یوزونه دیدی عباس گورورم گوزوه اوخ وروبلار نیلک، باشوندان آهن عمود دیوب نیلک، اما سندن بیر سوالیم وار ابوالفضل ) فرمایش ایتدی شه یانورام بو ملالیوه سویله گوروم نه گلدی او زیبا جمالیوه عرض ایلدی شها دیرم لیک غم یمه سن بیل ننون بو مسئله نی زینبه دیمه یاره دیر بو رسمیدی سرداره جنگیده آتدان دوشنده قالدی ایاقیم اوزنگیده مرکب دولاندروبدی منی قانه بورونموشم آتدان دوشنده تپراقین اوسته سورونموشم

‍ ورود ماه محرم حاج ولی الله کلامی زنجانی گینه قورولدی جدیوین عزاسی یابن العسکری چکیلدی عرش و فرشیده قراسی یابن العسکری وورولدی زنگ تعزیت یتیوب خبر پیمبره حسینوین عزاسی دور چکیلدی قاره گویلره آسیلدی قانلی کوینگی فراز عرش داوره قویولدی گویده تعزیت بناسی یابن العسکری مین اوچ یوز ایلدی آغلاروق یاراسینه دوا اولا دیولله بیر یاراسی وار اونا چتین شفا اولا گرک سنون ظهوریوه گیجه گوندوز دعا اولا قالوب سنه اورکده کی یاراسی یابن العسکری هر ایل قرا گیینده بیز خلوص و اعتقادیلن بیر عده یهودخو باخور بیزه عنادیلن نه فرقی واردی شمریلن یا عبید ابن زیادیلن وورار بیزه اوکس که دل یاراسی یابن العسکری نجه دایانموسان آقا سکوت و حلم و صبریده گلوبدی تنگه شیعه لر کمند ظلم و جبریده قالوب ربابین اللری اورک باشیندا قبریده ظهورون ایلر آرزو دعاسی یابن العسکری سالوب توان و تابیدن حسینی شدت عطش خیام و قتلگاهده ایکی امام ایدوبدی غش وجود حجته گوره خانم چوخ ایتدی کشمکش الیندن اوپدی فاطمه آناسی یابن العسکری گوروب که شمر باخمادی سیزیلتیه ترنمه دوتوب زبس که قان گوزون چتین گله ترحمه قاچوب امیر لشکرون سراغینه تظلمه که بلکه شمرون اسگیله جفاسی یابن العسکری یتیشدی ابن سعدیلن مقابل اولدی روبرو دیدی حسینی اولدورور بو شمر شوم فتنه جو مظایقه گل ایلمه یوزونده اولسا آبرو مگر قویاردی باشدا ری هواسی یابن العسکری بویوردی هیچ یادوندا وار بابام علی خلافتی ووران زمان وجودیوه حدود شرع ضربتی چیخوب یادوندان ای عجب حسینیمون وساطتی دیوب بو دردی اولمادی دواسی یابن العسکری یتوشدی اوندا بیر نفر شتابیلن سراسمه دلنده البشاره و اورکده خوف و واهمه امیر مژده ویر تاپوب حسینین امری خاتمه پوزولدی اوندا عموین نماسی یابن العسکری خانم قیتدی مقتله دوباره قصد قربته طواف ناف کعبیه فضیلت زیارته اوپوب کسیک بوغازینی گلوب کمال رقته تکان ویروب مدینیه بکاسی یابن العسکری همان حسیندی بو بابا آنام چکردی نازینی سینونده اگلشوب سنه دیردی هر نیازینی همان حسیندی گورموشم اوپنده سن بوغازینی دیدی دیدی اوجالدی هی نواسی یابن العسکری جوابی گلدی زینبه چوخ ایلمه فغان بالا گرک بو قان بیله قالا گله او قان آلان بالا گتوردی شوره زینبی بو سوز جاغوردی جان بابا هایانداسان حسینیمون بالاسی یابن العسکری استادطالبی

#ورود_به_محرم #ترکی https://eitaa.com/turki_nohemajma

نوحه حضرت قاسم ترکی https://eitaa.com/turki_nohemajma

‍ ‍ عم اوغلی صبریم جالاندی خانه­‌ی بختیم تالاندی اووچیلارا اسیر اولدیم دادیمه تئز گل آماندی باغریم اولوب قان عم اوغلی گوزلره قربان عم اوغلی حیجله­سرا تالان اولدی گلین‌لیگیم یالان اولدی اوستومه آد قویوب گئتدین دردین منه قالان اولدی باغریم اولوب قان عم اوغلی گوزلره قربان عم اوغلی فلک سنه کمند آتدی اولادی آرزیا چاتدی سنین آدین دیله دوشدو اما منیم آدیم باتدی باغریم اولوب قان عم اوغلی گوزلره قربان عم اوغلی اورگیمده سوزوم قالدی نه قلبیمده دوزوم قالدی کج باخیب آیریلاندا سن گوزلروندا گوزوم قالدی باغریم اولوب قان عم اوغلی گوزلره قربان عم اوغلی چاغماغینی فلک چاخدی گوگده بیر ایلدیریم شاخدی چوخلار آیدینلیغا چیخدی منیم بخت اولدوزوم یاتدی باغریم اولوب قان عم اوغلی گوزلره قربان عم اوغلی سالدی منی بلا جاندان ظلم و جفای دوراندان بزندی توی گونو سنین آغ کوینگین قیزیل قاندان باغریم اولوب قان عم اوغلی گوزلره قربان عم اوغلی خوش گونو نیلیرم سن‌سیز گول بئجرم درم سن‌سیز چتین گوره ائل قبیله­م زولفلریمی هورم سن‌سیز باغریم اولوب قان عم اوغلی گوزلره قربان عم اوغلی داغیلدی ائللریم گئتدی سویولدوم زیوریم گئتدی سندن قالان نشانیدی گلین‌لیک معجریم گئتدی باغریم اولوب قان عم اوغلی گوزلره قربان عم اوغلی آهیم الوودان سئچیلمز دردیم اورکدن بیچیلمز سنده منی گوزدن آتسون عشقون اورکدن کیچیلمز باغریم اولوب قان عم اوغلی گوزلره قربان عم اوغلی کوفیه گلدی قطاریم سارالدی گول تک عذاریم قانلی باشون جدا اوسته اولدی منیم هم جواریم باغریم اولوب قان عم اوغلی گوزلره قربان عم اوغلی منه دشمن ال چالاندا جان قویمادی غم بو جاندا تاری بیلیر نه چکمیشم نی ده باشون داشلاناندا باغریم اولوب قان عم اوغلی گوزلره قربان عم اوغلی گلستاندا تکان بیتدی گوزل یاریم گوزدن ایتدی دویولمکدن یورولمازدیم منی شماتت اینجیتدی باغریم اولوب قان عم اوغلی گوزلره قربان عم اوغلی داشلانیب چرخین جفاسی دردیمین یوخدور داواسی هر یارایا مرهم اولسا ساغالماز هئچ دیل یاراسی باغریم اولوب قان عم اوغلی گوزلره قربان عم اوغلی اووچو کمانه اوخ تاخار جیران قاچار دونر باخار تانیش داشی اوخدان بتر هم گوینه­در هم ائو ییخار باغریم اولوب قان عم اوغلی گوزلره قربان عم اوغلی قیشده قوپار دومان یئردن اورگ یانار یامان یئردن کوسمگه حقلی‌سن مندن کونول کوسر اومان یئردن باغریم اولوب قان عم اوغلی گوزلره قربان عم اوغلی بلبل اوچار گوگه بیلمز گول تیکانلیق سئوه بیلمز آداخلیسی اولن گلین هئچ قاپینی دویه بیلمز باغریم اولوب قان عم اوغلی گوزلره قربان عم اوغلی غم منی زینهاره گتدی آغ گونومو قارا گتدی فلک قولومو باغلادی مجلس میخاره گتدی باغریم اولوب قان عم اوغلی گوزلره قربان عم اوغلی هامی یارین عزیز ایستر گلین گئده­ن جهیز ایستر گوزلروننان ایراق اولسون دشمن منی کنیز ایستر باغریم اولوب قان عم اوغلی گوزلره قربان عم اوغلی آخار سودا بالیق اوزر آی باتاندا اولدوز سوزر توی گورمین یاسلی گلین کنیزلیگه نئجه دوزر باغریم اولوب قان عم اوغلی گوزلره قربان عم اوغلی بو چرخ سفله و دنی بلادن اینجیدیب منی دشمن ائوینده گوزلریم قورخا قورخا گزر سنی باغریم اولوب قان عم اوغلی گوزلره قربان عم اوغلی باغلار قالیب سئل آلتیندا سنبل سینیب یئل آلتیندا باغریم قان اولدو آزگلنن؟ قانه باتان تئل آلتیندا باغریم اولوب قان عم اوغلی گوزلره قربان عم اوغلی  حضرت قاسم بن حسن,  ✍سیفی اردبیلی ╔ ✾ ✾ ✾ ᐸᐸ════════╗ ✅ ╚════════ ✾ ✾ ✾>> ╝ #سبک نوحه بانوای ناصراسدی اردبیلی 👇👇👇👇👇👇

‍ ‍ حضرت ابوالفضل علیه السلام ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی 👆 سبک بانوای سید محمد عاملی اردبیلی https://eitaa.com/turki_nohemajma

‍ روضه عصر عاشورا عصر عاشوریده اول هلهله غارتدن دوردی بیر لشکر شومیله برابر زینب چکدی بیر بیر اوت ایچیندن بلشن قیزلاری بیری دیور عمه یانیرام گوردی رقیه سسلیور عمه یانیرام ویردی یولاردا کبوتر مثلی پر زینب گه قاچوب مقتله گه قاچوب خیمه لره اوصفا مروه نی سعی ایتدی مکرر زینب اوتلارون ایسی سینه خیمه لرین توسی سینه خبر آلما نجه تاب ایلدی مضطر زینب یوماموشدی گوزونی اوچ گئجه گوندوز اوخانم نه ده ایتمیشدی سودان دل دوداقین تر زینب دیلی آغزندا دولانموردی عطشدن دانشا کوله دونموشدی اوگلبرگ معطر زینب هرنه سعی ایتدی دیه بولمدی بیر جان قارداش آیرلانموردی حسینون یارالی نعشوندن دولانوردی سر گوداله مدوم زینب گلدی بیر سس باجی قاش خیمه لره یاندی بالام اومریض اوغلوما اول خیمه ده یاورزینب چکدی سجاد آقانی اویانان چادردن حیرته ماخلقی سالدی سراسر زینب بارک الله بئله ایثاره سمادن دیدیلر یعنی عرش اهلی هامی زینبه احسنت دیدیلر حرم آهولری چولرده دیور یازینب ☑️👆 سبک بانوای عطابک عبداللهی https://eitaa.com/turki_nohemajma

نوحه ترکی حضرت رقیه @majmaozakerine #کانال_نوحه_مجمع_الذاکرین

‍ سینه زنی حضرت رقیه(ص) ای ویرن ویرانه یرده توپراق اوسته جان رقیه دائماً حسرتدن آغلار گوزلره قربان رقیه لایلای ای آرام جانیم لایلای ای شیرین زبانیم ظلم الیندن درده دوشدون تاپمادون درمان و چاره غم سنی اوچ یاشدا ایتدی قلبی یاره بختی قاره من الی قوینیندا قالدیم وای دیدیم بو روزگاره سولدی گل تک ابتلادن نوگل خندان رقیه عموون دوندی خزانه جور اعدادن بهاری روز وشب یاندون بلادن ایلدون چوخ آه و زاری غم سنی سالدی دوزومدن قلبوون گیتدی قراری اولمادون راحت اُلنجه غصه دن برآن رقیه باشوه زهرا آنام تک تز غبار غم الندی ناره دوندی آه قلبون ابتلادن شعله لندی نه یوزون گلدی دویونجا ، تللرون نه شانه لندی چوللری قول باغلی گزدون بیکس و ویلان رقیه چشمه امید عمرون ظلمیدن دوندی سرابه دوندروب بیداد دوران نازوی قهر و عتابه خانه اقبالون اولدی بو اوچوق پوزقون خرابه درّ تک اولدون بوو ویران خانه ده پنهان رقیه اینجیدون قول باغلی قوش تک تنگی دام خطردن روزگار سفله پرور تز سنی سالدی نظردن باغریقان اولدون مارالیم سیلی لردن قمچی لردن اولمادی قبره گیدونجه مشگلون آسان رقیه هم منیم اولدی جفادن هم سنون برهم تفاقون سقف سیز ویرانه اولدی آخر عمرونده اطاقون نه گونوز گلدی قوناقون نه گیجه یاندی چراغون سن دیدون وای یاندیم عمه من دیدیم جان جان رقیه تنگه گلدی اودلی سینون تنگ و ظلمانی قفسدن شور وشوق زندگینی ترک ایدوب گیتدون هوسدن بو قوری توپراقلار اوسته آغلادون دوشدون نفسدن حال محنت بارون ایتدی سینمی شان شان رقیه قویمادی دوران سیلنسون گرد غم هرگز یوزوندن دویمادی عمون او شهد نابیدن شیرین سوزوندن باشوی آلدیم قوجاقه دَمبدم اُپدیم گوزوندن یات دیدیم دنجل بو یورقون جانوه قربان رقیه ✍سیفی اردبیلی بانوای مرحوم استاد سلیم موذن زاده اردبیلی 👇👇👇 https://eitaa.com/turki_nohemajma

‍ روضه حضرت ابوالفظل(ع) گرنخیزی توزجا کار حسین سخت تر است نگران حرمم آبرویم در خطر است ای رشید حرمم بی تو حرم غارت شد آخر این خیمه غارت شده دختر دارد گلدیم هرایه قارداش ای قهرمان ابوالفضل سیندی بلیم غمونن سیندی بلیم ابوالفضل بزم وصاله قارداش باشون یارا گدورسن سن بیل رقیه جانی منسیز هارا گدیرسن بیر بوسه ویر حسینه گلدن گوزل یوزوندن قولسوز نجه چکوبسن اوچ پر اوخی گوزونن گوردی عباس ایله آغلور،عباس ننون ام البنین یادیوادوشوبدی؟یتیم بالان یادوادوشوب اله آغلورسان؟نه وار دیدی حسین جان هرشهید جان ویرنده جان ورنده سن گلوردون باشین آلوردون دیزوین اوستونه آغلوردون اوخشوردون حسین،بونا آغلورام سن ئولنده کیم گله جک، دییرم عباس گلدیلر اویارالی جنازنی دوره لدیلر، دور گودال ازدهامی شد معرکه غرق در حرامی شد لشکر کوفه دوره اش کردن سنگ وتیرش زدند تا پیشانی آنقدر نیزه خورد برجسمش نیزه بر روی نیزه جامیشد بدنش راکه پشت رو کردن زخمها تازه خون وامیشد بوگیروداریده گلدیم گورم حالین نجه دی بیان ایله باجین ئولسون اوبیر یاران(اورک یاران)نج

‍ درگاهیوه دخلیم صاحب لوا ابوالفضل قیل دردیمه مداوا مشکل گشا ابوالفضل ای صاحب کرامت یا حضرت ابوالفضل سرچشمة شجاعت یا حضرت ابوالفضل وار سنده عالی غیرت یا حضرت ابوالفضل قربان آدیوا اولسون ارض و سما ابوالفضل عالمده دردمنده دارالشّفا واروندی هر ناعالج مریضه آقا دوا واروندی سائللریوه هر دم لطف و عطا واروندی امّید بی پناهان سنسن آقا ابوالفضل سن کربلاده مولا دنیا داشینی آتدون تک قویمادون امامی، قانیوه اوردا باتدون ایثار و غیرتیلن جاه و مقامه چاتدون باب الحوائج اولدون عالمده یا ابوالفضل قربان سنه ابوالفضل حق سنگرینده قالدون آل عبانون اوسته عشقیله سایه سالدون جنگ ایلدون او چؤلده لب تشنه نهری آلدون سو ایچمدون او حالدا باخدون سووا ابوالفضل مشکین سویون اورکده سن ساخلادون ابوالفضل اوخ ویردیلار او مشکه دل داغلادون ابوالفضل اخیامه گئتمدی سو قان آغلادون ابوالفضل چکدون نئجه خجالت ای باوفا ابوالفضل مشکیوه اوخ ویرانلار نهرین یولون کسوبلر ظلمیله سو یولوندا صاق و صولون کسوبلر قیمت سووا گؤزیوی بیر جوت قولون کسوبلر دشمن سنه او چؤلده ائتدی جفا ابوالفضل ☑️ سبک بانوای کربلایی ناصراسدی 👇👇

‍ ‍شام غریبان 🖤♫ میکس برتر : #زینبم زینبم صفحه یِ غمده یازیلیب اسراریم قارداشیم قانه باتیب ،اوددا یانیر بیماریم! تلل-ی غم اوسته باخیر گؤزلریم ای شاهد-ی بزم قان دنیزینده اوزور بیر اوجابوی سرداریم! اودا چکمیش نه گوناه اوسته بیزی کوفه لیلر اود الوو ایچره یانیرخئیمه لریم،قیزلاریم! قاسیمی الده حنا ،قانه باتیرمیش دوشمن طوی گئجه سی بویانیب قانه گؤزل دیلداریم یاندیریب غارت ائدیب الدیلار گوشواره لری نقطه یِ خال-ی مصیبت ده گزیر پرگاریم اوغلومو قارداشیمی دوغرادیلار مئیداندا گون قاباغیندا قالیب دیر یارالی انصاریم یارب اؤز عهدیمه ،پئیمانیمه ثابت قالدیم، صحنه یِ محشر-ی کبری دی بوگون بازاریم یازدی تاریخ-ی قضا صحنه یِ عاشورانی سنه خاطیر سر-ی کویوندا گزیر ایلقاریم صبح-ی عاشور-ی بلا یازدی «تدین»بو سؤزو سؤیله ییب عهد-ی اَلَسْت اوسته گزیر افکاریم! ☑️ 👇👇 🖤♫ شاعر : #بان🖤♫ سس : #محسن 🖤 @majmaozakerine #کانال_نوحه_مجمع_الذاکرین

‍ سینه زنی حضرت علی اصغر علیه السلام ای غنچه دهن لای‌لای، پیکانی امن لای‌لای قبری ننه‌ده‌ن گیزلین، قونداقی کفن لای‌لای لای‌لای گوزه‌لیم لای‌لای، شیرین غزه‌لیم لای‌لای یاز گونلری گول وقتی، سولموش خزه‌لیمب لای‌لای آخر گئجه سینه‌مده بیر حالدا سارلمیشدون چون شمعِ شبستانی یاندوقجا آزالمیشدون بیلدیم سَحَره خاطر، جبراً دیری قالمیشدون بیلمَزدی ندیر دردون سویلَردی گورَ‌ن لای‌لای آشفته هواسیله، فکریم کیمی مُختلّم هر آن اوزومو تاپسام بیلسَم یئریوی گَلَّم بیر آز سود امیب، یاتسون منده بالا دینجَلَّم خوشدور دویا دلبندون اوندان دییَسن لای‌لای نسبت آنا عشقینده بیر ذرّه مجاز اولماز قانلی دوداقون اوپسَم جان نقدینه آز اولماز کیم بیلمیرَ‌م اورگَتدی، سنده بئله ناز اولماز آغلا سسیوه قربان چاللام تَزَدَ‌ن لای‌لای شش‌ماهَمیله بِش آی گزدیم نئجه داغ داشدا ال گاه دعادئیدی، گه سینَده گه باشدا ایلّیک قوچ اولار قربان، هئچ اولماسا بیر یاشدا ایلّیک یئرینه اَملیک قربان کسیلَن لای‌لای هر گون نئچه یول اوغلوم، مندَ‌ن سود اَمَردون سن دویجاق منه هر لحظه نازیله گولردون سن آرتیق سودو آغزوندان اطرافه سَپَردون سن تئز-تئز سنی اوخشاردیم قربان سنه من لای‌لای یادیمه دوشَر یارون هر دم دییَرَ‌م جان جان اولمادی سودوم مندَ‌ن اولدون بئله رو‌گردان لب تشنه چیخان جانه، شرمنده ننون قربان قویدون منی چوللرده یات قبریده سن لای‌لای آغ دوشلوگ اولار طفله، پاکیزه برازنده داشلانسا سود آغزیندان سالماز لکه روبنده آغزوندان آخیب قانون ای آهویِ زیبنده سینونده چیچه‌ک بیتمیش خنداندی چمن لای‌لای : @majmaozakerine

‍ روضه ابی عبدالله در فراق علی اصغر بالا قوجاقینده ابی عبدالله آقا گلدی میدانه؛بالانی ویروب عبانین آلتنا لشکر اله بولدی آقا قرآن گتیریب میدانه عبانین آلتیندا اما گوردولر عبانین آلتندا بیر صود امر بالانی نشان ویرور لشکر بالام یانیر گوردولر عمرسعد دستور ویردی حرمله ئوزون جوابین ویر حرمله دیزلرین یرده برکیتدی اوخی قویدی کمانه اوخ کماننان قوتاروب قیلدی مسیرینده شتاب قورخولی یلر اسوب گون یوزونه سالدی نقاب دیدی حلق اصغره خیمده دیسگیندی رباب اوزمانی که اصغرین بوغازینن اوخ دی گوردولر خیمده رباب الرین قویدی گوزونه بالانی قویدی یانان اورگینین باشنا بالا هی ال ایاق چالدی حسین هی باغرینا باسدی آغلاما دینمه بالا دینمیه نین وار دیننی بالا بالا قوجاقینده اله اوتانیر خیملره گلمگه نه میداندا قالا بولور نه خیمه لره قییده بولور خیمیه ایستیرم گیدم گلمیرئوزوم گدنمیرم حرمله هی باخیر گولور عرصده تاب ایدنمیرم قوی گئنه خیمیه گئدیم حرمله نی گورمیرم 👆 @majmaozakerine #کانال_نوحه_مجمع_الذاکرین روضه بانوای گرم حاج جواد نادری اردبیلی 👇👇👇

‍ زنجیرزنی شیعه گل عزایه گلدی ماه ماتم باشلانوب محرم عالمی دوتوب غم ای خدا نه طوفاندی قلبیلر بوتون قاندی یا حسین مظلوم یا حسین او عطشان اصغرون فداسی جدیوین شبیهی اکبرین فداسی قیل کرم ، کرملی الرون فداسی ای خدا نه طوفاندی قلبیلر بوتون قاندی یا حسین مظلوم کل عالم اولدی غم سرا بو آیدا یاس دوتوب حسینه مرتضی بو آیدا مسکن اولدی شاهه کربلا بو آیدا ای خدا نه طوفاندی قلبیلر بوتون قاندی یا حسین مظلوم کربلا بو آیدا لاله زار اولوبدور گلستان طاها ظلمیلن سولوبدور بو عزاده دلر قانیله دولوبدور ای خدا نه طوفاندی قلبیلر بوتون قاندی یا حسین مظلوم قاره پوش اولوبدی ماسوا سراسر یاس دوتوب حسینه جنت ایچره حیدر سس سسه ویریبدیر آغلیور ملکلر ای خدا نه طوفاندی قلبیلر بوتون قاندی یا حسین مظلوم ☑️ 👇: @majmaozakerine #کانال_نوحه_مجمع_الذاکرین

‍ ‍ حضرت مسلم گریز به حضرت ابوالفضل مسلمم من سفیر حسینم بیشه حقده شیر حسینم اهل کوفه کمنده سالوبلار قاچمارام من اسیر حسینم ای منیم سروریم یا حسین گل حجت داوریم یاحسین گل بی وفالر منی ئولدورولر یولدادی گوزلریم یاحسین گل گلمسن مسلمه کیم ویرر سس قالمشام کوفه شهرینده بی کس گردنیم قالدی جلاد الینده ای باشیم صاحبی هارداسان گل عاشق خسته دلداری سسلر بی قرارم دلیم یاری سسلر مسلم بن عقیل عاشقانه جان ویرنده علمداری سسلر آی منیم یاوریم آی ابوالفضل قالمشام من غریب آی ابوالفضل مسلمی قبلیه دوندرن یوخ باشیوه گل دولانم ابوالفضل (اوچ نفرین جنازه سین اوجایردن یخدلار یره، بیری امام جواد علیه السلامدی راوی دییر کوچه دن رد اولوردم گوردوم دامن اوستوندن بیر عده قوش انیر قالخیر کنیز دن خبرآلدم اودامدا نخبروار جواب ویردی مگر خبرین یوخدی فاطمه بالاسنین جنازه سی گون قاباقندا قالب ملعونه همسری زهر ویرمیشدی جنازسین قویموشدی دامن اوستونده اله کی بولدی مردم خبردار اولدولار امام جوادن جنازه سین دامن اوستوندن آتدی یره ایکمجی جنازه جناب مسلمون جنازه سیدی دارالعماره نین اوستونده اول باشین بدنینن آیردلار آتدلار یره دالسیجا جنازه نی آتدیلار یره اوچومونجی جنازه کیمیدی) گوردی باش آچخ قولسوز آتدان یخلیر سقا تاب ایتمدی بو حاله خاتون بهشت آرا رد اولجاق آت اوستوندن عباسی دوتوب زهرا گلدی عباس آدی سو صحبتی یاندی اورگیم گوزده حی جلوه لنوب کرب وبلا میدانی گوردی عباسی باسوب باغرنا اسلام علمین مشکی ساقدی هله ایستیر چخا نخلستانی چخدی امانجه چخماق نه صاق ال وار نه صول ال نجه چخسون هارا گیتسون یارادی هریانی حرمله ایتدی کمین گوردی عجب فرصتدی اوخلارینان سچیب اوچ شعبه لی بیر پیکانی سجده آثاری اولان آنی نشانه دوتدی گوردی نه واردی حریفین الی نه قلخانی اوخ دیوب قالدی هدفده یازیرام یازهرا سن کی اوردیدون ئورون گورموسن اول بحرانی ال اگر اولسا مین اوخ دیسه ده انسان چخادار ال اگر اولماسا بیر اوخدا یخار انسانی گوردولر ام بنین اوغلونی مشکلده قالوب اشک آخور مشکه باخور ضعف دوتوب اعضانی ایکی دیز دوتدی اوخی باشینه ویردی حرکت دوشدی عمامه عیان اولدی سر عریانی گور سپرسیز باشا نیلر دیه بیر آهن عمود قالدی بیر حاله دولوب گوزلرزنه القانی یل اسوب گوزلرینین قانینی پرچم سیلدی گوردی مشکینده سویوخدی اوجالوب افغانی دیدی گل سیدی شرمنده علمداریوی تاپ یخلدی سقا یره باش یارالی قان گلور اوسسلنور یاحسین داده اوخ وران گلور یاحسین یاحسین گل هرایه هارداسان گلدی زهرا ننم کربلایه هارداسان گوزل آقام ئوز آقام واراورکده سوز آقام من سنسیز دوزنمیرم سن بودرده دوز آقام حیدر اوپن الره دوشمن وردی گوز آقام آختاریردیم بوحالی هرگئجه گوندوز آقام وای منه وای منه وای ربابه وای منه گل یولون گوزلورم گوزلریم قربان سنه https://eitaa.com/turki_nohemajma

روضه حضرت مسلم.ترکی

✍✍گزیده ای از شعر ازدواج حضرت علی(ع)و حضرت زهرا(س) 🌹🌹🌹🌹🌹🌹🌹🌹🌹 گون او گون اولدی گیدور زهرا عروس اولدی حوریلر بو عروسه پای بوس چخدی ائودن فاطمه خوش حالیلن آلدیلار اطرافینی اجلالین قیز عروس اولسا اولا خوشدور آنا ایلیر حاضر جهازیّه اونا اوندا زهرانون یوخیدی مادری آغلیوب آغلاتدیلار پیغمبری ناقه اوستونده عروس مه جمال قدی طوبا شبه طاها خوش خصال هاشمیّه قیزلار آلدی دوره سین میر شب سالدی قرانلق پرده سین اُم ایمن، فضّه و اسماسی وار مین آنادان مهربان باباسی وار نه آناسی واردی نه قارداشی وار گوزده مروارید تک گوزیاشی وار نور رخساری چخوردی گوگلره غرق شادی دور مدینه یکسره گوگده اولدوزلار باخور چشمک ورور صاق صولا رقص ایلیور زیبا آخور سسلنور حور و ملک یا فاطمه سسلنور چرخ فلک یا فاطمه قالمیوبلار بیر او قدری منزله منتظر داماد، ائوه زهرا گله دوردی ناقه دوردی ناگه حاضرین بو توقُّفدن وله دور عابرین حضرت پیغمبر اولدی باخبر منزل داماده زهرا گتمیر علّت اِستِفسار ایدوب شاه زمن ای قزیم ایتدون توقف بس ندن عرض ایدوبدی آزدی مهریّم بابا ایتدی فرمایش عجب الان بالا عرض ایدوبدی مرتضایه مایلم اوز عم اوغلومدور اونیلان یک دلم تا دوتوب پیغمبرین قلبین محن نازل اولدی جبرئیل خوش سخن سویلدی ای افتخار کائنات ابتلا بحرینده کشتی نجات حق تعالادن گتوردوم من سلام امر ایدور زهرا نه ایستور حاضرام اختیار جنّتی ویردیم اونا قویما آز مهریّه دن قلبی سنا کلّ افلاکی یری دریالری کهکشانلاری بو ماه و اختری امر رحمانی یتوردی دختره اولمادی راضی خانم بو سوزلره آز قالوب خُلق عظیم اولسون پریش قلب پاکی غمدن اولسون ریش ریش ایتدی فرمایش قزیم دردون نه دور؟ شمع عشقیم جان سنه پروانه دور دوردومنجی آسماندا جشن وار ورما بو جشنی بهم ای گلعذار مقصدون بو مهریدن گلمور اله بو سکوت عالملری ایلوب وله آچدی دل گفتاره اول مریم شیم عرض ایدوب بابا علیدن راضیم ایستورم الله عنایت ایلسون اُمّته زهرا شفاعت ایلسون نازل اولدی جبرئیل خوش قدم قول حَقلن عرض ایدوب ای ذوالکرم ویردی کتباً قول ذات ذوالجلال فاطمه قلبین دیدی بو سوزده آل گور روادور بو خانم مظلوم اُله؟ سینه سین مسمار ظلمیلن دله شاخ برگ زندگیسی تز صولا غنچه سی گول ویرممیش پرپر اولا ال دگرمانی چکن الدن عدو تازیانه وُردی گور انصافدی بو؟ ظلمیله درگاهی اودلانسون بلی ذوالفقاره هی باخوب یانسون علی بسدی «عینی فرد» قورتار مطلبین شعریلن ترویج ایله مکتبین استاد_عینی_فرد_زنجانی https://eitaa.com/turki_nohemajma #کانال_ترکی_مجمع_الذاکرین

ازدواج مولای متقیان علی ابن ابیطالب (ع)با یگانه گوهر پیامبر حضرت زهرا (س) ✒️ #سید_رضا_حسینی_سعدی_زمان بساط جشن مرتب ایدوبله آل مناف قورولدی زوجه شیر خدایه بزم زفاف زفاف فاطمه ده وارنچه دقیق نکات اگر دیویلمسه اولماز جلالتی اثبات او وقت اولوب که بتولی عروس آپارسونلار یول اوسته دوردی دایاندی شفیعه عرصات دیدی رضا دگولم من بو مهره یا ابتا ولی عم اوغلوما واردور رضا یتمده ثبات اودمده نازل اولوب جبرئیل گتدی پیام دیدی رسوله که زهرایه ایله تبلیغات بهشت اثاثنی برده بو عالمین خمسین یازوبلا فاطمیه مهر گویده کی قضات بتول اولمادی راضی عروج ایدوب جبریل گلوب دوباره ایدوب عقل کله کشف نکات بهشت نهرلریندن خدا دیور دورت نهر بتول مهرینه آرتوردوق ای امیر هدات بو عالمین سولارینداندا یازمشوخ دورد ین بریسی بلخ بری نهروان و نیل و #فرات حسین آناسینا مهریه دور فرات اما حسینی الدوره جاق تشنه کربلاده عدات باخار فراته دیرالعطش یانار جگری یارالاریندان آخار قانی هر یانا چو قنات دیدی بتول بو مهره گینه رضا دگلم پوزولدی حالتی دلگیر اولدی مظهر ذات امین وحی گتوردی پیام رب جلیل بو نوع ایلدی خیرالورایه کشفیات یری گوئی فلکی دوزخیله جناتی حق ایتدی فاطمیه مهر ای حقه مرات گینه بتول دایاندی دیدی رضا دگلم پیمبر آلدی قیزیندان او دمده توضیحات قیزیم نه ایستوسن علت نه دور رضا دگوسن گلوب تکلمه عرض ایتدی اول حمیده صفات نظر بابا بلوسن امتین شفاعتیدور منه نه لازمه دور حوض کوثر و جنات امین وحی نزول ایتدی الده بر طغری او مهرنامه نی زهرایه ایتدی تقدیمات یازوب او نامه ده دادار دست قدرتیله حبیبه دور منه زهرا شفیعه عرصات قیامتین گونی زهرا اگر شفاعت ایده بغشلرم اولی مستوجب بهشت عرصات اومهر نامه نی بر حقه ده بتول آلدی محافظ اولدی او طغرایه تا واریدی حیات دیدی النده عم اوغلی بو حقه نی ساخلا منیله دفن ایله من نوش ایدنده جام ممات دیدی ندور دیدی بو حقه مهر ناممدور بو دور جزاده ویرن جدیم امتینه نجات مطول اولدی سوزون مختصر بیانیلیه چتین #حسینی تاپا خاتمه بو تالیفات https://eitaa.com/turki_nohemajma #کانال_ترکی_مجمع_الذاکرین

ازدواج آسمانی 🔸🔹🔸🔹🔸🔹🔸🔹🔸🔹🔸🔹🔸 🔹بو سوز که شیعه لره چوخ بیوک بشارتدور 🔸زبانحال دگول معتبر روایدور 🔹مقام فخرده بیر گون علی ولی خدا 🔸مخاطب ایتدی بتولی بیوردی یا زهرا 🔹مگر یوخوندو خبر ؟بو سوزی ایشیت مندن 🔸آتان رسول امین چوخ سور منی سندن 🔸دوتوب عم اوغلوسونا یوز خطاب ایدیب زهرا 🔹بو سوز نه سوزدی دیورسن سن عموغلی واعجبا 🔸رسول اکرمین عالمده میوه ی دلیم 🔹بیر عضو عضو لرینن او شاهه سویگلویم 🔸دینده بو سوزی زهرا علی اعلایه 🔹جواب ویردی شه بیمثال زهرایه 🔸اینانموسان سوزدنی ایعزیزه عالم 🔹حضور حضرت طاهایه گل گداخ باهم 🔸دوروب ولی خداییله فاطمه باهم 🔹حضور احمد محموده گلدیلر توام 🔸تقدم ایلدی زهرا او برج عصمته ماه 🔹کمال نازیله عرض ایتدی یا ولی الله 🔸سنون یانوندا عم اوغلوم احب دور یا من؟ 🔹بیور صریحنی سرّ ضمیری قیل روشن 🔸بیوردی ختم رسل پادشاه ملک حجیز 🔹احب سن منه سن مرتضی ده سندن عزیز 🔸علی بیوردی که مومنلره منم صالح 🔹دانان ولایتیمی اهل ناردور طالح 🔸خانم دیدی منم اول کسکه مصطفادی آتام 🔹حبیب ذات خدا ختم انبیادی آتام 🔸علی بیوردی که من طورده اولان شجرم 🔹جواب ویردی خانم من او نخله ده ثمرم 🔸خانم بیوردی انا بنت من هوالمحبوب 🔹بغشلنر او شفاعت ایدنده ذنوب 🔸علی بیوردی تانور فاطمه منی عالم 🔹نماز اوسته منم سائله ویرن خاتم 🔸علی دیدی من اومهرم یانیندا جفت قمر 🔹خانم بیوردی منم مادر شبیر و شبر 🔸بو یرده نطقه گلوبدور رسول عالمیان 🔹دیدی دانیشما قزیم چون علیدی ذوالبرهان 🔸منیم عم اوغلوم علی منبع جلالتدور 🔹اولاندا روز جزا صاحب شفاعتدور 🔸بیوردی ای دل غمدیده مین سروری قزیم 🔹ایشقلی گوزلریمون بو جهاندا نوری قزیم 🔸ایاقه دور بالا اولما ملول و دلخسته 🔹باشندان ئوپ عمون اوغلی علیدن عذر ایسته 🔸بودور یانیمدا دوروب جبرییل و میکاییل 🔹علاوه قابض الارواح بیرده اسرافیل 🔸گلوب اولاریله دورت مین ملک بو ماوایه 🔹ایدولّه جمله حمایت علی اعلایه 🔸خانم دوروبدی علیدن چوخ اعتذار ایتدی 🔹باشندان ئوپدی لبیندن گهر نثار ایتدی 🔸دیدی بغیشله منی یاابالحسن سندن 🔹چوخ اعتذار ایدیرم اولما دل غمین‌مندن 🔸بلنمورم ندی مفهومی بو معمانین 🔹الیندن ئوپدی علیده بتول عذرانین 🔸علی بولوردی همان ال نه خدمت ایلیه جاخ 🔹وصی مطلقه بیر گون حمایت ایلیه جاخ 🔸او الدی قویمادی چکسونله بیعته شاهی 🔹که ئوپمدی اسدالله دست روباهی 🔸ایا امام زمان یا بقیه الرحمن 🔹بو عرضیمه ایدورم من اوزوندن استیذان 🔸دینمورم او اله نه بیوک جفا ایتدی 🔹علی ئوپن الی قنفذ وروب شکست ایتدی ..... 🔴اللهم العن کلِّ ظالم ظَلَم حقَّ محمّد و آلِ محمّد 📚کتاب چهارده معصوم حسینی صفحه ۴۵۳ الی ۴۵ https://eitaa.com/turki_nohemajma #کانال_ترکی_مجمع_الذاکرین