‍ میلادیه حضرت امام زمان عَجّلََ اللهُ تعالی فَرَجَهُ الشَّریف سبک : شبانگاهان #دستگاه شور 🪴🪴🪴🪴🪴🪴🪴🪴 نسیم اسدی باغ زهرادن عالمه عطر جانفزا گلدی سولان گلشنلرآچوب گوللر روی دنیایه خوش صفا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 ئوپوب نرجس چشم شهلاسین شوقیدن ناگه آخدی گوزیاشی اومولود پاک وزیبانی لطف ائدوب الله اولدی پاداشی سریب قونداقه پرین فطرس اولدی اولدوزلارنقل وشاباشی بواجلاله نوح وعیسادن عرش اعلادن مرحبا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 چراغاندور نور سبحاندان باغ رضوان تک هرایکی دنیا گلوبلر بوجشن میلاده آدم وحوا مریم وسارا جلوس ائیلوب صدر مجلسده سینه سی یاره گولمین زهرا اوجا بیر سس خلق اولوب ناگه عرش اعلادن بو ندا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 بومولوده عرش وفرش اهلی قائل اولدی چوخ حرمت وعزت ملکلر گوگلرده سسلندی قویدی الله یئر اهلینه منت چیخوب زهرانون گونی گوگده توپراقا یاغدی بارش رحمت یازیلدی گوگلرده بوجمله عالمه فخر ماسوا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 ولی اصغر عالمه گلجک یثربین شهری عدنه دونموشدی مهاجر قوشلار تک آل الله شهر بطحادن نیمه شب کوشدی ربابین اصغر قوجاقینده چیخمامیش قرخی چوللره دوشدی گورون سیز دیل آچمیان دیلسیزچوللری گزدی تا هارا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 نئچه گون بو تئز سوزن اولدوزعرش محملده چولده گورسندی چیخاندا گون گوزلرین آچدی گون باتانداکیپریکری اندی غرض محمللرده چوللرده بعضی ایمالر گولمک اورگندی تبسم ائتدیکجه لبلردن بوی ریحان دلگشا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 چاتوب بیر گون باغلانوب یوللار خیمیه ساری تشنه لبلر، های رباب آغوشه آلوب اوغلون هی دئدی لایلای یات بالام لایلای گهی لایلای یات گولوم لایلای گه دئدی دیلسیز اصغریم ایوای آلوب آغوشه سوسوز اوغلون عرصیه اوغول هم آتا گلدی گلور زهرانون امام اوغلی علینون قائم مقام اوغلی مقدمی دنیایه مبارکدی 🪴🪴🪴🪴 آچوب یورقون گوزلرین نهره باخدی دقتله آهوی زیبا یایور گوردی دشت وصحرایه مهر زهرانی بی وفا دریا اوحالدا بیر ظلمه ال ووردی دشمن ارذل خصم بی پروا گورن فکر ائتدی حسین الده بیر گوزل قانلی پرهما گلدی 🪴🪴🪴🪴🪴🪴🪴🪴 ✨اَللّهُمَّ عَجِّل لِوَلیِّکَ الفَرَج✨

سرود ولادت حضرت رقیه سلام الله علیها اهنگ:به دیدن من بیا مهتاب در اومد #دستگاه شور خانم رقیه گل باغ وفادی سه ساله ی فاطمه روحه صفادی دونوبدی یثرب بو گون جنانه گلوب رقیه بو گون جهانه کعبه عشق و وفا حاجیسی گلدی اکبر شه زاده نین باجیسی گلدی ایت بیزه احسان خانم آدیوا قربان (۴) ای شاه کرب وبلانین افتخاری شیعه لرون وار سندن چوخ انتظاری درده دواسن خانم رقیه روحه صفاسن خانم رقیه عنایت ایله بیزه ویر عیدیانه سسلروک آدون خانم بیز عاشقانه ایت بیزه احسان خانم آدیوا قربان (۴) (مخالف) یا رقیه خانم غم ایلمه سن احساس قارداشیندور علی عموندور چون که عباس سپهر عصمتین دان اولدوزی سن سن رقیه علی اکبرین دادی دوزی سن سن رقیه سه ساله قهرمان حسین قیزی سن سن رقیه گوزلدی آدین گوزل رقیه دیوان عشقه غزل رقیه حلقه عشقین قاشی سن سن رقیه نغمه لرین سوز باشی سن سن رقیه ایت بیزه احسان خانم آدیوا قربان (۴) عشقیوی ویرمم سنون بو کهکشانه بیر توکون دیر خانم کل جهانه ای نازدانه خانم رقیه گل مدینه خانم رقیه قول باغلی گیدوب خانم سن شامی آلدون یزیدی تخدن یره یوز اوسته سالدون ایت بیزه احسان خانم آدیوا قربان (۴) عزیز هر دو جهان سه ساله زهرا سلاله ی حیدری امید دلها زینبله چاتدون خانم مرامه تسلیم ایدوبسن شامی امامه زهرایه بنذر یوزون اولوبدی نیلی دگوب یوزوه سنون آنان تک سیلی ایت بیزه احسان خانم آدیوا قربان (۴) (مخالف) یا رقیه خانم غم ایلمه سن احساس قارداشیندور علی عموندور چون که عباس سپهر عصمتین دان اولدوزی سن سن رقیه علی اکبرین دادی دوزی سن سن رقیه سه ساله قهرمان حسین قیزی سن سن رقیه گوزلدی آدین گوزل رقیه دیوان عشقه غزل رقیه حلقه عشقین قاشی سن سن رقیه نغمه لرین سوز باشی سن سن رقیه ایت بیزه احسان خانم آدیوا قربان (۴) فرشته ی کوچک کرب و بلاسن سرتا به پا سن خانم عین زهراسن سفیر کرب و بلا خانم رقیه عزیز اهل ولا خانم رقیه کعبه ی عشقین بو گون حاجیسی گلدی اکبر شه زاده نین باجیسی گلدی ایت بیزه احسان خانم آدیوا قربان (۴) عمه صاحب زمان گلوب جهانه دخت شه آسمان گلوب جهانه آدیوه قربان نه دلربادی دختر شاه کرب و بلادی کعبه ی عشقین بو گون حاجیسی گلدی اکبر شه زاده نین باجیسی گلدی ایت بیزه احسان خانم آدیوا قربان (۴) ✍️ شاعر علیرضا علوی زنجانی ✨اَللّهُمَّ عَجِّل لِوَلیِّکَ الفَرَج✨

سرود ولادت حضرت رقیه سلام الله علیها اهنگ:به دیدن من بیا مهتاب در اومد #دستگاه شور