وصییت حضرت زهرا (س) به امیرالمومنین (ع) سبک : یارالاندیم یارالاندیم یارالاندیم گل عمو اوغلی ائداخ صحبت غنیمتدی نئچه ساعت صورا وقت شهادتدی ‍ اولموشام عمرودن خسته باشیمی آل دیزون اوسته ئولورم من ئولورم من ئولورم من ای ازلدن اولان زهرایه پیرایه منه ای هر ائکی دنیاده سرمایه دوقوز ائیل باشیمه سن سالموسان سایه منیلن گل ائداخ صحبت بولورم یوخ داخی مهلت ئولورم من ئولورم من ئولورم من سن دانیش کسب فیض ائیلوم کلاموندن آلموشام جان تازه هر مراموندن دویمادیم آند اولا زینب سلاموندن دوت الیمدن قیام ائیلوم سنه بیرده سلام ائیلوم ئولورم من ئولورم من ئولورم من گل اورکدن منیم رفع ملال ائیله سوزون اولسا اگر مندن سوال ائیله آز اولوب خدمتیم گرچه ، حلال ائیله داخی یوخدور منه فرصت سنه چوخ وئرمیشم زحمت ئولورم من ئولورم ئولورم من باشیم اوسته اوخی قران سنه قربان اولا بلکه منیم بو دردیمه درمان یئتشوب جان دوداقیمه گلور هجران نئچه آیه اوخی قران صوتیوه فاطمه قربان ئولورم من ئولورم من ئولورم من سنه واردور نئچه عرضیم بو ساعتده بیر بودور غسلیمی وئر جای خلوتده گئجه دفن ائیله بو جسمی نهایتده واردی بو عریضمه برهان قبریمی سن ائله پنهان ئولورم من ئولورم من ئولورم من ائله کی آی ایشقلاندی چیخوب کوکب کشف اولار غسل ائدن وقته سنه مطلب قویما گورسون او دَم رخساریمی زینب بو نئچه وقتیده هرآن آخی یوز دوتموشام اوندان ئولورم من ئولورم من ئولورم من بیرده لطف ائیله ای شاهنشه والا قویما محشر گونی #شیدا اولا رسوا بیزه خاطر یازور نوحه ائدور نجوا قویوب آدون بیزه نوکر اولما راضی اولا مضطر ئولورم من ئولورم من ئولورم من #فاطمیه_۱۴۰۲ #وصیت_حضرت_زهرا ✍محمدرضا‌صادقی‌شیدا ۷ آذرماه ۱۴۰۲

🌸عرض ارادت و عرض سلام محضر آقا علی بن موسی الرضا 🌸 🎶سبک : از نگاه یاران به یاران ندا میرسد... ای شهنشه مُلکِ ایران سَلَٰامٌ عَلَیک افتخار خاک خراسان سَلَٰامٌ عَلَیک ( ای رضارضاجان ، رضاجان ، سَلَٰامٌ عَلَیک ) ۲ خلق ائدوب رضاجان سنی تک حقِ لَم یَزَل خلقت ایچره یوخدی بو عالمده سن تک گوزل شان و مرتبتده مُسلّم سنه یوخ بدل ای جمالی گون تک درخشان سَلَٰامٌ عَلَیک قوزیوبدی عرشه سنلین باشین مُلکِ طوس اُول حریمِ پاک ایچره ائیلر مَلَکلر جُلوس حور و جن و انس و ملک دور سنه پای بوس ماسوایه ای شاه و سلطان سَلَٰامٌ عَلَیک زینت خراساندی قبرون سنون ای رئوف آبروی ایراندی قبرون سنون ای رئوف کعبه فقیراندی قبرون سنون ای رئوف رشک کعبهء حیِّ سبحان سَلَٰامٌ عَلَیک افتخارِ مُلکِ عَجمدور آقا مَرقدون عرشِ حقّه بَنزَر یقیناً گوزل گنبدون یوسفی قویار مات و حیران اوجا مَسندون فخر ائدر سنه پیرِ کنعان سَلَٰامٌ عَلَیک ای ایکی جهانه حریمی اولان آبرو ائیلمز او صحنی گورنلر بهشت آرزو آبِ زمزمیله گرکدور آلا تا وضو کیمسه اولسا اُول صحنَه مهمان سَلَٰامٌ عَلَیک مرحبا سنه ای امام رئوف و حبیب جدّی مُصطفی تک اولان ای عفیف و نجیب شیعه نین اولان دردینه ای جهاندا طبیب آدون ای بوتون درده درمان سَلَٰامٌ عَلَیک هرکیمون اولا دردی ائیلر او مُلکه سفر چون بولور کی ائیلر آقاسی او شخصه نظر مشکلی اولار حل سن ائتسن نظر مختصر قویماسان قالا تا پریشان سَلَٰامٌ عَلَیک فخر ائدر ازلدن سنه چون بوتون کائنات اِذنِ حقّیلَن تحتِ امرونده دور ممکنات گوز تیکوبدی #شیدا سنه در حیات و ممات مور تک اَلا ای سلیمان سَلَٰامٌ عَلَیک ✍محمدرضاصادقی‌شیدا #دهه_کرامت #ولادت_امام_رضا_علیه_السلام

🌺🌼🌿🌺 🌼🌿🌺 🌿🌺 🌺 🌴در آروزی زیارت حضرت ثامن الحجج (ع)🌴 نه اولار منده گلوب طوسیده مهمانون اولام نه اولار زائر دربار خراسانون اولام نه اولار پنجره فولاده دوشه بیر نظریم ئولممیش شاهد گلدسته و ایوانون اولام نه اولار قوش ڪیمی من صحن و رواقینده سنون پر آچوب شاهدگلزار و گلستانون اولام نه اولار بیر دولانام باشیوه پروانه ڪیمی هم یانوب عشقیوه هم شمع شبستانون اولام نه اولار بیر دوشنوب پای ضریحونده آقا گوزی یاشلی اوخیوب نوحه نواخوانون اولام نئچه مدتدی سنون درگهوین سائیلیم نه اولار بیرگئجه ده خادم ودربانون اولام سنی زهرا جانی گل دعوت ایله طوسیده من بیر گئجه ریزه خور سفره احسانون اولام چکورم مرقدیوین حسرتینی صبح و مسا قویما حسرت او گوزل قبریوه ، قربانون اولام دوزدی من عبد ذلیلم ولی #شیدا یم آقا ایسته پابوسیوه گل قویم

🌹#ازدواج_حضرت_علی_و_حضرت_فاطمه_س 🌹#سبک_یار_مبارک_بادا 🌹#سرود 🌹#ترکی 🎤مداح :کربلایی سعید سلطانی ✍شاعر:محمد رضا صادقی شیدا 💫💫💫💫💫💫💫💫💫💫 خطبهء عقد اوخوری گویده  اوزی  حیّ جلی سَپوری فاطمه نون       باشینا گل یرده علی پخش ائدون نقل و نبات دوداقوزدا           صلوات یار مبارک بادا ان شاءالله مبارک بادا بزییوب عرشینی حق       بو گئجه اوز کوثرینه فاطمه چون گئدوری      دلبرینون محضرینه  ایکی دلبر طویودی      یاس پیمبر طویودی شیعه لر شادلیق ائدون مکه ده حیدر طویودی وار نه شوق   بی قرین ساق دوشی روح الامین یار مبارک بادا ان شاءالله مبارک بادا یازدی تا لوحیده حق        فاطمه نی کفو علی فاطمه قوزادی باش         دلبرینه وئردی  بلی  فاطمه بلی دئین  لحظه ده    مولا سویونوب عرشیده حضرت حق فرشیده طاها سویونوب فاطمه وئردی بلی گولدی زهرایه علی یار مبارک بادا ان شاءالله مبارک بادا ال چالور یرده بشر        دُخت پیمبر طویودی سسلوری گویده ملک     ساقی کوثر طویودی  بو گئجه عرش خدا    مین  نئچه رنگه بویانور مکّه ده چون بو گئجه آی باشینا گون دولانور طوی دوتوب شیر خدا شاد اولوب   خیر الورا یار مبارک بادا ان شاءالله مبارک بادا تا وئروبلر ال اله     ختم نبی      ائتدی دعا دئدی   یارب  بولارا  حشره کیمی وئرمه بلا ساخلا زهرانی دئدی سنده  امانتدی  ، علی گل کیمی ، باخ بونا هر عضوی سلامتدی علی دوت   الیندن  مرتضا اینجیسین اولما رضا یار مبارک بادا ان شاءالله مبارک بادا هر آنا رسیمیدی سالسون یولا اوز دخترینی قارداشی اولسا ائدر   بدرقه   اوز خواهرینی اولمادی قارداشی #شیدا بو  نبی اولدوزونون نه  آنا  اولدی  سَپَه  سو  دالسینجا   قئزنون گوزلری   آغلار     قالوب سینه سی داغلار قالوب باخدی هی ساق و صولا حیف آناسیز دوشدی یولا