#روضه_شب_شهادت_حضرت_علی (ع) مناجات علی امشب ز نخلستان نمی آید مسجد کوفه پر از جمعّیت و مولا نیامد دامن مادر گرفته گوشه ویرانه طفلی گوید ای مادر بگو امشب چرا بابا نیامد همان گجیکی شهادت مقامینه چاتدی خبرده وار نچه یوز خانواده آج یاتدی یاتبدی بستر رحلتده روبه قبله علی ایدور دقیقه شماری گوزتلیور اجلی حسن سیلور آتانین گل جمالینین ترینی حسین اوپور بابانین انتظار گوزلرینی (اولاری که آتالارینین جان ویرماقین گوروبلراولار یاخجی بولور من نه ددیرم ،آتا جان ویرنده کپریگین چالاندا اوشاقلار سویونلر الله هنوز بابامین روح وار بدنینده علی کیپریک چالاندا زینب قاناد چالور علی حسینه باخور آغلور اوغول حسین سن منه آغلاما قوی من سنه آغلیوم) علی ئولنده بالالارینی وران یوخودی حسین ئولنده ولی زینبی دوین چوخودی علی ئولنده اونون زینب اوپدی گوزلرینی (تزتز گوزلرین اوپور آغلور بابا باشیوین یاراسینا زینبین قربان) حسین ئولنده کسوب ساربانی الرینی

‍ ‍ #زبانحال_حضرت_زینب_در_بالین_حضرت_امیرالمومنین_علیهم_السلام آچ گوزلریوی بابا زینب اولا قربانون دامانیمه گُل مثلی باشدان توکولور قانون واگیر:: ای سلطان عشقیم یاتما آماندی باشوین اوسته زینب باغریقاندی قلبیمدن آخان قانه گوزیاشلاریمی قاتما نرگس کیمی گلشنده آچ گوزلریوی یاتما سن بیل ننمون جانی دیندیر منی آغلاتما قلبیم سخیلوب غمدن چوخ سختیدی هجرانون سینسون فلکین چرخی ساچلاریمی آغ هوردی زهرا قیزینا دائم خوش گونلری چوخ گوردی بیر سوز دانیش آی بابا عباس ئوزین ئولدوردی جانیم اولا قربانی غیرتلیدی اصلانون محراب عبادتده ووردی سنی ناکسلر قانه بویانان قلبیم زیبا آدووی سسلر دور گئت بابا ائولرده گوزلر سنی بی کسلر الان سنی ایستوللر بیچاره یتیمانون یوم گوزلریوی دینجل یورقونسان اگر گئتمه گُل تک سارالوب رنگون ای نور بصر گئتمه قویما منی ظلمتده خورشید سحر گئتمه پیوسته اولوب قاندان مژگانوه مژگانون واضحدی کی قرآنه پیوسته سن آی بابا دوزدور کی یتیمانه دلبسته سن آی بابا یورقون جانوا قربان یات خسته سن آی بابا گرچه بیلورم راضی اولماز بونا وجدانون ✍حاج حسین غفاری اردبیلی کتاب صلاة عاشورا

حاج حسین غفاری

مناجات مناسب شب های قدر ای خدا باخ دیده ی گریانیمه دیلده سوز و اهیمه ، افغانیمه گلمیشم درگاهیوه ائیله نظر قدریوین سِرّین دن ائیله با خبر اند وئرم بو کتاب مُنزله چک منی دریای غمدن ساحله اند وئرم باطن قرانیوه لطف ائله بو بینوا مهمانیوه ای خدا اسماء حُسنی حقینه باخ منه آیات کبری حقینه ای کریم و قادر و حیّ علا قیل منه نار جهیمیندن رها قویموشام قرانی باشه دیلده آه سایه لطفونده وئر یارب پناه آتمیشام حاجت الین دامانیوه تیکمیشم گوز سفره احسانیوه عفو و غفران کیمده وار سندن صورا لطف و احسان کیمده وار سندن صورا کیمده وار قدرت شفاعت ائیله سین یا بیرین سنسیز حمایت ائیله سین آند وئرم حقیوه ای ذوالجلال قلبیمیزدن لطفیله رفع ائت ملال آند وئرم حضرت پیغمبره روح اطمینان یئتیر بو مضطره آند وئرم مرتضایه بو گئجه قویما قالسین توبه می یارب گئجه سن منی زهرایه خاطر عفو ائیله عصمت کبرایه خاطر عفو ائیله مجتبا حقینده ای رب کریم قیل من احسان جنات النعیم بو گئجه حق شهید نینوا وئر بیزه یارب برات کربلا قیل منی عاشق حسینین عشقینه شایق ائت قانلی قیامین مشقینه حضرت سجادین اشک الینه آند وئرم باخ بو زارین حالینه آند وئرم علم و حلم باقره ویر منه حقین یولوندا باصره صادق آل محمد حرمتی آل الیمدن بو حجاب غفلتی آند وئرم عترتین موساسینه سال منی علم و ادب دریاسینه بو گئجه حق علی موس الرضا ای خدا لطفیله مندن اول رضا واسطه اولدی امام المتقی لطف ائله تشخیص و تمییز حقی حق هادی قیل نظر یارب منه تا اولوم بیر بنده ی صالح سنه ای خدا جان امام عسگری دفع ائله مندن شیاطین و شری یا عزیز و یا قوی و منتقم حجت برحقیوه وئرم قسم کوی عشقینده شهید ائیله منی بو دل شب رو سفید ائیله منی ربنا یا ربنا ارحم لنا یا رحیم و یا ودود اغفر لنا #مناجات #محمد_هوشمند #مدهوش

#نوحه_شب_نوزده_ماه_مبارک_رمضان ✍حاج علی پور علی (جاهد) 🌷آواز دشتی🌷 الله الله شاه خیبر کوفه ده قانه بویاندی سجده.دن.باش.قوزیاندا فرق حیدر پارچالاندی دین یتیم اولدی باور یخیلدی قانلی محرابه حیدر یخیلدی _ ئو لد ی ایمانین پناهی سیندی دینین تکیه گاهی هیکل قرآن یخیلدی تیتردی عرش الهی گلدی فر یاده پیمبر ئولدی دینین سر سپاهی دین یتیم اولدی باور یخیلدی قانلی محرابه حیدر یخیلدی تیغ کین ابن ملجم بو لدی فرق مرتضانی پارچالاندی فرق مولا سجده گاهه آخدی قانی اولدی محراب عبادت باش قانیندان ارغوانی دین یتیم اولدی باور یخیلدی قانلی محرابه حیدر یخیلدی _ ئولدی قرآن جانفداسی آیت سبحان یخیلدی باشه قاره سالدی زینب نا طق قرآن یخیلدی حیدرین باشلاندی یاسی خانه ی ایمان یخیلدی دین یتیم اولدی باور یخیلدی قانلی محرابه حیدر یخیلدی ___ قانینه غرق اولدی حیدر غم عدالتدن باج آلدی راحت اولدی شاه مردان باشینه قاندان تاج آلدی کوفه ده ویرانه لردن نا له افلاکه اوجالدی دین یتیم اولدی باور یخیلدی قانلی محرابه حیدر یخیلدی __ سینه لرده قانه دوندی داغ حیدردن اوءرک لر فا طمه قاره گییندی باشه سالدی قاره معجر بی غذا قا لدی یتیملر ئولدی.حیدر.ئولدی.حیدر دین یتیم اولدی باور یخیلدی قا نلی محرابه حیدر یخیلدی

▪️نوحه ‍ عــزای حضـرت عـلـی (ع) 🎼اهنگ کوچه ها را غم گرفته تصنیف ابوعطا ✍شاعر علیرضا علوی زنجانی عالمی ماتم توتوبدی کوچه لری غم توتوبدی گلوری کوفه دن غملی سسلر دوشدی تپراقه مسجده حیدر کیم تانیور حیدری دیلدن آغلار قاره باغلار باشا سینه داغلار اولدی عالملر عزادار بو شهه عالملر آغلار آغلیور حیدره اوجا داغلار حیدره گویده کی قوشلار آغلار کیم تانیور حیدری دیلدن آغلار قاره باغلار باشا سینه داغلار مسجد آغلور گلمور حیدر محراب آغلور یوخدی سرور منبر آغلور یوخ سخنور بیله بیر حالی کیم گورسه آغلار حیدرین حالینه داغلار آغلار کیم تانیور حیدری دیلدن آغلار قاره باغلار باشا سینه داغلار مسجد کوفه اولوب سیه پوش مطبخ شیعه لر اولدو خاموش عالمین گیتدی بو گون صفاسی یوخدی دای عالمین هیچ وفاسی کیم تانیور حیدری دیلدن آغلار قاره باغلار باشا سینه داغلار قلبیلری غم توتوبدی انبیا ماتم توتوبدی آغلیور بو غمه شیعه هر آن اولدی یتیم بو گون اهل قران کیم تانیور حیدری دیلدن آغلار قاره باغلار باشا سینه داغلار مرتضانی یخدی خنجر آعلیور بو غمده قنبر گورمز عالم بیله دلبر سجده ده ایلدی دینی زنده حیدرین آدی اولار پاینده کیم تانیور حیدری دیلدن آغلار قاره باغلار باشا سینه داغلار سسلنور عرش اهلی حیدر اولدی منشق فرق حیدر فاطمه جنت ده سسلر توختاماز دای علینون یاراسی باشلانوب شیعه نون ماجراسی کیم تانیور حیدری دیلدن آغلار قاره باغلار باشا سینه داغلار قاره گیدی کعبه یکسر ماتمه باتدی پیعمبر قانه باتدی شیر داور کیم تانیور حیدری دیلدن آغلار قاره باغلار باشا سینه داغلار ✍شاعر :علیرضا علوی زنجانی

نوحه عزای حضرت علی( ع) شاعر علیرضا علوی مداحی محمدرضا رضایی

شب وصیت حضرت امیر المومنین علی ع در سبک آغلاما خدا حافظ اوغول حسن ائت غمین نهان آغلاما خدا حافظ آتان گئدور قبره با غریقان آغلاما خدا حافظ سولوبدی گلزار مرتضا قویما آغلاسون آل مصطفا آغلاما خداحافظ ۲ فنا جهاندا آتان علی دوزدی محنته هرآن چکوبدی هر نوع مصیبتی ائلییب غمی پنهان خدایه خاطر آچوب الین خدمته اودی شایان پیمبرین امرین ائدوب عیان آغلاما خداحافظ آغلاما خاحافظ ۲ وصیت ائلور آتان علی گلمه بیله فریاده نمازی وقتینده ائت ادا امر حقدی دنیاده نمازیلن حق تاپار نجات واردی حکمی عقباده نمازه قربان اولوب آتان آغلاما خدا حافط آغلاما خدا حافظ ۲ جهاندا ظالملره اوغول وئرمه فرصت طغیان یتیملره چوخ نوازش ائت امر ائدوب حق سبحان اولار فسرده اولا اگر وا ر بیزه دلی سوزان خدانین امرین ائداق روان آغلاما خداحافظ آغلاما خدا حافظ ۲ اوغول نماز اوسته باشیمه بیریارا وروب دشمن اگر ساحالسام بغیشلرم ائتمیون بیله شیون اگر ئولم بیر یارا ورون امر ائدوب حق ذوالمن بو حکمودی خلقه هرمان آغلاما خداحافظ آغلاما خدا حافظ ۲ بالالاری ساکت حسن گلمسونله افغانه باشیمداکی یارنین دییوم زهری اود سالوب جانه یاخیندی کشتی دین دوشه ظلم الیله طوفانه اوکشتیه وئر ئوزون امان آغلاما خداحافظ آغلاما خدا حافط۲ گلور قولاقه فغان سسی گوندوزوم اولوبدی شب اوگلستان خزان کیمی گل کیمی سولوب زینب عنایت ائت قویما آغلاسون وار قباقدا چوخ مطلب بیر عمر زینب ائدر فغان آغلاما خدا حافظ آغاما خدا حافظ ۲ بهشتی یاز شعریده سنه لطف ائدوبدی خلاق المنن اشاره شهبازی ائلییب سنده ائلدون شعروی علن یقیندی عصرین امامینه نوحه لر وئرر دائمی محن دی مهدیه جان وئرن زمان آغلاما خدا حافظ سولوبدی گلزار مرتضا قویما آغلاسون آل مصطفا آغلاما خدا حافظ ۲ #کانال_ترکی_مجمع_الذاکرین

#شهادت_حصرت_علی 🎤کربلایی سعید سلطانی @turki_nohemajma #کانال_ترکی_مجمع_الذاکرین

🏴#شهادت_حضرت_علی_ع 🏴#شام_غریبان 🏴#نوحه 🎤مداح :ناصر اسدی اردبیلی ▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#شهادت_حضرت_علی_ع 🏴#شام_غریبان 🏴#نوحه 🎤مداح :ناصر اسدی اردبیلی ▪️▪️▪️▪️▪️▪️▪️▪️▪️▪️▪️ دور یاتما ایتگین قبرده باغری دؤنن قانه آنا ئولدی آتام گل کوفیه شام غریبانه آنا شوره گلن بلبل نجه گلشن سرانی آختارار ماتم زده انسان نجه شور و نوانی آختارار غم یوز وئرنده رسمیدور هرقیز آنانی آختارار گل گور نه نوعی زینبون غمدن گلوب جانه آنا ای ماه یثرب کوفه ده شاه ولایت یاسیدور امت امامین ئولدوروب تئز گل امامت یاسیدور ظالملره اولسون خبر حق و عدالت یاسیدور مظلوملر گلسون گرک بو غمده افغانه آنا نور هدانی کوفه ده قوم ضلال ئولدوردولر جهل اهلی شوری قوردولار فضل و کمال ئولدوردولر مفهوم انسانیتی شبه الرجال ئولدوردولر دنیا بویی نسگل اولا آزاده انسانه آنا کاشانه میز باشدان باشا باخدوقجا غم آثاریدی گرچه آتام هر محنته بیر نقطهٔ پرگاریدی اما بیزه سندن صورا بیر مهربان غمخواریدی غمخواریمیز الدن گئدوب پوزقوندی کاشانه آنا گرچه مصیبتدن آخار رخساره اشگ حسرتیم شرح ملالیمدن سنه زحمت دگولدی نیتیم گل گور آناسیزلار نجه اولدی آتاداندا یتیم آخماز نجه گوزیاشلاری حسرتله دامانه آنا گرچه خلاص اولدی آتام رنج و مصیبتدن بوگون قورتولدی شاه اولیا آزار امتدن بوگون اما گرک ماتم دوتا عالم بو محنتدن بوگون گلمز بابام مثلی داهی بو کون و امکانه آنا ایرمی بش ایل دؤزدی آتام جور و جفای امته بو مدتی حسرت قالوب بیر اهل دل هم صحبته درد دلین چاهه دئدی باخ نسگله باخ حسرته وورماز بو نسگللر مگر اود قلب سوزانه آنا حیرتده دی فکر ایلین چرخین روال و گردشین باطل لره دوران وئروب حق اهلینون اگدی ایشین اولدی علی تک ایش بیلن ایللر بویی خانه نشین دنیا یوزون تنگ ائتدیلر اول شاه مردانه آنا دنیای خلقتده نجه ممتازیدی شخصیتی شخصیت ممتازی تک،تک اولدی مظلومیتی اولماز او مظلومیتین تقریر اولا کیفیتی بیر خالق یکتا بولر بیرده او فرزانه آنا ایرمی بش ایل سندن صورا شاه ولایت اوتدی قان قالدی الی باغلی دیلی باغلی امیر مؤمنان باطل لره دوران وئرن دور فلکدن الامان مظلوم دهر اولدی بابام نفرین بو دورانه آنا من زینبم گویا اولوب آب و گلیم غمله عجین گاهی سنون داغون گهی داغ امیرالمؤمنین بیر گون ایچینده مجتبی دست جفادن زهر کین اوندا منیم وای حالیمه قالام یانا یانه آنا فریاد او ساعتدن اولار دشت بلا مسکن منه نه ماجرا نه کشمکش وار اوردا واضحدور سنه مخیم یانار مقهور اولار آل پیمبر دشمنه گل اوندا همدم اولماقا جمع پریشانه آنا الله یولوندا هر بلا باشه گله یوخدور سوزوم چون اولموشام دلدن رضا هربیر بلیاته اوزوم اما اوزون آگاهسن ایستر نه اندازه دوزوم یانمیش چادردا ناله و آه یتیمانه آنا بانی سی اصغر مونسی اولدی ازل بو نوحه نین بیزدن عنایت اولدی تا بو طرزله یازدی«حزین» اللهدان ایسته اونلارا قسمت اولا بیر اربعین اولسونلا زوار حرم شاه شهیدانه آن ▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین