#اربعین #دلتنگی 🎤کربلایی سعیدسلطانی ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

#اربعین 🏴درد دل با برادر بو گون قرخ گوندی قارداش بی قرارم بو گون قرخ گوندی هجرانه دچارم بو گون قرخ گوندی زینب دلغمین دیر اویان قارداش اویان دور ، اربعین دیر بو گون قرخ گوندی چوللرده اسیرم سنه منزل به منزل دستگیرم مزارین اوسته گوزده سو گتوردوم بیر عده دلغمین آهو گتوردم منیم خورشید عشقیم باتما قارداش ایاقه دور منی آغلاتما قارداش منه دور اکبریم دن بیر خبر ویر علی اصغریم دن بیر خبر ویر بو گون قرخ گوندی سینم ده کوزوم وار سنه بیر اربعین قارداش سوزوم وار باجین مخموردور جانان سسیندن سنین جانبخش اولان قران سسین دن اویان شمع وفانی بیر آلیشدیر بو یوللار یورقونون بیرده دانیشدیر بو گون قرخ گوندی عالم غرق غم دی سراسر غصه و بار الم دی بو گون قرخ گوندی گلشنده خزان وار دل زینب ده بیر آتشفشان وار بو گون قرخ گوندی دشمن کام آلیب دی باجون چوللرده سرگردان قالیب دی بو گون قرخ گون دی سینم ده فغان وار نوای نی ده بیر سوز نهان وار یارالی پیکرین باشسیز قالیب دیر باجین ظلیمله قارداشسیز قالیب دیر بو گون قرخ گوندی قلبیم قاندی قارداش باجین نار فراقه یاندی قارداش بو گون قرخ گوندی سن سعی و صفاده گزورسن من دالینجا پا پیاده بو گون قرخ گوندی که نوک جداده گیدوبسن کوفه و شامه جهاده محبت کشتی سی طوفانه دوشدی حرملر کوفه ده زندانه دوشدی نشان اولدی دوداقین خیزرانه باجین اودلاندی قالدی یانه یانه دیار شامیده سولدی بهاریم منی تک قویدی خردا غمگساریم رقیه م شامیده ائتدی اقامت ولی سندن منی ائتدی خجالت اورکده قالدی قارداش آرزوسی بو قبر اوسته اولیدی های وهوسی بو قرخ گون زینبی قرخ ایل قوجاتدی ولی قرخ قرن دن آرتیق اوجاتدی بو قرخ گون ، باشیمه غملر توکولدی اوجالدین سن، منیم قدیم بوکولدی سالیبسان عالمه غوغانی قارداش دیریتدین تا ابد قرانی قارداش دئییب حق ،حق یولوندا قانه باتدین وئریب باش ، تا جهان وار باش اوجاتدین شکسته نی کیمی گلدیم نوایه خوشام گلدیم دوباره کربلایه کرگ شکر ائیلییم پرودگاره یتیردی لطفیله دلداری یاره عجب اولدی منای حق ده میقات گلم بیرده بیله دیداره هیهات اربعین1400 # مدهوش هوشمند التماس دعا

🏴 اربعین 🏴 ✍شاعر:علی عبدی🏴 دور ایاقه ای غملی قارداشیم بو مزاریوه میهمان گلوب چوللری گزوب شامه تا چاتوب شامیدن بورا خسته جان گلوب 🏴🏴🏴🏴🏴 وار یئری منی سن تانیمویان چونکه من برادر قوجالمیشام صورتیم اولوب تیره قارداشیم گونلرین قاباقینده قالمیشام من چیخاردوب اَلوان لباسیمی باشیمه حسین قاره سالمیشام وار یئری دیین کیمدی بو خانم قبریم اوسته قددی کمان گلوب 🏴🏴🏴🏴🏴 علّتین اگر سن سوال اِئدن باشیمون بیوک ماجراسی وار گر دیسم حسین تک نه سنله من سینن اوسته اَصغرده آغلیار اَصغرین رباب آلسا ناله سین جان بالا دیوب سینه داغلیار چون رباب علی اَصغر عشقینه شامیدن بورا دیده قان گلوب 🏴🏴🏴🏴🏴 کربلادن هئچ آیریلانی من ایندیه کیمی گولمیوب یوزوم گه سنون غمینده من آغلیوب گه فراقیدن قان اولوب گوزوم بیلمدیم کیمه دردیمی دییم اوندادان قالوب قلبیده سوزوم وار بو قلبیمین غملی سوزلری قبرین اوستونه درد آچان گلوب 🏴🏴🏴🏴🏴 اَللی دورد ائیل اولدوم شریک غم قویمادیم قالان غملر ایچره تک سن بو سُنّتی سندیروب ولی غم گونی منه اولمادین کمک چوخ گئجه،گونوزآج قالوب حسین حالیمه منیم آغلادی فلک زینبون اودی بو چوخور یئره ای شریک غم ناتوان گلوب 🏴🏴🏴🏴🏴 قانلی کوینگون چوخ فشاریلن اَهل شامیدن آلمیشام حسین کربلا دوشن وقته یادیمه باشیم اوستونه سالمیشام حسین کیم بو کوینگی بو گونه سالوب من تعجّبه قالمیشام حسین من نظاره ایتدیکجه کوینگه گوزلریمه اَشک فشان گلوب 🏴🏴🏴🏴🏴 هر نَدن خبر آلسان آل خبر سن رقیه دن آلما هئچ خبر من اونون اشیدنده آدینی برگی تک حسین پیکریم اَسر اوچ یاشیندا بیر قیز حسین مگر آلتی ، یددی آی چوللری گزر بی رقیه عفو اِیله سن منی کربلایه بو کاروان گلوب 🏴🏴🏴🏴🏴 کاش اولیدی پیکرده اَللرین هاردا قالدی قارداش بو اَللرین قلبیم اود دوتوب غمدن اوتلانور من تاپیدیم ای کاش بو اَللرین تا قوییدیم آخ بی قراریدن سینم اوسته بیر باش بو اَللرین دای منیم حسین یوخدی طاقتیم هر گونوم گونومدن یامان گلوب

🌿🌸🍃🌾🌼 🍃🌺🍂🍂 🌿🍂🍂 🌺🍃 🌿 🏴اربعین ✍اصغر فرشچی ( عدلی تبریزی) قارداش مزارون اوسته باجون گلوبدی گریان حَنجَر یاراسین ایتسون بوگوز یاشیله درمان قرآن ودین فداسی دور دردیمون دواسی مرهم تاپوبدی آیا سیننده اوخ یاراسی ایوای یارالی قارداش ایلدن آرالی قارداش معراجه گلموشم من بو یردی عرش داور قانون بو یرده آخدی تاپدی مقام اکبر باخدوقجا بو مزاره قان یاش توکوربوگوزلر شوق وصالون اولدی اولدوم بو نوعی نالان بویرده آچموسان سن عشق اوسته عالی مکتب شاگرد مکتبم من اولدوم حسینی منصب سن آیرولان زماندان امّا قوجالدی زینب دور روحیمه صفا ویر ایله منه بیراحسان گلمزدی فکره اصلا وصله چاتاربوهجران قسمت اولاربوقبرون بیرگون شه لب عطشان گلدیم قوناقون اولدوم لطف ایلیوبدی رحمان مرغ خیاله اولدی کرب و بلا گلستان بوکعبۀ وفادورچوخ با صفاسی قارداش هرزائره صفا سی سعیی روادی قارداش قانه باتان ترابی درده دوادی قارداش وارهرمریض عشقه بو توپراقوندا درمان گتدی باشون نی اوسته آردینجا من دولاندیم رنگ غم و بلایه هریرده من بویاندیم امامُصیبت شام گَلمَزشماره یاندیم داش آتدی بیر عجوزه قطع اولدی صوت قرآن داش دگدی تا باشوندان اولدی منه قیامت قرآن سسون کسیلدی تاپدی بیرعده جرأت ایتدی شَقی جماعت اول حالیده شماتت گویلومده کاخ عشقیم اولدی اودمده ویران شام ایچره چوخ دولاندوق گوندوز دونوبدی شامه مقصوده نایل اولدی دشمن چاتوبدی کامه اولدی خرابه مسکن اول گون یتوب تمامه الله بولور نه چکدوق گتدی قزون جهاندان گلموب قیزون رقیّه منلن بوکربلایه یاتدی خرابه یرده عمری چاتوب فنایه غُسل وکفن ایدنده گلدی هامی نوایه قویدوم اوزوم مزاره ایتدی حرملرافغان شام و سحرتوکردی گوز یاشنی گوزوندن بولدوم خرابه یرده غمدن دویوب سوزوندن گوردوم که گتمیوبدی سیلی یری یوزوندن آغلاتدی آغلادیم من اولدی اودَم اؤرک قان نه وار صفالی گللر بو گلستانه گلدیم دربار شاه دین و شاه جهانه گلدیم دور دردیمه دوا ایت بو آستانه گلدیم یاز«عدلی» سن دیلیمجن آغلا حسینه هر آن ___________

🎼سبک نوحه فوق👆👆 ✍بقلم حاج اصغر فرشچی (عدلی) تبریزی 🎤#بانوای_حاج_علی_سیفی_افشار

روضه حضرت زینب(س) من زینبم اول آنادان بختوراولدوم بش سینیده قالدیم ننه سیز خون جگر اولدوم گیتدی آتا قارداش قره اوسته قره سالدیم آخرده حسین ئولدی بئله دربدر اولدوم گل گور نجه غربتده حسین خار ئولورم من (راوی دییر خانمن الری قالب اورگینین باشندا گوزی قالب کربلا یولوندا حسین باجیوام ) گل گور نجه غربتده حسین خار ئولورم من چاره م کسیلیب درده گرفتار ئولورم من یاسدان هله ده چخمامیشام من سنه خاطر اگنیمده قرا کوینک عزادار ئولورم من من زینبم الله هارا گیتدیم قره باشدا بو قاره نی آخر آپارم من هارا باشدا جانیمده چخنجا چخمیاجاخ کوفه یادمدان بازاری دولاندوخ باجی قارداش یارا باشدا زینبیوم سارالمشام سولموشام آغلاماقا بولوط کیمی دولموشان (حسین بئله آدامسیز جان ویریرم آخی منه گورن دیردی زینب بختور باشوا یدی قارداش چینینده تابوتین قبره گیدجک) عزتیله گل منی یردن گوتور عزیزیوم گور نجه خار اولموشام زینبیوم غم گونون یولداشی آدم اولوب دل ازبری سوز باشی من که سنه یامان گونده باجیدیم (حسین مگر یادنان چخب قتلگاهیده الیمی آتدیم یالین خنجره اله دیردیم باشین کسمه قارداشیمین بالالاری یولون گوزلور) من که سنه یامان گونده باجیدیم سن ده گل اول یامان گونون قارداشی زینبیوم کیمیم سینه داغلاسون (حسین نه علی اکبر وار نه قاسم وار حسین علی اکبریوه دینن عمون ئولور قاسمه دینن بیبون جان ویریر حسین هرکیمی یولورسان باشیم اوسته یولا اما) عباسی یولاما بودی قورخوم چوخ اینجیه قولاری یوخدی دوندره تا رو به قبلیه زینبیوم کیمیم سینه داغلاسون ننمه ده گلسین منه آغلاسون گلین گیتدیم گلمدی پا تختیمه گلسون باری گوزلریمی باغلاسون ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

روضه حضرت زینب س☝️☝️ بانوای حاج جعفرایمان نژاد اردبیلی 😭😭😭😭😭😭😭😭 التماس دعا

🔳 #روضه #ترکی #اربعین 🌴بیلدیم سوسوزلوغو 🌴سن اوچون سو گتیرمیشم 🎙زنده یاد #محمد_باقر_منصوری 👌بسیار دلنشین

#اربعین گلدی باجون بیر اوزون یولدان حسین جانیم اولسون جانیوه قربان حسین آلتی گوشه قبریوین زواریم پیشواز ایت گلمیشوخ مهمان حسین بلالی دور باشیم حسین حسین یارالی قارداشیم حسین حسین قبریوه دوشدی گذاری زینبون گلمیشم ای شهریاری زینبون گر چه باشون همقطار اولموش منه قبریده دار و نداری زینبون بلالی دور باشیم حسین حسین یارالی قارداشیم حسین حسین قرخ گون اولدی چوللرین ویلانیم کوفه و شامات سرگردانی ام دشمنین دن آلمیشام پیراهنون دورت مین اوخلی جسمیوین گریانیم بلالی دورباشیم حسین حسین یارالی قارداشیم حسین حسین اهل بیتی چکدی دشمن داغ داشا قویمادیم صبریم ولی حددن داشا شور عشقونله باجون زنده قالوب کاش اءله عمروم گله بوردا باشا بلالی دور باشیم حسین حسین یارالی قارداشیم حسین حسین قوی دیوم چکدوخ نه لر شاماتیدن شاکیم اوردا گیچن اوقاتیدن شام شومدان اینجییب روحیم منیم خوندلم دروازه شاماتیدن بلالی دور باشیم حسین حسین یارالی قارداشیم حسین حسین گورموشم آزار اراذلدن حسین دشمنان آهنین دلدن حسین اءولدوروپلر اوچ یاشیندا دلبری شرمسار م اول شیرین دیلدن حسین بلالی دور باشیم حسین حسین یارالی قارداشیم حسین حسین ✍بقلم کربلایی رحیم شایان ارومیه---التماس دعا

#اربعین 🏴زبانحال حضرت زینب(س) ✍بقلم استاد شایان 🎤#بانوای_حاج_علی_سیفی_افشار 🕌مسجد امام حسین (ع) خیابان پیروزی هیئت مسلم بن عقیل(ع) _

🏴زبانحال زائرین اربعین حسینی 🎼سبک : در هوایت بی قرارم بی قرارم روز وشب _استاد شهرام ناظری سن شهید سرزمین نینواسن  یاحسین پادشاه باوفای  کربلاسن یاحسین زائرم من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) کربلایه شوقیلن  من غملی  مولا گلورم لبده ذکرون جاندا  عشقون دیلده  نوا   گلورم آلتی گوشه مرقدووه تلسورم چاتماقا سسلیورم یابن الزهرا   یابن الزهرا      گلورم زائرم  من  زائرم  من  زائرم آلتی گوشه مرقده مسافرم جان حسینیم، جان حسینیم،جان حسین(2) وار سلامیم قاسموه اکبروه یاحسین آغلارام هی  شیرخواره     اصغرووه  یاحسین تشنه سقا ماتمینه قلبیمیزی  داغلیوب قان توکور گوز قانه باتان  پیکروه    یاحسین زائرم  من  زائرم   من   زائرم آلتی گوشه مرقده مسافرم جان حسینیم، جان حسینیم،جان حسین(2) بیز مریدِ جان به کف بوترابوگ  بوتراب بیز غمونده حشره کیمی دلکبابوگ   دلکباب زنده قالوب  یابن الزهرا بوشرفلی    نهضتون تا نفس وار  پای بند انقلابوگ  انقلاب زائرم  من  زائرم   من  زائرم آلتی گوشه مرقده مسافرم جان حسینیم، جان حسینیم،جان حسین(2) آلماقا من عطر قبر شهدانی گلورم گورمگه من قتلگاه نینوانی گلورم تل زینب کف  العباس آرزومدور سینه ده اوپمگه من خاک پاک کربلانی گلورم زائرم  من  زائرم   من   زائرم آلتی گوشه مرقده  مسافرم جان حسینیم، جان حسینیم،جان حسین(2) یولا باخور او صفالی قبری گزور گوزلریم اشک شوقه اشک وصله ایسلانوبدور   اوزلریم نوحه دیوب سینه ووروب شاه دینه آغلورام دیلده فقط، جان حسیندور،یاحسیندور، سوزلریم زائرم  من  زائرم  من   زائرم آلتی گوشه مرقده مسافرم جان حسینیم، جان حسینیم،جان حسین(2) شهر عشقه قبر شاه مه جبینه گلمیشم نینوای باصفای شاه دینه گلمیشم من حسینون انقلابی زینبیه عاشقم مثل  زینب کربلایه اربعینه گلمیشم زائرم من  زائرم من زائرم آلتی گوشه مرقده مسافرم جان حسینیم، جان حسینیم،جان حسین(2) ✍بقلم شهرام  علیزاده ___

#اربعین 🎤کربلایی سعیدسلطانی ♦السلام علیک یا اباعبدالله الحسین (ع)♦ 📌ناب ترین کانال نوحه ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین