اربعین حاج ولی الله کلامی دوریارالی زینب بی یاریوم قرخ گجه گوندوزدی عزاداریوم گلدیم حسین وای دیم/اصغره لایلای دیم ای سسیمه سس وئرَنیم آچ گوزون یوسف بی پیرهنیم آچ گوزون شهیدخونین کفنیم آچ گوزون هم سنه مهمان همی زواریوم نهرفراتین سویی حیران آخور اشگی ربابین اودی هرآن آخور وای اورگیندن باجیوین قان آخور دور سو وئریم غملی پرستاریوم من باشیما قاره سالان زینبم کوینگون اللردن آلان زینبم هم قوجالان هم اوجالان زینبم یوخدی ابوالفضلون علمداریوم عهدیمه ایفا ائلیوب گلمیشم کوفه ده غوغاائلیوب گلمیشم دشمنب رسواائلیوب گلمیشم حقّیوی احیا ائلین یاریوم من بو چولون عاشق وشیداسیم زینب آدیم قاف غم عنقاسیم کرب وبلانین قوجا زهراسیم آنام کیمی محرم اسراریوم اصغره لایلای دئسه لر مین کتاب اولماز آنا لایلایی ای خوش مآب نیلوم اوزاقدا دایانوبدی رباب سسلور آقا منده دل افکاریوم نازلی رقیه ن ساچینی هورمدی باشیوی آلدی منه ده وئرمه دی قبریوی افسوس،او بالان گورمدی دییردی هی حسرت دیداریوم من ره تقواده قدم ویرمیشام نقشه لره نقش عدم ویرمیشام کوفیه اود شامه علم ویرمیشام حافظ آئین ومددکاریوم سن ائلدون قانیله دِینون ادا ای اوآخان قانووه جانیم فدا ئولمیاجاق حماسه ی کربلا مُبلّغ ایده و افکاریوم #اربعین #کلامی_زنجانی

🏴 احوالات اربعین 🏴زبانحال زینب(س) 🎼سبک: یخیلوب عباسیم نهرفرات.... 🎼یا دوسه روزه که بوی گل نیومد یار.... 🖍مهدی شفائی(میانجی) گوزون آچ آی قارداش گلوب زینب یورقون ئورکده یارم وار دلخسته گلدیم کاش بیلدون زینب نه چکدی یوللاردا دوگولدوم هرلحظه گسسته گلدیم 🏴🏴🏴🏴🏴🏴🏴🏴 منه سس وئر قارداش باشدا قاراگلدیم دور پیشواز ایله دیده گریانم قوتاروب اسارتدن قول باغلیلارون سن اولوبسان میزبان منده مهمانم سن گئدندن دوشدوم بلایه آی قارداش گلوبدی اول زینب پیر دورانم ..... سنون عشقونده کوفه شامدان چخدیم من کرببلایه بیل دلبسته گلدیم 🏴🏴🏴🏴🏴🏴🏴🏴 دئمورم هیچ قارداش فاتح چخدیم شامدان الیمده پرچمون منده اوجالدیم سنه خاطرحسین شام اهلین خار ائتدیم غارت اولان اجناس اللردن آلدیم دور ایاقه اما سن گوردوگون زینب زلفی پریشانم یولدا قوجالدیم ولی شرمنده بالوندان گلمیشم من قبرون گورن لحظه آهسته گلدیم 🏴🏴🏴🏴🏴🏴🏴🏴 دئمورم هیچ قارداش چوخ زحمتون چکدیم دیورم انجمن شمعین آلیشدیر سن گئدندن رباب سیل غمه غرقدور اصغراناسین سن بیرده دانیشدیر غم واندوهیلن انیس اولوب قارداش دلدن دوشوبدورئوزیلن دانیشدیر بیلمورم من حسین هانسین آرام ایلوم قوجالدیم باخسون دیل شکسته گلدیم 🏴🏴🏴🏴🏴🏴🏴🏴 باغ عمروم خزان اولوبدی آی قارداش هرگجه گوندوز من سینه داغلارام هرندن چوخ قارداش بوغمه یاننام من یادیمه دوشنده شامی آغلارام من اولدوم باغبان عترتون حسین قالان گوللریلن عزاساخلارام ولی بیل کوفه وشامه شرر سالدیم قول باغلیدیم اما برجسته

#آدووا_قربان_یارقیه_س 🌸 کیمدی رقیّه؟ مَهِ تابنده دی عاشق و جوینده و یابنده دی 🌸 سویگولودی کرب و بلا شاهینه عشقیله چون سینه سی آکنده دی 🌸 دلده وئروب یِر آتانون عشقینه مین غزل عشقه سُرایَنده دی 🌸 گرچه اوچ‌ایل عمْر ائلیوبدور ولی خدمتی شایسته وُ ارزنده دی 🌸 قبلهٔ حاجتدی گوزل مَرقَدی درگهینه شاه و گدا بنده دی 🌸 روشن ائدوب عالَمه بو مطلبی آلِ علی دشمنی شرمنده دی 🌸 بو خانمین منزلتین ردّ ائدن هر ایکی دنیاده سرافکنده دی 🌸 گنبدینون پرچمی اعلان ائدور کرب وبلا مکتبی پاینده دی 🌸 باتدی یزیدین آدی شاماتیده نام حسین بن علی زنده دی 🌸اردبیلی

اربعین عازم اولدی کربلایه کاروانیم یا حسین قبریوین قربانی اولسون خسته جانیم یا حسین‌ قورتاروب قیدِ اسارت شامیده ویرانه دن عترتون آزاد اولوبدی غصّه لی کاشانه دن آلمیشام غارت اساسین دشمنِ بیگانه دن یوخدی امّا کارواندا نوحه خوانیم یا حسین گلمیشم شامه گلنده بیر گوزل دلداریلن اوچ یاشیندا غرق ماتم دیده سی خونباریلن نیلیوب گور سرنوشتی زینبِ بی یاریلن قالمیوب شرحین دیَه م تاب و توانیم یا حسین عالمه ظلمِ یزیدی شامیدن پخش ایلدیم منطقیلن توسنِ ننگِ قُواسین پیلدیم قولاریم باغلی نهایتده بیلورسن نیلدیم اولدی حاصل انتقامِ جاودانیم یا حسین آلمیشام چوخ یئرده روحیّه بالون سجّادیدن دوشموشم مخصوصاً هاردا قدرتِ فریادیدن سس دیوب قورخماکسیلمز شیرِ مادر زادیدن چوخ موَکّد بو عزیزِ مهربانیم یا حسین مجلسِ شومِ یزیده سالمیشوخ غوغا دیوم ائتمیشوخ باهم حقیقت نادمی رسوا دیوم تا بیلوبدور حق بیزیمدور مردمِ دنیا دیوم اولدی آخرده محقّق آرمانیم یا حسین ظاهرِ ویرانه با اینکه بیزه زندانیدی باطنی غیب عالمینده گوشه یِ رضوانیدی چون مداوِم باشیمیزده سایه یِ قرآنیدی سخت اولوب با اینکه اوردا امتحانیم یا حسین گلمیشم شاماتیدن ایندی سنون مهمانووم قبریوین اوسته حسینیم گورنجه گریانووم زینبی دیندیر یولی اولسا اگر قربانووم ساکت اولسون قلبیده سوزِ نهانیم یا حسین من گیدنده کربلادن اولمادی امکان حسین جبریلن گوردون آپاردی فرقه یِ عدوان حسین قال دیدوم گونلر قباقینده باجون قربان حسین آخدی رخساره فقط اشکِ روانیم یا حسین #اربعیــن #

🏴🏴🏴اربعین زینب گلور اما باشینا قاره سالوبدی زینب گلور اما اورگین غملر الوبدی زینب گلور اما ائله بیل چوخ قوجالوبدی هر دم وئرور اللهی قسم صبر حسینه جان چیخمیا سالم یتیشه قبر حسینه * زینب گلور اما هله بیر کلمه دانیشمور قارداشسیز اونا دنیا بهشت اولسا یاپیشمور مدتدی کوسوب نهر فراتیله باریشمور حسرتله سووا خیره لنور نیمه نگاهی سسلور انامون اوغلی سوسوز ئولدی الهی * زینب گلور اما اوجالور ناله دلیندن زینب گلور اما یاپشوب فضه الیندن مشکل قدم اتسین الینی چکسه بئلیندن الله بو خانم هر یره گئتدی گئجه گئتدی تندیس حیا شمریله شامه نجه گئتدی * زینب گلور اما ائله بیل چوخ سوزی واردی زهرا قیزیدی قبر حسینده گوزی واردی هر یرده که زینب اولا زهرا اوزی واردی سسلور الیمی دوت انا دل درده گلوبدی قبری منه گورست گوزیمه پرده گلوبدی *   زینب گلور اما او یانان دلده شرر وار قلبینده حسینه دئمه لی خاطره لر وار قیمتلی نچه بوخچادا سوغات سفر وار سوغاتی باسوب سینیه جان تک گتوروبدی بی غسل و کفن یوسفه،کوینک گتوروبدی * زینب گلور اشگی توکولور گوز بولاقیندان گلدیقجا ورور بوسه ملکلر ایاقیندان افسوس رقیه سسی گلمور قوجاقیندان اغلور دیور ایوای عجب زنده دی زینب قارداشدان ابوالفضل کیمی شرمنده دی زینب زینب گلور اما دولانوب قلبی کبابه اصغر غمی قویمور باخا بیر موجیلی ابه در دین دیه بیلسه چاتاجاق نوبه ربابه یا فاطمه قلبینده ربابین سوزی چوخدی ایستور چکه نازین دیه لای لای بالا یوخدی یوسفی هشترودی

روضه_اربعین# گلنده کرببلایه زیارته زینب باخوب یانوبدی صداسیز ولایته زینب بیوردی سن ننمون اوغلونون یاتان یری سن علیُّ اکبرینون قانینه باتان یری سن نجه باخوم سنه باغلاندی سو یولی سنده سو اوسته دوشدی ابوالفضلمون قولی سنده مدینه دن سنه جاه وجلالیلن گلدیم تعجبم نیه محنتدن ئولمدیم سنده تمام عالمی آهیله یاندیروب زینب گوزین صاقا صولا بیر آز دولاندیروب زینب بلا چولونده کی انصار و یارین آختاردی ئورک گوزیله حسینون مزارین آختاردی دیدی حسین چوخ اولان دلده صبریوه قربان یاتوبسان هاردا باجون توزلی قبریوه قربان عزالی زائریوم ای شه جهان گلورم مزاریوی آلام آغوشه باغریقان گلورم شرار آه دلیم عرش طاقته چیخلوب قباقه چیخ باجوام یورقونام ایویم یخلوب (باخدی بیر قارداش قبرینه حسین) گرچه مقام عشق و ، وفاده اوجالمشام دنیا غمیله ئولمه میشم زنده قالمشام سن گوردوقون باجی دیرم چوخ قوجالمشام (خانم سوزلرین دیدی حسین هامینی گتیرمیشم اما حسین بیر رقیه نن شرمندیم حسین علتی وار بالامی گتیره بولمدیم) مریضیدور بالامون بولمدیم ندور مرضی نه بیر طبیب تاپلوب نه بیر دوا بالاما ساربانلار ئولدوردی یاتمیردی بیر گجه اونی آلدیم قوجاقیمه سینمده بستر آچدیم او یورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ پس دوداقیمه

روضه_اربعین (درددل با کربلا) #حضرت زینب (ع) #بانوای بهنام تخت مینا

#نوحه_ڪوچ_اخرابه ✍#شعر_از: #محمد_رضا_محمدی_ناعم #سبک_بحر_طویل #اجرا_احسن_حبیبی 🌺🌺 رقیه ای بلبل شیرین زبان عازم اولوبدوروطنه کاروان دوریولاسال موکبی ایله دعــا زینبی 🍁🍁🍁🍁🍁🍁 یاندی دلون دردیله غمخانه ده شمع یانوب دردووه،پروانه ده چیخدی جانون گوشهٔ ویرانه ده دردوغمون گوزیاشیمی ائتدی قان دوریولاسال موکبی ایله دعا زینبی 🍁🍁🍁🍁🍁🍁 قالدی قولاقیمده شیرین سوزلرون باخدی یارالی باشاتاگوزلرون اسدی گل لاله کیمی دیزلرون گوزیاشی توکدون اوقدرچیخدی جان دوریولاسال موکبی ایله دعا زینبی 🍁🍁🍁🍁🍁🍁 کرب وبلایه دوشه بیرده یولوم ابربهاران کیمی خوشدوردولوم سینه ده کی دردووه قربان اولوم یادائدرم اورداسنی بی گمان دوریولاسال موکبی ایله دعا زینبی 🍁🍁🍁🍁🍁🍁 کرب وبلاحسرتی اولدون بالا ابربهاران کیمی دولدون بالا لاله کیمی جوریله سولدون بالا محنتووه آغلیارهفت آسمان دوریولاسال موکبی ایله دعا زینبی 🍁🍁🍁🍁🍁🍁 شام وسحرآغلیاجاق گوزلریم آدووی ذکرایلیه جاق لبلریم ای یوزی نیلی ،آنامابنذریم فرقتون عمّوندن آلوبدورتوان دوریولاسال موکبی ایله دعا زینبی ✍#شعر_محمدی (ناعم) ﷽🍁 ﷽🍁 ✨اَللّهُمَّ عَجِّل لِوَلیِّکَ الفَرَج✨

✔️ نوحه اربعین حسینی در آهنگ : یافاطمه من عقده دل وا نکردم دور اربعیندور گلمیشم کرب و بلایه آغلار گوزیله یاحسین گلدیم عزایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ باشی بلالی زینبم دلداریوم من قیرخ گوندی چوللرده سنون غمخواریوم من سس وئر بیلورسن یاحسین، بیماریوم من اوج ایلیور آه و فغانیم نُه سمایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ شاماته گئتدیم یاحسین من دست بسته گزدیم دولاندیم کوفه‌نی قلبی شکسته عشقونده امّا اولمادیم بیر لحظه خسته الان دوباره گلمیشم قانلی منایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ قارداش ئورکده غملریم طغیان ائدوبدور اصغر غمی بو قلبیمی شان شان ائدوبدور بیکس ربابین گوزیاشین القان ائدوبدور آغلار گجه گوندوز ولی ائتمز گلایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ غملی ربابین نیسکیلی دیلده قالوبدور آغلار گوزیله باشینه قاره سالوبدور اصغر عزاسی صبرینی الدن آلوبدور نفرین ائدر دیلدن اخا، اهل جفایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ سینونده اصغر گورنجه راحت یاتوبدور سو ایستمور سو فکرینی باشدان آتوبدور سو اوسته اوخلاندی بالون قانه باتوبدور آغلار سما اهلی بو غملی ماجرایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ آهو باخیشلی بیر قیزی وئردون امانت الدن گئدوب نازلی گلوم اولدوم خجالت مندن سنی زهرا حسین ائتمه شکایت دوتسون رقیَون آدینی گَللم نوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ ویرانسراده آغلیوردی ماهپاره هردم گلوردی غصَه‌دن چون آه و زاره حسرت چکوردی اکبرین گورسون دوباره چوخ دردی اولدی چاتمادی امّا دوایه چیخ پیشوازه ، ای نور عینیم عطشان حسینیم، مظلوم حسینیم ▪️▪️▪️ عبّاس ئولندن قامتیم دوندی کمانه عمریم دونوبدور غصه‌دن فصل خزانه مظلوم حسین وای سسلرم من یانه یانه شکر آللها گلدیم دوباره کربلایه چیخ پیشوازه ، ای نور عینیم عطشان حسینیم، مظلوم حسینیم ✍ شاعر: کربلایی_حسن_طیبان #اربعین_۱۴۰۳

بنام خدا نوحه سینه زنی و زنجیر زنی بمناسبت اربعین حسینی "" "" "" "" "" " اربعینوا حسین جان باغری قان یارالی گلدیم قانلی کوینگون الیمده دور اویان یارالی گلدیم باخمیشام بو قانلی باشه چاتمیشام بو غم سرایه دعوت ایلرم آنامی یاحسین گله عزایه قالموشام غریب و تنها دوشموشم حسین بلایه دورگیلان ایاقه قارداش باخگیلان یارالی گلدیم "" "" "" "" "" "" " ای اخا باجون قوجالدی گول کیمی سارالدی سولدی دوشدی یادیمه سوسوزلار گوزلریم قانیله دولدی اول آنام کیمی نگارون شامیده کفن پوش اولدی اونا آغلارام اولونجه هر زمان یارالی گلدیم " "" "" "" "" "" " ای باشی بلالی قارداش باشوون اسیری اولدوم دردوغم انیسیم اولدی غملرین امیری اولدوم عاشقم سنه ازلدن کربلا سفیری اولدوم اربعینوه حسین جان قد کمان یارالی گلدیم " "" "" "" "" "" "" یارمیشام باشیم یولوندا بیرقون اوجاتموشام من دور اویان دیوم نه نوعی بو دیاره چاتموشام من بو اسارتین غمینده غم لری قوجاتموشام من ائتدی چوخ منه اهانت ساربان یارالی گلدیم "" "" "" "" "" " شهر کوفه ده برادر آیری بیر قیامت ائتدیم ایلدیم یزیدی رسوا صحبت از اصالت ائتدیم خطبه میله عترتیمدن اوردا من حمایت ائتدیم جاری اولدی گوزلریمدن قان هرآن یارالی گلدیم " "" "" "" "" " زینبم اگر چه غرق محنت و ملالتم من بیربیله مصیبتیله اولمدیم سلامتم من اوچ یاشیندا سوگولوندن یا حسین خجالتم من تاپمادیم اونا حسین جان آب و نان یارالی گلدیم " "" "" "" "" " دوشمه دی بابا دیلیندن اشکینی توکوب عذاره جان وئریب خرابه یئرده غصه لی او ماه پاره قازمیشام اوزیم مزارین قویموشام اوزوم مزاره اونی سالدی جاندان آخر خیزران یارالی گلدیم " "" "" "" "" " شامیان بیزه شماتت ایلیوب اخا گولوب لر اهل شام و کوفه قارداش خارجی بیزه دیوب لر اَل چالوبلا بامی لردن باشیمیزه کول توکوب لر داش دگیب باشیم یاریلدی نیمه جان یارالی گلدیم «اشعار آئینی» ✍شائر آئینی: مسلم فرتوت(فاخر) #اربعین

نوحه اربعین حسینی. زبان حال حضرت زینب(سلام الله علیها سبک#میگذرد کاروان زینبوی یا حسین غملر ایدوبدی حزین کرب و بلایه گلوب تا که دوتا اربعین ای شه عطشان حسین* قبروه قربان حسین آغلیور عالم سنه *عالمه سلطان حسین بی کفن دلبریم یا حسین لاله ی پرپریم یا حسین --- اهریمنون جوریلن  سالدی آراده سنی تشنه شهید ایلدی کرب و بلاده سنی اوخشیور اهل ولا ارض و سماده سنی ماتم جانسوزوه آغلیور اهل زمین ای شه عطشان حسین قبروه قربان حسین آغلیور عالم سنه عالمه سلطان حسین بی کفن دلبریم یا حسین لاله ی پرپریم یا حسین --- آخدی فراتون سوئی داغ داشا هم چوللره دگمدی بیر جرعه سی تشنه اولان  لبلره اولمادی بیر قطره سو تا ویرلر اصغره ایندی باجون سو سپور قبروه چوخ دل غمین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین --- آلما خبر سن اخا غصه لی پروانه دن آچدی سینیق پرلرین غمزده میخانه دن بیر قره معجر قالوب یاره لی ریحانه دن کسدی سنون دشمنون شامیده یورقون سسین ای شه عطشان حسین*قبروه قربان حسین آغلیور عالم سنه* عالمه سلطان حسین بی کفن دلبریم یا حسین لاله ی پرپریم یا حسین ✍شعر: اکبر پورآقا #اربعین #حضرت_زینب_سلام_الله_علیها اَللّهُمَّ عَجِّل لِوَلیِّکَ الفَرَج

#نوحه #اربعین 🎤کربلایی سعید سلطانی

#اربعین 🏴زبانحال حضرت زینب(س) قارداش باجیلیق رسمی اولارمیش بیله قارداش قارداش ئولومی ضربه ویرارمیش بله قارداش قدیم بوکولوب باش آغاروب فکر ایلمزدیم زینب بو بیابانه دوباره گله قارداش قرخا یاخون اطفالون حسین قرخا گلوبدی قورخوم بودی قرخوندا ربابون ئوله قارداش ای کوینگی اللرده قالان دور سنه قربان گلدی بو چوله شامه گیدن قافله قارداش  آغ ساچلاریمی قبریوون اوسته سررم تا قبرین داشینی ساچلاریم الآن سیله قارداش نامحرم حسین یوخ باش آچوخ آغلارام الان گلدی باجون هم آغلیا هم دینجله قارداش گلدیم سو سپم گوز یاشیلان قبریوون اوسته شرمنده ایدم آب فراتی بله قارداش گئچدی اورگیم گئچدی باشون نوک جدایه دوشدوم باشیوون آردیجا چولدن چوله قارداش وار علتی یاردیم باشیمی کوفه ده نیلوم گوردوم بلشوب نیزه ده باشون کوله قارداش چوخدور یارام، آلنیم یاراسین فاش ایلدیم من قالسون یارالار کوینگون آلتدا هله قارداش غساله منه غسل ویرنده بیله جکدور هانسی یارالار زینبی گتدی دیله قارداش

‍ سوال و جواب اربعین ‍ سوال و جواب اربعین سوال: قرخ گونده بابا اهل حرم مشکله دوشدی یورقون بالالار، بندیده چولدن چوله دوشدی یوللاردا باشین نیزده الدن اله دوشدی یاندی اتگیم دشمنین اخیامی سویاندا چوخ آغلامیشام نیزده قرآن اوخویاندا جواب: جان جان گوزلیم ، آغلاما عالملری یاخما آی تک دوتولوب، بیر بیله، اولدوز کیمی آخما یورقون بالا ، بیرده دولانوب یوللارا باخما یوللاردا ئوزون آگهیدون رمز و رموزه قرآن اوخودوم ، آنّیما داش ویردی عجوزه سوال: سس ویر منه بابا ئورگیم دینجله بیرده دور گویلومی زهرایه گوره آل اله بیرده گوزلر ساتاشور سن سورونن مقتله بیرده وای عمه مه، عمi م نه چکوب شمری گورنده ال باشدا قاچوب دگدی یئره تلّی اننده جواب: دشمن باشیمی کسمگه ، مقتلده تلسدی ظلمت ایکی دنیانی دوتوب ، قاره یل اسدی عمه ن ، دیدی شمره داخی، ظلم ایلمه بسدی مرجان کیمی قان سینمون اوستونده دوزولدی دوتدی کسری ، بارماقینون قانی سوزولدی سوال: بابا چمنون گور نجه ظلمیله سولوبدی باخ گوزلریمه ، ابرِ کیمی گور نه دولوبدی قوللاریمه بیر باخ، نجه گور یول یول اولوبدی بو قمچی یری بنزیری سینونده یارایه سس ویر منه ، دور بیر ایاقا ، گلدیم عزایه جواب: چوخ ویردی سنی زجر جفا پروری گوردوم یولدا یوزوه سیلی ویران اللری گوردوم قاتللر الینده ، قیزیم انگشتری ، گوردوم دورت مین یارا،عمه ن، بدنیم اوسته سایوبدی سینمه ده کی ، یاره گوزلیم توختامیوبدی سوال: بابا بو یانان قلبیده غملر کوزی چوخدی دیندیر علی اصغر آناسین، هیچ حالی یوخدی بو حاله ربابی سالان اوچ شعبه لی اوخدی بالای سرونده ، ئوزونی ساخلیا بیلمور بیکسدی ، حیادن اوجادان آغلیا بیلمور جواب: گوز یاشین ائله آخدی قیزیم دوندی سرابه سن تک گوزلیم ، آغلامیشام منده ربابه چوخ دل یاراسی ویردیلا اول قلبی کبابه گور حرمله نیلوبدی او خونین جگریلن؟ لای لای دیوری اصغریمه چشم تریلن ** بهلول حبیبی زنجانی

زوار الحسین ع تا وار نفسیم یار و هوادار حسینم به به نه سعادت دی که زوار حسینم شکراللها بیر دفعه ده وئردی منه بیر فرصت تا عشق حسینیله تاپام شان و شرافت سالدی باشیما شور ولا شوق زیارت بیر عمریدی عالمده گرفتار حسینم به به نه سعادت دی که زوار حسینم یارب منه احسان ائیلییبوسن نظر ائیله عشقین باغینی لطفویله بارور ائیله بو ناقص اولان سعیمیزی پرثمر ائیله اگهسن اوزون شایق دیدار حسینم به به نه سعادت دی که زوار حسینم چوخلارگزیز عالمده ره سلم و رضانی لبیک دئییب خوشلامیشام منده بلانی قسمت اولا گر بیرده گوره م کرب و بلانی اعلان ائدم عالمه دلدار حسینم به به نه سعادت دی که زوار حسینم وار جاده عشق ایچره عجب شور و حلاوت جاندان آپاریر تاب و توان ،شوق زیارت ششگوشه مزاراولسا دوباره منه قسمت خوشدور که دییم خادم دربار حسینم به به نه سعادت دی که زوار حسینم دنیانی سالیب حیرته زواری حسینین چوخلار قره اگنینده اولوب یاری حسینین عشاقه یازیب دعوتی سرداری حسینین هر یئرده اولام حامی افکار حسینم به به نه سعادت دی که زوار حسینم الله آقامین بزم عزاسی نه گوزل دی جنت دی بیزه کرب و بلاسی نه گوزل دی به به حرمین نقش و نماسی نه گوزل دی گوزیاشلی گلیب منده خریدار حسینم به به نه سعادت دی که زوار حسینم یارب منه وئر معرفت و شوق و بصیرت تا منده اولوم عامل احکام شریعت ایکاش بو درگهده اولام لایق خدمت بیر عمری دی شوقیله عزادار حسینم به به نه سعادت دی که زوار حسینم آقا دی آقام ساییلینی بوش یولا سالماز هر کیمسیه احسان ائلیب باشینه چالماز سلطان کرم دیر بیلیرم وئردیگین آلماز تا وار نفسیم شهره ی بازار حسینم به به نه سعادت دی که زوار حسینم فانوس نئجه نور وئره کوکبه چاتماز دنیا بویی هیچ مدرسه بو مکتبه چاتماز چوخ عاشیق اولار لیک بیری زینبه چاتماز اعلان ائیله دی یار وفادار حسینم به به نه سعادت دی که زوار حسینم قارداشه گوره زینب اوزون سالدی بلایه شاماته گئدیب اولدی اسیر اهل جفایه تا فرصت اله سالدی گلیب کرب و بلایه عرض ائیله دی من قافله سالار حسینم به به نه سعادت دی که زوار حسینم عرض ائتدی حسین قبریوه قربان اولا زینب سس وئر سسیمه قویما پریشان اولا زینب هیهات دوباره سنه مهمان اولا زینب یوخ قارداشیم عباس علمدار حسینم به به نه سعادت دی که زوار حسینم #محمدهوشمند التماس دع

نوحه اربعین..... 📙✍️زبانحال حضرت زینب (س) 🖤🗣️نام اثر ناشناس....فی سبیل الله (ریز خاکی) با صلواتی روحش را یاد کنیم .... بو آلتی گوشه قبروون قربانی قارداش دور پیشواز ائت عترت طاهانی قارداش ای نور عینیم عطشان حسینیم دوشدی ائلیکی زینبون سندن اوزاقه یاندی دل غم دیده سی نار فراقه پوزقون جمالی آی کیمی دوشدی محاقه قویدی تحیرده گوزی بارانی قارداش سندن صورا مسکن بیزه اولدی خرابه حزن و نواو آهیله دولدی خرابه تیر غمیله قلبیمی بولدی خرابه جانه گتوردی زینب نالانی قارداش بیر سقف سیز ویرانه ده یاتدی رقیه بیر ماه تابان تک گجه باتدی رقیه گوزدن بو دنیانی نه تز آتدی رقیه چیخدی گجه یاری اویورقون جانی قارداش .... #کانال_ترکی_مجمع_الذاکرین

نوحه دلسوز اربعین باشیمه یغیب گتدیم ، گتدیم ، غم دیده قیزلاری ، سولان اولدوزلاری آلما خبر سن رقیه دن ای شه زمن قالدی بی کفن ویرانه منزلده اولدی بیلمم ندن اونا اوز معجری کفن اونا آغلارام هرگون من اونا عمری آزاولدی غمی چوخ اونون کیمی مظلومه یوخ جانم حسین جانم ۲شروع قوی عرض ائدوم، قارداش ، قارداش ، شامون بلاسیندن، شمرون جفا سیندن قوی ایلیوم باخبر سنی ویردیلار منی عرشه شیونی قوزاندی زینبین دور گور نه حاله قالمیشام غم غصه دن قوجالمیشام آفاقه ناله سالمیشام کوفه دن شامه یاحسین باتدیم آلامه یاحسین جانم حسین جانم ۲ترکی گلدی سنه مهمان، مهمان ، زینب اوزاق یولدان ای شاه لب عطشان زینب گلوب قبروه حسین شاه عالمین دلده شوروشین گوزلرده گوزیاشلی دور ای وفالی قارداشیم چوخلی بلا گوروب باشیم قانه دونوبدی گوزیاشیم ای شاه بی غسل و کفن بلیم بوکولدی غصه دن جانم حسین جانم ۲ فارسی من آمدم حسین ،حسین ،باسینه سوزان باچشم اشک افشان ازغم دلم خون شده اخا ای شه ولا فخر ماسوا می نالم از داغت خیزو ببین چشم ترم ای با وفا برادرم هجران کشیده خواهرم غم دیده خواهر آمده زینب مضطر آمده جانم حسین جانم ۲ شروع از محنت هجران ، هجران ، جانم بلب آمد جانم به لب آمد ای رهبر با وقارمن افتخار من شهریار من جانم به قربانت خون گشته قلبم از محن از داغ تو ای بی کفن شدم اسیر غصه من ای نور دیده یاحسین قدم خمیده یاحسین جانم حسین جانم ۲

#اربعین #نوحه_تک_زنجیر_زنی ( #سبک :#سو_یوخومدی_قزلاروندان …) دور ایاقه پیشواز ایت ، منِ باغریقانی قارداش باجیوام منی دانیشدیر ، آنامون نشانی قارداش آنام اوغلی اربعینه من زار و خسته گلدیم دولانوب کمانه قدیم ئوره گی شکسته گلدیم گینه گوز یاشیم روانه اولا قبرین اوسته گلدیم گتوروب فغانه دردون هامی انس و جانی قارداش باجیوام دیلون فداسی دیله گل منی دانیشدیر غم اوخیلا آز یانان بو سینمی حسین آلیشدیر آناسی ربابیلن سن علی اصغری باریشدیر سیزه چوخ نوا ایدوبدور بیلورم نهانی قارداش دور ایاقه کاروان غم نینوانی گتدیم سنه نوحه خوان اولان بیر سوری آهوانی گتدیم ولی اوچ یاشیندا قیزدان سنه بیر نشانی گتدیم ئوز الیمله دفن قیلدیم او عزیز جانی قارداش او خرابه شامین ایچره غم آشوب داشوب باشیمدان غم بی کرانه قارداش اوخونار بو گوز یاشیمدان منی چرخ دون آیوردی ستمیله یولداشیمدان غم و محنتینده سالدی باشیما قرانی قارداش غمی باش آنامدان اولدی ئورگینده یاره گیتدی او هزار نازدانه نئجه گور مزاره گیتدی او نحیفه جسمه قارداش کفن اولدی قاره گیتدی ئوز الیمله قبره قویدوم بودی داستانی قارداش سنی ترک ایدن زماندان یوزه گوز یاشیم رواندور گیجه گوندوزی برادر ایشیم آه و الاماندور قد و قامتیم حسینیم بوکولوبدی چون کماندور اریدوب غم فراقون من بینوانی قارداش سنه گل بیان ایدوم من باشیما گلن بلادن باشیما گلن بلادن غم و درد و ابتلادن ره کوفه دن دئیوم یا ره شام پر جفادن باجون ای یارالی باش خوش ویروب امتحانی قارداش ﷽🍁 ﷽ ✨اَللّهُمَّ عَجِّل لِوَلیِّکَ الفَرَج✨

❣﷽❣ ◾️#سینه_زنی_امام_رضا_ع 🔳#ترکی ◾️#آقای_رسولی ای بیزیم مملکتین شاهی رضا آسمان شرفین ماهی رضا ای خراسان گوزلی هامی ایران گوزلی فاطمه یوسف سن شاه مردان گوزلی آقا بیز ایلده سلام گلروخ ادبیله او مقامه گلروخ یعنی پابوس امامه گلروخ قویما دیلدا قالا بو آه رضا آسمانِ شرفین ماه امام رضا آسمانِ شرفین ماه امام رضا ای خراسان گوزلی هامی ایران گوزلی فاطمه یوسفی سن شاه مردان گوزلی ای وران مرکز ایرانه علم سائلوخ بیز ولی سن کان کرم ناز ائدر باغ بهشته اُ حرم ای اورک دردینین آگاهی رضا آسمان شرفین ماهی رضا سنیله روحیمیزین الفتی وار علمین سایه امنیتی وار سنه زائر اولانین عزتی وار جان بولر قبله بو درگاه رضا کربلا منظرسین پوزدی بیزیم عمین عباسه یتیر دردیمیزی شیعه هر درده بولر چارسیدی بیمه ائد قبر یدالاه رضا یوزوه باغلادی همراه رضا … شاه رضا ای خراسان گوزلی هامی ایران گوزلی فاطمه یوسف سن شاه مردان گوزلی ┈••✾•🌿🌺🌿•✾••┈

#نوحه #ترکی #شهادت_امام_رضا 🎤حاج مهدی رسولی #کانال_ترکی_مجمع_الذاکرین

‍ اربعین – زبانحال خانم رباب (س) دور ای آغامون سینه سی اوسته یاتان عطشان آغوشیمه گل صود امر اوغلوم سنه قربان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بو ناله سی افلاکه چیخان بیکس آناندی شاماته گیدندن بالا سندن نگراندی شرمنده دی افسرده دی باغری دولی قاندی آل گویلونی جان اوسته دی بوحالی پریشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ایستر بالالار اولسون آنا سینه سی بستر آغوشینه گلجاق آنادان فوری صود ایستر گل سینمه اصغر منه اوز عشقوی گوستر صود ایسته صودوم اولماسا گر بذل ایدرم جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یاخشی آنالار ایچره منه ویرمسن عزت لیلا ایله اولدوخ بالا هم صحبت و محنت یاننام ولی سندن چکرم حشرجه خجلت سینمده صودوم اولمادی امدون سولی پیکان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم خوش حالوه دفن اولدون اوغول عرش خداده یاتدون یارالی سینه ی شاه شهداده هیهات اولا مثلی بو یرین ارض و سماده خلق ایلیوب اشرف بو یئری خالق منان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم آهو بالاسین اوچی آیر آناسندان آردینجا ملر آهو ال اوزمز بالاسندان صیاد ویران حلقوه پیکان یاراسندان آهو کیمی یاننام ملرم ایلرم افغان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم هر یئرده سو گورم سوسوز احوالوه یاننام یاننام خم آلامیده مین رنگه بویانام ناچار اگر ایچسم بالا روحونن اوتانام چیخماز نظریمنن کی یانوردون سوسوزوندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ویردی باشوی نیزیه تا فرقه ی گمراه گوردوقجا باشون چکدیم اوغول ناله ی جانکاه حقدن بالا ایستردیم ایده عمرومی کوتاه چاره م یوخ اجل لطفونی کسمشدی آناندان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم بیر تک نه سنون فرقتون آرامومی آلدی سر نیزده باشون منی چولدن چوله سالدی بیر نازلی بالامدا بالا ویرانه ده قالدی حسرتله رقیم قوری یئر اوسته ویروب جان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم یوردی باجوی درد و غم و رنج خرابه بختیم کیمی گیتدی دل ویرانه ده خوابه عمه ن سارالان صورتینی قویدی ترابه دفن ایلدی روحین دل ویرانه ده گریان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم دردون دیمه بیگانیه عرض ایله نگاره بو باب الحوایجدی ایدر دردیوه چاره یاز مطلعی آخرده (( پرندا )) دی دوباره دور ای آغامون سینه سی اوسته یاتان عطشان گلدیم سنه لای لای دییم ناله ایدم ایوای دییم بولمم سنه لای لای دیوم یا سس چکوم ایوای دیوم ** حاج محمد پرند

زبانحال حضرت زینب(س) در سر تربت امام حسین (ع) ( سبک : ای ویرن ویرانه یرده ) نیزه ده وارد اولان گون قانلو باشون شامه قارداش ناقه ده گوردون نه خدمت ایلدیم اسلامه قارداش سن او گون که حق یولوندا اهل بیتون گوزدن آتدون حفظ استقلال اسلام اوسته عطشان قانه باتدون پرچمون یاتدی ولیکن پرچم دینی اوجاتدون قانیله یازدون بلالی زینبه برنامه قارداش یازدیقون برنامه سرمشق اولدی بو زار و حزینه رونق دین اوسته دوزدوم هر جفای اهل کینه ایلدیم هنگام فرصت سعی تبلیغات دینه پوزدی تشکیلات کفری قوردوقوم هنگامه قارداش من بو صحرادن گئدن گون پیکرون قالموشدی عریان خار و خس ائتمیشدی تکفین ای قتیل قوم عدوان کیم سنه قازدی بو قبری زینبون بو قبره قربان وار یئری یانسام ئولونجه آتش آلامه قارداش ایلین گونلر آتامیز کوفه شهرینده خلافت کوفه نسوانی تاپاردی دست بوسیمدن شرافت گوردولر تا دستگیرم شمره باشلاندی شماتت ذلّته دوندی او عزّت تُف گله ایّامه قارداش ایله بیر حالتده گوردوم نازنین باشون جداده آیه ی کهفی تلاوت ایلوری اهل عناده ایلدیم ترویج دین و مذهبه منده اراده باشلادیم نطقه علی تک قوم بدفرجامه قارداش آتشین نطقیم شراری منتشر اولدی فضاده قویمادیم قالسون حقیقت نیّری ابر خفاده گئتدیم آخرده بُولورسن مجلس ابن زیاده واریدی اگنیمده گوردون مُندرس بیر جامه قارداش کوفه دن شامه آپاردی بیزلری قوم اراذل یا قَطَب لر اولدی مَرکَب یا بیزه بی پرده محمل هاشمیّاته وئرولدی مسجدِ ویرانه منزل گوندوزوم ویرانه یرده دوندی غمدن شامه قارداش گه آپاردی هندین اوغلی بیزلری بزم شرابه خیزران دوندردی گاهی قلبیمی یانمیش کبابه بیر قیزون ئولدی آجیندان مدفنی اولدی خرابه خدمتیم سن امر ائدن تک گور یتوب انجامه قارداش چیخما بو ویران سرادن ای (( حسینی )) سن کناره وئرمه توضیحات کامل مجلس شرب و قماره قوی قالا ناقص کلامون مختصر بسدی اشاره گر چه چوخ مایلدی یازسون ماجرانی خامه قارداش ** مرحوم سیدرضاحسینی (سعدی زمان)

اربعین ( سبک : سو یوخومدی قزلاروندان …) دور ایاقه پیشواز ایت ، منِ باغریقانی قارداش باجیوام منی دانیشدیر ، آنامون نشانی قارداش آنام اوغلی اربعینه من زار و خسته گلدیم دولانوب کمانه قدیم ئوره گی شکسته گلدیم گینه گوز یاشیم روانه اولا قبرین اوسته گلدیم گتوروب فغانه دردون هامی انس و جانی قارداش باجیوام دیلون فداسی دیله گل منی دانیشدیر غم اوخیلا آز یانان بو سینمی حسین آلیشدیر آناسی ربابیلن سن علی اصغری باریشدیر سیزه چوخ نوا ایدوبدور بیلورم نهانی قارداش دور ایاقه کاروان غم نینوانی گتدیم سنه نوحه خوان اولان بیر سوری آهوانی گتدیم ولی اوچ یاشیندا قیزدان سنه بیر نشانی گتدیم ئوز الیمله دفن قیلدیم او عزیز جانی قارداش او خرابه شامین ایچره غم آشوب داشوب باشیمدان غم بی کرانه قارداش اوخونار بو گوز یاشیمدان منی چرخ دون آیوردی ستمیله یولداشیمدان غم و محنتینده سالدی باشیما قرانی قارداش غمی باش آنامدان اولدی ئورگینده یاره گیتدی او هزار نازدانه نئجه گور مزاره گیتدی او نحیفه جسمه قارداش کفن اولدی قاره گیتدی ئوز الیمله قبره قویدوم بودی داستانی قارداش سنی ترک ایدن زماندان یوزه گوز یاشیم رواندور گیجه گوندوزی برادر ایشیم آه و الاماندور قد و قامتیم حسینیم بوکولوبدی چون کماندور اریدوب غم فراقون من بینوانی قارداش سنه گل بیان ایدوم من باشیما گلن بلادن باشیما گلن بلادن غم و درد و ابتلادن ره کوفه دن دئیوم یا ره شام پر جفادن باجون ای یارالی باش خوش ویروب امتحانی قارداش بو گوزل مزارون اوسته یئری واردی باش آچام من گوز ایوینده تیر درد و غم و محنتی ساچام من باش آچوق یالین ایاق تا سر نهره جک قاچام من گیدوب اوخشیام مزارینده او دلربانی قارداش ** کربلایی فخرالدین اسکندری(جائد ) #اربعیــن_۱۴۰۳ #حضرت_زینب_سلام_الله_علیها #کانال_باب_الحوائج