شهادت امام سجاد(ع) سینه زنی درسبک, ای منیم نازنین نگاریم گل آنا فاطمه هرایه / غملی قلبیم گلور نوایه/ ورخبر دادیمه یتوشسون/ بیر آنا شاه کربلایه/ سسلیرم یوخدی دادیمه بیرنفریم/ گل آنا یاندی پاره پاره جگریم هرایه گل هرایه گل/ زهریلن ایلیوبله مسموم/ ظلمیدن قلبیم اولدی مغموم/ عمرمون زهر کین زوالون/ ایلیوب بو مکاندا  محتوم/ تشنه لب شاه کربلا تک/ منده اوللام شهید مظلوم/ قلبیمون طاقتینی محنتلر آلوب/ گل آنا گوزلریم منیم یولدا قالوب/ هرایه گل هرایه گل,,,,,, من غم کربلانی گوردوم/ چوخلی ظلم وجفانی گوردوم/ کربلانون مصیبتیندن/ شامیده چوخ بلانی گوردوم/ کوفه وشام پربلاده/ چوخلی غم ماجرانی گوردوم/ قیرخ ایندی حسینه دل داغلامیشام/ هر گجه گوندوز ایوده من آغلامیشام/ هرایه گل هرایه گل,,,,,, من کیمی غصه غم چکن یوخ/ بیر نفر دردیمی بولن یوخ/ گورموشم مقتل اوسته عریان/ بیر بدن کی اونا کفن یوخ/ کل عالمده بو حسین تک / تشنه مظلوم جان ورن یوخ/ کوفیان ظلمی سربه سر باشلادیلار/ جان ورنده جنازه سون داشلادیلار./ هرایه گل هرایه گل چوخلی گل کربلاده سولدی/ قلبیمه دردو غصه دولدی/ سن بولورسن آنا اوچولده / جان ورنده  حسین نه اولدی/ قتلگاهه گدنده قیزلار / خیمده ساچلارینی یولدی/ عمه مون قلبینی غم وغصه یاریب/ قتلگاهه گیدنده زلفی آغاریب/ هرایه گل هرایه گل جان ورنده سنین حسینون/ سرور عالمین حسینون/ قانلی قودالیده یخیلدی/ خسته ودلغمین حسینون/ قتلگاهه سنی  چاغیردی/ تشنه لب مه جبین حسینون/ سسلدی گل بو پیکریم قاندی نه نه/ تشنه لیقدان دوداقلاریم یاندی نه نه هرایه گل هرایه گل باشی اوسته خمیده قامت/ سن گلوب ایلدون عنایت/ سایوی باشی اوسته سالدون/ قانلی قودالیده اوساعت/ سسلدین دور اویان حسینیم/ یاتما توپراقلار اوسته راحت/ گل منیده بابام کیمی یادیوه سال, / جان ورنده منیم آنا گویلیمی آل/ هرایه گل   هرایه گل ,,,,,,(خوش نوازمرندی),,,,

توسل به حضرت ابوالفضل(ع) ای درد بی درمانلارا درمان ابوالفضل باب الحوائج شأنیوه قربان ابوالفضل ای شیعه نین هر یرده امید و پناهی سنگر نشین زوّارلارین پشت و پناهی مظلوملارین سندن صورا یوخدور پناهی اول منصب و ایمانیوه قربان ابوالفضل ای بت شکن شیر خدانون شیر بالاسی حیران قویوپ قارداشیوین کرب و بلاسی اول آلتی گوشه قبرینون اوللوق فداسی احسان ایله احسانیوه قربان ابوالفضل هر کس سنین اَل آتسا دوتسادامه نیندن هرگز قایتماز دستِ خالی محضریندن اَل چکمروک بیزده سنون پاکدامه نیندن گوز تیکمیشوک احسانیوه قربان ابوالفضل ای کربلا میدانینون رحمت هماسی شأنون بویوک قبرون کیچیک وارماجراسی بسکی یروبلار جیسمیوه پیکان یاراسی غیرتلی مظلوم جانیوه قربان ابوالفضل دیوانه عشق حسینوک یا ابوالفضل پروانه شمع حسینوک یا ابوالفضل محتاجِ درمانِ حسینوک یا ابوالفضل اول شاه لب عطشانیوه قربان ابوالفضل قلبیم اولوب هجران غمینده شانه شانه شش گوشه قبرین حسرتی اود ویردی جانه بو حسرتی قبره آپارام یانه یانه باغلی قالان یولّاریوه قربان ابوالفضل هر کس اولا عشق حسینون مبتلاسی وصلِ حبیبه اَل تاپار اولسا وفاسی محشر گونی اجرین ویرر مظلوم آقاسی اول گلشن جانانیوه قربان ابوالفضل آغلار گوزیله ایستروک صاحب زمانی گلسون اوزی ویرسون براتِ کربلانی قبرین اوپوب اولسون((وحیدی )) نوحه خوانی باب الحوائج شانیوه قربان ابوالفضل برچسب‌ها: وحیدی

زینبیم گل علمداریم اؤلدۆ ||♫♫ با شهامت سپهداریم اؤلدۆ!! منتظر قالماسێن شیرخواریم ||♫♫ قهرمان-ی-وفاداریم اؤلدۆ… هم ساغێندان گئچیب هم سوْلۇندان ||♫♫ دؤنمئییبدیر ولی حق یوْلۇندان سینه‌سی اۆسته پرچم اسیردی… ||♫♫ قان سۆزۆردۆ یئره هر قوْلۇندان زینبیم گل علمداریم اؤلدۆ!!! ||♫♫ قان بۇ غمده گره‌ک قلبه دوْلسۇن وار یئری گۆل گۆلۆستاندا سوْلسۇن… ||♫♫ خئیمه‌سینین یاتێردێن ستونین قارداشێم اؤلدۆ باشۇن ساغ اوْلسۇن! ||♫♫ زینبیم گل علمداریم اؤلدۆ با شهامت سپهداریم اؤلدۆ… ||♫♫ یاندێرێر قلبیمی اوْخ سؤزۆنده‌ن ماجراسین ائشیتدیم اؤزۆنده‌ن!!! ||♫♫ گوئیا تلّه ساری باخێرمێش… اوْخ دگیب ناگهان ساغ گؤزۆنده‌ن ||♫♫ زینبیم گل علمداریم اؤلدۆ سینه‌سی یاره‌لی باش یارالێ! ||♫♫ ائیله‌ییب آلنێنێ داش یارالێ حقّی وار اؤلمه‌گه گؤرسه قارداش… ||♫♫ جان وئریر تئشنه قارداش یارالێ زینبیم گل علمداریم اؤلدۆ!!! ||♫♫  اوْخ دگیبدیر اوْلۇب مشگی پاره ||♫♫ مشگینه آغلئیور گؤزده یاره غئیرته باخ اوْ حالتده گؤردۆم… ||♫♫ آختارێر اصغره راه-ی-چاره زینبیم گل علمداریم اؤلدۆ! ||♫♫ گؤردۆم آغلێر دئییر جان رقیّه… یوْللارا باخما حئیران رقیّه ||♫♫ گئت ربابه دئنه‌ن باغلا قاره اصغره یوْخدۇ درمان رقیّه ||♫♫ زینبیم گل علمداریم اؤلدۆ پرچمین ساخلئیوب سینه اۆسته… ||♫♫ گوئیا گۆل دۇرۇب دسته دسته گؤرجه‌یین ایسته‌دی قالخا یئرده‌ن!!! ||♫♫ پئیکری یاره‌لی خسته خسته زینبیم گل علمداریم اؤلدۆ ||♫♫ یات دئدیم یات ادبلی وزیریم… یات شرافتلی غئیرتلی شیریم! ||♫♫ نئیلیره‌م گۆنده باتسا باتێبدێر باتدێ علقمده ماه-ی-مُنیریم ||♫♫ زینبیم گل علمداریم اؤلدۆ!! با شهامت سپهداریم اؤلدۆ… ||♫♫ —–|●♯♩♪♫♬♬♫♪♩♯●|—–

♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma

عرض ارادت به اباعبدالله الحسین علیه السلام به قلم افتخار کانالمون شاعر اهلبیت (ع) برادر بزرگوار کربلایی صابر ثمودی سبک:👇🙏 ای ربابین سویگولی 🏴🏴 ای شه کرب وبلا. زاده خیرالورا گلمیشوخ درگاهیوه .صاحب لطف و عطا جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان حسین مولا 🏴🏴🏴🏴 ای شجاعت مظهر ی.بحر جودین گوهری کربلا سلطانی سن.عالمین سروری برج عزُت ماهی سن اهل عشقین شاهی سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای شه نیکو مرام...عشقیمیز سن سن تمام قبریوون مشتاقیوق. ای شه والا مقام اورداور عشق و صفا اوردادور درده دوا جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴🏴 یازدوخ آدین پرچمه. هر گون ائتدوخ زمزمه وئرمروخ بیز عشقیوی. یا حسین جان عالمه شهریار عشق سن عالمه سرمشق سن جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 گول آدون پرچمده دی..شهرتون عالمده دی ایندیده عباسیوون. بیر گوزی علقمده دی نهرون اوسته آی باتوب قبریده خجلت یاتوب جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴 جان فدا عبّاسیوه.معدن احساسیوه گیمشوق قاره آقا.گلمیشوخ بیز یاسیوه دل غمونده داغلاروخ ماتمونده آغلاروخ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴 ای (ثمودی) چنگ وور ..بو شهین دامانینه هر نه دردون وار دئنن .کربلا سلطانینه دردیوی دلداره دئ محرم اسراره دئ جان سنه پروانه دی عشقیوه دیوانه دی ای شهید کوی جانان یا حسین مولا کربلاسی درده درمان یا حسین مولا 🏴🏴🏴

عشق چیست؟ اشاره به زبانحال حضرت لیلا (س) به سر مبارک حضرت علی اکبر (ع) مرحوم حاج مختار نخستین اردبیلی عشق بیر کلمۀ پر شوریدی تفسیر اولماز عشقه پابند اولان عالمده زمین گیر اولماز عاشق صادق اولان شخصیده تقصیر اولماز على ابروی کجون تک ایتی شمشیر اولماز بادۀ شهد وصالوندن ایچن سیر اولماز کعبۀ عشقه گئدوب سعی و صفا ایله موسن سن نیه عاشقووه مهر و وفا ایله موسن دردمندون بالا دردینه دوا ایله موسن منه بیر بوسه جمالوندن عطا ایله موسن یانوب عشق آتشینه لیلی نجه پیر اولماز یل دگور توپراق الور گؤر نجه لیلا باشینا من نجه نی ده باخوم بلبل شبدا باشینا دشمن ئولدوردی سنی کول اولا دنیا باشینا ال آتوب روضۀ رضوانیده زهرا باشینا بوندان آرتوق او کسوک باشووه تقدیر اولماز یوسفیم باشووه قویمولّا ذلیخا دولانا گله پروانه کیمین غمزده لیلا دولانا قویمیا گردنووه زلف سمن سا دولانا حقی واردور آنوون باشینه دنیا دولانا ئولمه سم من بو سنق قلبیمه تعمیر اولماز ماه رویونده اولان دانۀ خال حبشی کیم دیردی او قرا خالووی قانه بلشی دولانوم باشووه، ای حق یولونون پیشکشی یوزووی گؤرمگه بیگانه ائدر کشمکشی هر تماشاچی باخار گؤزلرووه سیر اولماز یاره لی باشه اوغول مسکن اولوب نوک جدا باشوون یاره سینه خاک رهون قویدی دوا او گؤزل گؤزلره حسرتله باخور میرهدی زلف چین چینوی چین چین ایلیوب باد صبا چین و ماچین ده حتى بیله تصویر اولماز نه گؤزه ل نقش ایلیوب حسنووی نقاش ازل سن کیمین تازه جواندان على لیلا چکوب أل نیزه داری یوخبا وئرسون اگر اولسا محل نیزه دن دوش یره بیرده منیم آغوشیمه گل زلفوون گردی کیمین لیلیه اکسیر اولماز قان دوتان تل لره وورّام مژه دن شانه على باتا مژگانیم او باشوندن آخان قانه على یتیره لیلینی بلکه سر و سامانه على شمع رخسارووه بی شک اولا پروانه على پر پروانه یانا شمعیده دلگیر اولماز نهضتین حلقۀ زنجیرینى دوت شیر کیمین قاشلارون اگریدی ویر دشمنه شمشیر کیمین ویر خدنگ مژه دن قان توکه نه تیر کیمین قانلو زلفون دولاشوب بوینوما زنجیر کیمین طاق ایوان عدالتده بو زنجبر اولماز هر دم آچ قانلو گؤزون باخ گوزوون قربانی گؤز یاشیملان یووارام قانلو گؤزوندن قانی فرض قیلما علی بیگانه کیمین لیلانی وئرمرم بیر توکووه وئرسله گر دنیانی نجه لیلاده اوغول نالۀ شب گیر اولماز بیلورم من على بو نهضتون آینده سی وار شهدانون بو گؤزل نهضته پرونده سی وار زینب عمّون کیمی شاماته نماینده سی وار لیلى تک حیف اولا گیسوی پراکنده سی وار زلفیدن که علی سولموش یوزه ساتیر اولماز کسیلوب چاره م علی دردیمه چاره گزورم آخور حسر تله گؤزوم یاشی عذاره گزورم قلبیمون یاره سی چوخدور گنه یاره گزورم برج نی لرده بالا خوردا ستاره گزورم یوخی دور بو، نه معبّر گله ، تعبیر اولماز باخورام نیزه ده شهلا گؤزه قلبیم دوتولور قان آخوب ردّ سالوب گول یوزه قلبیم دوتولور یتیشن وقته گئجم گوندوزه، قلبیم دوتولور علّتین بیلمیورم هر سؤزه قلبیم دوتولور بو خیالاتیمه هئچ نسخه ده تأثیر اولماز مجمر عشقیده سن سیز یانورام عود کیمین چخار آهیم فلکه پخش اولونار دود کیمین تار دل ناله ائدر نغمۀ داوود کیمین یوخدی بیر دادرسیم حضرت معبود کیمین باخماسا بنده لره لطفی سرازیر اولماز گزورم چوللری آواره لر آواره سیَم من ئوزوم چاره سیزم چاره سیزون چاره سیَم آسمان ادببن ثابت و سیّاره سی سیَم تیر آهیم داغیدان ابرلرون پاره سیَم منیم آهیم کیمی هچ ابر یاران تیر اولماز تار مویون کیمی تیترر ئوره گیم تاری علی گزورم سندن ئوتور چوللرى داغلاری علی سالما گؤزدن منی چوللرده سنی تارى على نه نه قربان دیله گل منله دانش باری علی نی ده سن، ناقه ده من، فرصت تقریر اولماز چکمیشم سندن ئوتور ال سر و سامانیمدن خبرون یوخدی مگر قلب پریشانیمدن چوللرون وحشی سی ناله ائدر افغانیمدن باغلارام یوللاری سیلابۀ طوفانیمدن یوللاری آچماقا هئچ کیمسه ده تدبیر اولماز فاطمه یوسفی یوسفدن آلوبسان باجی آنون اولموش على بیر باخماقوون محتاجی هانسی شهزاده قویوب باشینه قاندان تاجی؟ دوشوب آردونجا گزور فوج بلا آماجی سنی صید ایلیه لر سن کیمی نخجیر اولماز چوخ باخور نیزه ده اسماعیلینه ابراهیم یاندیرور قلبیمی عالیمدی منیم اللهیم گون چخوب ابره پناهنده اولوبدور ماهیم چتر آچوب باشوون اوستونده دومان تک آهیم آی، بولود آلتدا قالاندا بالا تسخیر اولماز کربلا قالمالیدور عالم اگر اولسا فنا شوره یردور ئوزی، وار اوردا ولی آب بقا دفتر عشق که منشورینی یازمیش شهدا قلمی قرمزی قان، مکتبی دور کرب و بلا قان یازان جمله پوزولماز زَبَری زیر اولماز یاز «نخستین» بالا دردین چکه بیلمز آناسی گوره غلطیده اولوب قانینه نورس بالاسی قان وئرور صفحۀ رخسارینه باشدان یاراسی هارا گئتسون ایله مظلومه آنا وار هاراسی ایله بیر غملی آنانین غمی تحریر اولما

زینب   زینب  زینب زینب  زینب زینب  شمس دو سرا زینب۲ زینب زینب زینب درد است و دوا زینب ۲ ای جانِ جانم دین و ایمانم ۲ زینب زینب زینب محبوب خدا  زینب۲ زینب زینب زینب مهراست و وفا زینب ۲ ای جانِ  جانم  دین  و ایمانم ۲ ای جانِ حسین زینب جانانِ حسین زینب ۲ قربان  حسین  زینب سامان حسین زینب ۲ ای جانِ جانم دین وایمانم ۲ زینب زینب زینب  بنت النجبی زینب زینب زینب زینب  بنت الهدی   زینب ای جانِ جانم دین و ایمانم ۲ ای جانِ  جانم  روح و  ریحانم ای جانِ  جانم   دین و   ایمانم ✍بیقرار اصفهانی ________________

✔️احوالات راه شام _منزوی * قویوبلا چولده آی بابا آنام باجیم ملرمنی سالوبلا ئوزگه لر کیمین گوزیندن عمه لرمنی * * * * * * نجه ئوزین ورار سودا ساقا صولا سنق گمی او حاله قالمیشام باباگوزوم گورنده کولگمی نه آی چخور نه کهکشان ایتورمشم دوشرگمی اجل بهانه آختارور سراغ ایدوب گزر منی * * * * * * * * * * قویوب گور ایندی بو گجه فلک کیمیله باش باشا بیر اوچ یاشندا قورخولی قزی سالوبدی داغ داشا ایاق یارالی چاتمور ال نه باجیا نه قارداشا من ئولمسمده ئولدورر مشقت سفر منی * * * * * * * * بو آیدا چخمور از قضا بیر آز ایشیقدا آغلیام ایاقمون تیکانلارین چکوب جهانی داغلیام آچوب بو کهنه معجری بولوب یارانی باغلیام اورکده چوخدی طاقتیم ایاقیم اینجدر منی * * * * * * * * * ئوزوه مسند ایتموسن اوجادا نوک نیزه نی ایاقون آلتدا گورموسن ایاقلانان ضعیفه نی گوزوندن اشگ تک دوشن بالون گنه گزورسنی یتش هرایه بوشلامور سیاهی خطرمنی * * * * * غرض قضائیلن قدر سالوب اله بهانه نی گجیله زجر بیحیا تاپوپ او نازدانه نی سلام وردی تتردی گورنده تازیانه نی دیدی گوزتله ورما ایلعین فتنه گر منی * * * * * * * قلم الیمده ایستمور سوزی سوزه هدر قاتا رقیه تک هوسلنور او کاروانه تز چاتا گیدور که تیر غمزه سین گوزیله نیزیه آتا دیه دوشنده ناقه دن گوزتله مختصر منی * * * * * * * * دینمرم نه لر چکوب بو کاروانه گلمشم بو داشلقی تیکانلقی گلینجه جانه گلمیشم فقط یارالی باشوی ایدوب بهانه گلمشم دیدیم جداده سیر ایدن یارالی چوخ سویر منی * * * * * * * * * * ئوزومی موج محنت و غم و بلایه ورمشام گزوب تاننمیان یولی بو خسته جانی یورمشام قوولمشام یخلمشام گنه دوباره دورمشام بو فکریلن که زجر دون یوبانسام ئولدوررمنی * * * * * * * * بیور دمشقه بویولون نقدر وار مسافتی اگر یوخوندی ویرمیوم بو کاروانه زحمتی اوزاخدی تاپشور عمه مه دوباره بو امانتی دی کوچ ایدنده ایلسون اققلی باخبر منی * * * * * * * تیکان باتوب ایاقمه گل آچدی بلبل آغلادی دوزنمدی فراقوه یانوب شیرین دل آغلادی اولوبدی فاطمه آنام دچار مشکل آغلادی یتشدی باسدی باغرینا او زار دیده تر منی * * * * * * دوشور منیم خیالمه وطنده کی مناظریم قبیله قونشی تای توشوم مقابلیم مجاوریم او عزتیم بو ذلتیم او اولیم بو آخریم مدینه لی ئوپر منی بو کوفه لی دویر منی * * * * * * * * مدینه ده دائیلاریم ایدنده خواهش عجزیله ئوزوی راضی ایتمدون گجه گیدم دائیم گیله نجه دوزرسن ایندی سن قزوون بابا دوشه چوله حسینه سویگلی بلن ایاقلیوب گچر منی * * * * * * * * * آنام دیردی هی منه اوزاقه گیتمه گوزدیر گوزیلن اوخلار آی بالا گوزل جمالی بدنظر گوزل لیگون طراوتین خزانه ویردی قمچیلر بونیلی صورتیم داخی یتیمه بنزه درمنی * * * * * رقیه جان ضریحوه رواقوه فدا اولوم سپنمدیم مزاروه گوزوم یاشین دولوم دولوم دیر همیشه "منزوی "او قبره دوشمدی یولوم اقللی جان ویرن زمان سن ایله مفتخر من #محرم1402 #راه_شام #اسارت

🏴هفتم شهدای کربلا ✍جعفر فتح اللهی (شاکر) یدی گوندور ،گیجه نی صبحه کیمی آغلامیشام آه جانسوزیله دنیا اورگین داغلامیشام سارالان صورته اشک تریمی باغلامشام گزمیشم کوچه و بازاریده آواره حسین قزلارین دردینه تک ایلمیشم چاره حسین یدی گوندور ،باخورام نیزده قانلی باشووا باجی قربان اولا او گوزدن آخان گوز یاشووا بویور ای شاه دو عالم اوجا بوی قارداشووا تازیانه ویروری قوم دنی قزلارووا یانورام هی نظر ایتدوکجه اوغولسوزلاروا یدی گوندور یارالی ،بوپوزولان دل آلیشار گوزومون یاشی اورک قانینه هر دم قاریشار دیسکینوب نازلی رقیه یوخودا هی دانیشار بابا وای ناله سی ایلیر دل دنیانی کباب آلوب آغوشه یوزوندن اوپر هر لحظه رباب یدی گوندور پوزولان قلبیده احساسیم ئولوب بویانوب قانه علی اکبریلن قاسیم ئولوب اوجا بوی ،انّی کورک ،شیر دل عباسیم ئولوب گیجه لر صبحه قَدَر ناله ایدوب وای دیرم توکرم گوز یاشیمی اصغره لایلای دیرم #هفتم_شهدا #کوفه #راه_شام #فتح_اللهی #شاکر ✨اَللّهُمَّ عَجِّل لِوَلیِّکَ الفَرَج✨

🎼سبک اجرا شده برای روضه فوق 👆👆 🎤#بانوای_حاج_علی_سیفی_افشار

بنام خدا 🏴نوحهٔ سینه زنی 🎼درآهنگ«ای قلم» ▪️زبانحال حضرت رقیه س در راه شام و یادی ازمدافعان حرم ____ سئیر ائدیر یولاری غم قطاری لشکر غم گئدیر شامه ساری ٱوج ائدیر آسمانه خدایا بیر‌ سه ساله قیزین آه و زاری گلدیم اوچ یاشدامن جانه یارب ائت غضب آل سفیانه یارب "" "" "" "" آل طاها دوشوب قیل و قاله بی نوالر قالوب آیری حاله بارالها گلنمور رقیه رحم ائله اول سه ساله غزاله گلدیم اوچ یاشدامن جانه یارب ائت غضب آل سفیانه یارب "" "" "" "" "" کاروان یولانوب غم سرایه قوزانوب آه و افغان سمایه آغلایور اوچ یاشیندا رقیه یالوارور بحر غم ده خدایه گلدیم اوچ یاشدامن جانه یارب ائت غصب آل سفیانه یارب "" "" "" "" "" "" شور اکبر چیخانمور باشیندان آیریلوبدی باجی‌ قارداشین دان قان ٱولور‌ عالمین باغری یارب اول سه ساله قیزین گوزیاشین دان گلدیم اوچ یاشدامن جانه یارب ائت غضب آل سفیانه یارب "" "" "" "" "" "" " هی باخور قانلی باشه قان آغلور گوز یاشین غملی رخساره باغلور سسلیور عمه سین داده هردم آه سوزانیله سینه داغلور گلدیم اوچ یاشدامن جانه یارب ائت غضب آل سفیانه یارب " "" "" "" "" " سویلیورعمه باغریم قان اولدی آه و نالم بو صحرایه دولدی من بو یولاردا اوللام شهیده عمه بو یول منه آیری یولدی گلدیم اوچ یاشدامن جانه یارب ائت غضب آل سفیانه یارب " "" "" "" "" "" " عمه جان ٱل ٱیاقیم قاباردی روز روشن منه لیل تاردی گلموشم جانه زجرین الیندن داده چات عمه عمروم‌ قوتاردی گلدیم اوچ یاشدامن جانه یارب ائت غضب آل سفیانه یارب " "" "" "" "" "" گوزلریم عمه قانیله دولدی گوشوارم منیم غارت اولدی اوچ یاشیندا باشا چاتدی عمریم گلستانیم بو صحراده سولدی گلدیم اوچ یاشدامن جانه یارب ائت غضب آل سفیانه یارب "" "" "" "" "" "" "" قولاریم باغلانوب دی طنابه قلبیم عمه دوشوب پیچ و تابه چوخ غمیم واردی سینمده امّا غم لریم چاتماز اصلا ربابه گلدیم اوچ یاشدامن جانه یارب ائت غضب آل سفیانه یارب "" "" "" "" "" " ساربان جانیمه اوت سالوب دی قمچی ردی یوزومده قالوب دی قاچموشام کاروانین دالیجا قورخودان عمه قلبیم یاتوبدی گلدیم اوچ یاشدامن جانه یارب ائت غضب آل سفیانه یارب " "" "" "" "" " باخموشام نیزه ده آفتابه دوشموشم بحر پر اضطرابه گوزلرین قان توتوبدی بابامون باخموری او من دل کبابه گلدیم اوچ یاشدامن جانه یارب ائت غضب آل سفیانه یارب "" "" "" "" "" فاخرا بو سوزی بوردا قورتار یازما نه حاله قالدی‌ او غمخوار ایسته آغلار گوزیله اورکدن بیر گونی اولگیلان شامه زوّاز عشقوی ایله ابراز اورکدن یاد ائله هی مدافعْ لری سن اونلارین حقی وار بوینموزدا ایرانی ایلیوب اونلار ایمن بیز بوتون ملت شاه دینوخ عاشق بو شه بی قرین وخ هر زمان و مکان دا همیشه دشمن جانی آل کین وخ ✍#مسلم_فرتوت_فاخر ____________