نوحه وفات حضرت زینب ای منیم سروریم ابوالفضل یولدادی گوزلریم ابوالفضل شامیده دوشموشم ایاقدان داده گل یاوریم ابوالفضل زینبین گوزلری باخور یوللاریوه هارداسان قربانام اوزون قوللاریوه عالمین ایشلری عجبدی گوندوزی یاره تیره شبدی کربلا حسرتیم اورکده رحلتیم نیمه¬ی رجبدی گل دوشوب کربلا هواسی باشیما باجیوام واردی چوخ سوزوم قارداشیما گل یاتان بختیمی اویاندور زینبی قبلیه دولاندور گون باتور جان گلوب دوداقه شامیده شمع هجری یاندور زینبین قلبی غصه¬دن دینجله جاق ئولورم یاسیمه منیم کیم گله جاق؟! دلده وار چوخ سوزوم حسینه هی دیردیم ئوزوم حسینه جان چیخان وقتیده یومولماز دوشمه سه گر گوزوم حسینه ای دوشن اللری بدندن من اوزاق دوشموشم وطندن نه سنی نه حسینی گوردوم دوت خبر مشکله دوشندن سنده دی دردینون دواسی باجیوین گلمسن خوار اولار عزاسی باجیوین موضوع: #حضرت_زینب سبک: #اصغریم_ای_شیرین_زبانیم شاعر: #کلامی_زنجانی

▪️#نوحه #وفات_حضرت_زینب #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

زبانحال حضرت زینب سلام الله علیها در حال احتضار ✍حاج ولی الله کلامی سبک:👇🙏 دولانور علی قیزی مقتلی... ئولورم گل آغلا بیر آز منه سنه من چوخ آغلامیشام حسین آنامین او قانلی امانتین سینم اوسته ساخلامیشام حسین داریخوب بو آخر عمریده اؤرگیم آنام جانی شامیده الیم آشنالره چاتمادی منی یاد ائدن هانی شامیده باجیوین سینوب باشی کوفه ده یارامین آخوب قانی شامیده یارالی باشا نه حنا قویوب نه هوروب داراخلامیشام حسین آنام اوغلی عشق و محبتون هله جان و خون و رگیمده دی بیلن اولسا قرمزی خطیلن یازیلوب آدون اورگیمده دی منی چوخ دوگوبله سنه گوره یئری قمچینین بیلگیمده دی نه بیلور فلک بو الیمله من نچه یاره باغلامیشام حسین دئمورم سنه قوشولوب گله ایکی نازدانه بالام گرک اولاری گتورمه که گلسه لر باشیمی اشاقه سالام گرک سنه عاشقم من ئولنده ده بالا حسرتینده قالام گرک که یر آچماز آیری محبته بو اورک که داغلامیشام حسین نچه یول ئولوب دیریلم اگر اورگیم نشان اولا داغلارا آلیشوب یانام کولومی فلک سؤورا سپه اوجا داغلارا گنه آرزو ائدرم دگه دوداقیم او قانلی دوداغلارا بو هوسله شامه کیمی گزوب یریوی سراغلامیشام حسین بو خمیده قد باجیوین گرک هدفی جوانلارا درس اولا بو رویه مکتب عشقیده هامی قهرمانلارا درس اولا گئده کربلاده کی گلشنی گوره باغبانلارا درس اولا نه خزانه گللری وئرمیشم نه باغون ایاخلامیشام حسین من او زینبم که بو شهریده علم قیامی اوجاتمیشام یوخودان بو خلقی اویاتماقا گجه لر خرابه ده یاتمیشام باشیم اهل شامه اگلمیوب دانیشوب حماسه یاراتمیشام یتش ایندی دادیمه هاردا گور دیزیمی قوجاخلامیشام حسین

🏴رحلت جانگداز و شهادت گونه ام المصائب حضرت زینب کبری سلام الله علیها تسلیت باد #بانوای_حاج_علی_سیفی_افشار گل حسینیم شامه بیر دم زینب زارون وئرور جان گوزونی باغلا برادر خسته دلدارون وئرور جان یوخومدی یاوریم سینوب بال و پریم گلن یوللاریوا فدا بو گوزلریم یورولوب رنج و محندن جسم و روحا خسته یم گل منیم ای روح و روانیم لطفیوه وابسته یم گل نفسیم دوشموش شماره غربت ائلده بیر کسیم یوخ بو دیار غم فزاده قارداشیم جان اوسته یم گل باجون عالمده دی ملال و غمده دی او قانلی کوینگون هله سینه مده دی شه انس و جان حسینیم گل سنه قربان حسینیم باجوین بیر گویلونی آل خاطر سبحان حسینیم بیلیرم که یوخدی باشون جسم پاکون غرق قاندی ایسته سن اما ائدرسن مشکلی آسان حسینیم اسیر غربتم غریق محنتم او قانلی گوزلره برادر حسرتم نه کناریمده ابوالفضل و نه عون و جعفریم وار نه باشیم اوسته وار اوغلوم قاسمیم نه اکبریم وار نه واریمدی آغلیانیم نه گوزومی باغلیانیم اورگیمده حسرتیم چوخ دیده ده اشگ تریم وار پوزولدی گوللریم داغیلدی ائللریم اورکده حشره جک قالیر نیسگللریم

❤️جابر ولد پور ( استاد مژدۀ اردبیلی )❤️ 🌴اگر زینب (س)اولماسیدی🌴 حسین سالار زینب اولماسیدی حسین دلدار زینب اولماسیدی قالاردی کربلاسی کربلاده اگر ایثار زینب اولماسیدی 🏴🏴🏴🏴🏴 ایدیم آگه سیزی ای اهل طاعت دوتاردی عالمی جور و جنایت اگر سلطان عالمدن حمایت اساس کار زینب اولماسیدی 🏴🏴🏴🏴🏴 بشر دینین گریبانین سیخاردی بنای عشق و ایمانی یخاردی شریعت اوز مسیریندن چیخاردی اگر پندار زینب اولماسیدی 🏴🏴🏴🏴 گل خوش منظر جنت سولاردی جهان فسق و فجوریله دولاردی اطاعت پوچ و بی معنا اولاردی اگر رفتار زینب اولماسیدی 🏴🏴🏴🏴 جهالت قان سالوب فریاد ایدردی خیال و نیت شداد ایدردی بحکم زور و زر بیداد ایدردی دل بیدار زینب اولماسیدی 🏴🏴🏴🏴 جهان جولانگه اغیار اولاردی دیانت پست و بیمقدار اولاردی جماعت پیرو شداد اولاردی اگر افکار زینب اولماسیدی 🏴🏴🏴🏴 خباثت باشلارا سایه سالاردی جنایت اهل دِلدن جان آلاردی حسینون نهضتی یرده قالاردی اگر حق یار زینب اولماسیدی 🏴🏴🏴🏴 شرارت منشا کردار اولاردی ره اندیشه ناهموار اولاردی غرض اهل شریعت خوار اولاردی اگر گفتار زینب اولماسیدی 🏴🏴🏴🏴🏴 بشر حیثییتین یونگول ساناردی خلایق دین اسلامی داناردی یانار اوددا امام اوغلی یاناردی اگر ایثار زینب اولماسیدی 🏴🏴🏴🏴🏴 بشر اهل جهیمی حق بیلردی یزیدی حاکم مطلق بیلردی حسینی سرنگون بیرق بیلردی اگر اخطار زینب اولماسیدی 🏴🏴🏴🏴 یزید بی حیا طوفان سالاردی جهانه آتش سوزان سالاردی گینه نابخرد اوغلی قان سالاردی اگر هشدار زینب اولماسیدی 🏴🏴🏴🏴🏴 ایله طوفان سالاردی روزگاره ایشیق گوندوز دونردی شام تاره اولاردی رشته حق پاره پاره اگر پیکار زینب اولماسیدی 🏴🏴🏴🏴🏴 کمیت اهل عالم لنگ اولاردی جهان صاحب کماله تنگ اولاردی اساس بندگی نیرنگ اولاردی اگر دادار زینب اولماسیدی.... ✨اَللّهُمَّ عَجِّل لِوَلیِّکَ الفَرَج✨

🏴زبانحال حضرت زینب کبری سلام ا... علیها در آخرین لحظات زندگی🏴 سبک(من اومدم دوا بشه / دردم) گوزدن آخیر عذاریمه / قانیاش گویلوم دیور گَلسین حسین / ایکاش گَل زینبون جان اوسته دی / قارداش یامان گونومدی باجی ئولَنده قارداشین / گوزلر قلبیمده یاره باغلییب / سوزلر یولدا قالیب بو انتظار/ گوزلر یامان گونومدی (باشی بلالییَم حسین /تز گَل) (ائلدن آرالییم حسین /تز گَل)۲ یامان گونومدی جان اوستیَم سن جان ویرن /دَمدن الله بولور من دویمادیم / سندن شِمر آلدی آخرده سنی / مندن دوشدوم بلایه بلا اَلیمده صبریمی / آلدی مسیریمی چوخور یره / سالدی اَلیمده خَنجرین یری / قالدی دوشدوم بلایه ساخلامادی حُرمَتیوی / اُمّت گوزومده زنده دی او بیر / ساعت قویمادیلار جان ویره سن / راحت باجون ئولییدی یاران چوخیدی اینجیسن / گَلمه دوزَنمرم گَلَنمیسن / گَلمه مندن اوتور سورونموسَن / گَلمه باجون ئولییدی کَنارِ شامیده چیخیر / جانیم روحی قَفس کیمی سیخیر /جانیم ایویمی آیریلیق یخیر / جانیم ایله غریبم اَشکیم دونوبدی بارشِ / اَبره سیلِ غمیم طَعنه وورور /صبره تابوتیمی کیم یتیرر / قَبره ایله غریبم #وفات_حضرت_زینب_سلام_الله_علیها التماس دعای فرج الاحقر مهدی عبادی

▪️#زمزمه #وفات_حضرت_زینب #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

شعر جدید وفات شهادت گونه حضرت زینب سلام الله علیها به سبک کربلا منتظر ماست بیا تا برویم زینبم واردی منیم ام مصائب لقبیم نفسیم تنگه دوشوب واردی حسین تاب و تبیم یارالی جان یارالی                سنه قربان یارالی 2بار گوزلریم یولدا قالوب گل گوزومی باغلا حسین کفن و دفن ایله منی گل منه یاس ساخلا حسین گل الین قوی سینم اوسته اورگیم چوخ داریخور بیر کسیم یوخدی غریبم سینه وی داغلا حسین یارالی جان یارالی                  سنه قربان یارالی 2بار باجوی درک ائله گل یوخدی منیم آیری کسیم من غریب وطنم گلمور حسین دای نفسیم عاشقم گول یوزوه ای گل گلزار وفا قوی قدم گوزلریم اوسته منیم ای دادرسیم یارالی جان یارالی              سنه قربان یارالی 2بار دینه ویردون  یارالی قانیله سو ای گل  ناب منده نطقمله حسین گمره لری ایتدیم مجاب نهضتین قارداش حسین عالمه اعلان ائلدیم خلقه آندوردوم ندور مفهوم و معنای حجاب یارالی جان یارالی                سنه قربان یارالی 2بار بش یاشیمدان من حسین باشه قرا باغلامیشام یدی قارداشیم ئولوب اوغلوم ئولوب آغلامیشام دوشموشم ایندی حسین جان وطنیمدن آرالی قانلی پیراهنیوی  سینه ده  من ساخلامیشام یارالی جان یارالی                سنه قربان یارالی 2بار زینبم دوشموشم ایندی وطنیمدن آرالی کربلاده دولانور فکر خیالیم یارالی آلی الدن ئوزولن عاشقیوه ایله کرم گل ایاقیندان اوپوم سن یارالی من یارالی یارالی جان یارالی               سنه قربان یارالی 2بار یانموشام نار فراقینده حسین شام و سحر قاریشوب گوز یاشیما خون دیلیم سنسز اگر سر فراز ایله منی شامیده بالینیمه گل واردی سندن صورا غربتده منه یار مگر یارالی جان یارالی                سنه قربان یارالی 2بار چوخ چتین اولدی حسین جان منه اول درد و غمین قبر شش گوشه وی من بیرده گورم اولدی چتین گل باجون لطف وه محتاج دور الان یارالی گوزلورم من یولوی ایندی حسین منده سنین یارالی جان یارالی                 سنه قربان یارالی 2بار عمرمون صولدی گولی دوندی خزانه چمنیم نه آنام واردی یانیمدا نه ده واردی حسنیم هامیدا گلمسه سندن وار امیدیم گلسن بیر کسیم شامیده یوخ اولدی بو غربت وطنیم یارالی جان یارالی             سنه قربان یارالی 2بار دل و دلداریم حسین محرم اسراریم حسین گل  بی  خاریم حسین سید و سالاریم حسین ایگمدین ذلته باش دوشدی باشون درد  سره ای منیم یاریم حسین وی گل گلزاریم حسین یارالی جان یارالی             سنه قربان یارالی 2بار سن حسین جان باجوی غصدن آزاده ائله گل عاشقم گول یوزوه سنده منی یاد ائله گل قوی قدم گوزلریم اوسته قوی اوپوم من ایاقین بو غریب یئرده منیم قلبیمی سن شاد ائله گل یارالی جان یارالی             سنه قربان یارالی 2بار «مهدیا»   زینبی سسلن   نقدر    وار نفسین روز محشر گونی که هیچ کسه چاتماز بو سسین زینبی داده چاغیر قورخما سالار یاده سنی حشریده قورخما سنین زینب اولار داد رسین یارالی جان یارالی               سنه قربان یارالی 2بار ملتمس دعا مهدی ملکی #وفات_حضرت_زینب_سلام_الله_علیها

▪️#نوحه #وفات_حضرت_زینب #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

🏴شهادت حضرت امام موسی بن جعفر علیه السلام 🏴 ✍به قلم کربلایی صابر ثمودی 🎼سبک: صحرا صحرا دویده ام 🖤🖤🖤 گل بغداده رضا رضا..گوزلریم یولدا قالوب یاندیردی زهر سینَمی..آرامیم الدن آلوب سسیمه یوخدی سس وئرن.گلدیم نوایه اوغول بو غربتده آدامسیزام.تئز گل هرایه اوغول تئز گل باشیم اوسته رضا قلبیمده چوخالدی نوا باغلا گوزومی سن اوغول مظلوم باباوا دوت عزا رضا گل هایانداسان(2) 🖤🖤🖤 اون بیر ایلدی بو محبسون..یارالی بیر اسیریم گر چه زندانیم ئوزوم.عالملرون امیریم سالدی بو محبسه منی .هارون بی شرم و حیا بوینوما ووردی سلسله.آغیر کُندَه ایاقا زندان نئجه زندان اوغول سِند اولدی نگهبان اوغول سِندین ستمی نئجه گور سالدی منی جانان اوغول رضا گل هایانداسان 🖤🖤🖤 زنجیر یاراسی بوینومی..سالدی ایذایه آی بالا زندان اولموشدی سجده گاه .غملی موسایه آی بالا ذکریم اولوبدی ربّنا.بو غملی یئرده اوغول گوزلریم تار اولوب منیم.بو نَملی یئرده اوغول زنجیر منی درده سالوب آرامیمی الدن آلوب جان اوسته هله آتاوین کُندَه ایاقیندا قالوب رضا گل هایانداسان 🖤🖤🖤 عمروم باشه چاتور منیم.گل باشیم اوسته اوغول غربتده جان وئرور بابابون.بیکس دلخسته اوغول یوخدور غربتده بیر معین .گل بیر منه آغلا بالا گل بو غربت دیاریده .گوزلریمی باغلا بالا حسرت چکورم گلسن درد و غمیمی بولسن حسرتله آخان گوزومن یاشین سن اوغول سیلسن رضا گل هایانداسان 🖤🖤🖤 غربت یئرده ئولنه .کیم قازاجاقدی مزار بغداده تئز یئتور ئوزون قویما قالوم من انتظار آچ زنجیریله کُنده نی بو غمدن ایله رها گل کفن و دفنیمی منیم سن ئوزون ایله رضا نور بصریم گل اوغول آیدین قمریم گل اوغول هی سسلیورم گلسن یاندی جگریم گل اوغول رضا گل هایانداسان 🖤🖤🖤 آغلا ثمودی روز و شب شکسته بال آقا ما افسوس دفنینه گلوب دورت شخص حمال آقاما آغلار بو غمده فاطمه دیئر لایلای بالا وای غربت ای غریب ئولن سسلر ای وای بالا وای یاندی اورگیم بو غمه توش اولدون اوغول ستمه بیگانه ده آغلار اوغول غربتده غریب ئولنه رضا گل هایانداسان 🖤🖤🖤 التماس دعا دارم #شهادت_امام_کاظم_علیه_السلام

▪️#نوحه #شهادت_امام_موسی_کاظم #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

🏴شهادت حضرت امام موسی کاظم علیه السلام ((در آهنگ میگذرد کاروان)) 🎼دستگاه:همایون گوشه زندانیده جان ویریرم گل رضا عمق سیه چالیده عمر ییتیشدی باشا کنده و زنجیر دن جسمیم اولوبدور رها محبس تاریکیده جان قوتاریر گل بالا مقتول زندانم گل اوغول زهرایه مهمانم گل اوغول گل غربتده دیده م باغلا سینه داغلا بغدادیده یوخ آغلیان گل سن آغلا --------------------------- ایللر اولار که منی محبسه هارون سالوب مقتل مرطوبیده صبر و قراریم آلو ب تیر مصیباتیله قلبیمه بیر اوخ چالوب ماه رخون گورمگه گوزلریم حسرت قالوب مقتول زندانم گل اوغول زهرایه مهمانم گل اوغول گل غربتده دیده م باغلا سینه داغلا بغداد یده آغلیان یوخ گل سن آغلا --------------------------- سلسله و کنده لر ذوب ایلییب جانیمی سسله میشم دآدیمه حضرت جانانیمی گل گور اوغول حالیمی دیده گریانیمی یول یول اولان پیکری حال پریشانیمی مقتول زندانم گل اوغول زهرایه مهمانم گل اوغول گل غربتده دیده م باغلا سینه داغلا بغداد یده یوخ آغلیان گل سن آغلا ،---------------- شاهکین اوغلی ایدن حیله و تزویره باخ ---گوندوزوم اولموش منیم شام کیمی تیره باخ -------شدت شلاقیدن --آه جهانگیره باخ جسمیم ایله ذوب اولوب گل قوری تصویره باخ -------------------------- گون کیمی آخشام چاغی رو به زوال اولموشام ایتدی گیجه گوندوزوم حال به حال اولموشام بس ارییب قامتیم همچو هلال اولموشام سایه یه اوخشور آتان عین خیال اولموشام مقتول زندانم گل اوغول زهرایه مهمانم گل اوغول ----------------------- ✍بقلم استاد کربلایی رحیم شایان #شهادت_امام_کاظم_علیه_السلام

▪️#نوحه #شهادت_امام_موسی_کاظم #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین

🏴#امام_حسین_علیه_السلام 🏴#سبک_شور 🏴#سبک_فارسی_ترکی 🎤مداح :کربلایی حسین عینی فرد @majmaozakerine #کانال_متن_روضه_مجمع_الذاکرین

🏴#امام_حسین_علیه_السلام 🏴#سبک_شور 🏴#سبک_فارسی_ترکی 🎤مداح :کربلایی حسین عینی فرد ▪️▪️▪️▪️▪️▪️▪️▪️▪️▪️▪️ حسین ای دین و دنیای دیوونه حسین می نوشم کنج این میخونه بزن زنجیرم ، حسین درگیرم بدون تو من ، حسین میمیرم ابا عبدالله ابا عبدالله ▪️▪️▪️▪️▪️▪️▪️▪️▪️▪️ اباالفضل حیدر کیمیشری و خصلت کشیدن داش با و ملاحت ببین آقای سقای کربلا سودار مین قتل بیشم حیدر یا اباد اینور ، رقیمین واشی سالامین طوفان ، حسین گارماشی علیدون شیری ، چکن شمشیری سسی گیلنده ، بیور تکبیری انا بن الحیدر @majmaozakerine #کانال_متن_روضه_مجمع_الذاکرین

#شهادت_موسی_بن_‌جعفر_ع گورسنور آثارِ محنت عالمِ امکانیده جان ویروب موسی ابن جعفرگوشهء زندانیده نچه ایل حسرتله غربتده قالوب آغلار گوزی درد و محنتدن دونوبدور تیره شامه گوندوزی عبدِ صالح شهرتی ، باب الحوائجدور اوزی دردینی ایتسون بیان ، عاجز قالان درمانیده گر باخا چشمِ بصیرت ، اولمیه مانع حجاب واردی اوضاعِ کواکبده گورر بیر انقلاب بو غریبون حالی زهرانی ایدوبدور دلکباب جدّینی آغلار قویوبدور روضهء رضوانیده عترتین ترک ایلدی غربت اولوبدور مسکنی اول غریبه سِجنده یر ویردی هارونِ دنی ظلمتِ مسطوره دن عرشه چیخاردی شیونی عرض ایدردی بارالها صادقم پیمانیده . بیر چخور یرده ایدردی صدقیله راز و نیاز متصل شغلی اولوردی گه دعا گاهی نماز اولنمازین قیمتین بلمز ندور اهل مجاز کشف ایدر اهلِ حقیقت معنی قرآنیده بی سبب بولمه عدو زحمت اونا هر آن ویروب آنلا گور علت ندور زنداندا یالقیز جان ویروب آند اولا اوز جانینه دینه اوزین قربان ویروب معرفت اهلی تانولار دینیده قربانیده بیر وجودیکه مقدس دینینه ناموس اولا قبرینه شاه وگدالر یوز قویا پابوس اولا گور نجه انصافدور زنجیریله محبوس اولا حدّدن چیخمیشدی هارونِ دنی طغیانیده منده یوخدور شرح حالین یازماقا تاب و توان نه طریقیله قالوبدور حبسیده چوخدور یازان جان ویرن وقتینده سسلردی اوغول بس هارداسان؟ گوزلریم آغلار قالوب یول گوزلورم هر آنیده چرخِ اطلس سیردن قالماز اونون یوخ چاره سی وار یری تغییر تاپسون ثابت و سیاره سی گور بو یاره چوخ چتیندور یا قلج اوخ یاره سی؟ بو ستم گورسنمیبدور آلِ بوسفیانیده امرینه هارون ایدوبدور بیر شقینی انتخاب شمردن بی رحم و بی انصافیدی خانه خراب حجة الله نه روادور جدّوه ایتسون عتاب بلمورم بو نه شقاوتدور او سست ایمانیده . یارسول الله اوزون دور قبریدن امداده گل سِند الیندن اوغلوی قورتارماقا بغداده گل عرض ایدیم مطلب ندور سن ناله وفریاده گل اعتذاریم وار ولی عرض ایتدوقوم عنوانیده وار یری زهرا بهشتِ عدنیده ماتم قورا حشر اولونجا شیعه نین قلبین بو محنت یاندورا نه روا سند ابن شاهک اوغلووا سیلی وورا؟ بیکس و مظلوم امامی انجیده زندانیده عرصه نی از بسکه تنگ ایتدی اونا اهل جفا ضعفیدن ایتدی تصرّف جسمینه بادِ صبا برگِ گل تک میل ایدردی گه صاقا گاهی صولا وار بو تاثیری نسیمون بوطهء ریحانیده باش قویاردی سجدیه اول بیکس و بی اقربا روز و شب اوز حالینه آغلاردی ایلردی نوا یوز دوتاردی درگهِ معبوده سویلردی خدا صبر قیلام هر بلایه قدرتِ امکانیده من دیمم زندان ، بو یر جای عبادتدور منه سن بولورسن عمده مقصودیم اطاعتدور سنه زهرِ کین تأثیر ایدوب باعث اولوبدور شیونه قالمیوبدور اختیاریم سینهء سوزانیده نچه ایلدور قالمیشام حسرت من اوز اولادیمه گوز یاشیم قانه دونر هر دم دوشنده یادیمه راضیم تیز جان ویرم ملحق اولام اجدادیمه یانمیشام نارِ فراق و آتشِ هجرانیده ای اولان حُکمنده عرش و فرش و کلِ ماسوا من غریب و بیکسی زندانیدن قورتار خدا بیرجه گورسم باشیم اوسته اگلشوب اوغلوم رضا نوشِ جاندور بذل ایدم جان محضرِ جانانیده مستجاب ایتدی دعاسین ، سویدی الله ناله سین قورتولوب زنداندا عمری اولغریب و بیکسین جان ویرنده باشی اوسته گوردی اوز دادرسین آختارور ایستکلیسین هر جان ویرن دورانیده یادیمه دوشدی بو محنتدن غریبِ کربلا جان ویرن دمده اودا قانلی گوزون آچدی خدا سینه سی اوسته گوروب شمرِ شریری برملا قالمامیشدی حالِ دعوا اول شه عطشانیده ضعف ایدوب حاله گلنده آشنا بیر سس آلوب گوزلرین آچدی گوره کیم نعشینه سایه سالوب گوردی قاتل پنجسینده زینبی یالقیز قالوب تازه قان آثاری واردور خنجرِ برّانیده سسلدی یالوراما قاتل بی مروّتدور باجی سن بلورسن مقصدیم فیضِ شهاتدور باجی دین یولوندا هر مصیبت جانه منّتدور باجی سنده صبر ایت سربلند اول محضرِ جانانیده باشیمی زهرا آنام معناده آغوشه آلوب سن قایت گیت خیمگاهه عترتیم یالقیز قالوب وار نه علت گور سکینم شورشِ محشر سالوب صبره قیل دعوت اوزون صغرانیده کبرانیده ای (رجائی) چخما مطلبدن کناره بیر دایان چکمه ال باب الحوائج دامنیندن هیچ زمان آغلا صدقیله اونا قیل دردیوی بیربیر بیان آغلاسان یانماز وجودون آتشِ نیرانیده. التماس دعا #کانال_ترکی_مجمع_الذاکرین

‍ روضه حضرت موسی بن جعفر(ع) ای ایویندن اون بیر ایل دست ستمله دربدر ای قالان اون یدی قیز دائم خمینده دیده تر ای ایدن معصومه سین ئوز غصه سیندن خون جگر ای انیس دیده های تر سلام اولسون سنه قلب عالم موسی جعفر سلام اولسون سنه من ئوزوم اولدوم رضا مشق ریاضت ایلیم بیر قرانلوق یر اولا اوردا عبادت ایلیم سجدمیله کنج خلوتده قیامت ایلیم کاش ایده حی توانا بیرده حقیمده کرم بوقرانلوق منزله بیر یول گله زهرا ننم گر ننم گلسه بوخسته جسمیمه روح وجان گلر باشلاسا نوحه ننم افغانه بو زندان گلر هیئت زهرایه ال باشدا شه عطشان گلر باشیمی زهرا دیزی اوسته آلار لای لای دیر هم منه لای لای دیر همده حسینیم وای دیر ای خاک سیه دن یارادان روح بهاری همراه الین گلشن آرا لالیه خاری آسایش اوچون خلق الین لیل ونهاری زنجیر آلوب طاقتیمی یول گیده بولمم ئولدور منی دای قمچیلره تاب ایده بولمم هارون کیمی هیچ کیم اورگه اوخ ساچا بولمز درک ایلمور آهو تورا دوشسه قاچابولمز بیر قوش کی سنا بال وپر پر آچا بولمز گلبوته انصافی جفائله گرلار زندانیده هرگون منه مظلومی ورولار (دای یورولموشام الله) چوخ الیم واردی ولی آغلیانیم اولمیاجاق گوروب احوالیمی دل داغلیانیم اولمیاجاق جان چخاندا گوزومی باغلیانیم اولمیاجاق ئوز حالیمه سینمده کی یورقون نفس آغلور غمنامه یازانداقولوما قمچی سس آغلور من آغلاماسامدا منه ظلمت قفس آغلور دیوار و در حبسی دوتوب قلبیمین آهی بوغملی قفسدن منی دای قورتار الهی #کانال_ترکی_مجمع_الذاکرین

‍ درعزای حضرت موسی بن جعفر ᐸع> ه~•~ خزان ووران گوله گولشنده عندلیب.آغلار فراق اودیندا یانار .زار و بی شکیب آغلار باخار باخارگولونه گوزدن اشگ آلی آخار ئورک قانیندان ائدرعارضین خضیب.آغلار گولون گوررکه خزان پرپرایلیوب اوولوب قالار او حاله که  احوالینه  رقیب   آغلار مریض عشقین اگر  فرقت اولسا درمانی مریضه درد ئوزی درمان اولارطبیب.آغلار نجیب زاده  اسیر  اولسا   نانجیب  لره گلر فغانه بو محنتده  هر نجیب  آغلار غریبی سالسالا  زندان  تنگ و  تاریکه اونوندا حالینه زندان چکن غریب آغلار آلان  زماندا   اله   تازیانه   زندان  بان گورر غریب ئولومون گوزده.عنقریب.آغلار قوجالسا گوشه ی زنداندا  فاطمه بالاسی دیلینده ذکر اولی خلصنی یامجیب آغلار وئرنده جان باخار اطرافینه یومار گوزونی گلرنوایه سینیق نیکیمین غریب آغلار آتام  آنام  اولا  قربان  غریب   بغداده کی غملی حالینه هرعارف وادیب.آغلار ووریلدی بوینینا زنجیراونبیرائیل آقامون بو غملی حالینه درداهلی بیشکیب آغلار مصیبتی    اوخوناندا    فراز   منبرده نشیب محبس بغدادینه  خطیب آغلار ئورک.داش.اولسااریرغملرینده.گوزدن.آخار عذاره  قرمزی  مرجان  دوزر لهیب  آغلار کیم اولسا عاشق  شیدای موسی  کاظم گلر فغانه کی  محبوبینه   حبیب  آغلار یازاندا نوحه ی موسی بن جعفری جاهد گوزونده  جلولنر  محبس  مهیب  آغلار دییر آقا  سنی وئرم   قسم  رضا  جا نینا بوجمعی ائتمه شفا عتده بی نصیب آغلار ه~ التماس دعا استاد حاج علی پور #کانال_ترکی_مجمع_الذاکرین

۲۱رجب سالروز وفات حضرت رباب(س) #احوالات_حضرت_رباب_(س) نسگیل لرون بو قلبیده گلمز شماریه دوندی گوزونده محبسه دنیای عاریه   پر ووردون آتش ِغمه یاندون یورولمادون پروانه تک هوس ایلدون سن شراریه   چوخدور غمون بو درده اما چوخ آغلارام سوز درک ایدن کفایت ایدر بیر اشاریه   گون رنگیوی قراتدی ، گورنلر دئدی منه قویما حیاطی ایلیه مسکن بو جاریه   آچ گوزلرون نه خوابِ عمیقه گیدوب گوزون؟ سالما فراق اودون بو دلِ پاره پاریه   اقبالیوون ستاره سی سوزموشدی لاجرم قان آغلادون همیشه باخاندا ستاریه   گَل نطقه بیر چوخ ایستدیگین اصغره گوره هر گونکی تک یتور الیوی گاهواریه   گر طاقتون یوخوندی سنه ایلیوم کمک من ترپدیم سن اوخشاما دئ شیرحواریه   سوز چوخدی بو زمینه ده امّا یازانمیرام غسل و کفن اولوب او اورک پاره پاریه   زین العباد قبره قویوبدور آناسینی گویا بو دللریله دوتوبدور عزاسینی   ای مظهرِ محبّت و مِهر و وفا آنا ای معدن ِعطوفت و شرم حیا آنا   ای عمرینی فنایه ویرن صحن ِخانه ده وی اشگریزِ گوشهء صحن و سرا آنا   ای گوز یاشین سولان یوزونه زینت ایلین باش غم دیزینده غملریله آشنا آنا   قارداشلاریندا گَلدی قویوب گتمدون بیزی خلق ایلین اوزی سنه ویرسین جزا آنا   غملی مزاریوی اوزوه آشیانه قیل دینجل بیر آز بو قبریده ای مهربان آنا   یادّان چیخاتمارام سنی هر قدر زِندیَم هر گون نمازیده ایدرم من دعا آنا   گیت اصغری بهشتیده آل سینن اوستونه روح عالمینده روحیوه ویرسون صفا آنا   سندن سو ایستمز نه صوده احتیاجی وار زهرا آناسی حلقینه قویموش دوا آنا   یانماز چراغی حرملنون ده سونر یقین چون انتقام وعده سی ویرمیش خدا آنا   #انور حضورِ شه ده قبول اولسا بو سوزون خلق آغلیاندا روزِ جزا آغلاماز گوزون #کانال_ترکی_مجمع_الذاکرین

⚪️احوالات خانم رباب من بیر آنیام چکدی فلک قلبیمه داغلار ییخدی ایویمی قویدی ئولونجک منی آغلار درک ائتدیم اوگونکی ئوزومی بخت اتاقیندا خوش گونلری گتدیم نظره گوز قاباقیندا آرزیم واریدی دلده صفا طالبی اولدوم بخت عالمی بیر قیز بیر اوغول صاحبی اولدوم اولموشدی دیلیمده سوزوم ازبر گئجه گوندوز عشقیم واریدی دیل آچا اصغر گئجه گوندوز گلزار محبتده آچا غنچه ی خندان صحبت الیین وقتده رقیم دیه جان جان سینسون فلکین چرخی منی محنته سالدی اولدوم قره گون آرزیلاریم قلبیده قالدی یاندیم شرر درد و غمه خون جگر اولدوم اوچ ایل یاریم عالمده اله بختور اولدوم اندوهیله آیینه ی بختیم داشا دگدی قالدی باجی،اوّلده نظر قارداشا دگدی مین ایلده اگر عمر ائلسم دار فناده ساللام اونون آخیر گئجه سین هر گئجه یاده نار غمیلن درد ائوینی داغلیورام من آللام الیمه دوشلریمی آغلیورام من داغلی سینه می تیر مصیباتیله دللم یادیمه دوشنده او گئجه شیونه گللم قلبیم او گئجه آتش اندوهیده یاندی تئز تئز یانیما گلمگه زینبده اوتاندی سالمیشدی فشاره من درد و غم ئولیدیم ایکاش او گئجه اصغریلن باهم ئولیدیم اندوهیله محنت اودینی قلبیمه سالدیم اولدوم قره گون ئولمه دیم آخر دیری قالدیم نه قالدی بئشیکده نه ده یاتدی قوجاقیمدا صبحه کیمین حسرتله ئوزاتدیم قاباقیمدا دونموشدی عطشدن بالموندا قانا باغری دوتموشدی اله آغلاماغیننان بوغاز آغری بو منظره آرامیمی قلبیمنن آلاردی باتمیشدی سسی قوش کیمین هردم چوبالاردی یانسین ئوره گی بو سینه می داغلادی هرکیم ئولسون بالاسی سو یولونی باغلادی هرکیم ظلمیله فلک هی منه غم رشته سی هُردی تئز باتمادی تا صبح اولا آیدا منی گوردی آرتاردی خانیم عمه سینون دلده ملالی هردم سوروشاردی نئجه دی اصغرون حالی گوز یاشلی ائدردیم اونیدا زار و مکدر کول باشیمه اولدی دیه سن جان وئرور اصغر حاصل او گئجه چوخ منه غملی گئجه اولدی صبحه کیمی قلبیم غم و اندوهیله دولدی روحین قوشی چوخ اینجیدی محنت قفسینن هر لحظه چیخاردی بالامون ئود نفسینن نقراض ستم رشته ی اممیدیمی کسدی باخدیم بالامون گوزلرینه دیزلریم اَسدی بو فاجعه دن کاسه ی صبریم جالاناردی قلبیم تَلَسَردی گئجه اما اوزاناردی سو اولماسا گوردوم بالامون یوخدی نجاتی گلدیم دیله نفرین اِلَدیم آب فراتی رخسارینه ائتدیم گوزومون یاشینی جاری بو نحویله تا دیل دوداقی ایسلانا باری گوردوم کی سو یوخدی بالامون فیکرینه قالدیم چارَم کسیلیبدی دیلیمی آغزینا سالدیم درد و غم ئوتوندا گینه قلبیم آلوشوبدی احساس ائله دیمکی دیلیمه ئود یاپیشیبدی قلبیم سیخیلیب سینه ده غم منظره سینن ئوزدوم الیمی من گوزونون آغ قره سینن بو محنتی اوغلی ئولنلر یادا سالسون ایکاش همیشه ننه ئولسون بالا قالسون سیل غم آخیب خانه ی اممیدیمی ییخدی فیکریم هارا گئتدی بیر ایچیم سو داشا چیخدی قلبیم شرر درد و بلاده آلیشاردی دیلسیز بالامون گوزلری منن دانیشاردی ننه بیچاره نه اندازه گرکدی چالیشا آز قالیر شعله ی آهیملن اورکلر آلیشا دیه لر وئر گوزون اصغر سنه ایستور دانشا ایکیسین وئررم اولا سوزلرون ارزنده علی من زر بی غش و بازار وفا زرگریم وار بصیرت اودی شاه شهدا همسریم اوغول،ایکی گوز بیر سئوزوون موزدی دانیش مشتریم قبرووی تاپسام اوغول صبحه کیمین باش آچارام تیر آهی دل آفاقه پیاپی ساچارام باغبانم گوله خاطیر تیکان ئوسته قاچارام #کانال_ترکی_مجمع_الذاکرین

‍ در مراثی موسی بن جعفر (ع) دکتر محمدحسین کتابچی (علومی تبریزی) سبک : ای درد بی درمانلارا درمان ... آرام جاندی حیدره موسی ابن جعفر ذرّیه دی پیغمبره موسی ابن جعفر تاپدی شهادت گتدی تا ائتسون شکایت هارون الیندن داوره موسی ابن جعفر گوردی نه غملر گردش گردون الیندن فریاد سند ظالم و ملعون الیندن عرض ایلدی یارب آنام زهرایه خاطر آخر خلاص ایله منی هارون الیندن عمریم گلی زندانیده سولدی سارالدی آرامیمی هجران غمی غربتده آلدی هارون بی دینون الیندن من قوتولّام مندن صورا امّا بالام معصومه قالدی سند ابن شاهک قتلینه شورا قوراردی قانیله قلب مصطفانی دولدوراردی یاخمازدی زنداندا سولوب گلزار عمری هر گون گلوب پیغمبرین اوغلون ویراردی گتدی غم تقریریله موسی ابن جعفر فریاد عالم گیریله موسی ابن جعفر جان وئردی کنج حبسده یا حجةالله بوینوندا کی زنجیریله موسی ابن جعفر یپراق کیمی گل جسمی زنداندا اسردی مقراض حسرت رشتۀ عمرین کسردی باغلیدی زنجیره نجه دورسون ایاقه دورسیدی زنجیر جفا بوینون کسردی #کانال_ترکی_مجمع_الذاکرین

شهادت حضرت امام کاظم (ع) . مرحوم حسینی سعدی زمان . بزم غم برپا اولوبدور عالم امکانیده حضرت موسی بن جعفر جان ویروب زندانیده . . شیعه نین لازمدی سیل اشکی، موج ایلوب داشا بو غریبین محنتی ایلر اثر محکم داشا ویردی زندان گوشه سینده اوز عزیز عمرین باشا اولمیوب اولماز بیله مظلوم اولان دورانیده . . رشته ی نظمه یقین گَلمز غمی تقریریله اون بیر اولدی مصاحب حلقه ی زنجیریله هر گئجه صبحی تاپاردی ناله ی شبگیریله کیم گوروب بیله جفایه صبر بیر انسانیده . . بس که زنداندا ضعیف اولموشدی جسم اطهری بام زندانه چخاردان وقتیده اول سروری یِل دگنده صاق صولا گُل تک اَسَردی پیکری عرض ایدردی دورموشام یارب ازل پیمانیده . . باش قویان وقته سجوده گر باخِیدی بیر نفر کهنه بیر جامه گورردی هرچه ایلردی نظر مطلقاً تشخیص ویرمزدی لباس ایچره بشر جسمی بیر تشریح محض اولموشدی چون زندانیده . . عاقبت مسموم اولوبدور گردش تقدیریله مجلسه احضار ایدوب هارون دون تزویریله پرده چکدی ایستدی اوز فعلینه تدبیریله بیر حکیمه آندیروب حالین او شه اول انیده . . غیظه گَلدی بس که رسوا اولدی هارون ظلوم جدّیوه یاصاحب الاَسلام ایدوب بیر ظلم او شوم گلشن پیغمبره معناده اَسدیردی سموم اطمه آق ساچلارین آلدی اَله رضوانیده . . گوز یاشیم آخمور یوزه بی فاصله اوز باشینه ایتمدی هارون ترحّم اول شهین گوز یاشینه بیر بلا گَتدی او کین گُستر امامین باشینه یوخ ویرن مثلین نشان بو عالم ویرانیده . . مجلسین اهلی داغیلدی گیتدی جمله ساکنان غیظیله سند ابن شامک دوردی یردن اول زمان ووردی بیر سیلی امامه آه یا صاحب زمان اوزگه بیر حالت گوروندی حجّت سبحانیده . . تازه دن عودت ویرولدی محبسه شاه زمن ویردی زندان گوشه سینده جان امام ممتحن اوچ گئجه گوندوز وجودی قالدی یرده بی کفن عین عزّتدور بو ذلّت محضر جانانیده هر قَدَر ایتدی جفا هارون اگرچه دویمادی گون قاباقینده ولیکن جسمین عریان قویمادی شمر کافر تک بو مظلومین لباسین سویمادی قالدی عریان جسمیله امّا حسین میدانیده سیّدی آدیم `حسینیدور” قاپوزدا بیر گدا ایلورم مدّتدی یاباب الحوائج التجا ایستورم بو درد بی درمانیمه سندن شِفا اولما راضی من قالوم بو درد بی درمانیده #سعدی_زمان #لمعات_حسینی #ص 423 #بزم_غم_برپا_اولوبدور_عالم_امکانیده #کانال_ترکی_مجمع_الذاکرین

 احوالات حضرت رباب (س)   یوخ اعتبار ذرّه بو دنیای فانیه بیهوده دور کیم عشق ایده دورِ زمانیه   فرمایشِ حسیندی بو سوز دقّت ایلیون مشتاقسوز اگر سخنِ صادقانیه   اولسیدی بو جهاندا اگر مِهر و عاطفه یحیا باشین قباقه قویانمازدی زانیه   آختارمیون صفا بو پُر آشوب دهرده دریای غصّه دور یولی یوخدور کرانیه   اولسیدی اگر صفا ، دیشی سینمازدی خاتمون قیلمازدیلار جفا او گُلِ جاودانیه   فرصت تاپوب عدالت الین باغلادی زمان زهرا دوشوبدی نایرهء ظلمِ ثانیه   باغلانماسیدی ظلمله شیرِ خدا الی قنفذ نجه آتاردی الین تازیانیه؟   کرب و بلایه چک سوزی ای طبعِ نکته سنج دُرّ سخن گزورسن اگر گیت خزانیه   بیر کلمه سوز یازیب ایله بو دهردن سؤال نسگل اولا سوزون مللِ هفتگانیه   اصغر کیمه اوخ آتمیشیدی؟ ظالم حرمله چیخدی عوض بوغازینی قویدی نشانیه   علّت اودور ئولنه کیمین آغلادی رباب نفرت گوزیله قیلدی نظر زندگانیه   کسدی همیشه سایه لی منزلدن الفتین گوزدن سرشگینی اَلَدی صحنِ خانیه   هی یالوارادیلار ائوه گَل چولده آغلاما تپراق قونوبدی زلفیوه حسرتدی شانیه   صحن سراده قالما یورولموش هما کیمین آخر هما یورولسا گلر آشیانیه   کاشانیه گتیر بالاوین گاهواره سین ترپدیقیجا اوخشاما دئ گَل ترانیه   لای لای چال اصغره سسیوه بیزده سس قوشاخ ماتم توتاخ چوخ ایستدیقین نازدانیه   آرامیوی آلیبدی گونوزلر گون ایستیسی حسرتدی گوزلرین گجه شمعِ شبانیه   وار خواهشیم دیردیکی اوز ویرمیون منه دردیم اورکده چوخدی اسیرم زمانیه   اوغلی ئولن ، ائوی یخیلان ، نیلیری ائوی؟ من طالبم قویام یوزومی آستانیه   نه بستره واریمدی علاقه نه مسکنه گر قصر اولا یریم گینه فرق ایلمز منه   دیلده ایدوب اوغول آدین ازبر من آغلارام هر سوز باشی دیوب علی اصغر من آغلارام   نفرین ایدین او شخصه کی اوخ نقشه سین چکیب ایلوب آنالاری قره معجر من آغلارام   بیر اوخ منیم عوض ایلدی سرنوشتیمی عمروم گر اولسا تا دمِ محشر من آغلارام   قبره یارالی گئتدی کبوتر کیمین بالام گورسم اگر یارالی کبوتر من آغلارام   دشت ِبلاده بیر ملر آهو ایتیرمیشم نیلوم غزالیمی اورک ایستر من آغلارام   تک اوخ دگل ، سوداندا واریمدی گلایه چوخ هر سو ایچنده قلبی مکدّر من آغلارام   گورسم سودان چیخان بالیق آغزین آچیر یومور حتما" بو قلبیمه اثر ایلر من آغلارام   صیّادیلر یارالاسا آهو بوغازینی دیلسیز یارالی اوغلوما بنزر من آغلارام   گهواره اولدی قبری ، تراب اولدی بستری سالسا آنالار اوغلونا بستر من آغلارام   نیلوم اورک اوتون گینه گوزیاشی سوندورور کور اولسادا بو اشگیلی گوزلر من آغلارام   صحنِ سراده جان نقدر چیخمیوب وارام ناله سسیمنن اینجمه سوز من یورولمارام   باشین آغاتدی ویردی باشا قاره گونلرین پروانه وار عشق اودی یاندیردی شهپرین   نه استراحت ایتدی نه ایچدی سرین سودان نه شانه گوردی زلفی نه هوردی هوروکلرین   صبحون زمانی زینب او گنجینیهء وقار دوردی نمازه عشقیله ترک ایتدی بسترین   صحن ِسرایه قویدی قدم دستماز آلا گوردی رباب اوخشامیری دیلسیز اصغرین   خاموش اولوب گیدوب یوخیا گلمیری سسی یوز قبله ده چکیب یوزونه قاره معجرین   دیسکیندی زینبین اورگی سسلدی رباب سس گلمینده بیر بیرینه ووردی اللرین   فورا" اوزون یتوردی اونون باشی اوستونه قویدی یوزون سولان یوزونه ترپَدّی پیکرین   گوردی محالیدور اویانا گوزلرین آچا دستِ ممات پارچالیب عمر دفترین   دینجلمین رباب ایله دینجلیب یاتیب الدن ویریب خزانهء غم غملی گوهرین   راحت دئدی نه یاتمیسان ای بانوی حیا؟ کیم سیلدی جان ویرنده سنون آلنوون ترین   کیم سن کیمی یورولدی ملال و فشاریدن یومدی گوزون گلایئله روزگاریدن   نسگیل لرون بو قلبیده گلمز شماریه دوندی گوزونده محبسه دنیای عاریه   پر ووردون آتش ِغمه یاندون یورولمادون پروانه تک هوس ایلدون سن شراریه   چوخدور غمون بو درده اما چوخ آغلارام سوز درک ایدن کفایت ایدر بیر اشاریه   گون رنگیوی قراتدی ، گورنلر دئدی منه قویما حیاطی ایلیه مسکن بو جاریه   آچ گوزلرون نه خوابِ عمیقه گیدوب گوزون؟ سالما فراق اودون بو دلِ پاره پاریه   اقبالیوون ستاره سی سوزموشدی لاجرم قان آغلادون همیشه باخاندا ستاریه   گَل نطقه بیر چوخ ایستدیگین اصغره گوره هر گونکی تک یتور الیوی گاهواریه   گر طاقتون یوخوندی سنه ایلیوم کمک من ترپدیم سن اوخشاما دئ شیرحواریه   سوز چوخدی بو زمینه ده امّا یازانمیرام غسل و کفن اولوب او اورک پاره پاریه   زین العباد قبره قویوبدور آناسینی گویا بو دللریله دوتوبدور عزاسینی   ای مظهرِ محبّت و مِهر و وفا آنا ای معدن ِعطوفت و شرم حیا آن #کانال_ترکی_مجمع_الذاکرین

‍ الله غریبم دربدر... راز و نیاز حضرت  امام کاظم علیه السلام سید تقی سیفی اردبیلی الله غریبم دربدر زندانیم خونین جگر قالدی فراقیمده منیم اون یدی قز ائوده ملر جان سینمه گلدی خدا گلمز ندن اوغلوم رضا فکر سر و جان ائتمرم،حق اهلیم آزاده ام باش اگمرم جانی لره،پیرم اگر افتاده ام منهاج حقدن دونمرم،نسبتده حیدر زاده ام آیات قرآنه اولوب،بو چرپنان قلبیم سپر شیطان و شیطان سیرته،حاشا ائدم من بندگی وار مرد حقّه کُنده و،زنجیرده ارزندگی اللی بش ایل بو دهریده،ائتدیم شرفلن زندگی شمع حیاتیم ایندی بو،محبسده ظلمیلن سونر فرعون کیمی عصیان ائدوب،بغدادیده هارون دون گوردوم که چوخ جهد ایلیور،اسلامی تا ائتسون زَبون یثربده منده باشلادوم،تختین ائدم تا سرنگون بیلدی خلافتدن دوشَر،آچدی منه دستِ خطر ترسه مدار ائتدی منیم،آمالیمه بو چرخ پیر قیلدی منی نخجیر تک،ظلمون کمندینده اسیر ایللردی بو زندانیده،من تیره روزم دستگیر دست جنایت پیشه دن،هِی سویلرم داد الحذر آرام جانیم سلب ائدوب،بوینومدا سنگین سلسله زندانِ جانفرساده من،یانام غمه گللم دیله عبد مطیع خالقم،یوخ رنج عشقیمدن گله من راضیم تقدیریمه،خالق رضا اولسا اگر احیای اسلامه گوره،اهل و عیالی بوشلادیم فیض حقه مشتاقیدیم،زندانی خلوت خوشلادیم معبودیلن محبسده من،راز و نیازی خوشلادیم عرض ایلدیم ائتدون کرم،اولدوم بو عشقه مفتخر باتسون خدایا دهرده،ظُلّام بی ایمان آدی مظلومی سرگردان ائدوب،ظلم ایلمکدن دویمادی زنداندا من راحت قالام،سندابن شاهک قویمادی پوزدی صفای عشقیمی،جلاد پست و خیره سر خوشدور منیم آزاریمه،سند جسور و بی حیا قوش تک قفسده اینجیدور،ائتمز منی الدن رها هر گون گلر دیداریمه،ایلر اهانت ناروا هی دل اوخیلان قلبیمه،نشتر ووروب شانشان ائدر بوی مروّت بُلمیوب،باخماز نوا و زاریمه درّنده خو وحشی صفت،اقدام ائدر آزاریمه من ذکر منّان ایلرم،سیلی وورار رخساریمه سنگین الی جان یاندیرار،شعله چکن اوددان بتر یوخدور انیس و آشنا،غم سینه می تنگه سالوب بیداد چنگال عسس،آرامیمی الدن آلوب یثربده عزتلی قاپوم،مندن صورا باغلی قالوب کان حیا اولادیمون،دوتماز سراقین بیر نفر عزت چراغلاری سونوب،دوشدی بلایه باشلاری هجریمده ایللردی منیم،قانه دونوب گوز یاشلاری ائوده قالان قزلاریمون،غمدن آغاردی باشلاری بو درد بی درمان منی،زندانیدن چوخ اینجیدر یوخ ذره آسایشلری،جور و عناد و کینه دن طغیان ائدوب دریا کیمی،باشدان آشوب درد و محن قویمازلا اولسون بیر نفر،قزلاریما ائلچی گلن کیم گلسه هارونِ دغا،ایلر اسیر و دربدر داد آل ئوزون هارونیدن،ای ذات پاک ذوالمنن بغض و عنادیلن اونون،قالدیم عجب غوغایه من بخت ائوینه گوندرمدیم،شرمندیم معصومه دن بو امره مهلت ویرمدی،هارون پست و فتنه گر قیل بیر نظر بو محبس،جانکاهه ای قادر تاری شامل ایله الطافووی،بو بندۀ حقه ساری زنداندا جان اوسته منه،معصومه نی گوندر باری هجران سوزوندن اوخشاسون،توکسون یوزه اشک بصر ریحانۀ باغ حیا،وئرسون صفا بو مأمنه گورسونله واردور همدمیم،گلسون حقارت دشمنه ئولسم باشیم اوسته قزیم،بیر لاله یاندرسون منه باتدی دیسون عزت گونوم،قالدیم یتیم و بی پدر جان اوسته اولسون یاوریم،بیر دم او دخت مه لقا من حقه جان تسلیم ائدیم،گیسون اودا رخت عزا خوشدور قرا گونّی قزیم،تابوتیمه چکسون قرا سالسون یولا باخسون دئسون،اولدوم نه یاخچی بختور مرحوم استاد سلیم_موذن #کانال_ترکی_مجمع_الذاکرین

زبانحال حضرت امام کاظم علیه السلام حاج داود #بیدق_داری (داور ) زندانی ام دور از وطن ، یا قاضی الحاجات یوخدور بو زندانه گلن ، یا قاضی الحاجات صبر ایلدیم اون بیر ایلی، دوشدوم توانادن تاریک محبسده قالوب ، دویدوم بو دنیادن قورتار بو یورقون بنده نی ، غملی قضایادن اولدی مناجاتیم عَلَن ، یا قاضی الحاجات . . دؤزدوم بلالرده اؤزون ، آگاهیسن یارب زنجیریله هم نالَه یم ، هر روز و یا هر شب یوخدور سپهر بختیده ، نَه ماه و نَه کوکب چخمور بو یورقون جان نَدَن ، یا قاضی الحاجات عشقونله هر عارف چاتار ، چون اوج اعلایه چوخدور بو معناده دوشن ، عشقیله غوغایه سن قیل نظر لطفیله بو ، دلده تمنّایه آل جانیمی ای ذوالمنن ، یا قاضی الحاجات باب الحوائج شهرتیم ، امّا گرفتارم زندان یوروبدی جانیمی ، ایللردی بیمارم ایسته حضوره ای خدا ، مشتاق دیدارم سن سن فقط داده یِئتن ، یا قاضی الحاجات کیمدور الهی جان وئره ، زنجیر ایاقینده من تک بوکولسون قامتی ، تاریک اطاقینده یوخدور قالان من تک قوجا ، زندان بوجاقینده نه وار گلن نه وار گئدن ، یا قاضی الحاجات چوخ مایلم معصومه نین ، دیدارینه یارب هجران یِئلی اسدی ثمر ، گُلزارینه یارب سن بیر نظر قیل هجروین ، بیمارینه یارب دلخسته یم یورقون بدن ، یا قاضی الحاجات من بیر غریبم دویموشام ، جانیمدن ای جانان نالَه م اوجالمور سینَه دن ، بسکه یوروب زندان مشتاقم الان ئولمگه ، لطف ایله ای سبحان سن سن بو اسراری بیلن ، یا قاضی الحاجات #سبک_ویرانه_ده_نازلو_بالام #سبک_ای_غنچه_نیلوفریم #زندانی_ام_دور_از_وطن_یا_قاضی_الحاجات

▪️زبانحال #شهادت_امام_موسی_کاظم #ترکی 🎤مداح .کربلایی سعید سلطانی @turki_nohemajma #کانال_ترکی_مجمع_الذاکرین