🍂دوبیتی شهادت حضرت علی علیه السلام 🍂 بو گجه شاه ولا الدن گئدور مرتضی شیر خدا الدن گئدور آغلیور ارض و سمالر بو گجه چون شه مشکل گشا الدن گئدور بی پدر قالدی یتیملر کوفه ده بیلدیلر میر هدا الدن گئدور بالش نازه اولار باش قویمادی چون هامی درده دوا الدن گئدور دین و قرانه علی وئردی جلا مسلمینه رهنما الدن گئدور ذوالفقار الده چالیشدی جنگیده یار خوب مصطفا الدن گئدور حقی ناحق ائتمدی هئچ بیرزمان معدن جود و سخا الدن گئدور ابن ملجم ویردی ضربت باشینه توختاماز باشدا یارا الدن گئدور زینب و کلثومه افغان ایلیوب سسلیوبلر وای بابا الدن گئدور باخدی تابوته ابالفضل جوان آغلیوب اول با وفا الدن گئدور قول بویون اولدی حسین عباسیله ائتدیلر آه و نوا الدن گئدور (طیبان) آغلا پوزولموش گلشنه روزگاریدن صفا الدن گئدور #شهادت_حضرت_علی_علیه_السلام #شب_بیست_یکم_رمضان

🎤بانوای زنده یادمرحوم محمدباقرمنصوری اردبیلی ‍ روضه شب شهادت حضرت علی(ع)        (معمولا آتا جان ویرنده کیچیک قارداشی بویوک قارداشا تاپشرار اما امیرالمومنین گوزلرین آچدی گوردی حسن صاقندا حسین صولوندا زینبین ایاقنون آلتندا پس هایاندادی ابوالفضل؟ خانم زینب عرض اله دی آتا جان) بو ایوده خاطر عباس لحظه دینجلمور اوگی بولور ئوزونی قارداشیم ایوه گلمور چاغور اونی بوگوزل گوزلراوستونه قاش اله ال اله ویر بولاری کربلایه یولداش اله (آقا بویوردی حسن دور ایاقا  حسین دور ایاقا گدین یاپوشون بالام ابوالفضلین الرینن دیون بابام سنی چاغرور ؛ گلدی ایلشدی ایاق طرفده امیرالمومنین چاغردی اوغلوم گل حسینیمون کنارینده ایلش اونان ابوالفضلین الین آلدی الینه حسینون الین قویدی ابوالفضلین الینه دیدی ابوالفضل حسینیمی سنه تاپشرورام ) علی ئولنده خانم زینبی وران یوخودی حسین ئولنده ولی زینبی دوین چوخودی علی باشندا فقط اوندا بیر یارا واریدی امان حسین یاراسینان یوخویدی میزانی #شهادت_حضرت_علی_علیه_السلام ✨اَللّهُمَّ عَجِّل لِوَلیِّکَ الفَرَج✨

🏴شهادت حضرت علی (علیه السّلام) 🏴 🎶سبک_ویرانه_ده_نازلو_بالام . ✍مرحوم کریمی مراغه ای .. .. ای تیغ زهر آلودیله مسموم آتام لای لای یرمی بش ایل خانه نشین مظلوم آتام لای لای مظلوم آتام لای لای .. .. ای ذوالفقارین صاحبی دوشدون نه تئز دلدن قلبون داریخمیشدی مگر بو فانی منزلدن گوگلونده قالدی سوزلرون یاننام بو نسکلدن قویدون بیزی دیداریوه محروم آتام لای لای مظلوم آتام لای لای .. .. ای عارف واصل بحق نولدون نماز اوسته آخدی یاراندان سیل تک قان جانماز اوسته قویدون بلالی زینبی سوز و گداز اوسته شمشیر آتشباریله مصدوم آتام لای لای مظلوم آتام لای لای .. .. سندن صورا غمدیده لر غمخوار سیز قالدی دلدادگان معرفت دلدار سیز قالدی چوخ بیوه زنلر بو گیجه افطار سیز قالدی گوزلر یولون چوخ کودک معصوم آتام لای لای مظلوم آتام لای لای .. .. دور گور نجه او غلون حسین اشکین ایدر جاری سولدی حسینون غصه دن گلرنگ رخساری دور ایت فغان و ناله دن ساکت علمداری باشین آچوب زلفین یولور کلثوم آنام لای لای مظلوم آتام لای لای #ماه_مبارک_رمضان #شهادت_حضرت_علی_علیه_السلام

سومین روزشهادت امیرمومنان ،حضرت علی(ع) ✍اثرطبع:محمـــــــدیِ ناعم 🏴🏴🏴🏴 اوچ گوندی علی ترک الیوب دارفنانی اوچ گوندی یاتوب قبریده مصداق معانی اوچ گوندی حسن یاسه باتوب غرق المدی اوچ گوندی حسینون غمی بیحدّو رقمدی اوچ گوندی اولوب زینب مظلومه عزادار سسلورباباجان غملرووه،زینبون آغلار اوچ گوندی سولوب باغ وفا،گلشن احساس اوچ گوندی دیورنوحه ویرورباشینه عباس اوچ گوندی اولوب کوفه نون ایتامی سیه پوش اوچ گوندی ائدورقان هاموسی،صودیرینه نوش اوچ گوندی باتیب مهرفروزان شرافت اوچ گوندی سینوب قائمه ی عرش عدالت اوچ گوندی یوموب گوزلرینی ناطق قرآن اوچ گوندی اولوب فاطمیه عدنیده مهمان اوچ گوندی بلی قانه باتیب هیکل تقوا گونلرقاباقیندابدنی قالمییوب امـــــــــــــا کافوربهشتیله اولوب جسمی معطر اجلال تمایله اولوب دفن اوسرور امایادیمادوشدی گینه غصه لی جریان جسمی یارالی،گون قاباقینداشه عطشان نه غسل اولونوب،کفن اولونوب نه اوفلک جاه تاخیره قالوب دفنی،ایا امت آگــــــــــــــــــاه بیرمحنتی وار،ایلوراثر خُردوکبیــــــــــــــره سجادآقابوکدی بدنین کهنه حصیره آغلارگوزیله قبره قویوب اوغلی آتاسین گویلرده قوروبدورآناسی بزم عزاسیــــن شاهون سینه سی اوسته یاتوب نازیله اصغر دفن اولدی ایاق التدا صورا پیکر اکبر "ناعم"سوزه وئرخاتمه،مجمل قالا مطلب محشرده وئرراجرووی زهراقیزی زینب 🏴🏴🏴🏴 #شهادت_حضرت_علی_علیه_السلام