نوحه حضرت علی اصغر الله منیم دیلسیز بالام میداندا اوخلاندی قانیله قنداق ایسلانوب حالیم پریشاندی سیراب ائدوبدی حرمله شش ماهه مهمانی نه سو نه صود ایستور داخی یوخ جسمیده جانی مندن قبول ایله خدا بو اوخلی قربانی باب الحوائج اصغریم قربان قرآندی بو آلتی آیدا اوغلومی یاددان چیخاتمازدیم گر یاتماسیدی صبحه چان هئچ منده یاتمازدیم لای لای دییَردیم تا یاتا بی وقت اویاتمازدیم یاتمیشدی بیدار ائتدی اوخ، قلبیم منیم یاندی زینب نماز اوسته منه بیلّم دعا ایلر ذکر توسّل عاشقی حاجت روا ایلر محشر گونی دلسیز شهید درده دوا ایلر اوغلوم قیامتده منه سرمایه¬ی جاندی اصغر گلنده محشره چوخ دللری داغلار اوخلی بوغازدان قان آخار حیدر باخوب آغلار زهرا قرا دسمالیلن اوخ یاره سین باغلار آغلار دییر بو تحفه¬ی شاه شهیداندی موضوع: #حضرت_علی_اصغر سبک: #امشب_به_صحرا_بی_کفن شاعر: #کلامی_زنجانی https://eitaa.com/turki_nohemajma

خروج ازمکه سبک : شبانگاهان حسینون اهل و عیالیله مکه دن چیخدی یارسول الله گوزی یاشلی غملی حالیله مکه دن چیخدی یارسول الله اونی دعوت ائتدی اهل عراق گئدور دشت کربلایه قوناق یارسوالله (۲) یانیندیدی اکبرو قاسم ایلموردی دردو غمی احساس گوتورموشدی پرچم دینی افتخاریله حضرت عباس جلوداری اولدی باطنده موسی وعیسی خضریلن الیاس وقارو عزو جلالیله مکه دن چیخدی یارسول الله اونی دعوت ائتدی اهل عراق گئدور دشت کربلا یه قوناق یارسول الله (۲) نقدری یالواردی شهر اهلی مکه شهرینده اولمادی مهمان قبول ائتمیشدی او آزاده کربلاده ائده جانینی قربان چوخ ایستیردی نعشینی گورسون قانلی مقتلده خالق سبحان باشیندا عشق وصالیله مکه دن چیخدی یارسول الله اونی دعوت ائتدی اهل عراق گدور دشت کربلایه قوناق یارسول الله ائدوردی چون دشمن نادان مکه شهرینده قتلینه تعجیل بویوردی چوخ حتک حرمت اولار من اگر ائتسم کعبه ده منزل اونا خاطر ایلدی حجین شاه لب تشنه عمریه تبدیل اورکده دردو ملالیله مکه دن چیخدی یارسول الله اونی دعوت ائتدی اهل عراق گدور دشت کربلایه قوناق یارسول الله (۲) افلاکیان خاکی https://eitaa.com/turki_nohemajma

#خروج_از_مکه کربلایی سعید سلطانی https://eitaa.com/turki_nohemajma

#نوحه #ترکی #ورود_به_کربلا https://eitaa.com/turki_nohemajma

#حسین# گلدی کربلایه قوناق گوزلروندن ایراق یارسول الله ئولوب عطشان فاطمه بالاسی دوشدی ائلدن اوزاق یارسول الله محرمده قان گلرجوشه دوشر یاده قبر ششگوشه یارسول الله ( 2 ) حسینون قربان اولوم آدینا بیزلره بوآدی مادرئورگتدی ولادتده     جبرئیل      امین  گاهواره سینی گلدی ترپتدی ولی    بیلمم    کربلاده     نیه  سینه سین بوغازین شمره گورستدی معاذالله    اللهین       قانینی  توکدی اهل عراق یارسول الله محرمده قان گلرجوشه دوشریاده قبرششگوشه یارسول الله ( 2 ) سلام اولسون قانلی لبلره که ایستیدن قورودی سوکنارینده دیللر سو مهر فاطمه دی  قالدی اجنبی لر اختیارینده حسینون بیرصودامربالاسین تشنه اوخلادیلار قان دیارینده یارالی قوش تک بلکده بالا چالدی هی ال ایاق یارسول الله محرمده قان گلرجوشه دوشریاده قبرششگوشه یارسول الله ( 2 ) محرمده     قاره   پرچم    اسر سینه ده قیزیشار شیعه لر قانی دولان گوزلر      کربلایه    باخار قطره قطره آخار هی جگر قانی همین آیدا قاره یل اسیلوب گویلره سپیلوب صود امر قانی حسین آغلوردی او حاله ولی گولدی دلسیز اوشاق یارسول الله محرمده قان گلرجوشه دوشریاده قبرششگوشه یارسول الله ( 2 ) محرمده       سینه لر        آچیلار غملی سینه زنان دل کباب آغلار سپهرِ عشقین ستاره سینه  ماه  قاره   گییر   آفتاب   آغلار او گوندن مین دورت یوزایلدی گئچوب  ایندیده  بئله   بیلّم    رباب   آغلار دییردی اوغلوم گئدنده سووا ترپنوردی دوداق  یارسول الله محرمده قان گلرجوشه دوشریاده قبرششگوشه یارسول الله ( 2 ) غرض عاشورا گونی قوتاروب  غارت اولدی حرم  خیمه لر یاندی قرا   گییدی  دشت  کرب   و  بلا اولدی شام عزا نوحه باشلاندی یانان   دللر   بیر    یانان    چادرا  جمع اولوبدی هامی  سینه سوزاندی بالا قیزلار قورخا  قورخا  یاتوب  قالدی زینب اویاق  یارسول الله محرمده قان گلرجوشه دوشریاده قبرششگوشه یارسول الله ( 2 ) نگهبانیدی همان چادرا  مرتضی قیزی تا گلمیه دشمن گوروب ناگه بیرسیزیلتی گلور گلدی سسلدی آی آغلیان کیمسن او دلخسته یانه یانه دئدی  چوخدی دردیم اوغولسوزربابم من قرانلوقدا آختاریردی گولون  دلده داغ فراق یارسول الله محرمده قان گلرجوشه دوشریاده قبرششگوشه یارسول الله ( 2 ) دیه بیلّم اصغرین آناسی  صبحه تک او گجه ماتمه باتدی دیه بیلّم هی دئدی بالا وای قان ایچینده ابوالفضلی آغلاتدی سوایچمیشدی صود فراهمیدی  سسلنوردی بالام قان ایچوب یاتدی چتیندی املیک قوزی وئره جان  لیک آنا قالا ساق یارسول الله محرمده قان گلرجوشه دوشریاده قبرششگوشه یارسول الله ( 2 ) #اشعار_ترکی

‍ حسینجانم ای شه مدنی یوردی کوفه منی قالمیشام تنها توکوردشمن مسلمین قانینی تک گوروب جانینی سیدی مولا بوشهره گلمه صفایوخدی/منافقلرده وفایوخدی ای گل زهرا2 اوامت که نامه یازدی سنه دشمن اولدی منه قلبه اودسالدی قان ایچسمده دادمارام سولارین فتنه سی بولارین صبریمی آلدی فراقونده ای ولیّ جلیل مسلم بن عقیل بی کمک‌قالدی منیم تک بی اقربایوخدی/منافقلرده وفایوخدی ای گل زهرا آخورراه معرفتده قانیم باشیوه دولانیم مونسیم غمدی سفیرون گورباغلانوبدی الی دشمتان علی شادوخرمدی غریبم من ای حبیب خداعالم غُربا آیری عالمدی آقادردیم واردوایوخدی/منافقلرده وفایوخدی ای گل زهرا اگرگلسن مقدمون ئوپرم قاتله دییرم باشیمی تز کس حضورونده خوشدی قانیم آخادوروبرده باخا فرقه ی ناکس امامیم جان اوسته دادیمه چات عارفِ عرفات هارداقالدون بس غریبم من آشنایوخدی/منافقلرده وفایوخدی ای گل زهرا #مسلمیه #شهادت_حضرت_مسلم_ابن_عقیل مداح حسین کریمی

‍ #شهادت_حضرت_مسلم_ابن_عقیل سبک# اوت یاپیشدی سینمه مرحوم یحیوی اردبیلی مسلمون شهادتی کربلا اساسی دور فاطمه عزیزینون قتلینون بناسی دور مکه دن چخوب گلور کاروان کربلا یولدا ویردیلر خبر مسلمون عزاسی دور شهر کوفه دن گلور گوردیلر شتر سوار ساخلادیلا کوفه نون حالینی سوروشدولار عرض قیلدی حضرته دردناک و اشکبار مسلم آل هاشمون اولین فداسی دور دوره دن داغیلدیلار قالدی واحد اول جناب بیر نفر غریبیدی شهرون اهلی بی حساب آسمانه اوج ایدوب های هوی انقلاب سسلنن قلجلارون سهمگین صداسی وار کوفه اهلی ابتدا ساخلادیلار حرمتین چکدی زادۀ زیاد نقشۀ شهادتین بیعت ایلیوب صورا سیندیروبلا بیعتین مسلمه او مردمون ائیتدیگی وفاسی وار زنده یادحاج سلیم موذن زاده #مسلمیه ✨اَللّهُمَّ عَجِّل لِوَلیِّکَ الفَرَج✨💫

(مسلمون شهادتی کربلا اساسی دور فاطمه عزیزینون قتلینون بناسی دور) سلطان الذاکرین سلیم موذن زاده اردبیلی

عرفات سالون بُو یِردَه خیالَه عَزیزِ زَهرانی که دَرک اِیدَه سیزی مَحشردَه جَدّهء سادات حُسینی قویمادیلار حَجّنی تَمام اِیلسُون اوُلوبلا قَتلینَه عازم گُروهِ کَینَه صِفات تُوکُولسَه قانی گُوروب بِیتین اِحترامی گِیدر رِضای حَقی مُراعات اِیدوب اَمیرِ هُدات طَوافِ سَعی و صَفا اِیتدی روزِ تَرویَه دَه چخُوبدی جَبریلَه اِحرامیدَن او رُکنِ صَلات پِیمبَر اوُغلی اِیدوب حَجّی عُمریَه تَبدیل هَمین بُو مَسئلَه دَه واردی چوخ رِمِوز و نِکات گِیدَنمدی عَرفات و مِنا و مَشعَرَه چون حُسینُون اِیمدیدَه وار گُوزلوری یُولون عَرَفات جَهانیانَه حُسین اِیستدی اِیدَه اِعلان بَنی اُمَیَه وُوروب دینِ حَقه چوخ صَدمات حُضورِ خَلقدَه بیر خُطبه اِیلدی اِیراد دُولوب صَدای حُسینیلَه کُوه و دَشت و فَلات بُویُوردی دَرک اِیدَه جاخ مَرگ آدَم اوُلادین بُو شَربَتی اِیچهَ جاقدور تَمامِ مَخلوقات ئولوم که یاخشیدی ظالِملَریلَه قالماقدان حَیاتیدَن مَنه اَفضلدی عِزّتیلَه مَمات گُذَشتگانیمَه مَن بَسکه سَخت مُشتاقَم بُو اِشتیاق اَلیمدَن آلوب قَرار و ثُبات یازوب قَضا قَلمی، مَقتلیم مُعیَن دور بو اَمر حَتم دی، باشَه یِتَر بُو تَقدیرات رِضا قَضایَه وِیروب وار بَلایَه بیزدَه شَکیب که سَرنِوِشتیمی جَدّیم خَبَر وِیروب کَرّات که یَعنی اِیستُوری مَندَن یَزید آلا بِیعَت او شُوم و کَافِره مَن بِیعَت اِیلَیم هِیهات شَهامَتیلَه سُوسُوز دُوغرانام سَعادتدور جَهانیانَه اِیدَم حَقیمی گَرک اِثبات مِنای حَقَه اوُلار که اوُلوبلا آمادَه صَباح کُوچ اِیلسُونلَه مَنیلَه جُملَه ثُقات مِنادَه کَسمَدی قُربان، فَدالَرین گُتُوروب خَلیل وارِثی، وَجه اَلههَ اوُلان مُرآت چِخوب اَمیرِ حَرَم، مَکه دَن عَرفَه گُونی یانینجا عِترتِ عِصمَت، هامی بَنین و بَنات قَضا قَباقَه دُوشوب، چَکدی کَربَلا چُولونَه او چُول که عَرشَه چخار نُورِ حَقدَن، لَمَعات کَسلدی قُوچ قُوزی قُربانلاری او صَحرادَه تُوکُولدی تُوپراقا صَد پارَه دُوغرانان قَطعات اَلندَه تَشنه لَب اوُخلاندی سُود اَمَر بالاسی و لِیک چُوللّره دَریا تَک آخدی آبِ فَرات #لاادری

ورد مخصوص حلول ماه عزا ( نوحه شماره ۵) قلبیم گئنه دولدی غمیلن ٬ مظلوم حسینون یاسی گلدی ٬ آغلا ای دل آغلا ای دل عاشقلرین اگنینده قاره ٬ فریاد یا عباسی گلدی ٬ آغلا ای دل آغلا ای دل باهم یون یاسه گلنلر یا ابالفضل یا ابالفضل سنلن دئسون گؤیدن ملکلر یا ابالفضل یا ابالفضل یئتمیش ایکی عاشق بو آیدا ٬ گئیدی کفن القانه باتدی ٬ الله الله. الله الله اکبر عباده گلدی اما ٬ اصغر سوسوز گؤز یومدی یاتدی ٬ الله الله. الله الله ششماهه دن تنها ربابه ٬ قانه باتان قنداقی چاتدی ٬ الله الله. الله الله ماه محرم باشه قاره باغلارام من باغلارام من هر یئرده اصغر آدی گلسه آغلارام من آغلارام من قلبیم اسور سینمده قوش تک ٬ الده قرا پرچم اسنده ٬ یابن زهرا یابن زهرا زهرا دیور لایلای حسینیم ٬ ایوای دیور مظلوم حسنده ٬ یابن زهرا یابن زهرا عالم عزا دوتدی حسینه ٬ باغلا قرا گل یاسه سنده ٬ یابن زهرا یابن زهرا جدون یاسی باشلاندی مولا گل نوایه گل نوایه سال یوللارین یاسه گلنده کربلایه کربلایه

عید قربان گریز به شهادت حضرت علی اکبر(ع) علی مظفری وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا التماس دعا https://eitaa.com/turki_nohemajma

عید سعید قربان و گریز به عاشورای اباعبدالله الحسین تهنیت لر لشگر  احراره. قربان بایرامی عرض تبریک امت ابراره قربان بایرامی حاجیان حضرت جانان طوافیز نوش اولا بلبل روحوز چاتوب. گلزاره قربان بایرامی چوخ گوزلدور اژدهای نفسی قربان ایله ماق ذبح اولا جانلاردا  بو اماره قربان بایرامی نفسی مغلوب ایلماق جهد فراوان ایستیور احسن احسن فاتح پیکاره قربان بایرامی نفسدور منظور قربان کسماقا یوخ آیری شی نفسیوی خوار ایله چات اسراره قربان بایرامی گر باغیشلاندیرمییبسان جانی لیل قدریده بهترین فرصتدی ای بیچاره قربان بایرامی گیت اوتی عرفاتیده ایله قرائت عرفه نی حضرت حق تا قاتا. اخیاره قربان بایرامی ذبح ائده للر مومنین انعام و احشام کثیر گونده ره للر محضر داداره قربان بایرامی توسن طبعیم تلاش ایلیر تاپا. شعره گریز فیض عظمانی تاپا م یکباره قربان بایرامی مدتیدی آختاریردیم کیمدی بو ذبح عظیم شامل اولموش عزت بسیاره قربان بایرامی تاپدیم آرام اولدی روحیم جاری اولدی گوز یاشیم آغلادیم شاهنشه بی یاره قربان بایرامی ذبح عظمی تک حسین بن علی دور و السلام اولموش عاشورا گونی سالاره قربان بایرامی یوللادی قربانگه عشقه بوتون قربانلارین راضی اولدی بیر بئله ایثاره قربان بایرامی ایله دی جانانیلن بیر جاودانی آل وئریش روز عاشورانی ائتدی یاره قربان بایرامی ویردی ئوز قوربانلارین قرآنی ایتدی پایدار بارک الله بو ملک درباره قربان بایرامی ✍استاد رحیم شایان ارومیه https://eitaa.com/turki_nohemajma

مناجات سبک : اصغریم ای شیرین زبانیم شرمسارم بیلورسن الله دل فکارم بیلورسن الله بیرگونی گر خطالر ائتدیم ایندی خوارم بیلورسن الله گلمیشم عفو ائله بو نالان بندووی قاپوندان قوما سن پشیمان بندووی پشیمانم پشیمانم بحر عصیاندا باتمیشام من خواب غفلتده یاتمیشام من آییلوب ایندی بیلدیم الله گوهر عمری ساتمیشام من گلمیشم عفو ائله بونالان بندووی قاپوندان قووما سن پشیمان بندووی پشیمانم پشیمانم ایله حقیمده بیر عنایت بندووم ائت منی هدایت بیلمیوب غافل اولموشام من دین یولیمیش ره سعادت گلمیشم عفو ائله بونالان بندووی قاپوندان قووما سن پشیمان بندووی پشیمانم پشیمانم سن منه خالق ازل سن سن منه علم سن عمل سن عالمی دوتسا گر گوزللیک هر گوزلدن ئوزون گوزلسن گلمیشم عفو ائله بو نالان بندووی قاپوندان قووما سن پشیمان بندووی پشیمانم پشیمانم ✍ استاد هادی اردبیلی ✨اَللّهُمَّ عَجِّل لِوَلیِّکَ الفَرَج✨💫

☑️زبانحال حضرت مسلم علیه السلام . . ✍حاج داود بیدق داری . شاه دینون یاریم من کوفه ده اواریم من سسلرم هر لحظه مولا یابن زهرا یابن زهرا . شمع تک عشقونده یاندیم کوچه لرده تک دولاندیم کوفه ده یوخ جای مأوا یابن زهرا یابن زهرا . یا حسین احوالیمه آغلار در و دیوار کوفه باغلانان قوللاریمه شاهد دی بو بازار کوفه . کوفه ده یوخ جای مأوا یابن زهرا یابن زهرا . . قید عشقه بسته یم من عاشق وارسته یم من باغلیدور قولّاریم اما یابن زهرا یابن زهرا . دوره می دشمنلر الدی گوزلریمده گون قرالدی محشر اولدی اوندا گویا یابن زهرا یابن زهرا . یا حسین اوغلانلاریم قربان زلف اکبر اولسون اذن وئر بو شهریده جانیم فدای اصغر اولسون . کوفه ده یوخ جای مأوا یابن زهرا یابن زهرا #سبک_گلپونه_ها 🎤باصدای زنده یاد حاج داود بیدق داری ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

🌴🕌عید قربان🌴🕌 نورحقدن آیت کبرادی قربان بایرامی اهل دینه عید بی همتادی قربان بایرامی طبق سنت، دهم ذیحجه ده واقع اولوب یا همان دللرده کی اضحادی قربان بایرامی بنده اقیانوس لطف کبریاده غرق اولار هرگونی بیر قطره بیل،دریادی قربان بایرامی حاجیلار قربان کسوب شیطانی داشلالار بو گون حج مقبوله گوزل امضادی قربان بایرامی طوف ایدنده حاجتین حاجی ایدر حقدن طلب عاشق و معشوق آرا نجوادی قربان بایرامی هیچ طوافین لذتی چاتماز طواف مهدیه ذکری یا مولای یا مولادی قربان بایرامی جامه احرام مهدیدندی عطری کعبه نین خلق باهم ، او ولی تنهادی قربان بایرامی بو نجه حاجی دی که کعبه طواف ایلر اونی کعبه دونسه باشینه باجادی قربان بایرامی بو نجه حاجی دی که چوخ مضطرب احوالی وار شیعیه پیغامی واویلادی قربان بایرامی گورمدی آل الله امنیت حریم امنیده کعبه اطرافینده نه غوغادی قربان بایرامی روح کعبه هشتم ذی حجه چخدی کعبه دن بیلدی قالسا روحینه ایذادی قربان بایرامی کعبه دن چخدی خلیلین بت شکن اوغلی حسین قویدی آغلار عالم ایجادی قربان بایرامی تک بو ابراهیمون الله یتمیش اسماعیلی وار هر بیری بیر فدیه عظمادی قربان بایرامی بو حسیندی کربلایه ساخلیوب قربانلارین زاده زهرایه عاشورادی قربان بایرامی اثر:کربلایی احمدشاهمرادی(منادی) ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

صلوات چهارده معصوم چاووش خوانی برای بدرقه #زائر_کعبه #زائر_کربلا . . مرتضی اسکندری ( ساعد ) (1) . . ای دلیم ساحت پیغمبره گوندر صلوات شافع روز جزا حیدره گوندر صلوات . محور خلقت عالم دی حسینون ننه سی زینبه درس ویرن مادره گوندر صلوات . زینت دوش نبی ارشد اولاد علی مجتبی ماه ملک منظره گوندر صلوات . خامس آل عبا بند دل شیر خدا باشی دالدان کسیلن رهبره گوندر صلوات . ساقی دشت بلا مجتهد کرب و بلا شمری مأیوس ایلین سروره گوندر صلوات . چارمین حجت حق زینت عُبّاد زمان کربلادن دیلی پر اخگره گوندر صلوات . پنجمین یاور دین حامی قرآن مبین شهریار دو جهان باقره گوندر صلوات . صادق آل عبا مظهر خیر و برکات وارث علم نبی جعفره گوندر صلوات . هفتمین شمس فروزان سپهر علوی بابُ الحاجت یازیلان دلبره گوندر صلوات . آدینا قربان اولوم شاه خراساندی آقام طوسیده دفن اولونان گوهره گوندر صلوات . دوقوزومجی نوه ی ختم رسالتدی جواد گون قباقینده قالان پیکره گوندر صلوات . هادی نسل بشر ذکر لب حور و ملک دهمین رهبر خوش منظره گوندر صلوات . عسکری دور حسن دوم اولاد علی فاطمی خصلت علی مظهره گوندر صلوات . مهدی آل علی منتقم خون خدا آخرین مرد عدالت گره گوندر صلوات . (1) با الهام گرفتن از شعر استاد صفایی زنجانی https://eitaa.com/atabataleyatmajma #کانال_عتبات_عالیات

‍ ❣﷽❣ ⬛️#سینه_زنی_حضرت_زینب_س 🔷#ترکی ⬛️#سلیم_موذن_زاده ◼️زینب زینب زینب.. کانون وفا زینب سیمای حیا زینب ◼️زینب زینب زینب آماج بلا زینب هر درده دوا زینب غم قهرمانی زهرا نشانی ای روح با ایمان جانیم سنه قربان ◼️زینب زینب زینب سرگشتۀ دوران آوارۀ طوفان ◼️زینب زینب زینب صدق عهد و پیمان شیر شاهِ مردان ◼️زینب زینب زینب محبوبۀ جانان قرآنینه قربان ◼️زینب زینب زینب تیرِ شمادتدن قلبی یارا زینب ◼️زینب زینب زینب شمشیر دو پهلودان برّنده بیان زینب ◼️زینب زینب زینب قارداش باشی اوستونده زلفی آغاران زینب ◼️زینب زینب زینب صحرای مصیبت ده غمنلن قوجالان زینب ◼️زینب زینب زینب قارداش باشینون قانی زلفینده حنا زینب ◼️زینب زینب زینب پیمان حَقَه مفخر قرآنه اولان یاور ◼️زینب زینب زینب حجب و ادبه مظهر شأن و شرف منبر ◼️زینب زینب زینب دائم گوزی قان یاشلی باشینده قرا معجر ◼️زینب زینب زینب زهراسی ئولن گوندن آماج بلا زینب ◼️زینب زینب زینب تأویل رسا زینب تسبیح خدا زینب ◼️زینب زینب زینب محراب عبادت ده تفسیر دعا زینب ◼️زینب زینب زینب مشکلده رجاء زینب هر درده دوا زینب ◼️زینب زینب زینب پروندۀ خونینِ شاه شهدا زینب ◼️زینب زینب زینب محکم سؤزی اوستونده مردانه دوران زینب ◼️زینب زینب زینب کاخ ستم و ظلمی قول باغلی یخان زینب ◼️زینب زینب زینب چوخ قمچی دَگن باشین محملده یاران زینب ◼️زینب زینب زینب یولّاردا پرستارِ پوزقون اسرا زینب ◼️زینب زینب زینب سر قافلۀ نهضت اؤز نهضتینه قیمت ◼️زینب زینب زینب اوّلده گورن عزت آخِرده چکن ذلت ◼️زینب زینب زینب آغلار گؤزی غربتده قارداشلارینا حسرت ◼️زینب زینب زینب جان سینه ده سویلردی وای بختی قرا زینب ◼️زینب زینب زینب هم نایبه زهرایه هم دینینه پیرایه ◼️زینب زینب زینب آغزیندا شیرین سوزلر غمدن دولانان وایه ◼️زینب زینب زینب ایستکلی رقیّه ایلن قبری اولان همسایه ◼️زینب زینب زینب هئچ دادمیان عمرونده بیر لحظه صفا زينب ◼️زینب زینب زینب جان نقدینی دین اوسته ارزانی وئرن زینب ◼️زینب زینب زینب اللی بئش ایل عمرونده گوز یاشی توکن زینب ◼️زینب زینب زینب غربت ده ئولن یالقیز محتاج کفن زینب ◼️زینب زینب زینب جان اوسته دیَن تئز تئز جان کربُ بلا زینب ◼️هدیه به حضرت معصومه سلام الله علیها (صلوات)◼️

نوحه صوتی از سلیم موذن زاده https://eitaa.com/turki_nohemajma

سرود غدیر سبک👇🙏 در هوایت بیقرارم ، بی قرارم روز و شب 💐🌸💐🌸💐🌸💐🌸💐🌸💐🌸 شاعر استاد عباسی معروفان اهری شیعیان اولسون مبارک سیزلره عید غدیر روز میثاق ولایت موسم عهد کبیر سسلیون ای شیعه با صوت جلی یا علی و یا محمد یا علی ( تکرار در تمام بندها) 💠💠💠💠💠💠💠💠💠💠💠💠 شیعه لر عید غدیرین شانینی والا دوتار قطره نین امیدی اولسا دامن دریا دوتار کیم ضعیفه یاور اولسا اللرین مولا دوتار محنت دنیاده قویماز شیعه لر اولسون اسیر شیعیان اولسون مبارک سیزلره عید غدیر 💫💫💫💫💫💫💫💫💫💫 آخرین حجونده احمد آلدی حق پیغامینی امته تکمیل ائده ئوز دینینی ایمانینی یار و انصاریله ائتسون منسجم پیمانینی باغلاسون عهد امامت اول نگار خوش ضمیر شیعیان اولسون مبارک سیزلره عید غدیر 💫💫💫💫💫💫💫💫💫💫 جبرئیل اندی سمادن عرض ائدوب یا مصطفا ای رسول کردگار و ختم خیل انبیا وار الیمده رقعه و فرمان حی کبریا جانب حقدن سن اولدون مجری امر خطیر شیعیان اولسون مبارک سیزلره عید غدیر 💫💫💫💫💫💫💫💫💫💫 یا محمد بو پیامون حقینی ایفا ائله حضرت پروردگارین امرینی اجرا ائله بیعت آل ئوز امتیندن حیدری مولا ائله ای شه عالم محمد یا بشیر و یا نذیر شیعیان اولسون مبارک سیزلره عید غدیر 💫💫💫💫💫💫💫💫💫💫 قوردولار منبر چخوب خلاق داوردن دئدی امت چشم انتظاره شان حیدردن دئدی بعد تفسیر ولایت شاه خیبردن دئدی حیدری وئردی نشان سسلندی یاران بصیر شیعیان اولسون مبارک سیزلره عید غدیر 💫💫💫💫💫💫💫💫💫💫 من سیزه پیغمبریدیم سیز منیم پاک امتیم ایندی بو آخر سفرده سیزلره وار صحبتیم مطلبیم راز ولادور روشن اولسون دعوتیم کیم منی مولا بیلردی حیدری بیلسون امیر شیعیان اولسون مبارک سیزلره عید غدیر 🍀🪴🍀🪴🍀🪴🍀🪴

#غدیریه #کربلایی سعید سلطانی https://eitaa.com/turki_nohemajma #کانال_ترکی_مجمع_الذاکرین

طشت گذاری روضه حضرت ابوالفضل(ع) دردون اولسا دیمرم حاذق اطبانی چاغیر   گوزون یاشینی توک حضرت زهرانی چاغیر ویر خبر دردی اولانلاره دینن غم گلدی   باشوا باغلا قرا موسم ماتم گلدی   سینه وور سسله حسینی قره پرچم گلدی   ای دوادن یورولان ماه محرم گلدی   چاغیرون یوزلری اشکه بوروننلر گلسین   قره پرچم دالیسیجاق سوروننلر گلسین بزم تجلیل شئونات امامتدی بورا   مرکز کنگره شان و شرافتدی بورا   آیری فکر ایلمه درگاه عبادتدی بورا   گیتمه آیری قاپیا باب سعادتدی بورا   غم یمه اولسا نه اندازه اگر دردون آغیر   قلبووی پاک ایله بیر دفعه ابوالفضلی چاغیر   احتیاجون وار اگر معجزه گر درمانه   متوجه ایله افکاروی نخلستانه   ساقی تشنه دوشوبدی یارالی میدانه   ساق گوزی بوسه ویروب زهریلی بیر پیکانه   سروه اوخشور اوجا قدی ولی خوللاری دوشوب   بیر یانا مشکی دوشوب بیر یانا قوللاری دوشوب   کشتی عشقیدی گویا کی قالوب طوفاندا   عمرینون اولدوزی ایستور باتا نخلستاندا   ئوزینه فکر ایلمور هیچ ایله بیر بحراندا   تلین اوستونده قالوب قلبی گرو جاناندا   گوردی یوخدی یارالی قوللارینون درمانی   دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر   منتظر دور سنه میدانیده بو عبد حقیر   دیمورم گل منی قویما ایلیه لشکر اسیر   ننووی ایستسه گویلون ئوزووی فوری یتیر   باشیم اوسته اوتوروب گوز یاشی رخساره الور   ساچلاریندان باجیمون ساچلارینون عطری گلور  

https://eitaa.com/turki_nohemajma #کانال_ترکی_مجمع_الذاکرین