‍ ‍ 🏴حضرت زهرا سلام الله علیها 🖤🖤🖤 مدینه سنده بیر گوهر یاتوبدی رسول الله گلی پرپر یاتوبدی ملک لر باشینه افسر یاتوبدی سرور قلب پیغمبر یاتوبدی حسینه سویگلی مادر یاتوبدی مدینه ای حسینون زادگاهی قیامتده اقلاً ویر گواهی علینون نیمه شب قوزاندی آهی قرانلیق قبریده گیزلتدی ماهی او تپراقدا مه انور یاتوبدی مدینه بیت الحزانون نجولدی گُلون سولدی گلستانون نجولدی بتول دیده گریانون نجولدی یارالی خسته مهمانون نجولدی یوموبدی گوزلرین مضطر یاتولدی مدینه یاددا ساخلا قال و قیلی پوزوب نمرودیان آل خلیلی قراتدی شعله باب جبرئیلی شل اولسون کیم وروب زهرایه سیلی سولان گلشنده نیلوفر یاتوبدی مدینه سن عجب دل درده ویردون یامان گون فرصتی نامرده ویردون گُل طاهانی دست گرده ویردون فشار قبری پشت درده ویردون همای آرزو بی پر یاتوبدی مدینه نه بلالر وار باشوندا نیه غرق اولدی زهرا گوز یاشندا یازیدون قبرینون باری داشوندا بو مظلوم ئولدی اون سگّیز یاشندا جواندی قد کمان مضطر یاتوبدی مدینه شیعیه بار سفر ویر بنی هاشم محلّیندن خبر ویر گئچه کیم کوچه دن راه گذر ویر قنادسیز قوش گورنده بال و پر ویر اونا خاطر که بی شهپر یاتوبدی علی گوردی چراغلار اولدی خاموش یاتوب همسایه لر ایولرده بیهوش دیدی جانانیمی قیلّام کفن پوش کفن پوش اولسادا اولماز فراموش توک اشکین ای گوزوم گوزلر یاتوبدی الهی مرتضی بی بال و پردی بو تشییعدن مدینه بی خبردی شب دفن گل خیر البشردی سسیمه سس ویرن یدّی نفردی وفاسیز قونشولار یکسر یاتوبدی الهی من کیمم زهرا سنوندی یومولموش دیده شهلا سنوندی گووَرمیش صورت و سیما سنوندی خدا بو خُرد اولان اعضا سنوندی کفنده هستی حیدر یاتوبدی خدایا شاکیم من امّتیمدن منافقلر اوتانمیر رأفتیمدن دفاع ایله اوزون حیثیّتیمدن اوتاندی ذلفقاریم غیرتیمدن کمک یوخ گوز یوموب یاور یاتوبدی بونی طاها منه تاپشوردی گیتدی او مهمان الهی دوردی گیتدی قاپومی اشقیا یاندوردی گیتدی گلوب زهرانی دشمن ووردی گیتدی یان ای دل دیده دلبر یاتوبدی ✍ استاد کلامی ✨اَللّهُمَّ عَجِّل لِوَلیِّکَ الفَرَج✨

گینه یافاطمه گلدیم بو کرملی قاپیا ئوزی حلال مشاکل اوزی نملی قاپیا قویموشام قاره یوزی گوزلری نملی قاپیا آند اولا محسنوه چوخ دویرم بو قاپنی درد الیندن یورولاندا دویرم بو قاپنی فاطمه تپراقا گوهر کیمی دفن اولدی گئجه عالمین گلری زینب یوزی تک سولدی گئجه حیدرین غصه دولان قلبینه غم دولدی گئجه حمل تابوته گلنلر ده گیدیب قالدی علی فاطمه قبرینون اوسته ئوزونی سالدی علی شهر یثربده اوگون گرچه مسلمان چوخودی دفن اولانان صورا زهرا ولی بیر کس یوخودی تک قالوب حیدر ئوزی باشلادی نوحه اوخودی فاطمه نوحه سی گور هاردا هله برپادی نوحه خوان حیدر ئوزی مجتمعی زهرادی

زبانحال امیرالمومنین حضرت علی (علیه السلام) بر مزار حضرت زهرا (سلام الله)   آی عمری آز ملالی چوخ باشی بلالی فاطمه پیمبرون خانم قزی  ئورک یارالی فاطمه   عم اوغلووام فراقدن یوخیا گئتمیوب گوزوم بالالارون یاتوب گئجه بقیعه گلموشم ئوزوم بیرین تاپوب دینمدوم ز بس یانقلیدور سوزوم رضای حقدی اول منیم سوزومه حالی فاطمه   حبیب حیّ داورون اگر چه من حبیبیم اسیر جَوّ محنتم مدینه نون غریبیم او منبریکه من اونون سخنور و خطبیم علینون اوردا قطع اولوب گوزل مقالی فاطمه   صحابه لر اسیر اولوب وطنده هیچ کاریه یانولّا خشکه عود تک ئورکده که شراریه نه وقت اولار اوزاق دوشوب چخانمیور مناریه پیمبرون موذِّنی حبَش بلالی فاطمه   اولوبدی باغلی قوللاریم  مشیّتون طنابینه مواظبم پیمبرون شریعت و کتابینه ائویمده گوشه گیر اولوب اوتورموشام صوابینه نه ایستورم خلافتی نه قیل و قالی فاطمه   شباهتیم وار اول کسه چو غنچه باغریقان اولا امرو مسلمیندن همیشه ناگران قالا گوزونده زهرلی تیکان گلوده استخوان قالا کیم عُمر ائدور جهاندا گور علی مثالی فاطمه   چکنده مسجده منی او قوم پست و بد روان حسین دینده آی ننه حسن دینده الامان دوباره قنفذ دنی سنی ووروب یخان زمان عم اوغلووندا بوینونا دولاندی شالی فاطمه   وئرنده غسلوی گئجه آلولانوب آلیشدی دل باخاردی اشکلی گوزوم جنازووه خجل خجل او ساعتی که پیکرون مزاره تاپدی منتقل صفادن اولدی مرتضی اطاقی خالی فاطمه   خلافتون عواملی علیده گوردی نرمشی قاپیمدا قتل محسنه یتیشدی ثانینون ایشی گرک عیالین حفظ ائده خطر زمانی هر کیشی فلک بو یرده وئرمدی منه مجالی فاطمه   دئمم چتیندی مرد ایچون غم زمانه یوز وئره دیمم چتندی دشمنی ووروب عزیزین ئولدوره چتین بو غمدی هر کیشی چخوب اطاقدن گوره یارالی صحن خانیه دوشوب عیالی فاطمه   عبامی چکدیم اوستووه گورنده حالیوی بهم گوز آچ دئدیم که عم قزی باشوون اوسته که منم دور آشیانه شهپر آچ سن ای کبوتر حرم دئدون نجه اوچا قوشون سناندا بالی فاطمه   نه نوعی هجر دفترین آچوب وَرَقلَه سون علی نجه ائوینده اگلشوب  دیزین قوجاقلاسون علی اوزوندن ایلورم سوال ننوعی ساخلاسون علی او دوُرت کیچیک گوزل باخیش مَلَر غزالی فاطمه   نجه بو قبری تک قویوم دوام ائدوم فراقیوه نجه گئدوم انیس اولوم او بش قالان اطاقیوه دانش گوروم سوزون ندور او دوُرت یتیم اوشاقیوه دئمورسن هئچ نه حالدادور حسینون حالی فاطمه   گونوز چوخ آغلادی حسین گئجه دیل اولمادی دینه بنفشه مثلی بوینونی اوتوردی قوید چیگنینه دئدیم که هر گجون کیمی اوغول منه دانش گینه دانیشدیرانمادیم ولی او خوش مقالی فاطمه   سوزی خلاصه ایلیوم عم اوغلوون سنوب بِئلی بهار زندگانیمی  خزان ائدوب ستم یِئلی پوزولدی غملی صورته توکولدی زینبون تِئلی ئولونجه زلفی تک اولار اونون خیالی فاطمه   مرحوم انور اردبیلی

آی‌عمری آز ، مَلالی‌چوخ باشی بَلالی فاطیمه‌ پیغمبرین خانم قیزی اورَک یارالی فاطیمه‌

‍ ‍ 🏴حضرت زهرا سلام الله علیها 🌷🌷 با مداحی حاج جواد حسن زاده 🌷🌷 ۱۴۰۳/۸/۲۹ 🖤🖤🖤 مدینه سنده بیر گوهر یاتوبدی رسول الله گلی پرپر یاتوبدی ملک لر باشینه افسر یاتوبدی سرور قلب پیغمبر یاتوبدی حسینه سویگلی مادر یاتوبدی مدینه ای حسینون زادگاهی قیامتده اقلاً ویر گواهی علینون نیمه شب قوزاندی آهی قرانلیق قبریده گیزلتدی ماهی او تپراقدا مه انور یاتوبدی مدینه بیت الحزانون نجولدی گُلون سولدی گلستانون نجولدی بتول دیده گریانون نجولدی یارالی خسته مهمانون نجولدی یوموبدی گوزلرین مضطر یاتولدی مدینه یاددا ساخلا قال و قیلی پوزوب نمرودیان آل خلیلی قراتدی شعله باب جبرئیلی شل اولسون کیم وروب زهرایه سیلی سولان گلشنده نیلوفر یاتوبدی مدینه سن عجب دل درده ویردون یامان گون فرصتی نامرده ویردون گُل طاهانی دست گرده ویردون فشار قبری پشت درده ویردون همای آرزو بی پر یاتوبدی مدینه نه بلالر وار باشوندا نیه غرق اولدی زهرا گوز یاشندا یازیدون قبرینون باری داشوندا بو مظلوم ئولدی اون سگّیز یاشندا جواندی قد کمان مضطر یاتوبدی مدینه شیعیه بار سفر ویر بنی هاشم محلّیندن خبر ویر گئچه کیم کوچه دن راه گذر ویر قنادسیز قوش گورنده بال و پر ویر اونا خاطر که بی شهپر یاتوبدی علی گوردی چراغلار اولدی خاموش یاتوب همسایه لر ایولرده بیهوش دیدی جانانیمی قیلّام کفن پوش کفن پوش اولسادا اولماز فراموش توک اشکین ای گوزوم گوزلر یاتوبدی الهی مرتضی بی بال و پردی بو تشییعدن مدینه بی خبردی شب دفن گل خیر البشردی سسیمه سس ویرن یدّی نفردی وفاسیز قونشولار یکسر یاتوبدی الهی من کیمم زهرا سنوندی یومولموش ✍ استاد حاج کلامي زنجانی

زبانحال امام حسین علیه السلام در کنار پیکر بی جان مادر و اشاره با شام غریبان 🌷🌷 با مداحی حاج جواد حسن زاده 🌷🌷 ۱۴۰۳/۸/۲۹ ( آهنگ اوغول علی آغلاما یات) ⚫️🔵 حسینی ترک ایتمه آنا 💎آغلارام یانا یانه یارالیسان گیتمه  آنا 💎آغلارام یانا یانه وای آنام  آنام ایوای 💎💎 آنا اوزون ایله نظر  منده چهره ی زَرده دانیشماسان ئوللم آنا خاطریم گلیب درده آنا منی ساغلیغین کیمی   آل قوجاقیوه بیرده یارالیسان گیتمه  آنا آغلارام یانا یانه 💎💎💎 نیه بو تزلیقدا اُلفَتون   کسمیسن آنا مندن یارالی بلبل کیمی گَل اوچما سن بو گلشندن سنده اگر دویسان آنا دویمیوب حسین سنن یارالیسان گیتمه  آنا آغلارام یانا یانه 💎💎💎💎 بابام رسوله چوخ آغلادون   گلدون آه و افغانه آتام علی قوردی سنه   چولده بیر عزاخانه مدینه اهلی ولی آنا    گتدیلر سنی جانه یارالیسان گیتمه  آنا آغلارام یانا یانه 💎💎💎💎 آنا نچه آیدی اولموسان ائوده غملره هَمدم قانی آخان سینه قویمیوب قول بویون اولاخ باهم بوگئجه گَل گیتمه آنا  یاره وه سالاخ مرهم یارالیسان گیتمه  آنا آغلارام یانا یانه 💎💎💎💎 واریمدی بیرخواهشیم آنا  ایله سن منه احسان اولاندا خولی ائوینده من نصف شب آنا مهمان گوزتلرم من تنوریده  گل سنه ئوزوم قربان یارالیسان گیتمه  آنا آغلارام یانا یانه ⚫️🔵⚫️🔵⚫️🔵⚫️🔵 #حضرت_زهرا_س الاحقر مهدی عبادی ✨

زبانحال حضرت زینب علیها السلام در بدرقه ی مادر (بسیار لطیف و مجلس آرا) گجه گیدیرسن هایانا؟ حَقلیدی زینَبده یانا قال بو گجه ایوده آنا گیتمه ، گیتمه قلبیده وار گورنَه یارام رَحم ایله یالقیزدی آتام کیمه دیوم ئولدی آنام گیتمه ، گیتمه آنا قربانون اولوم ، رَحم ایله بو دیده تَره نصف شب هانسی مُسافر ، گیدَر آیا سفره (ایوای آنام) ۴ وای آنام ایوای آنام ، ایوای آنام ، ایوای آنام دائم آخوب اَشکِ تَرون سیندی آنا بال و پَرون توختامییوب یاره لَرون گیتمه ، گیتمه قویمارام ایودن گیده سن گیتمه سولار باغ و چَمن یاراشموری سنه کَفن گیتمه ، گیتمه بابام آغلار گوزوله ، بوکدی کَفن ، پیکَریوه زینبین ، جانی فدا ، بو اَرییَن پیکَریوه زینبی آغلاتما بیله رحم ایله دورت غنچه گوله ایودن آنا غُربَتیله گیتمه ، گیتمه جامه ی اُلفَت سویولوب غمدن اورکلر اُویولوب کیم گجه قبره قویولوب گیتمه ، گیتمه آنا تابوته باخوب ، زینبیوین گوزی دولار ایندی بولدوم بو سوزی ،قیز آنادان یتیم اولار واردی چَتین بیر سَفریم باشدان آشار غُصّه لریم غملر ایدر خَم ، کَمَریم گیتمه ، گیتمه جامه ی صبری گییَرَم چوخ یارالار باغلییَرَم حسین گیدنده ، دییَرَم گیتمه ، گیتمه گیت آنا قبریده یات ، بیر نچه گون دینجَلَسن یاری یانمیش چادیرا شامِ غریبان ، گَلَسَن #گجه_گیدیرسن_هایانا #حضرت_زهرا_س #فاطمیه التماس دعای فرج الاحقر مهدی عبادی

نوحه خانیم زهرا س شاعرحاج ولی الله کلامی زنجانی ذاکر کربلایی منوچهرحسن زاده زهرا گیدوب الیمدن غمخواریم ئولدی یارب درمان دالیجا گَزدیم بیماریم ئولدی یارب مندن بیری سوروشمور گول تک ندن سارالدون آیا سنه نه گَلدی اوچ دورت گونه قوجالدون حکمت سنوندی الله باشیم بلایه سالدون سن ویرمیشیدون آخِر، سنده الیمدن آلدون دشمنلریم سویوندی چون یاریم ئولدی یارب بیر دردیدور بو هجران الده دواسی یوخدی بو غملی روزگارین حُسن و صفاسی یوخدی وار دورت بالام ایویمده عشرت اساسی یوخدی ناز اورگنوبدی زینب افسوس آناسی یوخدی دل داغلیام بو غمده دلداریم ئولدی یارب غسلین ویرنده لوح آمالی پاره گوردوم تردیده دوشدوم اوّل باخدوم دوباره گوردوم پوشیده ساخلاموشدی من آشکاره گوردوم ایکاش گورمییدیم جسمینده یاره گوردوم ای وای آشنای اسراریم ئولدی یارب اولموشدی بسکه زهرا طاها غمینده مضطر روح الامین گَلردی دیدارینه مکرّر دای فاطمه ئولندن گَلمور او پیک داور گَلسه گورر قالوبدی منزلده خالی بستر دردانه ی رسول مختاریم ئولدی یارب با اینکه قونشولار چوخ ووردی اونا کنایه همسایه لردن امّا هیچ ایتمدی گلایه دوزدی به جای نفرین آچدی دلین دعایه سکناسی بیت الاحزان اولدی بدون سایه جاندان دویوب انیس اذکاریم ئولدی یارب یارب نولوردی زهرا اوچ آیدا ساق قالِیدی راحت دوروب حسینین قول بوینونا سالِیدی محسن صود ایستینده آغوشینه آلِیدی گهواریه سالیدی بیرلایلای چالیدی گل صولدی باغبان گلزاریم ئولدی یارب یاندی قاپوم اوگونکه اود چیخدی آسمانه قولاری مرتضانین باغلاندی ریسمانه زهرا اوحالدا ایتدی جانین سپر بو جانه گل پیکرین گورتدی آثار تازیانه #کربلایی_منوچهر_حسن_زاده

۞﷽۞ زبانحال حضرت زینب(س)درفراق مادرش 🎵درسبک : سنه من آغلاماسام سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا آناجان سنسیز اوزوم/ گولمیه جاخ دردیـمی کیمسـه ولـی/ بولمیه جاخ کیمسه بوگوزیاشیمی/ سیلمیه جاخ واگیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا محنـتـونـده سینـمـی/ داغـلیارام یوزه گوزیاشیمی من / بـاغلیارام بـاخــارام درگـهـیـوه / آغـلیارام سـنــه مـن آغلاماسام ئوللم آنا سیـنـمـی داغلاماسام ئوللم آنا یـاسیوی ساخلاماسام ئوللم آنا بـار غم یوردی سنی/چوخ آنا جان قامتون غمندن اولوب/بیرده کمان گـلـشـن عـمــرون آنـا/ایتدی خزان سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قلبیمی غم شرری/گورنـه سیخیر صبرائوین پایه سینی/غصه یخیر زینبون سنسیز آنـا/چوخ داریخیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یـادیـمـه غـصـه لـرون / سالّام آنـا دردیـوی جـانـیـمـه مــن / آلّام آنـا ائـوده سنسیزنجه مـن / قالّام آنـا سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قـانـیـن الله قـانیدی / بـاتمیاجاخ دشـمـنون مقصدینه / چاتمیاجاخ مرامون بـاتمیوب هیچ/باتمیاجاخ سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یازدی(عاجز)سنه چون/دیل سوزونی مـنـتـظـر قـویـمــا قـالا /سـن گوزونی دعوت ائت قبریوه قوی/سون یوزونی سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا این شعربرحسب الامربرادر عزیزم جناب آقای کربلایی رحیم صمدی نوشته شده است ❇️التماس دعا 📝علی جعفری(عاجز تبریزی) #فاطمیه (۱۸) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

سبک واحد حضرت زهرا (س) ____ غربت ئولکده فاطمه غریبم یوخدی بیر کسیم غملره اسیرم جانه گلموشم بو جهاندان آخر فاطمه داخی بیر حزین و پیرم گل گئتمه زهرا.. من ایلورم تمنا گل گئتمه زهرا... قالام غریب و تنها گل گئتمه زهرا... بو قلبی ائتمه یغما ( ایوای یارالی ایوای یارالی زهرا) ۳ __ باخ بو گوللره گور نئجه سولوبلار باخ بولوط کیمی گوزلری دولوبلار غصه دن حسن قلبی اوتلانوبدی هئچ دانیشموری چوخ بونی یوروبلار رحم ایله زهرا... بو زینب حزینه گل قویما تنها... ای روح بی قرینه زندان اولار چون... اخر بیزه مدینه ( ایوای یارالی ایوای یارالی زهرا) ۳ _ زکات علم نشرآن است سیامک پندی خاکسار التماس دعا ✨اَللّهُمَّ عَجِّل لِوَلیِّکَ الفَرَج✨