‍ زنجیر زنی ای گوزل آدی دیلر صفاسی نام زیباسی دردلر دواسی شیعه لر فخر ایدر کائناته سن کیمی وار گوزل مقتداسی سائلم قاپوندا حسین گلمیشم نوایه قاره کوینگ اگنیمده گلمیشم عزایه ای سپهر محبت هلالی آفتاب کرامت جمالی رشک ایدر شأنیوه اهل جنت وار کیمین بیله شأن و جلالی سائلم قاپوندا حسین گلمیشم نوایه قاره کوینگ اگنیمده گلمیشم عزایه درگهین درگه کبریادی باغ فردوسیدن باصفادی سائلین بوش گیتمز قاپوندان گل آدون هر مریضه دوادی سائلم قاپوندا حسین گلمیشم نوایه قاره کوینگ اگنیمده گلمیشم عزایه ای اولان عالمین دلرباسی مرتضی اوغلی زهرا بالاسی دردمندم آقا دردمندم دردیمون سنده واردور دواسی سائلم قاپوندا حسین گلمیشم نوایه قاره کوینگ اگنیمده گلمیشم عزایه چوخ اوزاخدان آقا گلمیشم من باغریمی قان ایدیب دردیلن غم سائلی بوش یولا سالماسوز سیز چون آقا فاطمه اوغلوسان سن سائلم قاپوندا حسین گلمیشم نوایه قاره کوینگ اگنیمده گلمیشم عزایه @turki_nohemajma

#حضرت_زهرا س مقدمه گینه یا فاطمه گلدیم بو کرملی قاپیا ئوزی حلال مشاکل آدی غملی قاپیا قویموشام قاره یوزی گوزلری نملی قاپیا آنداولا محسنووه چوخ سُورَم بو قاپونی درد الیندن یورولاندا دویَرم بو قاپونی سینه سین اوخ کیمی مسمار یاران زهراسن پشت درده یخلوب قان آپاران زهراسن حیدری دشمن الیندن قوتاران زهراسن گوزلریم چوخ کرم ولطفیوی گورمیشدی خانم اوسینان اللره بیر یولدا ایشیم دوشدی خانم گرچه اوز درد و غمون هامیدان آرتوخدی خانم غملرون تک قاپوون سایلیده چوخدی خانم منده گلدیم قاپووا اوز ویرنیم یوخدی خانم آی حسینون ننه سی طرد ائیلیوب خار ائلمه قاپووین سائلیم سائل بازار ائلمه

‍ ‍ 🥀 زبانحال حضرت زینب سلام الله علیها درفراق مادر🥀 🔘فارسی جانم به لب رسیده از دست این زمانه صبر و قرارِ زینب مادر نرو شبانه چون نقش آتشی که دشمن کشیده بر در این قلبِ داغِدارم امشب کِشد زبانه روح و روانِ زینب ای مادر عزیزم آرامِ جانِ زینب ای مادر عزیزم ای مادر حَزینَم دنیا وفا ندارد این خانه یِ غَم انگیز جز تو صفا ندارد راضی نشو که زینب گریه کند نگارم از گریه یِ جدایی چشمم ضیا ندارد روح و روانِ زینب ای مادر عزیزم آرام جان زینب ای مادر عزیزم 🔘ترکی بس کیم منه آناجان قرآن تلاوت ایلر حالیم مریض اولاندا یاتماز طبابت ایلر گئتسون اگر حسینین کرب و بلا چولونده کیم باغلیار یاراسین رفع جراحت ایلر روح و روانِ زینب لایلای یارالی مادر آرامِ جانِ زینب لایلای وفالی مادر زبانحال حضرت زهرا سلام الله علیها گلسون اگر نوایه منده نوایه گللم بیر گون اولار سنیلن آهیله وایه گللم چوخ غم یئمه نگاریم دردانه قارداشیوین درمان ائدم یاراسین کرب و بلایه گللم روح و روان زینب لایلای وفالی مادر آرام جان زینب لایلای یارالی مادر ✍منکلام:کربلایی ابراهیم تون متخلص به خوش قلم میاندوآبی #شهادت_حضرت_زهرا_سلام_الله_علیها #فاطمیه

‍ روضه شهادت حضرت زهرا(ص) هر فرد بشر که ائدر اِمرار ئوز ائوینده امنیّتی نسبت ئوزینه وار ئوز ائوینده قانون طبیعتدی نظام مدنی دور آسوده یاشار مسلم و کفّار ئوز ائوینده کانون فراغتدی هر ائو اهلینه سوز یوخ بیرکس ائده بیلمز بیرینی خوار ئوز ائوینده راحت یاتا حتی گرک هر قوش یوواسیندا پرّنده لره یتمیه آزار ئوز ائوینده ای پیر خرد وار نه جوابون بو سؤاله زهرا نه سبب اولدی گرفتار ئوز ائوینده بیر فاطمه کی میوهء قلبیدی رسوله دؤزمزدی اولا ذرّه گرفتار ئوز ائوینده باخدوقجا پیمبر اونا بالیده لنردی ایگلردی گُلون احمدِ مُختار ئوز ائوینده فرمایش ائدردی منی زهرا آتا سسله شاد اولسون آتون مفخر احرار ئوز ائوینده بیر فاطمه که بذلی چوخیدی فقرایه ائتمزدی دویونجا ئوزی افطار ئوز ائوینده بیر فاطمه کی عاشقیدی صوم و صلاته ایلردی مناجات سزاوار ئوز ائوینده بیر فاطمه کی نازل اولوب شأنینه کوثر توهین ائلدی فرقهء اشرار ئوز ائوینده شیخین خلافت نقدر کج یولا چکدی زهرایه گونی ایلدیلر تار ئوز ائوینده اندیشه غلط اولسا بشر شرّ اولی مطلق ناحق یره اخیاری ائدر زار ئوز ائوینده یاندیردی عمر باب همایون علینی شه بانوی اسلام گوروب نار ئوز ائوینده اودلاندی قاپوم ثانیه ال چَک دِئدی مندن زهرائیله گل ایلمه پیکار ئوز ائوینده هر بیر یوزه بو درگه والادی آچیلماز فکر ائت کیمه گور ایلوسن اخطار ئوز ائوینده تا وار نفسیم بو قاپونی بیرکس آچانماز گئتسون اوتوسون قُومِ تَبهکار ئوز ائوینده قارداشسیزام اینجیتمه آتام تازه ئولوبدی قوی فاطمه نی اولسون عزادار ئوز ائوینده فکر ایلیوسوز اولما کمک سیزدی عم اوغلوم زهرا تک اونا واردی فداکار ئوز ائوینده بیز ایستمدوک امر خلافت سیزون اولسون قوی راحت اولا عترت اطهار ئوز ائوینده آهولریمی ائوده ملشدیرمَه حَیا ائت دورت خوردا بالام قورخودان آغلار ئوز ائوینده باخمادی سوزه ثانی نه بیلدی اونی ائتدی حقّون ائلدی حقّینی انکار ئوز ائوینده بیر زور وئروب قَهریلَه یانمش قاپی سیندی زَهرا اَجلین گوردی پدیدار ئوز ائوینده دیواره که تکیه ائلمیشدی ائله قالدی سالدی اونی جاندان در و دیوار ئوز ائوینده مسمار امان وئرمدی زَهرا گئج ئولردی دلدی سینه سین اوخ کیمی مسمار ئوز ائوینده سیندی صدف طاهره دُرّی یِره دوشدی اولدی اجل اول دُرّه خریدار ئوز ائوینده فضّه ائله سسلندی علی چیخدی اطاقدان گُوردی یخیلوب دلبر دلدار ئوز ائوینده نه جای مذمّت وار علیده چتین ایشدور یارین یارالی درک ایلسه یار ئوز ائوینده ایوای دئدی الله آناسیز قالدی اوُشاقلار بو دورت بالاما کیمدی پَرستار ئوز ائوینده اوغلانلاریمون قیزلاریمون گوزیاشی آخماز دیلدَن دوشنیم ایلسه گُفتار ئوز ائوینده غشّ ایلیوب حتماً سَسیمه سَس وئره بیلمور بیهوش ائلیوب یاریمی اغیار ئوز ائوینده گلسه دیله سَسلنسَه عم اوغلی غمیم اولماز بیلّم که علینون کمکی وار ئوز ائوینده حاصل ایشی تقدیر قضا بیر یِره چَکدی دوردی اَیاقا فاطمه ناچار ئوز ائوینده درک ائتدی علینی باش آچوق قولّاری باغلی چوخ غُصّه لیدور حیدرِ کرّار ئوز ائوینده میرِ حرمی ثانی چکور مسجده ساری شهبازه آچوب شبپره مِنقار ئوز ائوینده دوتدی ایکی اللی شَه دینون اتگیندَن ئوز همدمینه اولدی هوادار ئوز ائوینده دشمن او شَهی خارجه زَهرا اِئوه چکدی قَهر ایلدی محبوبهء قَهّار ئوز ائوینده ثانی دیله گلدی دئدی قُنفذ نه دوروبسان زَهرا نجه گور ایلیور ایثار ئوز ائوینده فوراً او دَنی قمچیسینی آچدی بلیندَن وردی گُلِ طاهانی او غَدّار ئوز ائوینده سُست اولدی بتولون قولی ال چکدی علیدن ضربَت یتیشن وقتیده تکرار ئوز ائوینده صدّیقهء کُبریٰ یخیلوب صحن سَرادَه قالمادی شَهِ خیبره غمخوار ئوز ائوینده گلدی بالالار فاطمه نی آلدی آرایه زینب ائلدی فضّیه اظهار ئوز ائوینده درگاهیمیزی چکدی اوُدا بی سر و پالَر یاندی شَررِ مُحنته سردار ئوز ائوینده بو شهریده مظلوم آتامین بیر کسی یوخدور توش اولدی غمه حُجّتِ دادار ئوز ائوینده پیغمبره دلدار آنامی سالدیلا دلدَن راحت اوتوروبدور هله اَنصار ئوز ائوینده فضّه سو گتور وِئر آنامیز گُوزلَرین آچسون ائتسون ئوزی ئوز دردینی معیار ئوز ائوینده کیم وار قولی باغلی آتامون فکرینه قالسون کیم گلدی اونا اولدی طرفدار ئوز ائوینده چاره گینه قالمیش آناما بیزده نه چاره بیر چاره تاپار اولماسا بیمار ئوز ائوینده ✍مرحوم حاج_انور_اردبیلی @turki_nohemajma

بانوای مرحوم زنده یاد حاج ربعلی رحمتی اردبیلی☝️☝️🖤🖤😭😭

‍ روضه حضرت فاطمه زهرا سلام الله علیه احوالات حضرت زهرا( ص)گریزبه روضه ای قلم حالیوی دوندر گیدیرم روضه دیم بوروسون دفتری احساس غم آلود گرک گون او گون اولدی سقیفه گورولوب پنهانی یازدیلار حل اولا وضعیت موجود گرک اولین شرط خلافت بیزه عالمده بودور ایلیک حکم غدیریه نی نابود گرک توکولوب کوی بنی هاشمه بیر عده شرور ناگهان ثانی ملعون دیدی هیزوم گتیرون اوجالا بو قاپیدان آتشیلن دود گرک ایستیرم بیت خلیلی شرر ناره چکم دوزخ ایچره منه احسنت دیه نمرود گرک بویارام قانینه اسماعیلی من هاجریلن یانا بو حادثه دن شاهد و مشهود گرک (ملعونین سوزونه باخ قاپی دالندا گور نه دیدی) سوز منیمدی سند و مدرکه رحم ایلمرم آنا بطنینده اولان کودکه رحم ایلمرم (آی فاطمیه آماده اولانلار ،آی دیملی دردی اولانلار، آی مریضی اولانلار ) نا امید اولدی نبی امت و انصاریندن قبریده جسمی اسور غملرین آثاریندن ال شمشیریده اوچ یوز نفر آماده قوشون کینه لر تک تکینون جاریدی رخساریندن اولین مشعلی ثانی ئوزی آتدی قاپیا شعله گوزاندی بهشتین درو دیواریندن (قاپنی اله یاندردلار ) کوچه نی یکسره توسی بورودی بیر آندا ناتوانم بو چتین صحنه نین اظهاریندن بامین اوسته اوتوران قوشلاری قورخودی الو پر آچوب اوچدولا تئز فاطمه گلزاریندن قونشولارداندا بیری گلمدی امداد الیه (قاپنی یاندردلار خانم قالدی قاپینان دیوار آراسندا ) قونشولارداندا بیری گلمدی امداد الیه گوردولر حقی ولی قاچدیلار اقراریندن گوئیا اوت ئوزی یاندیخجا وروردی باشنا ناله ایلوردی بو کافرلرین آزاریندن هر قاپی یانسا بلی سلب اولی استحکامی چارچوبی داغلوب آیرلار ابزاریندن گوردولر وقتیدی که مانعی رفع ایلیلر یخالار حقین ایوین پایه و پرگاریندن بیر قدم گیتدی دالا ثانی صورا وردی لگد وای او سینمش قاپنین ناوک مسماریندن پشت درده یارالاندی حسنینین ننه سی اوجالوب زینبین افغانی دل زاریندن گل تیکانان ئوزون آزاد ایدوب ایلشدی یره آخدی قان دامنینه سینه خون باریندن وارد صحن اولوب اشرار زمان نعره کشان هیچ بیری زره حیا ایتمدی رفتاریندن اوتلی بیر هیزمی قنفذ خانما ویردی نشان دیدی آل هدیمی گچمه سوزون اجباریندن دسته گل باغلامشام محسنوون آد گونونه ذاتیمیز اورگنیب ابلیس دوزونان یمگه گلمیشوک حیدره بیز گوزلرین آیدین دیمگه سبک بانوای،حاج نادر جوادی،اردبیلی @turki_nohemajma

روضه بانوای# حاج نادر جوادی اردبیلی☝️☝️التماس دعا 🙏

یافاطمه الزهرا(س): ‍ ‍ ‍ روضه حضرت فاطمه زهرا سلام الله علیها خداحافظ ای غریب مدینه سنی تاپشوردوم خدای معینه حسینی قویما قوجاقیمه گلسون علیجان نیلوم یارالیدی سینه گئدوب اختیاریم خداحافظ کمکسیزنگاریم خداحافظ دئمم سیندی شهپریم سنه خاطر یانار بلبل اوتدا گلشنه خاطر ئوزوم وئردیم محسنی سنه قربان علی سنده صبر ائله منه خاطر شه بردباریم خداحافظ کمکسیز نگاریم خداحافظ ✍منکلام:استاد حاج ولی الله کلامی زنجانی @turki_nohemajma

‍ روضه حضرت فاطمه الزهرا سلام الله علیها ای گل پیغمبر. ای غمخوار حیدر منی آغلار قویما اویان زهراجان ای یارالی یاریم وفالی دلداریم منی گوزدن آتما اویان زهراجان یارالی یازهرا (۴) ملراهولرون هجرونده آغلالار سینه داغلارام هی ام ابیها سنسیز بو دنیاده بیرده اوزوم گولمز گول کیمی سولدون سن آی گل طاها منی گوزدن اتما اویان زهراجان یارالی یا زهرا ۴ ایله ایلشب زهرانین باشین آلیب دیز اوسته یارالی یا زهرا۴ هردم دیور زهرا عم اوغلوام گوزون آچ زهرا آدامسیزام کمکیم یوخدی گوزون آچ خانم گوزون آشمادی بیله باخدی صورت زهرایه بیر توکون زهرا بیلورسن عالمه من ویرمرم یاروه قربان اولوم دیندیر دانیشدیر حیدرم زهراجان عم اوغلوام گوزون آچ آی زهرا بیر طرفده گورور ناز دانه لر آغلاشیلار بیر طرفده زهرا رو به قبله زهرا منه رحم ایله زهرا آدامسیز علیه رحم ایله گوزون آچ گوردی زهرا گوزین آچما دی زهرا بالا لاریم رحم ایله گوزون آشمادی زهرا حسنیمه رحم ایله زهراجان بیلوسن حسنیمین بیر دردی وار همیشه کوچه سوزی گلنده بالا یوزین قویار دیواره بیر گونی خبر آلدیم اوغول حسن دی گورم او گوچه ده نلر اولدی بیله آغلیسان بالا حسن آغلادی دیدی بابا چو سیلی صورت زهرایه دیدی بابا ننمین بو بیری صورتی دیواره دیدی بابا ننم یخلدی یره گوردوم‌ننم قوللارین آچدی اوغول حسن قسمت بویومیش کوچده سیلی منه دیسون قوخدوم او آغیر ال ننون اولسون سنه دیسون حسن بالا آغلاما بالا حسن بالا نگران اولما بالا قسمت.بویومش کوچده سیلی منه دیسون. قوخدوم اواغیر ال ننون اولسون سنه دیسون.ای بالا بیله یوزون منظم ایلدی ننه نین یوزونه بالاجا اللرین سالدی زهرانین بوینونا ننه باشوا دولانیم آی ننه گر یوزون توختاسادا دور منله گیدک قالما ننه بیله کومون اولام ای ننه فدکین مولکونیده ویرسه له دای آلما ننه بیله کمک اولارام آی ننه ننه دور ایاقه قولومی سالیم بوینونا الوی ویر الیمه دور ایاقه جوان ننه کمکسیز ننه آی ننه گر یوزون..توختاسادا دورمنله گیدگ قالماننه بیله کومون اولام ای ننه فدکین.مولکونیده ویرسه له دای آلما ننه دور ایاقه گیدک ایوه بابام یولوی گوزلیر لور ای ننه ننه دور ایاقه زینبیم یولوی گوزلور آی ننه ننه دور ایاقه حسینیم یولوی گوزلور آی ننه ایوای جوان ننه دیمه او کوچه ده آیری گلیب گیدن واریدی خانیما سیلی دینده یانیندا حسن واریدی ایوای ننه دور ایاقه ننه بابام یولوی گوزلور آی ننه باشوادولانیم ای ننه باشوادولانیم ای @turki_nohemajma

🥀زبانحال حضرت زينب(سلام الله علیها)  بر سر قبر فاطمه(سلام الله علیها)🥀 غمِ     زمانه دن    جانه    گلوب   دويان   ننم حُسين  و   زينبي  گوزي   ياشلي  قويان  ننم دولوبدي    قلبيمه   مصيبت  و  ملال   و   غَم اولوبدي   ذكريميز    جوان   ئولن    ننم   ننم ننم   ننم   ننم   -   غرقِ  غم   و   محن   ننم يانان     بلالره    -    عمرونده   گولميَن   ننم قابورقاسي  سينوب -  جوان جوان  ئولن  ننم ننم         ننم        ننم جوان   ئولن   ننم ننم اي  عالمون   گُولي   بهاريميز  خزان   اولوب بابام غمونده چون اينان كي باغريقان اولوب ئولونجه   گيزلَدَن    سينه سينون    ياراسيني حَسن   ديوب  دونَن   او  كوچه   ماجراسيني دئدي    نه   نوعيله    رشتة   غم     قيربديلار گوزوم     باخا  باخا     قباله سين   جيربديلار آنامي كوچه ده   يالقيز   گوروب    وئريبديلار ننم         ننم        ننم جوان   ئولن   ننم ننم ئولونجه    قاروي    باشيمه      باغلارام     آنا گیجه   گونوز   سنون   غمونده    آغلارام   آنا جانيم    فدا    سنون    او   غصلي    سكوتيوه هميشه         آغلارام         نمازيوه     قنوتيوه ننم   ننم   ننم     ديوب    جهاني     داغلارام غمونده    هر  گیجه   ديزلريمي  قوجاخلارام يانيخلي  نوحه لر   هي   اوخوب  هي  آغلارام ننم         ننم        ننم جوان   ئولن   ننم ننم يوخوما  گل    آنا سويله    قيزيم  حالون  نجه آناليخ     ايلورم    بو   آز    سنيله    هر  گیجه يورولموشام       آنا  غم    و   فراقيوه    اينان الولانير  اورك    حسين  سو   ايستيَن   زمان بو  ائوده   حيدره   ايستكلي   ياور  اولموشام حسينه دوزدي كي ظاهرده  خواهر اولموشام سنون  يئرونده  من حسينه  مادر   اولموشام ننم         ننم        ننم جوان   ئولن   ننم ننم ** ✍رامین محمد زاده (پریشان @turki_nohemajma

خدا حافظ جان عم اوغلی جان😭😭 التماس دعا داداش حبیبی😭

‍ سینه زنی حضرت زهرا(س) به سبک ییخیلوب عباسیم بش یاشوندا گولم___نوالی بلبلم فلک قویمورگولم____آغلارام ننه باخیرام کفنه___هیچ یاراشمور سنه دردون گله منه ____ آغلارام ننه واویلا واویلا ____یازهرا یازهرا آنا یازهرا ننه سیزاوشاقلار___یانانداچراغلار دیزلرین قوجاقلار___آخشام اولاندا دورآل بیردستماز _اولوب وقت نماز آچمیشام جانماز_بوش اتاقوندا واویلا واویلا ____یازهرا یازهرا آنا یازهرا گونوم اولدی قاره قالمیشام آواره یوخ دردیمه چاره____آغلارام ننه آنا سن دویمادون ____گل بالالاروندان هله کی قان گلیر____یارالاروندان واویلا واویلا ____یازهرا یازهرا آنا یازهرا یاس دوتوب مدینه _غرق اولان سفینه یارالاندی سینهنی تک سیزیلار سوزون قولاقیمده___آدون دوداقیمده کلثوم قوجاقیمده___ آغلارام ننه واویلا واویلا ____یازهرا یازهرا آنا یازهرا دفنون قالدی گئجه___محشردور بوگئجه صبرائلیوم نئجه _من فراقوندا دویمادیم سوزوندن___قوی ئوپوم یوزوندن لکه لی گوزوندن___آغلارام ننه واویلا واویلا ____یازهرا یازهرا آنا یازهرا #بش_یاشیندا_گولم #فاطمیه @turki_nohemajma