#نوحه. #ترکی #حضرت_علی ع 🎤کربلایی سعید سلطانی @turki_nohemajma #کانال_ترکی_مجمع_الذاکرین

به به مشام جانه نسیم صبا گلیر صبحون هواسی روحه عجب آشنا گلیر شعبان قوتاردی سس گلیری عرش و فرش دن ای اهل دل قوناق سیزه ماه خدا گلیر بیر آی دی سربه سر گتیریر خیر و مغفرت باشدا باشا عنایت و لطف و صفا گلیر دعوت ائدیر قوناقلیقینا ذات کبریا سرسفره سینده رحمت بی انتها گلیر بو آیدا لطف حقدن عمل لر قبولیدی فیض اجابته یئتیشیر هر دعا گلیر لبیک عرشدن یئتیشیر خاطی بنده یه دیلدن هاچان ترنم اِغفرلنا گلیر الله یانیندا وار بو آیین چوخ فضیلتی ساعاتی بی نظیردی چوخ پربها گلیر هر آن گلنده ماذنه لردن اذان سسی گلزار جانه رونق و روحه جلا گلیر هر کیم که فیض دعوت حقه بلی دییه حقدن کمال منزلت و اعتلا گلیر قرانی حق پیمبره نازل ائدیب بو آی انسانلیقین طریقینه نور و ضیا گلیر بیر آیه گر اوخونسا برابردی ختمیله قرانیدن اورکلره فیض شفا گلیر مؤمنین لر سلاح و نجاتی دعاده دیر هر دردیز اولسا فیض دعادن دوا گلیر آباد ائدین اورک لری صدق و سلامیله باران مثالی رحمت حق دن عطا گلیر قدرین مین آیدان عزتی و قدری اضافه دیر احیا ائدن جماعته مین مرحبا گلیر #بداهه #محمد_هوشمند ادامه دارد

‍ ‍ ‍ زبانحال حضرت زینب در بالین حضرت امیرالمومنین علیهم السلام آچ گوزلریوی بابا زینب اولا قربانون دامانیمه گُل مثلی باشدان توکولور قانون واگیر:: ای سلطان عشقیم یاتما آماندی باشوین اوسته زینب باغریقاندی قلبیمدن آخان قانه گوزیاشلاریمی قاتما نرگس کیمی گلشنده آچ گوزلریوی یاتما سن بیل ننمون جانی دیندیر منی آغلاتما قلبیم سخیلوب غمدن چوخ سختیدی هجرانون سینسون فلکین چرخی ساچلاریمی آغ هوردی زهرا قیزینا دائم خوش گونلری چوخ گوردی بیر سوز دانیش آی بابا عباس ئوزین ئولدوردی جانیم اولا قربانی غیرتلیدی اصلانون محراب عبادتده ووردی سنی ناکسلر قانه بویانان قلبیم زیبا آدووی سسلر دور گئت بابا ائولرده گوزلر سنی بی کسلر الان سنی ایستوللر بیچاره یتیمانون یوم گوزلریوی دینجل یورقونسان اگر گئتمه گُل تک سارالوب رنگون ای نور بصر گئتمه قویما منی ظلمتده خورشید سحر گئتمه پیوسته اولوب قاندان مژگانوه مژگانون واضحدی کی قرآنه پیوسته سن آی بابا دوزدور کی یتیمانه دلبسته سن آی بابا یورقون جانوا قربان یات خسته سن آی بابا گرچه بیلورم راضی اولماز بونا وجدانون ✍حاج حسین غفاری اردبیلی

♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

راز و نیاز پیشواز از ماه رمضان یارب قاپیوا دیده‌ی گریانیله گلدیم نار غمه یاندیم دل سوزانیله گلدیم هانسی قاپینی چالدیم اولوب خوار قیتدیم نومید اولوب هربابیدن افغانیله گلدیم بولدوم که هامی بنده‌لرین دعوت ایدوبسن منده قوشولوب زمره‌ی پاکانیله گلدیم سیلدیم اورک آئینه‌سینین گرد وملالین درگاهیوه اخلاصیله،ایمانیله گلدیم ای عیب لرین اوستونه پرده چکن آلله آگاه‌سن اسراره نه عنوانیله گلدیم نفسیم منی اغفال ائلدی چیخدیم اوزومدن شرمنده‌یم قلبیم دولی القانیله گلدیم گوز تیکمیشم اُول رحمتیوه من گونی قاره عفو ایله منی قلب پریشانیله گلدیم دوتدی گوزومی کبر و حسد جهلیده یاندیم دوتدوم رمضانی یوزه قرآنیله گلدیم عمروم بویی دریای جهالتده چالشدیم غرق اولدی گَمیم موجیلی طوفانیله گلدیم ال آچمیشام درگاهیوه یاقاضی الحاجات هرچند الیم بوشدی بونقصانیله گلدیم خجلت تری آلنیمدا سرافکنده ونادم یوخ عذر وبهانم دل ویرانیله گلدیم یارب منیم افعالیملن ایلمه رفتار رحمونله مدارا ائله پیمانیله گلدیم دُوی صدقیله باب کرمی عرض ائله(راشد)  مأیوس ائلمه الده‌کی امکانیله گلدیم #راشد_سیس قربان بیرامی

#مناجات_ترکے_ماه_رمضان🌙 ـــــــــــــــــ بــارالهـا  بنــدهٔ   عصیــانگرم جرمیمی عفو ائتمسون من نیلرم؟ آدووه، قرآنووه قربان اولوم سفرهٔ احسانووه قربان اولوم گلمیشم تا منده مهمانون اولام ریزه خوار خوان احسانون اولام گوزلریم یاشی دونوب یارب سئله قورخورام اوتدان الهی، رحم ائله فکر آتش گرچه زار ایلور منی... بخششون امّیدوار ایلور منی روحیمی عصیان قرالدیب تار ائدوب نفس امّاره منی بیمار ائدوب اللریم بوشدور گناهیم چوخدی چوخ نامهٔ اعمالیمین تعریفی یوخ !!! خالقا، چوخ روسیاهم، نیلیوم؟ بینوا و بی‌پناهم، نیلیوم؟ ایلورم توبه گناهیم عفو ائله هرخطا و اشتباهیم عفو ائله ناامید ائتمه آماندور بنده‌وی بندهٔ نالایق و شرمنده‌وی غرق آهم، بیقرارم، رحم ائله محضرونده اشکبارم رحم ائله گلمیشم درگاهووه پاک اولماقا لایق معـراج افلاک اولماقا (فیضیَم) عبد گنهکار و ذلیل من ذلیلم سن ولے، ربِّ جلیل #رحیم‌_فیضی_اردبیلی #اَربـابَـــم حُسِـــین  #اَللّهُمَّ عَجِّل لِوَلیِّکَ الفَرج

مناجات ویژه حلول ماه رمضان #همگـی_دعا_ڪنـیم مناجات یارب قاپیوا دیده‌ی گریانیله گلدیم نار غمه یاندیم دل سوزانیله گلدیم هانسی قاپینی چالدیم اولوب خوار قیتدیم نومید اولوب هربابیدن افغانیله گلدیم بولدوم که هامی بنده‌لرین دعوت ایدوبسن منده قوشولوب زمره‌ی پاکانیله گلدیم سیلدیم اورک آئینه‌سینین گرد وملالین درگاهیوه اخلاصیله،ایمانیله گلدیم ای عیب لرین اوستونه پرده چکن آلله آگاه‌سن اسراره نه عنوانیله گلدیم نفسیم منی اغفال ائلدی چیخدیم اوزومدن شرمنده‌یم قلبیم دولی القانیله گلدیم گوز تیکمیشم اُول رحمتیوه من گونی قاره عفو ایله منی قلب پریشانیله گلدیم سرکش اولوب طغیان ائلدیم جهلیده یاندیم دوتدوم رمضانی یوزه قرآنیله گلدیم عمروم بویی دریای جهالتده چالشدیم غرق اولدی گَمیم موجیلی طوفانیله گلدیم ال آچمیشام درگاهیوه یاقاضی الحاجات هرچند الیم بوشدی بونقصانیله گلدیم خجلت تری آلنیمدا سرافکنده ونادم یوخ عذر وبهانم دل ویرانیله گلدیم یارب منیم افعالیملن ایلمه رفتار رحمونله مدارا ائله پیمانیله گلدیم دُوی صدقیله باب کرمی عرض ائله(راشد) مأیوس ائلمه الده‌کی امکانیله گلدیم

َحمایت از هیئات حسینی ای نماز و روزه اهلی، یار قران شیعه لر هارداسیز یالقیز قالیب شاه لب عطشان شیعه لر شیعه لر فصل عزا ماه محرم دور گلون باشلانیب شور و نوا ایام ماتم دور گلون فصل احیای شریعت موسم غم دور گلون باغلیاق بیردفعه ده یاریله پیمان شیعه لر ای دیین هر روز و شب یا لیتنا کنا معک آختاریر ایمدی دوباره شاه مظلومان کمک گئی قرا کوینک آقا ، باغلا باجی قاره لچک هارداسیز، بو سیز بو دشمن لر، بو میدان شیعه لر هارداسیز ای شیعه لر بو غمده فریاد ائیلیین ساخلییون دیلدن عزا پیغمبری شادائیلیین دشمنین آمالینی همتله برباد ائیلیین قویمیون فرصت تاپا اولاد شیطان شیعه لر آل سفیان تشنه لب سلطانی ایستیر ئولدوره شمرلر خنجر چکیب مولانی ایستیر ئولدوره ال بیر اولموش عترت و قرانی ایستیر ئولدوره بیزلره دشمن وئریب جنگه فراخوان شیعه لر ائیلییر بیر عده هر یئرده جفا هیئت لره ایستیور هر سمتیدن وورسون یارا هیئت لره قوخمیون هر گون وئرون شور و صفا هئیت لره ائیلین اوز عشقیزی دونیایه اعلان شیعه لر گونده مین رنگه دونور هر گون چالیر بیر نوعی ساز بیربیره ایستور ورا دونیانی خصم حقه باز نه تانیر قدر حسینی بی حجاب و بی نماز قویمیون جولان ائده بو اهل طغیان شیعه لر چوخلاری ال بیر اولوب ییخسین بنای هیئتی گونده بیر شبهه دئیور قاتسین هوای هیئتی سعی ائداق حفظ ائتماقا بیزده لوای هیئتی اتحادیله سالاق دنیایه طوفان شیعه لر بو حسین دریادی گر چه هر نه یی تطهیر ائده ر کیم یزیدی مسلک اولسا لیک اونا وئرمز ثمر صدقیله کیم دامنین دوتسا اولار زیر و زبر موسم خرمن دی، وقت فیض شایان شیعه لر ایستیور دین دشمنی خوار و فتاده هئیتی الده وار برنامه سی چکسین فساده هئیتی سیزده دایر ائلییون چوخ صاف و ساده هیئتی قویمیون هیئتده قالسین عیب و نقصان شیعه لر مدعی سسیز گلیب کوهی پر کاه ائیلسین گونده بیر جلده دوشور تا خلقی گمراه ائیلسین اهل حق لازم دی تا دنیانی آگاه ائیلسین الده لازم دیر اولا منطق له برهان شیعه لر اهل حقین وار یئری قلبین همیشه غم سیخا دین آدیلا ایستیور بیر عده قرانی ییخا قویمویاق صفین اولا قران جدا اوسته چیخا تابع قران و عترت دیر کماکان شیعه لر ای عزا اهلی مقدس دور حسینون پرچمی جلوه ی احکام قران دور سرای ماتمی قویمیون بیر عده قاتسین محرم و نا محرمی سست اولوب آیا نیه بو قدری ایمان شیعه لر هیئتی اولماقدا وار انسلارا چوخ امتیاز گر تولی و تبری اولسا هم سوز و گداز یوخ عزانین خیری گر سردسته اولسا بی نماز وای اگر تعطیل اولا احکام قران شیعه لر چون بیلیر دشمن که امکان یوخ عزا تعطیل اولا ایستیور بزم عزانی ائیلیه بی محتوا محتوا سیز اولسا هیئت ائیلمز درده دوا تربیت تاپسین گرک هییتده انسان شیعه لر ای عزا اهلی بیلین قرآنی هر امره گواه وقت بحران عترت و قران دی محکم تکیه گاه اهلبیتی دانسا کیم ، اوز عمرینی ائیلر تباه بیز قانادیله اوچار ایا قوش هاردان شیعه لر اولماسا گر بیر کسین قران و عترت باوری موقع حساس اولا بیلمز حسینون یاوری واجبات اهلی اولار والله حسینون نوکری دین پیغمبردی هر بیر شخصه میزان شیعه لر شیعه مهدینین یولون گوزلر امام حق بیلر واردی ایمانی که بیر گون منجی عالم گلر کیم زیارت ائیله سه اندوه و غمدن دینجه لر چوخ گوزل دور گر اولا قسمت او دوران شیعه لر #مدهوش

مناجات .... ترکی روسیاهم روسیاهم یا الله بی پناهم بی پناهم یا الله دوت الیمدن یاغفور.و.یاغفار غرق دریای گنا هم یا ا لله الله الله..الله الله..الله الله....یا الله ه ه ه عاجزم درما ند ه ام بی پنا هم خاطی ام شرمنده ام روسیا هم دوت الیمدن یارحیم و یارحمان بی پناهم بی پناهم یا الله الله الله.. الله الله.. الله الله....یاالله ه ه ه چوخالور گون به گون بار.گناهیم چون عملرده چوخدی اشتبا هیم نفس اماره دامیند ه ا سیر م اوجالوب طاق عرشه دود اهیم الله الله..الله الله..الله الله...یاالله ه ه ه یانورام آتش جرم و گنا هه چکیلور دم به دم حالیم تبا هه دوت الیمدن.پناه سیزلار پناهی منی چک چا هدن راه الهه الله الله..الله الله..الله الله....یاالله ه ه ه آنادان مهربان الله قا پو ندا اولور اشگیم روان الله قاپوندا بیلورم غرق دریای سیئا تم نادمم میهمان..الله قا پو ندا الله الله.. الله الله.. الله الله....یاالله التماس دعا......جاهد . @turki_nohemajma #کانال_ترکی_مجمع_الذاکرین

🔳 بسم الله الرحمن الرحیم 🔳 اَللّهُمَّ اغْفِرْ لىَ الذُّنُوبَ الَّتى تَحْبِسُ الدُّعاَّءَ  خدايا بيامرزم آن گناهانى را كه از اجابت دعا جلوگيرى كند  اَللّهُمَّ اغْفِرْ لِىَ الذُّنُوبَ الَّتى تُنْزِلُ الْبَلاَّءَ  خدايا بيامرز برايم آن گناهانى را كه بلا نازل كند  (( تضمین بر مصرع جان مولا علی چک قلم گناهیمه )) ✍ حاج علی زلفی غرق خطایم خدا سیئاته مبتلا شرمنده و رو سیه ای کریم ذوالعطا چوخدور قصوریم ولی بخششونده وار گوزوم گلدیم در لطفیوه دیلده ذکر ربنا بذل و احسان ایله عارض سیاهیمه جان مولا علی چک قلم گناهیمه عذر قصور ایلورم الده یوخدی خیر عمل الطافیوه وار گوزوم ای ولی بی بدل نه صاحبم واجبه نه ادا به مستحب بو حالیله قورخورام درک ایده منی اجل ئولمه میش قیل کرم رقعه تباهیمه جان مولا علی چک قلم گناهیمه دوشیمده بار گنه یول اوزاق پیادیم اما خوشام بو گیجه باب کبریادیم ذکر ایلورم دم به دم یا بدیع و یا حلیم خوف ایتمرم مامن حی ذوالعطادیم الامان سال نظر دیلده سوز و آهیمه جان مولا علی چک قلم گناهیمه یوز قویموشام باب احسانیوه امیدوار العفو یا سیدی دیده م اولدی اشکبار شامل ایله حالیمه فضل و جود و رحمتون یا قادر و یا سمیع ای کرملی کردگار ای خدا شاهد اول ناله پگاهیمه جان مولا علی چک قلم گناهیمه ویررم قسم حیدره اول شفیع محشره حق رسوله خدا اول رسول اطهره ای باقی ذوالجلال جرمیمی گذشت ایله زهرایه خاطر صفا ویر بو قلب مظطر (زلفی) ام سال ایشیق توشه ویر بو راهیمه جان مولا علی چک قلم گناهیمه #مناجات_با_خدا #شب_قدر @turki_nohemajma #کانال_ترکی_مجمع_الذاکرین