#غزل #التجاء_به_محضر_حضرت_مهدی_عج گئجه گوندوز منه ناله نگاریم یار اولوب سنسیز ایشق گون گوزلریمده،تاجداریم تار اولوب سنسیز منی سر رشته ی عشقون اسیر ایتموش ازل گوندن او سر رشته بوغازیمده طناب دار اولوب سنسیز گویول ملکی فراقونده خرابه منزله بنزیر گلوب گویا بلا سیلی اورک آوار اولوب سنسیز بومرغ روحیمه دنیا قفسدور هجریدن،گل گور نه نوعی مرغ دل دلدن دوشوبدور زار اولوب سنسیز طبیبیم گل طبیبانه مریض عشقوه چک باش غریق محنت و هجران ،نجه بیمار اولوب سنسیز وجودیمده رمق یوخدی داخی هجرانه دلداریم تن رنجوریمی چکماق،بیلیمده بار اولوب سنسیز بو خسته جانیمی گل آل و یا قورتار بو هجرانی داخی یول گوزلماخ دائم منه تکرار اولوب سنسیز ایشیتدی بسکه #ادریسی"لب اغیاریدن طعنه دیور هر گون منه دنیا،نگاریم تار اولوب سنسیز اشعار شاعر جوان تبریزی #کربلائی_محمد_ادریسی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨